നമ്മുടെ ബൂലോകം

ആലീസ് ചീവേല്‍

2012-01-13T17:37:00.007+05:30

ആലീസ് ചീവേല്‍ : ലക്ഷക്കണക്കിന്‌ മലയാളികളുടെ ജീവന്റെ പ്രതിഷേധ സ്വരമായി സ്വരമായി സോഷ്യല്‍ മീഡിയ സജീവ സാന്നിധ്യമായ ഈ സ്ത്രീ സാന്നിധ്യം അങ്കത്തട്ടിലേക്ക് ഇറങ്ങിക്കഴിഞ്ഞു. നമ്മളില്‍ പലരും ലോഗിന്‍ ചെയ്യുമ്പോള്‍ മാത്രം ഉയര്‍ത്തുന്ന പ്രതിഷേധ സ്വരത്തിന്റെ പാതയിലൂടെ പോകാതെആസന്നമായിരിക്കുന്ന പിറവം ഉപ തെരഞ്ഞെടുപ്പില്‍ സ്ഥാനാര്‍ത്തിത്വം പ്രഖ്യാപിച്ചു കൊണ്ട് മുല്ലപ്പെരിയാര്‍ പ്രശനത്തില്‍ അധികൃതരോടുള്ള പ്രതിഷേധം അറിയിക്കുകയാണ് ഈ സ്ത്രീ ശബ്ദം. ഒപ്പം സാമൂഹ്യ പ്രസക്തിയുള്ള പല പൊതു പ്രശ്നങ്ങളിലും തന്റെ നിലപാട് വ്യക്തമാക്കുകയും ചെയ്യുന്നു. നമ്മുടെ ബൂലോകം പ്രതിനിധി ശ്രീ ആഷ് ലി നടത്തിയ വിര്‍ച്വല്‍ അഭിമുഖത്തില്‍ നിന്നും

1. ആലീസ്‌ എന്ന വ്യക്തി ആന്‍ഡ്‌ ബാക്ക്ഗ്രൌണ്ട് ?

സമുഹത്തിലെ സാധാരണയിലും സാധാരണ മനുഷ്യ ജീവി എന്നതിലപ്പുറം മറ്റൊരു അവകാശ വാദവുമില്ല. മനുഷ്യന് മാത്രമായി തനിച്ചൊരു നിലനില്‍പ്പ്‌ ഇല്ലെന്നും ജീവജാലങ്ങളെയാകെയും, പ്രകൃതിയെത്തന്നെയും ആശ്രയിച്ചാണ് മനുഷ്യന്‍ നിലനില്‍ക്കുന്നതെന്നും ഞാന്‍ വിശ്വസിക്കുന്നു. വ്യക്തി പരമായോ, സാമൂഹിക പരമായോ, വിദ്യാഭ്യാസപരമായോ നാം നേടുന്നതൊന്നും നമ്മുടെ മാത്രം കഴിവ് കൊണ്ടല്ല. ഞാന്‍ ശ്വസിക്കുന്ന വായു പ്രകൃതിയുടെ ഔദാര്യമാണ്‌. എനിക്ക് നിലനില്‍ക്കാന്‍ പ്രകൃതി നല്‍കുന്ന ഊര്‍ജത്തിന് എനിക്കാവും വിധം ഊര്‍ജം മടക്കി കൊടുക്കുക. വിശാലമായ ലോകത്തിലേക്കുള്ളതാണ് എന്റെ വഴിയെന്ന്... ജീവിതയാത്രയിലെ പ്പോഴോ എനിക്കു കിട്ടിയ തിരിച്ചറിവാണ്....

ഒരു സ്ഥാനാര്ത്ഥി ആവുകയോ തെരഞ്ഞെടുപ്പില്‍ വിജയിച്ച് ഒരു എം എല് എ ആവുകയോ അല്ല എന്റെ ജീവിത ലക്ഷ്യം. ഒരിക്കലും ഞാന് ഇഷ്ടപ്പെടാത്ത വഴിയാണത്. ഇടുങ്ങിയതും സ്വാര്ത്ഥവുമായ കക്ഷിരാഷ്ട്രീയ ചട്ടക്കൂടുകളില് പെട്ടുപോകുകയെന്നുള്ളത് അചിന്തനീയം. രാഷ്ട്രീയമെന്നത് രാഷ്ട്രത്തെ സംബന്ധിക്കുന്നത്എന്ന തിരിച്ചറിവോടുകൂടി രാഷ്ട്രീയത്തേയും ജനാധിപത്യത്തേയും പരിപൂര്ണ്ണമായി ബഹുമാനിക്കുന്നു. എന്നാല് ഇന്ന് നിലവിലുള്ള മലിനമായ കക്ഷിരാഷ്ട്രീയ സ്വാര്ത്ഥത ജനസമൂഹത്തെ ചിന്നഭിന്നമാകുകയും ലോകത്തെത്തന്നെ തുലയ്ക്കുകയും ചെയ്യുന്ന കാഴ്ച അത്യന്തം ഭീതിജനകമാണ്. ഇതിനെതിരെ (ലോകത്തിലെ മൊത്തം കറപ്ഷനെതിരേയും) ജനം ഉണര്ന്നു പ്രവര്ത്തിക്കേണ്ട കാലം എന്നേ അതിക്രമിച്ചിരിക്കുന്നു. ഇക്കാലഘട്ടത്തിലെ സ്വാര്ത്ഥതയ്ക്കെതിരെ അധികാരഭ്രമത്തിനെതിരെ ജനങ്ങളുടെ പ്രതികരണത്തിലൊന്നെന്ന നിലയില് ജനങ്ങള് മുന്നോട്ടു വയ്ക്കുന്നൊരാളായി ജനങ്ങളുടെ നാവായി, പ്രവര്ത്തിയായി മുന്നില് നില്ക്കാന് പലരും പറഞ്ഞപ്പോള് അതിനെക്കുറിച്ച് ആലോചിച്ചുകൊണ്ടിരിക്കുന്നു എന്നു മാത്രം. തോല് വിയോ ജയമോ അല്ല ഇവിടെ പ്രധാനം. ജനാധിപത്യത്തിന്റെ മുഖംമൂടിയണിഞ്ഞ സ്വേച്ഛാധിപതികള്ക്കെതിരെ നമ്മുടെ സ്വരം കേള്പ്പിക്കുക.

എനിക്കു പകരം മറ്റാര്ക്കു വേണമെങ്കിലും ഈ ദൌത്യം ഏറ്റെടുക്കാം. പകരം വരുന്ന ആളുടെ സ്വരം നിസ്വാര്ത്ഥവും സുതാര്യവും ശക്തവുമെങ്കില് അവര്ക്കൊപ്പം എന്നും ഞാനുമുണ്ടാവും.
എനിക്ക് തെരുവിലിറങ്ങാനാണ് ഇഷ്ടം. തെരുവാണ് എനിക്ക് വഴികാട്ടി. അവിടെ നിന്നുമാണ് ജീവിതത്തെ കുറിച്ച് എന്തെങ്കിലും ധാരണ കിട്ടിയത്. ചിത്ര കലയിലായാലും സാഹിത്യത്തിലായാലും ഒരു മാര്‍ഗ ദര്‍ശിയായി തെരുവ് ഉണ്ടാവും എന്ന് വിശ്വസിക്കുന്നു. തെരുവ് മതേതരയായ ഗുരുവാണ്. സഞ്ചാരങ്ങള്‍ കലാ സാഹിത്യത്തിനു ഊര്‍ജം പകരുന്നു. അതുകൊണ്ട് തന്നെ ആരൊക്കെ പിരിഞ്ഞു പോയാലും എനിക്ക് സ്വന്തമായി തെരുവുണ്ടാവും. എന്റെ ഈശ്വര സങ്കല്പ്പത്തില് പ്രകൃതിയിലെ സകല ചരാചരങ്ങളുടെയും ആകത്തുകയാണ് ഈശ്വരന്‍ .. ഒരാളുടെ പ്രാര്‍ത്ഥന ഈശ്വരനോട് എന്തെങ്കിലും യാചിച്ചു കൊണ്ടാവേണ്ടതില്ല. ഈശ്വരന്റെ സഹായി ആവുക. ഈശ്വരന്റെ സഹായി ആവുക എന്നാല്‍ പ്രകൃതിയുടെ സഹായി ആവുക എന്നോ പ്രകൃതിയെ സേവിക്കുകയെന്നോ ആണ് എന്ന് ഞാന്‍ കരുതുന്നു. തെരുവില്‍ കണ്ണില്ലാത്തവനു കണ്ണായും കയ്യില്ലാത്തവനു കൈയ്യായും നാക്കില്ലാത്തവനു നാക്കായും പ്രവര്‍ത്തിക്കുക.
മനുഷ്യന്‍ തകര്‍ത്തു തരിപ്പണമാക്കിയ പ്രകൃതിയുടെ സന്തുലിതാവസ്ഥക്ക് വേണ്ടി ഇനിയെങ്കിലും ഊര്‍ജിതമായി പ്രവര്‍ത്തിക്കേണ്ടിയിരിക്കുന്നു. മുല്ലപ്പെരിയാര്‍ വിഷയം ഒരു നിമിത്തമാണ്. ഇത് ചിലത് തിരിച്ചറിയാനും പ്രവര്‍ത്തിക്കാനുമുള്ള പ്രകൃതിയുടെ ആഹ്വാനമാണ്. നമുക്ക് മുന്നില്‍ എന്ടോ സള്‍ഫാന്‍ വിതച്ച ദുരന്തമുണ്ട്. അഗ്നിപര്‍വത മേഖലയില്‍ സ്ഥാപിക്കാന്‍ പോകുന്ന കൂടംകുളം ആണവ നിലയം നമ്മെ തുറിച്ചു നോക്കുന്നുണ്ട്. പണം നേടാന്‍ ഏതു വിഷവും ഭക്ഷ്യ വസ്തുക്കളില്‍ കയറ്റുന്നവര്‍ . നാലാം ലോക ജനതയെ ഗിനിപ്പന്നികളെക്കാള്‍ മോശമായി കണ്ടു മരുന്ന് കച്ചവടത്തിലൂടെ കൊഴുക്കുന്ന കോര്‍പറെററ് ഭീമന്മാര്‍ .. യുദ്ധങ്ങള്‍ വിതച്ചു ആയുധ വില്‍പ്പനയിലൂടെ കൊഴുക്കുന്ന വ്യാപാരി ലോകം. സമൂഹത്തില്‍ ഏറ്റവും താഴെക്കിടയില്‍ ഉള്ളവന് സ്കൂളിന്റെ പടി കടക്കാന്‍ ആവാത്ത വിധം വിദ്യ കച്ചവടം ചെയ്യുന്നവര്‍ ... മുല്ലപ്പെരിയാര്‍ വിഷയം പ്രാദേശ വല്‍ക്കരിച്ച് കണ്ണടച്ചിരിക്കുന്ന അധികാരികള്‍ .. രാജ്യത്തിന്റെ അഘണ്ടതയെ മാനിക്കാത്ത ജന പ്രതിനിധികള്‍ ... എന്റെ, നിങ്ങളുടെ, സമൂഹത്തിന്റെ, അധികാരി വര്ഗ്ഗത്തിന്റെ, ഭരണകൂടത്തിന്റെ വിഷലിപ്തമായ മുഖം. കാലാകാലങ്ങളായി ഈ വിഷമാണ് പ്രകൃതിയെ, ജീവനെ, ജീവിതത്തെ തകര്‍ത്തിരിക്കുന്നത്. ഭാവിതലമുറയുടെ മാനസികവും ശാരീരികവും സാമൂഹികവുമായ ആരോഗ്യകരമായ നിലനില്പിനു വേണ്ടി, തുടര്ച്ചയ്ക്കു വേണ്ടി പ്രവര്ത്തിക്കേണ്ടിയിരിക്കുന്നു.

ഇനിയും നമ്മള് കടന്നു ചെല്ലേണ്ട സാമൂഹികമായ നിരവധി വിഷയങ്ങളുണ്ട്. നമ്മള് പരിഹരിക്കേണ്ടവ. അത് നമ്മുടെ ഏവരുടേയും ധര്മ്മമാണ്. അതിനു വേണ്ടി നമുക്ക് ഒരുമിച്ച് പ്രവര്ത്തിക്കാം... പ്രകൃതിയുടെ ധാനമായ ഈ ആയുസ്സ് അതിനായി ഉപയോഗിക്കാം.

എന്റെ വ്യക്തിപരമായ കാര്യങ്ങള്‍ക്ക് ഇവിടെ എന്തെങ്കിലും പ്രസക്തി ഉള്ളതായി തോന്നുന്നില്ല. എങ്കിലും എന്നോട് ആവശ്യപ്പെട്ട സ്ഥിതിക്ക് ചുരുക്കി പറയാം.
എറണാകുളം ജില്ലയില്‍ ഇടപ്പള്ളിയിലാണ് ജനനം. ചിത്ര ശൈലം സ്കൂള്‍ ഓഫ് ഫൈന്‍ ആര്‍ട്സില്‍ നിന്ന് ചിത്രകലയും ഡിജിറ്റല്‍ വിഡിയോ ഫിലിംമേക്കിംഗ് പഠനത്തിനും ശേഷം ഇപ്പോള്‍ ഇംഗ്ലീഷ് ലിറ്ററെച്ചറില്‍ ബിരുദം ചെയ്യുന്നു. ജീവിതത്തില്‍ ചിത്രകലയും സാഹിത്യവും കൂട്ടുണ്ടെങ്കിലും ഉപജീവന മാര്‍ഗമായി ഗ്രാഫിക് ഡിസൈനിംഗ് ചെയ്യുന്നു. മഹാമുദ്ര എന്ന പേരില് സ്ഥാപനം രജിസ്റ്റര് ചെയ്തിട്ടുണ്ട്. ഡിസൈനിംഗ് സ്ഥാപനം എന്നതിനേക്കാളുപരി ഭാവിയില് കലകളുടെ സംഗമവേദിയായി മഹാമുദ്രയെ ഉയര്ത്താനാണ് ഞാന് ആഗ്രഹിക്കുന്നത്....എന്നും മഹത്തായമുദ്ര പതിപ്പിക്കാന്. അതിലേക്ക് ഒരിക്കല് തിരിച്ചറിവുകളുടെ കാലത്തില് കലാകാരന്മാരുടേയും കലാകാരികളുടേയും പ്രവാഹമുണ്ടാകുമെന്ന് സ്വപ്നം കാണുന്നു. പ്രതീക്ഷിക്കുന്നു. വിവാഹിത. മകളുണ്ട്.

2. Malayalam Online ലോകത്ത് നടക്കുന്ന പൊളിറ്റിക്കല്‍ ചര്‍ച്ചകള്‍ ശ്രദ്ധിക്കാറുണ്ടോ?

Ans: ശ്രദ്ധിക്കാറുണ്ട് പലപ്പോഴും എന്റേതായ പല അഭിപ്രായങ്ങളും പ്രകടിപ്പിക്കാറുണ്ട്.

3. വലതു ഇടതു പക്ഷങ്ങള്‍ മാറി മാറി ഭരിക്കുന്നത് കേരളത്തിനു ദോഷം ചെയ്യും എന്നു കരുതുന്നുണ്ടോ? ഒരു പാര്‍ട്ടിക്ക് അടുപ്പിച്ചു 15 കൊല്ലം ഭരണം കിട്ടിയിരുന്നെങ്കില്‍ നല്ലതു എന്നു തോന്നുന്നുണ്ടോ?

Ans: ഇടതും വലതും തമ്മില്‍ പേരിലല്ലാതെ മറ്റൊരു വ്യത്യാസവും അനുഭവപ്പെടുന്നില്ല. ഒരുകാലത്ത് മത മൌലിക വാദത്തില്‍ നിന്നും വര്‍ഗീയതയില്‍ നിന്നും അകന്നു നിന്ന ഇടതു കഷിയല്ല ഇന്ന് കാണുന്നത്.

അവര്‍ മാറി മാറി ഭരിക്കുന്നതു വഴി ഒരു സര്‍ക്കാര്‍ കൊണ്ട് നിര്‍ത്തുന്ന പ്രവര്‍ത്തനം അടുത്ത സര്‍ക്കാരിന്റെ വരവോടെ തകിടം മറിയുന്നു. വികസനം എന്നത് റോഡുകള്‍ ഉണ്ടാക്കാലോ പാലങ്ങള്‍ പണിയലോ എന്നതിനേക്കാള്‍ സമൂഹത്തില്‍ ഏറ്റവും താഴെക്കിടയില്‍ കിടക്കുന്നവരുടെ ഉയര്‍ച്ച ലക്ഷ്യമാക്കിയുള്ള പ്രവര്‍ത്തനമാണ് വേണ്ടത്. ഉദാഹരണത്തിന് പണം ഇല്ലാത്തവര്‍ക്ക് കൊള്ളാവുന്ന വിദ്യാഭ്യാസം ലഭിക്കാത്ത അവസ്ഥയാണ് നിലനില്‍ ക്കുന്നത്. പ്രാഥമിക വിദ്യാഭ്യാസം പോലും വിവിധ തട്ടുകളില്‍.

തുടര്‍ച്ചയായി ഒരു കക്ഷി ഭരണത്തില്‍ ഇരുന്നതിന്റെ ദൂഷ്യ ഫലം ഇന്ന് പശ്ചിമ ബംഗാള്‍ ജനത അനുഭവിക്കുന്നുണ്ടല്ലോ.

4. ഓണ്‍ ലൈന്‍ ആള്‍ക്കാര്‍ കൊച്ചിയിലും മറ്റും നടത്തിയിരുന്ന പരിപാടികളില്‍ പങ്കെടുക്കുകയോ, കാണുകയോ ചെയ്തിരുന്നോ?

Ans: കണ്ടിരുന്നു, അറിഞ്ഞിരുന്നു. ചപാത്തിലും കോട്ടയത്തും രണ്ടു തവണ ഞങ്ങള്‍ കുറച്ചുപേര്‍ ചെല്ലുകയും അവിടെ കഷ്ടപ്പെടുന്ന ജനങ്ങളെ കാണുകയും അവരോടു അവരുടെ പ്രശ്നങ്ങല്‍ സംസാരിച്ചു മനസിലാക്കാന്‍ ശ്രമിക്കുകയും അവരോടൊപ്പം ഐക്യ ദാര്ദ്യം പ്രഖ്യാപിക്കുകയും ചെയ്തു.

യഥാര്‍തത്തില്‍ നന്മയുടെ ശബ്ദങ്ങള്‍ , പ്രവര്‍ത്തികള്‍ മാത്രമാണ് പസക്തം. നന്മ ലക്ഷ്യമാക്കി പ്രവര്‍ത്തിക്കുന്ന ഒരുപാട് ആളുകളുണ്ട്... ഏവരുടെയും കൂടെ ചേര്‍ന്ന് പ്രവര്‍ത്തിക്കാന്‍ താല്പര്യപ്പെടുന്നു.. കൊച്ചിയെന്നോ തിരുവനന്തപുരമെന്നോ കോഴിക്കൊടെന്നോ ഒതുങ്ങി പോകാതെ എല്ലാ ജില്ലകലിലുമുല്ല എല്ലാ ഗൂര്‍പ്പുമായും ചേര്‍ന്ന് പ്രവര്‍ത്തിക്കുന്നു.. ഇനിയും രംഗ പ്രവേശം ചെയ്യാത്ത ആളുകളെ ഇതിലേക്ക് കൊന്ദുവരാഉമ് ശ്രമിക്കുന്നു. നിങ്ങളുടെ എല്ലാവരുടെയും സഹകരണവും പ്രതീക്ഷിക്കുന്നു.

5. നമ്മുടെ പൊളിറ്റിക്കല്‍ പാര്‍ട്ടികള്‍ മുല്ലപെരിയാര്‍ എന്ന വിഷയം, അധികാരത്തില്‍ കയറാനുള്ള ഒരു തന്ത്രം എന്നതില്‍ കവിഞ്ഞു, മുല്ലപെരിയാര്‍ പ്രശ്നത്തിനു വേണ്ടിയാണ്, പ്രവര്‍ത്തിക്കുന്നത് എന്നു തോന്നാത്തതു കൊണ്ടാണല്ലോ, ആലീസ് ഈ തീരുമാനം എടുത്തതു. അതുകൊണ്ടു തന്നെ, അധികാരത്തില്‍ വന്നാല്‍ ഈ വിഷയത്തെ എങ്ങനെ സമീപിക്കും ?

Ans: രാഷ്ട്രിയ പാര്‍ട്ടികള്‍ അധികാരത്തില്‍ കയറാനുള്ള ഒരു തന്ത്രമായിട്ടാണ് മുല്ലപെരിയാര്‍ പ്രശ്നം ഉയര്‍ത്തിയത്. പിറവം തിരഞ്ഞെടുപ്പ് ഇല്ലായിരുന്നെങ്കില്‍ ഈ പ്രശ്നം ചിലപ്പോള്‍ മുന്‍ കാലങ്ങളിലെ പോലെ മെല്ലെ പോകുമായിരുന്നു എന്നുതന്നെ വിശ്വസിക്കുന്നു. പിറവം തിരഞ്ഞെടുപ്പു തീര്‍ച്ചയായും അതിനു വേഗത കൂട്ടി. കഴിഞ്ഞ ജൂലൈ മുതല്‍ ഇടുക്കിയിലും സമീപ പ്രദേശത്തും ഇരുപതോ അതിലധികമോ ഭൂചലനങ്ങളുണ്ടായിട്ടും പിറവം തിരഞ്ഞെടുപ്പു ആസന്നമായതൊടെയാണ് കേരളത്തിലെ രാഷ്ട്രീയക്കാര്‍ മത്സര ബുദ്ധിയോടെ പ്രവര്‍ത്തിക്കാന്‍ തുടങ്ങിയത്.

തെരഞ്ഞെടുപ്പു ഉടനെ നടക്കില്ലെന്ന സൂചന കിട്ടിയതും രാഷ്ട്രീയക്കാര്‍ പിന്‍വാങ്ങിയതും ചേര്‍ത്തു വായിച്ചാല്‍ അവരുടെ കപട മുഖം വെളിപ്പെടും.

ഞാന്‍ എന്നതല്ല നമ്മള്‍ ഇപ്പോള്‍ അധികാരത്തില്‍ വന്നാലും ഇല്ലെങ്കിലും കക്ഷി രാഷ്ട്രീയ സ്വാര്തതയ്ക്കെതിരെ, ജാതിമത അധിനിവേശത്തിനെതിരെ സര്‍വോപരി തിന്മയ്ക്കെതിരെ പ്രതികരിക്കുന്ന ജനക്കൂട്ടം ഉണര്‍ന്നിരിക്കുന്നു എന്നാ തെളിവ് ആണ് ഈ ഇലക്ഷന്‍ ....ഇവിടന്നങ്ങോട്ട്‌ നമ്മുടെ പ്രതിനിധികള്‍ വരും ഇലക്ഷനുകളിലും മത്സരിക്കുകയും ഭരണ രംഗങ്ങളില്‍ ഇടപെടുകയും നീതിക്ക് വേണ്ടി നിലനില്‍ക്കുകയും ചെയ്യും. ഭൂരിപക്ഷമുള്ള ഒരു സര്‍ക്കാരിനെയോ, ശക്തരായ പാര്‍ട്ടിക്കരെയോ നേര്‍ക്കുനേര്‍ ഏറ്റുമുട്ടുംബോള്‍ , എത്രത്തോളം ഫലവത്താകും എന്നറിയില്ലെങ്കിലും ജനങ്ങളെ പങ്കെടുപ്പിച്ചുകൊണ്ട് നമ്മള്‍ ആദ്യം ചെയ്യുക, ഡാം പൊട്ടിയാല്‍ ഉണ്ടായേക്കാവുന്ന നാശനഷ്ടങ്ങളുടെ ആക്കം കുറക്കാന്‍ ശ്രമിക്കുക എന്നതാണ്.രാഷ്ട്രീയക്കാര്‍ പറയുന്നതു പോലെ ഉടനെ പുതിയ ഡാം അല്ല മറിച്ച്, നമുക്ക് ഇപ്പോള്‍ വേണ്ടത്, സുരക്ഷയാണ്, ജനങ്ങളുടെ സുരക്ഷ, ജീവിത മാര്‍ഗ്ഗങ്ങളുടെ സുരക്ഷ, ജൈവ സംവിധാനങ്ങളുടെ സുരക്ഷ, എന്നിവയാണ്. അതുറപ്പാക്കാന്‍ വേണ്ടി ജയിചാലും തോറ്റാലും പ്രവര്‍ ത്തിക്കും. മുല്ലപെരിയാര്‍ പ്രശ്നം സര്‍ക്കരിന്റെ അടിയന്തര ശ്രദ്ധ കിട്ടേണ്ട പ്രശ്നങ്ങളില്‍ ഒന്നു മാത്രമാണ്. അഴിമതി നിര്‍മ്മാര്‍ജനം, മാലിന്യ നിര്‍മ്മാര്‍ജനം, കേരളത്തിനു നഷ്ടപ്പെട്ടു പോയ പച്ചക്കറിയും, നെല്‍ക്യഷിയും തുടങ്ങിയവ ഇങ്ങനെ അടിയന്തര സ്വഭാവമുള്ള പ്രശ്നങ്ങളാണ്. ഇവ മനസ്സിലാക്കുവാനും അതിനു വേണ്ടി പ്രവര്‍ ത്തിക്കാനും നമ്മള്‍ ശ്രമിക്കും

6. കേരളത്തിന്റെ കണക്കുകള്‍ , പ്രത്യേകിച്ചു ഭൂകംബങ്ങളുടെ എണ്ണം തെറ്റാണന്നു തമിഴ്നാട് വാദിക്കുന്നു. ഈ കണക്കുകള്‍ Media report ചെയ്യുന്നതല്ലാതെ, Geology Department ന്റെ പല റിപോര്‍ ട്ടുകളുമായി ഒത്തു നോക്കിയോ?

Ans: ജുലൈ 2010 നു ശേഷം 20 ഭൂചലനങ്ങള്‍ ഇടുക്കിയിലും സമീപപ്രദേശ്ശങ്ങളിലും ഉണ്ടായതായി CESS സമ്മതിക്കുന്നു. എന്നാല്‍ മുല്ലപ്പെരിയാര്‍ പ്രദേശത്ത് 4 ഭൂചലനങ്ങളേ ഉണ്ടായിട്ടുള്ളൂ എന്ന് തമിഴ്നാടും വാദിക്കുന്നു. CESS ന്റെ അനാലിസിസ്സ് അനുസരിച്ച്, Zone 3 ലാണ്, മുല്ലപ്പെരിയാര്‍ . Zone 3 എന്നാല്‍ 6.5 വരെ റിക്റ്റര്‍ സ്കെയിലില്‍ ഭൂചലനം ഉണ്ടായേക്കാവുന്ന പ്രദേശമാണ്. തമിഴ്നാടു പറയുന്ന 4 ഭൂചലനങ്ങള്‍ മാത്രം എടുത്താല്‍ പോലും , ഒരു അപകടം പതി ഇരിക്കുന്നു എന്ന് നമുക്കു കരുതാതെ വയ്യ. ഒരു ദുരന്തം ഉണ്ടാകാന്‍ വേണ്ടി കാത്തിരിക്കാന്‍ എന്തായാലും സാദ്ധ്യമല്ല. അതിനാല്‍ പ്രശ്നങ്ങള്‍ ഉണ്ടാകുന്നതു ഒഴിവാക്കുകയാണ്, വേണ്ടത്. 2001 ലെ ഗുജറാത്ത് ഭൂചലനങ്ങള്‍ ഉണ്ടായപ്പോള്‍ അതിന്റെ പ്രതിചലനങ്ങളും അലയടികളും ഇങ്ങു കേരളം വരെ അനുഭവപെട്ടതു ആരും മറന്നു പൊകാന്‍ സാദ്ധ്യതയില്ല. അതിനാല്‍ നാം ചെയ്യേണ്ട കാര്യങ്ങള്‍ , പ്രശ്നങ്ങള്‍ ഉണ്ടാകുന്നതു വരെ കാത്തു നില്ക്കാതെ പ്രതിവിതിയെ ക്കുറിച്ച് വ്യക്തമായി ആലൊചിച്ച്, അത് നടപ്പാക്കാന്‍ ശ്രമിക്കുകയാണ്, വേണ്ടത്

7. ഡാം പൊട്ടിയാല്‍ , ഒരു ജീവിതം പൊയാലോ, ഒരാളുടെ ജീവിത മാര്‍ഗം പോയാലോ, അത് ഒരു ദുരന്തം തന്നെ ആണ്. എങ്ങനെ ആയിരുന്നാലും 5 ജില്ലകള്‍ വെള്ളത്തിനടിയില്‍ ആകും എന്നതിനു scientific facts ഉണ്ടോ?

Ans:ഈ ചോദ്യത്തിനു ഒട്ടനേകം വാദഗതികള്‍ ഉണ്ട്. മുല്ലപ്പെരിയാര്‍ മാത്രമാണ്, തകരാറിലാകുന്നതെങ്കില്‍ , തിയറി മാത്രം നോക്കി പറഞ്ഞാല്‍ , മുല്ലപ്പെരിയാറിലെ വെള്ളം ഇടുക്കി ഡാമില്‍ കൊള്ളാവുന്നതേ ഉള്ളു. എന്നാല്‍ , ഡം തകര്‍ ന്നാല്‍ , ഗുരുത്വാകര്‍ഷണശക്തിയുടെ വേഗതയില്‍ പാഞ്ഞു വരുന്ന വെള്ളം ഇരുവശത്തും ഉള്ള കരകളെയും കരയിലിരുവശ്ശത്തുമുള്ള മരങ്ങളെയും വീടുകളെയും തകര്‍ത്തു കൊണ്ടായിരിക്കും വരിക. ആ പാചിലിനെ തടഞ്ഞു നിര്‍ത്താന്‍ ഇടുക്കി അണകെട്ടിനു ആകുമോ എന്നു കണ്ടറിയണം . അങ്ങനെ താങ്ങാന്‍ കഴിഞ്ഞില്ലെങ്കില്‍ ഉണ്ടായേക്കാവുന്ന

ഭവിഷ്യത്തുകളാണ്‍ 5 ജില്ലകളെ ബാധിക്കും എന്ന് പറയപ്പെടുന്നത്. ചിലപ്പൊള്‍ അതൊരു വിദൂര സാദ്ധ്യതയായേക്കാം. എന്നലും ഒരു ഭാഗ്യ പരീക്ഷണത്തിനു നാം മുതിരാന്‍ പാടില്ല.

8. കോടതി പരാമര്‍ശിച്ചതും , ജയലളിത, കൊടുത്തതുമായ ഒരു മുഴുവന്‍ പേജ് പത്രപരസ്യം കണ്ടിരുന്നോ? അതിലെ കണക്കുകള്‍ , ന്യായങ്ങള്‍ എന്നിവ വികാരത്തിന്റെ പുറത്തല്ലാതെ, facts, കണക്കുകള്‍ , ഉപയോഗിച്ച് എങ്ങനെ ഖണ്ഢിക്കാം ?

ജയലളിത തമിഴ്നാട്ടിലെ ഒരു പ്രാദേശിക രാഷ്ട്രീയ പാര്‍ട്ടിയുടെ നേതാവും തമിഴ്നാടിന്റെ മുഖ്യമന്ത്രിയുമാണ്. ജയലളിതയുടെ മുല്ലപ്പെരിയാര്‍ പ്രശ്നത്തെക്കുറിച്ചുള്ള പത്രപരസ്യം കാണുന്ന ഏതൊരു മലയാളിക്കും, പിന്നെ ഈ വിഷയം നല്ലവണ്ണം പഠിച്ച ഏതൊരു തമിഴ്നാട്ടുകാരനും മനസ്സിലാകും, ധാരാളം വസ്തുതകള്‍ മറച്ചുപിടിച്ചാണ്, ജയലളിത പ്രസ്താവന നടത്തിയതു എന്ന്.
സുപ്രീം കോടതിയുടെ വിമര്‍ശനം ക്ഷണിച്ചു വരുത്തിയ ഒരു പത്രപ്രസ്താവന കൂടിയാണ്, ആ പരസ്യം . വാക്കാലുള്ള കോടതിയുടെ നിരീക്ഷണങ്ങള്‍ പോലും രാഷ്ട്രീയ ഉദ്ദേശത്തോടെ പ്രസ്താവനയില്‍ ഉള്‍പ്പെടുത്തിയത്, കോടതി വിമര്‍ശ്ശിച്ചിരുന്നു. കേരള ജനതക്ക് എന്നു പരാമര്‍ശ്ശിക്കപെട്ടെങ്കിലും ആ പരസ്യം തമിഴ് വികാരം ഇളക്കിവിടാന്‍ പോന്നവയായിരുന്നു. ഒരു രാഷ്ട്രിയ ഉദ്ദേശ്ശത്തിനപ്പുറം, ഒരു പ്രതിവിധിക്കോ അല്ലെങ്കില്‍ പോം വഴിക്കോ വേണ്ടിയുള്ള പ്രയത്നം ആ പ്രവര്‍ ത്തിക്കുണ്ടായിരുന്നതായി എനിക്കു തോന്നിയിട്ടില്ല

9. തമിഴ്നാട് മീഡിയ, അവിടെയുള്ള സാധാരണ ജനങ്ങളെ തെറ്റിധരിപ്പിക്കുന്നു എന്നു നിങ്ങള്‍ വിശ്വസിക്കുന്നു. എങ്കില്‍, തമിഴ്നാട്ടിലെ സാധാരണ ജനങ്ങളുടെ support എങ്ങനെ നേടാം ?

Ans: തമിഴ്നാട്ടിലെ സന്നദ്ധ സംഘടനകളെയും NGO കളെയും നമുക്കു കൂട്ടുപിടിക്കാം. അതു പോലെ തന്നെ, സുഹ്യത്തുക്കള്‍ വഴിയും , Social Media Network ളായ Facebook, Twitter, മുതലായവഴിയും , കേരളത്തിലും മറുനാടുകളിലും പണിയെടുക്കുന്ന തമിഴ് ജനത വഴിയും നമുക്ക് തമിഴ്നാട്ടിലെ ജനങ്ങളുമായി അടുക്കാനും അവരുമായി ചിന്തകള്‍ പങ്കിടുവാനും സാദ്ധിക്കും .

10. തമിഴ്നാട്ടില്‍ മലയാളികള്‍ പ്രശ്നം നേരിട്ടു കൊണ്ട് ഇരിക്കുകയാണ്. അതു സാധാരണ ജനങ്ങളുടെ വികാരമായി കരുതാമോ? അതോ ഏതെങ്കിലും തീവ്രവാദ സ്വഭാവമുള്ള ഗ്രൂപ്പുകള്‍ മുതലെടുക്കുകയാണു എന്നു തോന്നുന്നുണ്ടോ?

Ans: തീര്‍ച്ചയായും വിഘടനവാദികളെയും കലക്കവെള്ളത്തില്‍ മീന്‍ പിടിക്കാന്‍ ശ്രമിക്കുന്ന പ്രാദേശിക അവസരവാദി രാഷ്ട്രീയ നേതാക്കളെയും , തീവ്രവാദ സ്വഭാവമുള്ള സംഘടനകള്‍ മുതലാക്കാന്‍ ശ്രമിക്കും എന്ന സാദ്ധ്യത ഒരിക്കലും തള്ളിക്കളയാന്‍ സാധിക്കില്ല. ദൈനന്ദിന ആഹാരതിനു എല്ലുമുറിയെ പണിയെടുക്കുന്ന സാധാരണക്കാരായ പാവം തമിഴ് കര്‍ഷകന്, ഈ പ്രശ്നങ്ങളില്‍ ഇടപെടാന്‍ സമയം കിട്ടുന്ന കാര്യം സംശയമാണ്

11. Online മലയാള ലോകത്ത്, പല പല ഗ്രൂപ്പുകളില്‍ ആലീസ് ആക്റ്റീവായിട്ടുണ്ടോ? ഉണ്ടെങ്കില്‍ അതിന്റെ ലിസ്റ്റ്?

Ans: ഫേസ്ബുക്കില്‍ പല ഗ്രൂപ്പുകള്‍;ഇലും സജീവമായിട്ടുണ്ട്.. സമൂഹത്തെ ബാധിക്കുന്ന വിഷയങ്ങളില്‍ ഇ/മീഡിയ വഴി അക്ഷരങ്ങളിലൂടെ സംവധിക്കേണ്ട ഇടങ്ങളില്‍ ഇടപ്പെടാരുമുണ്ട്. അതിലുപരി വാക്കുകളേക്കാള്‍ പ്രവര്‍ത്തിയിലാണ് ഞാന്‍ വിശ്വസിക്കുന്നത്. സമൂഹത്തില്‍ ഇറങ്ങി ജനമദ്ധ്യത്തില്‍ അവരുടെ പ്രശ്നങ്ങള്‍ക്ക് ഒരു പരിഹാരം ഉണ്ടാക്കുവാനാണ് കൂടുതല്‍ സമയം ചിലവഴിക്കാന്‍ ഉദേശിക്കുന്നത്. അങ്ങനെ പ്രവര്‍ത്തിക്കാന്‍ പല ഗ്രൂപ്പുകളും നമ്മോടു ചേരുന്നുണ്ട്. തിരുവനന്തപുറത്തു വിളപ്പില്‍ ശാലയുമായി ബന്ധപ്പെട്ടു പ്രവര്‍ത്തിക്കുന്ന സമരസമിതിയുമായും ഹരിത വിപ്ലവം ലക്ഷ്യമാകി പ്രവര്‍ഹിക്കുന്ന ഗ്രീന്‍ കംമ്യുനിട്ടിയുമായും ചേര്‍ന്ന് സമൂഹത്തില്‍ ഇമ്പ്ലിമെന്റ് ചെയ്യേണ്ട ലൈഫ് ലോങ്ങ്‌ പ്രൊജക്റ്റ്‌ പ്ലാന്‍ ചെയ്തു ഞങ്ങള്‍ പ്രവര്‍ത്തനം നടത്തുന്നുണ്ട്. മറ്റു സാംസ്കാരിക സംഗടനകലുമായും സ്ത്രീപക്ഷ സങ്ങടനകലോടോപ്പവും പ്രവര്‍ത്തിച്ചു വരുന്നു. സ്വതന്ത്രമായി പലയിടങ്ങളില്‍ പ്രവര്‍ത്തിച്ചു വന്നിരുന്ന പല ആളുകളും ഒത്തുചേര്‍ന്നു വലിയോരുകൂട്ടമായി സമൂഹത്തിലെ എതൊരു പ്രശ്നങ്ങളിലും ശക്തമായി ഇടപെടാനുരച്ച്ചു PASE എന്നാ പേരില്‍ ഒരു സ്വതന്ത്ര സംഖടന രൂപീകരിച്ചിട്ടുണ്ട്...അതിലേക്കു നന്മ ലക്ഷ്യമാക്കി പ്രവര്‍ത്തിക്കാന്‍ കഴിവുള്ള വ്യക്തികള്‍ക്ക് സ്വാഗതം. ഇനി വരുന്നൊരു തലമുരയെങ്ങിലും സ്വതന്ത്ര ചിന്തയുള്ള കര്മാശേഷിയുള്ളവരായിത്തീരാന്‍ ഏറെ പ്രവര്ത്തിക്കെണ്ടിയിരിക്കുന്നു.

12. അണ്ണാ ഹസാരയുടെ ലോക്പാല്‍ ബില്ലിനെ അനുകൂലിക്കുവാനും / എതിര്‍ക്കുവാനും
ഉള്ള 3 കാരണങ്ങള്‍ പറയാമോ?

Ans: അഴിമതി നടമാടിക്കൊണ്ടിരിക്കുന്ന നമ്മുടെ സമൂഹത്തില്‍ അഴിമതിക്കെതിരെ ഉയര്‍ന്നു വരുന്ന ഓരോ ശബ്ദവും സ്വീകരിക്കപ്പെടണം. ആര് പറയുന്നു എന്നതിനേക്കാള്‍ എന്ത് പറയുന്നു എന്നതിലാവണം ശ്രദ്ധ. വ്യക്തികള്‍ വരും പോകും ആശയങ്ങള്‍ നിലനിക്കുന്നു... അത്തരത്തില്‍ ആണ് ഉയര്‍ന്നുവന്നതെങ്കില്‍ അണ്ണാ ഹസാരെയുടെ ശബ്ദം സീകരിക്കപ്പെടണം.

എന്റെ മനസ്സിനു തോന്നിയ, ജനലോക്പാല്‍ ബില്ലിന്റെ നല്ല വശങ്ങള്‍ താഴെ
പറഞ്ഞിരിക്കുന്നത് കാണുക :

(i). ഏതൊരു പൊതു പ്രവര്‍ത്തകനും അഴിമതി ചെയ്യാന്‍ മുതിരാതിരിക്കാന്‍ ഒരു മുന്നറിയിപ്പായി ജന്‍ലോക്പാല്‍ നിലനില്‍ക്കും
(ii). അഴിമതി കണ്ടാല്‍ ചൂണ്ടിക്കാണിച്ച് കൊടുക്കുവാന്‍, സാധാരണ ജനത്തിനെ, ജന്‍ലോക്പാലിലെ ഒരു പ്രധാന clause ആയ, whistle blower protection പ്രോത്സാഹിക്കുന്നു
(iii). അന്വേഷണ ഏജന്‍സികളെ സര്‍ക്കാര്‍ വരുതിയില്‍ കൊണ്ടു വരുന്നതും, അതുവഴി രാഷ്ട്രീയ പ്രതിയോഗികളെ അമര്‍ച്ച ചെയ്യാന്‍ ശ്രമിക്കുന്നതും, ജന്‍ലോക്പാല്‍ ബില്‍ മുഖേനെ ഒഴിവാക്കാന്‍ സാധിക്കും

എനിക്കു വിത്യസ്തമായി തോന്നുന്ന ഭാഗങ്ങള്‍ താഴെ പറഞ്ഞിരിക്കുന്നത് കാണുക :

(i). കോടതികളുടെ അഴിമതിക്കെതിരെ Judicial Accountability Bill ആണ്, നല്ലത്. അതു വഴി ജുഢീഷ്യറിയുടെ പരമാധികാരം ചോദ്യം ചെയ്യപ്പെടുകയില്ല

(ii). പ്രധാനമന്ത്രിയുടെ, രാജ്യരക്ഷ സംബന്ധിച്ചതും വിദേശകാര്യം സംബന്ധിച്ചതും ദേശ്ശീയ സുരക്ഷ സംബന്ധിച്ചതുമായ അധികാരങ്ങള്‍ ലോക്പാലിന്റെ പരിധിയില്‍ വരുന്നതിനോടു എനിക്കു വിയോജിപ്പുണ്ട്. എന്നാല്‍ പ്രധാനമന്ത്രിയുടെ മറ്റു വകുപ്പുകള്‍ ജന്‍ലോക്പാലിന്റെ പരിധിയില്‍ വരണം എന്നും ഞാന്‍ വിശ്വസിക്കുന്നു.

13. FDI സാധാരണ കണ്‍സ്യൂമറെയും കര്‍ഷകരെയും എങ്ങനെ ബാധിക്കും?

Ans: FDI ഇത്ര ചെറുതായി പറയാനുള്ള ഒരു വസ്തുത അല്ല. FDI , പല തരത്തില്‍ ഉണ്ട്. Computer / IT മേഘലകളിലും , സ്പേസ് മേഘലകളിലും നാം ഇത്രകണ്ടു വളര്‍ന്നതു ഈ Sectors ല്‍ FDI ധാരാളമായി ഉണ്ടായിരുന്നതു കൊണ്ടാണ്. എന്നാല്‍ നിങ്ങള്‍ ഉദ്ദേശ്ശിക്കുന്ന FDI, റീട്ടേല്‍ സെഗ്മ്ന്റ ആണ്ങ്കില്‍ അതിനു കടിഞ്ഞാണ്‍ ഇട്ടു കൊണ്ടുള്ള നിയമം ഒരുപക്ഷേ നല്ലതായിരിക്കാം. റീട്ടേല്‍ സെക്ടറില്‍ FDI, സാധാരണ കര്‍ഷകനേയും ചെറുകിട കചവടക്കാരെയും വിപരീതമായി ബാധിചേക്കാം. അവരുടെ ഉല്പ്പന്നങ്ങള്‍ ഭാരതത്തില്‍ ലഭ്യമാകുന്നതിനെക്കാള്‍ കുറഞ്ഞ വിലക്ക് ഇറക്കുമതി ചെയ്താല്‍ അത് ആത്മഹത്യാപരമായിരിക്കും. അങ്ങനെ വന്നാല്‍ ഇറക്കുമതി ചെയുന്ന വസ്തുക്കള്‍ നിയന്ത്രണവിധേയമായി മാത്രമേ ഇറക്കുമതി ചെയ്യാവൂ.

14. FDI സ്വീകരിക്കുന്നത് നല്ലതാണോ?

Ans : FDI, മുന്‍ ചോദ്യത്തിനു ഞാന്‍ നല്‍കിയ ഉത്തരം പോലെ, വീണ്ടും ഒരു വലിയ ചുറ്റളവില്‍ ആലോചിക്കേണ്ടതും പറയേണ്ടതുമായ ഒരു വസ്തുതയാണ്. ലോകം ഒരു വലിയ ഭൂലോകഗ്രാമം (Global Village) ആയി മാറിക്കൊണ്ടിരിക്കുന്ന കാലഘട്ടത്തില്‍, FDI, വലിയ പ്രാധാന്യം അര്‍ഹിക്കുന്നു. ഭാരതം പോലെയുള്ള രാജ്യത്ത്, എല്ലാവരും സമ്പന്നരല്ല എന്നോര്‍ക്കണം. സര്‍ക്കാരിന്റെ നിര്‍വചനത്തില്‍, ദാരിദ്ര്യ രേഖയ്ക്ക് താഴെയും മുകളിലുമായി നിലകോള്ളുന്ന പാവപെട്ടവനും, എന്നാല്‍ , ആരെയും ആശ്രയിക്കാതെ ജീവിക്കാന്‍ പറ്റുന്ന പണക്കാരനും, ഭാരതത്തില്‍ മാത്രം അധികമായി കാണുന്ന Middle class എന്ന ഗ്രൂപ്പില്‍ പെടുന്നവരുമായി, നൂറുകോടിയിലധികം വരുന്ന ജനസംഖ്യ ഉള്ള ഭാരതത്തിനു FDI, ഒരഭിവാജ്യ ഘടകം തന്നെയാണ്. എന്നാല്‍ , ക്യഷിക്കാരും ചെറുകിട കച്ചവടക്കാരും ധാരാളമായിട്ടുള്ള ഭാരതത്തില്‍ , FDI എവിടെയൊക്കെ വേണം എന്നു, മാറിമാറി വരുന്ന സര്‍ക്കാര്‍ വളരെ അധികം ആലോചിച്ചു മാത്രമേ തീരുമാനം എടുക്കുവാന്‍ പാടുള്ളൂ. കര്‍ഷകന്റെയും, ചെറുകിട കച്ചവടക്കരന്റെയും ജീവിത മാര്‍ഗ്ഗങ്ങള്‍ കണക്കിലെടുത്തതിനു ശേഷം മാത്രമേ, ഇറക്കുമതി സാധനങ്ങളുടെ തീരുവ നിശ്ചയിക്കാവൂ.

15. കേരളത്തിലെ സദാചാര പോലീസ് കളികള്‍ കൂടി വരുകയാണന്ന്പത്രങ്ങളും Online ചര്‍ച്ചകളും കാണുംബോള്‍ തോന്നുന്നു? Tasni Banu നേരിടേണ്ടി വന്നതു പോലെയുള്ള situation, Metro City കളില്‍ പോലും നടക്കുന്നു. അതേ സമയം കേരളത്തില്‍ ക്രൂരമായ പീഢനങ്ങള്‍ വളരെ അധികം റിപോര്‍ട്ട് ചെയ്യപ്പെടുന്നു. എങ്ങനെയാണ്, ഇതിനെ കാണുന്നതു?

Ans: ജനങ്ങള്‍ ജാഗരൂകരായി ഇരിക്കുന്നതി വളരെ നല്ലതു തന്നെയാണ്. എന്നാല്‍ നിയമം കൈയ്യിലെടുക്കാന്‍ അവര്‍ക്കു അധികാരമില്ല എന്ന വസ്തുതയെ കുറിച്ച്, ഈ സദാചാരം ഈ സദാചാരം വളരെ അധികം കാത്തു സൂക്ഷിക്കുവാന്‍ പെടാപാട് പെടുന്ന സദാചാര പോലീസുകാര്‍ മനസ്സിലാക്കണം . അല്ലാതെ വന്നാല്‍ നമ്മുടെ നാട്ടില്‍ അരാജകത്വം ഫണവും വിരിച്ചാടും. വിദേശ രാജ്യങ്ങളില്‍ Citizen on Patrol (COP) എന്ന സങ്കല്പം നന്നായി അവതരിപ്പിച്ചു വരുന്നുണ്ട്. എന്നാല്‍ അവര്‍ക്ക് സംഭവങ്ങള്‍ റിപോര്‍ട്ട് ചെയ്യുവാനുള്ള അധികാരം മാത്രമേ ഉള്ളൂ. അവരുടെയൊപ്പമോ, സമീപപ്രദേശ്ശങ്ങളിലോ ഉള്ള നിയമപാലകരാണ്, നടപടി എടുക്കുന്നത്. അതിനു പറ്റിയ ഉദാഹരണമാണ്, നമ്മുടെ നാട്ടിലെ ട്രാഫിക്ക് വാര്‍ഡന്മാര്‍ , ട്രാഫിക് നിയന്ത്രിക്കാന്‍ നിയോഗിക്കപ്പെടുന്ന, Boy Scouts, NCC Cadets മുതലായവര്‍ അവര്‍ക്കാര്‍ക്കും ആക്ഷന്‍ എടുക്കാനുള്ള അധികാരമില്ല, പകരം അവര്‍ നിയമപാലകരെ അറിയിക്കുകയാണ്, ചെയ്യുക. അതിനാല്‍ നമ്മുടെ സദാചാര പോലീസുകാര്‍ ജാഗരൂകരാകുകയും നിയമപാലകരെ വളരെ പെട്ടന്നു വിവരമറിയിക്കുകയും ചെയ്യണം . അതിനും പുറമേ, ഈ പറഞ്ഞ സദാചാര പോലീസുകാര്‍ , മറ്റു കുറ്റ്ക്യത്യങ്ങളും ( കൊള്ള, കോല, പിടിച്ചുപറി, ചൂഷണം ) കൂടി കണ്ടെത്തുകയും അവയും നിയമപാലകര്‍ക്ക് കാട്ടിക്കൊടുക്കുകയും വേണം .

Tasni Banu നേരിടേണ്ടി വന്നത്, സദാചാര പോലീസിനെയല്ല മറിച്ച്, ആ വേഷത്തില്‍ വന്ന കാപാലികരെയാണ്. ആട്ടിന്‍ തോലിട്ട ഈ ചെന്നയ്ക്കളെ, നമ്മുടെ സമൂഹം തിരിച്ചറിഞ്ഞേ മതിയാകൂ. ഭാരതം എന്നും സ്ത്രീയെ എന്നും ബഹുമാനിച്ചിരുന്നു ഇന്നും ബഹുമാനിക്കുന്നുണ്ട്. Tasni Banu നെയും സുഹ്യത്തിനെയും മര്‍ദ്ദിച്ച ചെന്നായ്ക്കളെ, നിയമപ്രമായി ശിക്ഷിച്ചാല്‍, തീര്‍ച്ചയായും മറ്റു കാപാലികര്‍ക്കും അതൊരു പാഠമാകുകയും, പുതുതായി, ഈ പ്രവണതയുമായി പുതിയ സദാചാര പോലീസുകാര്‍ വരാതിരിക്കുകയും ചെയ്യും .

പീഡനങ്ങള്‍ കൂടുതലായും നമ്മുടെ കുഞ്ഞുങ്ങള്‍ ക്കു നേരെയാണ്, നടക്കുന്നതു എന്നതു വളരെ ആകാംഷയും സങ്കടവും ഉണ്ടാക്കുന്ന സാമൂഹ്യ പ്രശ്നമാണ്. ഇതില്‍ നിന്നും നമ്മുടെ കുട്ടികളെ രക്ഷപ്പടുത്തേണ്ടതു ഓരോ മനുഷ്യന്റെയും കടമയാണ്. മാതാപിതാക്കളോ, ഗുരുക്കന്മാരോ, രക്ഷകര്‍ത്താക്കളൊ, കുഞ്ഞുങ്ങള്‍ക്ക് ആപത്തില്‍ ചെന്ന് ചാടാതിരിക്കാനുള്ള സാമന്യബുദ്ധി ഉപദേശ്ശിച്ചു കൊടുക്കേണ്ടതാണ്. ഇന്നത്തെ ലോകത്ത് എന്തൊക്കെ ചതിക്കുഴികളാണ്, പതിയിരിക്കുന്നതെന്നും, നല്ലതും ചീത്തയും തമ്മിലുള്ള അന്തരവും പറഞ്ഞു മനസിലാക്കിക്കൊടുക്കണം. ഇന്നത്തെ കാലത്ത് ഉദ്യോഗം ഉള്ളവരാണ്, ബഹുഭൂരിപക്ഷം മാതാപിതാക്കളും . ജോലിത്തിരക്കിനിടയില്‍ പല മാതാപിതാക്കള്‍ ക്കും തങ്ങളുടെ കുഞ്ഞുങ്ങളോട് സമയം പങ്കിടാന്‍ സാധിക്കാറില്ല. ഇതു തങ്ങളോടു സ്നേഹമില്ലായ്മയാണന്ന് തെറ്റിധരിച്ച്, കുഞ്ഞുങ്ങള്‍ പ്രകടമായ കപട സ്നേഹത്തിന്റെ പിന്നലെ പോകുന്നതും ഇത്തരം പീഡനങ്ങള്‍ ക്ക് കാരണമാവറുണ്ട്. ആതു കൊണ്ട് മാതാപിതാക്കളും , രക്ഷകര്‍ ത്താക്കളും , ഗുരുക്കന്മാരും ജാഗരൂഗരായി ഇരിക്കണം നമ്മുടെ നിയമങ്ങള്‍ കുഞ്ഞുങ്ങളുടെ സുരക്ഷയ്ക്കു വേണ്ടിയുള്ളവയായിരിക്കണം . ഇല്ലങ്കില്‍ അതിനു വേണ്ടി മാറ്റിയെഴുതണം .

16. ഇടതു, വലതു, ജാതി, മത ഭേദമന്യ്യെ, തിരഞ്ഞെടുപ്പിനു ഇറങ്ങുംബോള്‍ എന്തു തരത്തിലുള്ള എതിര്‍പ്പാണ്, നേരിടേണ്ടിവരിക?

Ans: എതിര്‍പ്പുകള്‍ എല്ലായിപ്പോഴും വെല്ലുവിളിതന്നെയാണ് . സ്വീകരിക്കപ്പെടലുകളെയും എതിര്‍പ്പുകളെയും ഒരുപോലെ അംഗീകരിക്കാന്‍ പ്രാപ്തിനേടുമ്പോള്‍ മാത്രമേ സമൂഹത്തിലിറങ്ങി പ്രവര്‍ത്തിക്കാന്‍ തയ്യരാകാവൂ എന്നുതന്നെ വിശ്വസിക്കുന്നു. ഓരോ അനുഭവങ്ങളും ആ പ്രാപ്തി നേടുവാന്‍ എന്നെ ശീലിപ്പിച്ച്ച്ചുകൊണ്ടിരിക്കുകയാനെന്നു തോന്നുന്നു. ഇടതു, വലതു, ജാതി, മത ഭേദമന്യ്യെ, തിരഞ്ഞെടുപ്പിനു ഇറങ്ങുംബോള്‍ ശക്തമായ എതിര്‍പ്പുകള്‍ തന്നെ നേരിടേണ്ടിവരും എന്നും അറിയാം. അത്തരം എതിര്‍പ്പുകളെ എന്തുതന്നെയായാലും നേരിടാന്‍ ഉറയ്ക്കുന്നു.

17. പെട്രോള്‍ വിലയും ഡോളര്‍ നിരക്കും ഇവ രണ്ടിലും വരുന്നമാറ്റങ്ങള്‍ രാജ്യത്താകമാനം അനുഭവപ്പെടുന്നു. ഇതിന്റെ impact സാധാരണ ജനങ്ങളില്‍ കുറക്കാന്‍ എന്തെങ്കിലും ഐഡിയ ഉണ്ടോ?

Ans: PUblic Transport കൂടുതല്‍ ആശ്രയിക്കുക. കുഞ്ഞുങ്ങളെ സൈക്കിള്‍ ഉപയോഗിക്കാന്‍ പരമാവധി പ്രോത്സാഹിപ്പിക്കുക. ഒരു വിവഹത്തിനു പോകുന്ന രണ്ടോ മൂന്നോ അയല്‍ വാസികള്‍ ഒരു വാഹനത്തെ ആശ്രയിക്കന്‍ ശ്രമിക്കുക. ഇതെല്ലാം നമ്മുടെ പെട്രോള്‍ ഉപയോഗം കുറയ്ക്കാന്‍ സഹായിക്കുന്നു. എല്ലാവീടുകളില്‍ അടുക്കളത്തോട്ടങ്ങള്‍ പ്രോത്സാഹിപ്പിക്കുക. ദൈനം ദിന ആഹാര സാധനങ്ങള്‍ ക്കുള്ള പച്ചക്കറി ഈ തൊട്ടങ്ങളില്‍ നിന്നും ലഭിക്കും . കുഞ്ഞുങ്ങള്‍ ക്ക് സമ്പാദ്യ ശീലം ഉണ്ടക്കിയെടുക്കുക. കുഞ്ഞുനാളിലെ, ബാങ്ക് അക്കൌണ്ട് തുറന്നു കൊടുക്കുക. ഈ ശീലം ഭാവിയില്‍ സമ്പത്ത് നേടാനും അവ വേണ്ടവണ്ണം ഉപയോഗപ്പേടുത്താനും അവരെ പഠിപ്പിക്കും

18. കേരളത്തിന്റെ മൊത്തത്തിലുള്ള ശാപമാണ്‍ മദ്യത്തിനു അടിമ ആകുന്നവരുടെ ഭീമമായ എണ്ണം . അതുപോലെ, പബ്ളിക് പ്ലേസില്‍ വച് സ്ത്രീകളോടുള്ള പുരുഷന്മാരുടെ പെരുമാറ്റം പലപ്പോഴും കാരണമായി പറഞ്ഞു കേള്‍ക്കുന്നതു, സ്ത്രീകളുടെ വസ്ത്രാധരണ മാണന്നാണ്‍ . മദ്യത്തെ തല്‍ക്കാലം ഒഴിവാക്കാം സ്വന്തം ഇഷ്ടം അനുസരിചു വസ്ത്രം ധരിക്കാനുള്ള അവകാശം തുടങ്ങിയവയെ പറ്റി ആലീസിന്റെ പോയിന്റ് ഷെയര്‍ ചെയ്യാമോ

Ans: മദ്യത്തിനെ ഒഴിവാക്കേണ്ട കാര്യമില്ല. മദ്യവും നമ്മുടെ സമൂഹത്തിലെ ഒരു വലിയ വിപത്താണ്. ചെറു പ്രായത്തില്‍ മദ്യത്തിനടിമയായി മാറുന്ന ഒരുപാട് ഉദാഹരണങ്ങള്‍
നമുക്ക് ചുറ്റും ഉണ്ട്. മദ്യത്തിന്റെ ദോഷ വശങ്ങളെക്കുറിച്ച് ചെറിയ ക്ലാസ്സുകള്‍ മുതല്‍ക്കെ ഉള്‍പ്പെടുത്തണം എന്ന വിശ്വാസക്കാരിയാണ് ഞാന്‍ .
രണ്ടാമത്തെ ചോദ്യം സ്ത്രീകളുടെ വസ്ത്രാധരണ രീതിയെക്കുറിച്ചാണ്. സ്ത്രീകളുടെ വസ്ത്രാധരണ രീതിയല്ല, പുരുഷന്മാരുടെ, മോശമായ പെരുമാറ്റത്തിനു കാരണം. അങ്ങനെയാണങ്കില്‍ വയലുകളില്‍ പണിയെടുക്കുന്ന സ്ത്രീകളോട് കൂടെ പണിയെടുക്കുന്ന പുരുഷന്മാര്‍ മോശമായി പെരുമാറണ്ടേ? അവിടെ അങ്ങനെ ഉണ്ടാകുന്നില്ല. സ്പോര്‍ട്ട്സില്‍ പ്രത്യേകിച്ച് നീന്തല്‍ മത്സരങ്ങളിലും ജിംനാസ്റ്റിക്സിലും പങ്കെടുക്കുന്ന സ്ത്രീകളോട് കൂടെ മത്സരിക്കുന്ന പുരുഷന്മാര്‍ മാന്യത വിട്ടു പെരുമാറാറില്ലല്ലോ. അപ്പോള്‍ പ്രശ്നം വസ്ത്രാധരണ രീതിയല്ല, മറിച്ച്, നിയമങ്ങളുടെയും, ഉള്ള നിയമങ്ങള്‍ നന്നായി നടപ്പാക്കനുമുള്ള നിയമപാലകരുടെ വൈമുഖ്യതയുമാണന്ന്, ഞാന്‍ മനസ്സിലാക്കുന്നു.

നമ്മുടെ ബൂലോകത്തിന് വേണ്ടി ആഷ് ലി

ചീനവലപ്പാലത്തിൽ ബോധവൽക്കരണ പരിപാടി.

2011-12-30T23:28:00.005+05:30

മുല്ലപ്പെരിയാർ വിഷയത്തിൽ സമരങ്ങളും ബോധവൽക്കരണ പരിപാടികളുമായി മുന്നോട്ട് തന്നെ പൊയ്ക്കൊണ്ടിരിക്കുന്ന ഓൺലൈൻ കൂട്ടായ്മയായ ‘സേവ് സിങ്കിങ്ങ് കേരള’ യുടെ സന്നദ്ധപ്രവർത്തകർ എറണാകുളം മറൈൻ വാക്ക് വേ യിൽ വേള്ളിയാഴ്ച്ച (ഡിസംബർ 30) വൈകീട്ട് ഫ്ലാഷ് മോബ് പ്രവർത്തനം നടത്തി.

വൈകീട്ട് 7 മണിയോടെ ജി.സി.ഡി.എ. കെട്ടിടത്തിനുസമീപം ഒത്തുചേർന്ന പതിനഞ്ചോളം പ്രവർത്തകർ മുല്ലപ്പെരിയാർ തർക്കം പെട്ടെന്ന് തന്നെ ഒത്തുതീർപ്പാക്കുക, സുരക്ഷാ മാർഗ്ഗങ്ങളും ദുരന്ത നിവാരണ പദ്ധതികളും ജനങ്ങളിലേക്ക് എത്തിക്കുക, തമിഴ്‌നാട്ടിലുള്ള മലയാളികളുടെ ജീവനും സ്വത്തിനും സുരക്ഷ ഉറപ്പാക്കുക എന്നീ മുദ്രാവാക്യങ്ങൾ എഴുതിയ പ്ലക്കാർഡുകളുമായി മറൈൻ ഡ്രൈവിലെ ചീനവലപ്പാലത്തിൽ ഒത്തുചേർന്നു.

സുരക്ഷാ നടപടികളിലും ദുരന്ത നിവാരണ മാർഗ്ഗങ്ങളും പ്രചരിപ്പിക്കേണ്ട ആവശ്യകതയിൽ ഊന്നി മെഗാഫോണിലൂടെ ബ്ലോഗർ നിരക്ഷരൻ സംസാരിച്ചു. ചന്ദ്രലേഖ, പ്രിൻസ്, ജോഹർ, നമിത്, റെനി, മണികണ്ഠൻ, അനിൽ, സതീഷ് കുമാർ എന്നിവർ പ്രവർത്തനങ്ങളിൽ പങ്കാളികളായി. ചീനവലപ്പാലത്തിൽ കുടുബങ്ങളും ചെറുപ്പക്കാരും അടങ്ങുന്ന പൊതുജനം ബോധവൽക്കരണ പരിപാടികൾ കേൾക്കാൻ സമയം ചിലവഴിച്ചു. സുരക്ഷാ നടപടികളെപ്പറ്റി അച്ചടിച്ച് കൊണ്ടുവന്നിരുന്ന നോട്ടീസ്, മറൈൻ ഡ്രൈവിലും പരിസരപ്രദേശങ്ങളിലും വിതരണം ചെയ്താണ് സംഘം മടങ്ങിയത്. കാണികളിൽ ചിലർ പ്രവർത്തകരെ അഭിനന്ദിച്ച് ഹസ്തദാനം ചെയ്തത് ബോധവൽക്കരണ പരിപാടിയുടെ സ്വീകാര്യതയ്ക്ക് തെളിവായി.

സുരക്ഷാ നടപടികൾ വിശദമാക്കി ‘സേവ് സിങ്കിങ്ങ് കേരള‘ അച്ചടിച്ചിറക്കിയ നോട്ടീസിന്റെ പൂർണ്ണരൂപം താഴെ ചേർത്തിരിക്കുന്നു. നോട്ടീസ് ഇമേജിൽ റൈറ്റ് ക്ലിക്ക് ചെയ്ത് മറ്റൊരു വിൻഡോയിലോ മറ്റൊരു ടാബിലോ തുറന്ന് വരുമ്പോൾ ആ ഇമേജിൽ ക്ലിക്ക് ചെയ്താൽ വലുതാക്കി വായിക്കാം.

നമുക്കും ഇതു ചെയ്തുകൂടേ?

2011-12-05T16:57:00.002+05:30

മുല്ലപ്പെരിയാർപ്രതിസന്ധിയുടെ പശ്ചാത്തലത്തിൽ, തമിഴ്‌നാടിനോടുള്ള അടിമത്തത്തിൽ നിന്ന് പച്ചക്കറി സ്വയംപര്യാപ്തതയിലേക്ക് മലയാളി യുവത്വം ചുവടു വയ്ക്കുന്നു. തൃപ്പൂണിത്തുറ ആയുർവേദ കോളേജിലെ കുട്ടികൾ നാഷണൽ സർവീസ് സ്കീമിന്റെ ആഭിമുഖ്യത്തിൽ ക്യാമ്പസിൽ തരിശുകിടന്ന സ്ഥലത്ത് വാഴത്തൈകൾ നട്ടുകൊണ്ട് കൃഷി ആരംഭിച്ചു.

കൃഷിവകുപ്പും, നഗരസഭയുമായി സഹകരിച്ചുകൊണ്ട്, കോളേജ് പി.ടി.എ.യുടെ സാമ്പത്തിക സഹായത്തോടെ ക്യാമ്പസിൽ പച്ചക്കറിക്കൃഷി നടത്താൻ തീരുമാനമായി. കൃഷി രീതികളെക്കുറിച്ച് വിദഗ്ധരുടെ ക്ലാസുകളും സംഘടിപ്പിക്കുന്നു.

2-12-12 ന് നടന്ന ‘വാഴനട്ട് പ്രതികരിക്കൽ’ നാടകകൃത്ത് ശ്രീ വർഗീസ് കാട്ടിപ്പറമ്പിൽ ഉദ്ഘാടനം ചെയ്തു. ആരംഭശൂരത്വത്തിലേക്കു വഴുതാതെ തൃപ്പൂണിത്തുറ ആയുർവേദ കോളേജ് ക്യാമ്പസിലെ കൃഷി വിജയകരമാക്കാനുള്ള ദൃഢനിശ്ചയത്തിലാണ് കുട്ടികൾ.

കുട്ടികളിൽ നിന്ന് പ്രചോദനം ഉൾക്കൊണ്ടു കൊണ്ട് ജീവനക്കാരും കൃഷി തുടങ്ങാൻ തയ്യാറായി മുന്നോട്ടു വന്നു കഴിഞ്ഞു. പലരും ഇപ്പോൾ തന്നെ ചെറിയതോതിൽ ക്വാർട്ടേഴ്സിൽ ചെയ്യുന്നുണ്ട്. അത് വിപുലമാക്കാനാണുദ്ദേശിക്കുന്നത്. കേരളത്തിലെ മറ്റു ക്യാമ്പസുകളിലേക്കും ഈ ആവേശം പകരുമെന്നും, യുവജനത കൃഷിക്ക് കൂടി പ്രാധാന്യം നൽകുമെന്നും പ്രത്യാശിക്കുന്നു.

ഈ സംരംഭം കണ്ടറിഞ്ഞ് ഇതുവരെ കൃഷിചെയ്യാത്ത മലയാളികൾ ആരെങ്കിലുമൊക്കെ ഒരു വെണ്ടയോ, പാവലോ നട്ടാൽ അത്രയുമായി. തൃപ്പൂണിത്തുറയിലെ കൃഷിയുടെ കൂമ്പു വാടാതെ നോക്കാൻ കുട്ടികൾക്കൊപ്പം മുൻ നിരയിലുണ്ടാവുമെന്ന് ഞാനും ഉറപ്പു നൽകുന്നു.

കൃഷിക്കു തുടക്കം കുറിച്ചശേഷം കുട്ടികൾ മുല്ലപ്പെരിയാർ പ്രദേശത്തെ ജനങ്ങളുടെ ജീവൻ സംരക്ഷിക്കാൻ പുതിയൊരു ഡാം നിർമ്മിക്കണമെന്ന കേരളത്തിന്റെ ആവശ്യം നിറവേറ്റണമെന്നാവശ്യപ്പെട്ടുകൊണ്ട് പ്രകടനവും നടത്തി.

കേരളത്തിന്റെ യുവതലമുറയുടെ ഈ ആവേശം കെടാതെ കാക്കാൻ നമുക്കും പരിശ്രമിക്കാം.
വരൂ! ഇവരോടൊപ്പം ചുവടു വയ്ക്കൂ. പച്ചക്കറി സ്വയം പര്യാപ്തതയിലേക്ക് കേരളം ചുവടുവയ്ക്കട്ടെ!

അടിക്കുറിപ്പ്: ഇതൊക്കെ വെറും പടമല്ലേ, അമിതാവേശമല്ലേ, ആരംഭശൂരത്വമല്ലേ എന്നു കരുതുന്നവരുണ്ടാവാം. എന്നാൽ വിനീതമായി പറയട്ടെ അങ്ങനെയല്ല എന്നു തെളിയിക്കാനുള്ള ദൃഢനിശ്ചയത്തിലാണ് കുട്ടികൾ.

മുല്ലപ്പെരിയാര്‍ ജനതയ്ക്ക് മരതക ദ്വീപിന്റെ ഐക്യദാര്‍ഢ്യം.

2011-12-05T10:55:00.001+05:30

മിനേഷ്, ബഹറിൻ

മുല്ലപെരിയാര്‍ അണക്കെട്ട് കേരളീയ സമൂഹത്തിലും ആഗോളതലത്തിലും മാനവികതയുടെ മുകളില്‍ ഭീതിയുടെ നിഴല്‍ സൃഷ്ടിച്ചുകൊണ്ടിരിക്കെ ബഹറിനിലെ ഏറ്റവും വലിയ മലയാളി പ്രവാസ കൂട്ടായ്മയായ ബഹറിന്‍ കേരളീയ സമാജത്തിന്റെ നേതൃത്വത്തില്‍ നടത്തിയ മുല്ലപ്പെരിയാര്‍ ഐക്യ ദാര്‍ഡ്യ സമ്മേളനം മലയാളിയുടെ അതിജീവനത്തിനു വേണ്ടിയുള്ള ശ്രമങ്ങളെ പൂര്‍ണമായും പിന്തുണക്കുന്നതായി പ്രഖ്യാപിച്ചു. ചടങ്ങില്‍ ബഹറിന്‍ നിവാസികളായ നിരവധി പേര്‍ പങ്കെടുത്തു.

ഡാം സുരക്ഷയെകുറിച്ച് അനുനിമിഷം ഉയര്‍ന്നു വരുന്ന ആശങ്കകള്‍ പരിഹരിക്കപ്പെടേണ്ടതാണ് എന്നും കേരള ജനതയുടെ സുരക്ഷ ഉറപ്പാക്കുന്നതിനുള്ള നടപടികള്‍ അടിയന്തിരമായി കേന്ദ്ര സംസ്ഥാന സര്‍ക്കാരുകള്‍ കൈകൊള്ളണമെന്ന് ബഹ്‌റൈന്‍ കേരളീയ സമാജം പ്രസിഡന്റ് പി. വി. രാധാകൃഷ്ണപിള്ള ചടങ്ങില്‍ ആവശ്യപ്പെട്ടു.

പ്രവാസ സമൂഹത്തിന്റെ ആകുലതകള്‍ അദ്ദേഹം ചടങ്ങുമായി പങ്കുവെച്ചു. തമിഴ് ജനതയുടെ ജലലഭ്യത എന്ന ആവശ്യവും കേരളത്തിനു വളരെ പ്രധാനപെട്ട വിഷയമാണ്. അതുകൊണ്ട് തന്നെ ഇരു സംസ്ഥാനങ്ങളും ഈ വിഷയത്തില്‍ കാലവിളംബം കൂടാതെയുള്ള ചര്‍ച്ചകള്‍ നടത്തി ഇതു സംബന്ധിച്ച് കേരള സമൂഹത്തില്‍ ഉയര്‍ന്നു വന്നിട്ടുള്ള ഭീതി അകറ്റണമെന്നും അദ്ദേഹം കൂട്ടിച്ചേര്‍ത്തു. സേവ് മുല്ലപ്പെരിയാര്‍ കാമ്പെയിന്റെ ഭാഗമായി സമാജം പ്രവര്‍ത്തകര്‍ ശേഖരിക്കുന്ന ഒപ്പുകള്‍ സഹിതമുള്ള നിവേദനം പ്രധാനമന്ത്രി, കേരള-തമിഴ്‌നാട് മുഖ്യമന്ത്രിമാര്‍ എന്നിവര്‍ക്ക് സമാജം കൈമാറുമെന്ന് അദ്ദേഹം സദസ്സിനെ അറിയിച്ചു.

തുടര്‍ന്നു സമാജം സെക്രട്ടറി വര്‍ഗ്ഗീസ്‌ കാരക്കല്‍ സേവ് മുല്ലപ്പെരിയാര്‍ പ്രമേയം അവതരിപ്പിച്ചു. മുല്ലപ്പെരിയാര്‍ വിഷയത്തില്‍ അണിനിരന്നിട്ടുള്ള കേരള ജനതയ്ക്ക് പ്രവാസി സമൂഹത്തിന്റെ പിന്തുണ വാഗ്ദാനം ചെയ്യുന്ന പ്രമേയത്തില്‍ ഈ വിഷയത്തില്‍ അടിയന്തിരമായ പരിഹാരങ്ങള്‍ക്ക് സര്‍ക്കാരുകള്‍ തയ്യാറാവണമെന്ന് ബഹറിനിലെ മലയാളി സമൂഹത്തിനു വേണ്ടി സമാജം ആവശ്യപ്പെട്ടു.

ബഹറിനിലെ മലയാളികളുടെ ഈ വിഷയത്തിലുള്ള ജാഗ്രതയും കരുതലും അനുഭാവവുമായി സമാജം ബാലവേദി, മലയാളം പാഠശാല എന്നിവയിലെ കുട്ടികള്‍ മെഴുകുതിരികളും ചിരാതുകളും തെളിയിച്ചു. ബിജു എം സതീഷ്‌ മുല്ലപ്പെരിയാര്‍ ഐക്യ ദാര്‍ഢ്യ പ്രതിജ്ഞ സദസ്സിനു ചൊല്ലികൊടുത്തു.

തുടര്‍ന്നു സംസാരിച്ച സജി മാർക്കോസ് ഈ വിഷയത്തില്‍ അടിയന്തിരമായി കേരളത്തിലെ മൂന്നു കോടി ജനങ്ങളുടെ ഇച്ഛാശക്തി ഉണര്‍ന്നു പ്രവര്‍ത്തിക്കണം എന്ന് അഭിപ്രായപെട്ടു. ഡാമിന്റെ നില അതീവ ഗുരുതരാവസ്ഥയിലാണ് എന്ന സി എസ് എം ആര്‍ സംഖത്തിലുണ്ടായിരുന്ന കേരള പ്രതിനിധിയുടെ റിപ്പോര്‍ട്ട് കേരള സര്‍ക്കാരിനു മുന്നില്‍ ലഭിച്ചിട്ട് ആറുമാസമായി. വിദൂര നിയന്ത്രണ വാഹനവും ക്യാമറയും ഉപയോഗിച്ച് നടത്തിയിട്ടുള്ള പഠനത്തില്‍ ഡാമിന് വലിയതോതിലുള്ള ബലക്ഷയം സംഭവിച്ചിട്ടുള്ളതായി തെളിഞ്ഞിട്ടുണ്ട്. ഒരു ഭൂചലനം ഈ ഡാമിന്റ നിലനില്‍പ്പിനെ തന്നെ ഇല്ലാതാക്കിയേക്കാം എന്ന വസ്തുത മലയാളികള്‍ പോലും പൂർണ്ണമായ വിധത്തില്‍ ഉള്‍ക്കൊണ്ടിട്ടില്ല. ഡാം സുരക്ഷിതമാണെന്നും മറ്റും തമിഴ് ജനതയ്ക്ക് മുന്നിലും പല തെറ്റിദ്ധാരണകളും പ്രചരിക്കുന്നുണ്ട്. മുപ്പത്തിഅഞ്ചു ലക്ഷം പേരുടെ ജീവിതം തുലാസില്‍ നില്‍ക്കുന്ന ഈ അവസരത്തിലും ഇടുക്കി അണക്കെട്ടിന്റെ ബലത്തെപറ്റിയോ ഭ്രംശ മേഖലയില്‍ പുതിയൊരു ഡാം ഉണ്ടാക്കുമ്പോള്‍ ഉണ്ടായേക്കാവുന്ന പ്രശ്നങ്ങളെ പറ്റിയോ വേണ്ട വിധത്തിലുള്ള ഒരു പഠനവും നടത്താതെയാണ് പുതിയ ഡാം എന്ന നിര്‍ദ്ദേശം നാം മുന്നോട്ടു വെക്കുന്നത് എന്ന് മറക്കരുത്. അടിയന്തിരമായി ഈ വിഷയത്തില്‍ പഠനങ്ങള്‍ ആവശ്യമുണ്ട്. അതേസമയം അപകടാവസ്ഥയിലുള്ള ഡാം ഡീക്കമ്മീഷൺ ചെയ്യുന്നതിൽ കാലതാമസം പാടില്ല. ഇടുക്കി ഡാമിന്റെ നിരീക്ഷണ സംവിധാനങ്ങള്‍ വരെ പ്രവര്‍ത്തിക്കാത്ത അവസ്ഥയിലാണ് ഇന്നുള്ളത്. ഭരണകൂടത്തിന്റെ സത്വര ശ്രദ്ധ വേണ്ട വിഷയത്തിൽ പരിഹരിക്കപ്പെടാത്തത് നമ്മുടെ സംവിധാനങ്ങളുടെ അപര്യാപ്തതയായി കാണണമെന്നും അദ്ദേഹം കൂട്ടിച്ചേര്‍ത്തു.

മുല്ലപ്പെരിയാര്‍ ഡാമിന്റെ അവസ്ഥയും അതുണ്ടാക്കുന്ന ഗുരുതരമായ സുരക്ഷഭീഷണിയും ചടങ്ങില്‍ സംസാരിച്ച എബ്രഹാം സാമുവല്‍, രാജു കല്ലുംപുറം എന്നിവര്‍ പങ്കുവെച്ചു. കാവേരി നദീ ജലതര്‍ക്കം പരിഹരിക്കപ്പെട്ടത്‌ പോലെ ഇരു സംസ്ഥാനങ്ങളുമായി കേന്ദ്ര ഗവണ്മെന്റിന്റെ നേതൃത്വത്തില്‍ രമ്യതയിലുള്ള ചര്‍ച്ചകളിലൂടെയുള്ള ഒരു പരിഹാരമാണ് വേണ്ടത് എന്ന് ഡി. സലിം അഭിപ്രായപെട്ടു. ചടങ്ങില്‍ സമാജം സാഹിത്യ വിഭാഗം സെക്രട്ടറി ബിനോജ് മാത്യു സ്വാഗതവും മിനേഷ് ആര്‍. മേനോന്‍ നന്ദിയും പറഞ്ഞു.

മുല്ലപ്പെരിയാർ പ്രക്ഷോഭം - ബൈക്ക് റാലി

2011-12-04T23:44:00.005+05:30

മുല്ലപ്പെരിയാർ വിഷയത്തിൽ മുൻ‌കൂട്ടി പരിപാടി ഇട്ടിരുന്നത് പോലെ, ഡിസംബർ 04ന് എറണാകുളം ബൈപ്പാസിലുള്ള ഒബ്‌റോൺ മാളിൽ നിന്ന് ആരംഭിച്ച് മറൈൺ ഡ്രൈവ് വരെയുള്ള ബൈക്ക് റാലി നടന്നു. പ്രശസ്ത മലയാളം സിനിമാ സംവിധായകരായ ആഷിൿ അബു(സോൾട്ട് & പെപ്പർ ഫെയിം) അമൽ നീരദ് (ബിഗ് ബി ഫെയിം) എന്നിവർ ബൈക്ക് റാലി ഫ്ലാഗ് ഓഫ് ചെയ്തു.

ആഷിക് അബു, അമൽ നീരദ്, രാജു പി.നായർ, നിരക്ഷരൻ, ലക്ഷ്മി അതുൽ, ഷോൺ എന്നിവർ...

തെരുവിൽ എവിടെ വേണമെങ്കിലും പ്രക്ഷോഭങ്ങൾ സംഘടിപ്പിക്കാൻ സജ്ജരായി മെഗാഫോൺ പോലുള്ള സംവിധാനങ്ങളുമായാണ് പ്രവർത്തകർ ഹാജരായിരുന്നത്. എല്ലാവരേയും അഭിസംബോധന ചെയ്തുകൊണ്ട് ആഷിക്ക് അബുവും അമൽ നീദരും സംസാരിച്ചു. വെറുതെ കമന്റൊക്കെ ഇട്ട് ഇരിക്കാമെന്നല്ലാതെ ഓൺലൈനുകാരെക്കൊണ്ട് മറ്റ് പ്രയോജനമൊന്നും ഇല്ലെന്ന് തന്നോട് പറഞ്ഞ സിനിമാ സുഹൃത്തിന്റെ അഭിപ്രായത്തിന് കടകവിരുദ്ധമായാണ് മുല്ലപ്പെരിയാർ വിഷയത്തിൽ ഓൺലൈൻ കൂട്ടായ്മകളുടെ പ്രവർത്തനങ്ങൾ കാണിക്കുന്നതെന്ന് ശ്രീ ആഷിക്ക് അബു പ്രത്യേകം പരാമർശിച്ചു.

ഒബ്‌റോൺ മാൾ പരിസരത്തുനിന്ന് തുടങ്ങിയ റാലിയിൽ 40ന് അടുക്കെ ഇരുചക്രവാഹനങ്ങളുമായി എൺപതോളം ഓൺലൈൻ സുഹൃത്തുക്കൾ പങ്കെടുത്തു. വൈറ്റില, എം.ജി.റോഡ്, സുഭാഷ് പാർക്ക് വഴി മറൈൻ ഡ്രൈവിലെത്തിയ റാലിയിൽ, ബൈക്കുകളുമായി റോഡിൽ പോകുന്ന ചിലരെങ്കിലും സ്വയം പങ്കാളികളാകുന്ന കാഴ്ച്ച കൌതുകമുണർത്തി. ഹെഡ് ലൈറ്റുകൾ പ്രകാശിപ്പിച്ച്, ഹോൺ അടിച്ച് ‘മുല്ലപ്പെരിയാർ പൊട്ടിയെന്നാൽ, പിന്നെയീ കൊച്ചി ഇല്ലേയില്ല’ ‘ഉണരൂ ഉണരൂ നാട്ടാരേ‘ ... എന്നിങ്ങനെ മുദ്രാവാക്യകൾ വിളിച്ചുകൊണ്ടായിരുന്നു റാലി പുരോഗമിച്ചത്.

മറൈൻ ഡ്രൈവിൽ സമാപിച്ച റാലിയിൽ സംഘാടകരായ ഷോൺ, രാജു പി. നായർ, നിരക്ഷരൻ തുടങ്ങിയവർ സംസാരിച്ചു. മുല്ലപ്പെരിയാർ കേസിന്റെ ഗതി തന്നെ മാറ്റാൻ പോന്ന തരത്തിലുള്ള പ്രസ്ഥാവനകൾ കോടതിയിൽ നടത്തിയ എ.ജി. യെ തൽ‌സ്ഥാനത്ത് നിന്ന് നീക്കം ചെയ്യപ്പെടേണ്ടത് അത്യാവശ്യമാണെന്നും, അതിനുശേഷം മാത്രമേ കൂടുതൽ ബോധവൽക്കരണപരിപാടികളുമായി മുന്നോട്ട് പോകൂ എന്നും അതിന്റെയൊക്കെ വിശദവിവരങ്ങൾ സോഷ്യൽ നെറ്റ്‌വർക്ക് സൈറ്റുകളിലൂടെത്തന്നെ അറിയിക്കുമെന്നും തീരുമാനിച്ചശേഷം സമ്മേളനം പിരിഞ്ഞു.

മുല്ലപ്പെരിയാർ വിഷയത്തിൽ നവംബർ 25, 28, ഡിസംബർ 02, 04 എന്നീ തീയതികളിലായി അരഡസണിൽ അധികം പ്രക്ഷോഭങ്ങളും ബോധവൽക്കരണ പരിപാടികളുമാണ് ഓൺലൈൻ സുഹൃത്തുക്കളുടെ കൂട്ടായ്മയിലൂടെ എറണാകുളം ജില്ലയിൽ മാത്രമായി നടത്തപ്പെട്ടത്. മുഹമ്മദ് ഹസ്സൻ തയ്യാറാക്കിയ വീഡിയോ ഈ ലിങ്ക് വഴി പോയാൽ കാണാം.

ചിത്രങ്ങൾ:- മുഹമ്മദ് ഹസ്സൻ, വേദവ്യാസൻ, പോൾ മാത്യു.

2 ഡിസംബർ - പ്രക്ഷോഭങ്ങൾ

2011-12-04T00:37:00.004+05:30

ഡിസംബർ 2ന് മൂന്ന് മുല്ലപ്പെരിയാർ പ്രക്ഷോഭ / പ്രതികരണ / ബോധവൽക്കരണ പരിപാടികളാണ് ഓൺലൈൻ കൂട്ടായ്മയായ ‘സേവ് സിങ്കിങ്ങ് കേരള’ സംഘടിപ്പിച്ചതും പങ്കാളികളായതും.

ചെറായി ബീച്ചിൽ ‘സേവ് സിങ്കിങ്ങ് കേരള’സംഘാടകരിൽ ഒരാളായ നമിത് ജവഹറിന്റെ നേതൃത്വത്തിൽ ചെറായി ബീച്ചിൽ മണലുകൊണ്ട് പുതിയ ഡാം നിർമ്മിക്കുകയും പ്ലക്കാർഡുകൾ ഏന്തി പ്രവർത്തകർ മനുഷ്യച്ചങ്ങല സൃഷ്ടിക്കുകയും ചെയ്തു. നാട്ടുകാരുടെ പങ്കാളിത്തം കൊണ്ടും പരിപാടി ശ്രദ്ധേയമായി.

മറ്റൊരു സജീവ പ്രവർത്തകനായ സുചിൻസ് തന്റെ തീവണ്ടി സഹയാത്രികരുമായി സ്വന്തം സ്റ്റേഷനായ പിറവത്ത് മെഴുകുതിരിയും പ്ലക്കാർഡുകളുമേന്തി നിൽക്കുകയും ജാഥ നയിക്കുകയും ചെയ്തു. മറ്റ് യാത്രക്കാരും കൂടെ പങ്കെടുത്തതോടെ മുല്ലപെരിയാർ വിഷയത്തിൽ ജനങ്ങൾ ഒറ്റക്കെട്ടാണെന്ന് തെളിയുകയായിരുന്നു.

പിറവം സ്റ്റേഷനിലെ പ്രചരണ പരിപാടി.

എറണാകുളത്ത് ക്ലബ്ബ് എഫ്.എം.സംഘടിപ്പിച്ച ‘ഡാം റവല്യൂഷൻ‘ എന്ന സംഗീതപരിപാടിയിൽ സംവിധായകൻ ആ‍ഷിക്ക് അബു, നടി മീരാ നന്ദൻ, നിരക്ഷരൻ എന്നിവർ സംസാരിച്ചു. മൈതാനത്ത് സ്ഥാപിച്ചിരുന്ന ഫ്ലക്സ് ബോർഡിൽ എറണാകുളം എം.എൽ.എ. ശ്രീ ഹൈബി ഈഡൻ അടക്കം തടിച്ചുകൂടിയവർ എല്ലാവരും കൈയ്യൊപ്പിട്ട് തങ്ങളുടെ പിന്തുണ പ്രകടിപ്പിച്ചു.

ആഷിക്ക് അബു സംസാരിക്കുന്നു.

എത്രയും പെട്ടെന്ന് പുതിയ ഡാം നിർമ്മിച്ച് കേരളത്തെ രക്ഷിക്കേണ്ടതിന്റെ ആവശ്യകതയെപ്പറ്റി ശ്രീ. ആ‍ഷിക് അബു ഊന്നിപ്പറഞ്ഞു. സ്വന്തം അനുജൻ ഹോസ്റ്റലിൽ നിന്ന് വിളിച്ച് എറണാകുളത്ത് വീണ്ടും വരണമെന്നുള്ള വ്യാകുലത പങ്കുവെച്ചതായി മീരാ നന്ദൻ സംസാരിച്ചു.

മീരാ നന്ദൻ സംസാരിക്കുന്നു.

നിരക്ഷരൻ സംസാരിക്കുന്നു.

കോടതി ഉത്തരവ് പ്രകാരം ബോധവൽക്കരണപരിപാടികൾ നടത്തി എമർജൻസി ആക്ഷൻ പ്ലാനുകൾ എന്തൊക്കെയാണെന്നുള്ളത് ജനങ്ങളിലേക്കെത്തിച്ച് അവരുടെ ആശങ്കകൾ ഇല്ലാതാക്കാൻ സത്വരനടപടികൾ സർക്കാർ ഭാഗത്തുനിന്ന് ഉണ്ടായില്ലെങ്കിൽ ആ ജോലി ‘സേവ് സിങ്കിങ്ങ് കേരള’ ഏറ്റെടുത്ത് നടപ്പിലാക്കുമെന്ന് നിരക്ഷരൻ വ്യക്തമാക്കി.

വരും ദിവസങ്ങളിൽ കൂടുതൽ ഓൺലൈൻ സുഹൃത്തുക്കൾ തെരുവിൽ ഇറങ്ങുമെന്നും അതിനോട് സഹകരിച്ച് നാട്ടുകാരടക്കം ഒട്ടനവധി പേർ സ്വജീവന് വേണ്ടി ശബ്ദമുയർത്തുമെന്നും കാണിക്കുന്ന തരത്തിലുള്ള പ്രതികരണമാണ് എല്ലായിടത്തും കാണുമാറായത്.

ചിത്രങ്ങൾ:- ദീന വേണുഗോപാൽ, പ്രിൻസ്, സുചിൻസ്, നമിത്, അരുൺ.

മൊബിലിറ്റി ഹബ്ബിൽ ഓൺലൈൻ കൂട്ടായ്മ

2011-12-02T09:58:00.008+05:30

ഓൺലൈൻ സുഹൃത്തുക്കളുടെ മുല്ലപ്പെരിയാർ കൂട്ടായ്മയായ ‘സേവ് സിങ്കിങ്ങ് കേരള’ സംഘടിപ്പിച്ച മൂന്നാമത്തെ പ്രക്ഷോഭ / പ്രതികരണ / ബോധവൽക്കരണ പരിപാടി ഇന്നലെ വൈകീട്ട് (ഡിസംബർ 1) എറണാകുളം വൈറ്റില മൊബിലിറ്റി ഹബ്ബിൽ നടന്നു.

ഇരുനൂറോളം പേർ ചടങ്ങളിൽ മെഴുകുതിരി കത്തിച്ച് മുല്ലപ്പെരിയാർ സുരക്ഷാ ബോധവൽക്കരണ പ്ലക്കാർഡുകൾ ഏന്തി നിൽക്കുകയും വൈറ്റില ജങ്ക്ഷൻ വരെ ജാഥയായി പോകുകയും ചെയ്തു. ചടങ്ങിൽ സിനിമാ സംവിധായകൻ കമൽ, നടൻ ക്യാപ്റ്റൻ രാജു എന്നിവരുടെ സാന്നിദ്ധ്യം ആവേശമായി. തൊട്ടടുത്തുള്ള വീടുകളിലെ ആബാലവൃദ്ധം ജനങ്ങളും കൂട്ടായ്മയിലേക്ക് സ്വമനസ്സാലെ വന്നുചേരുന്ന കാഴ്ച്ച ഇനിയും പ്രതികരണം നഷ്ടപ്പെടാതെ മലയാളികളുടെ നേർക്കാഴ്ച്ചയായിരുന്നു. സമീപത്തുള്ള ഓട്ടോറിക്ഷാ ഡ്രൈവർമാർ ഓട്ടം വരുന്നതിനനുസരിച്ച് മെഴുകുതിരി കൈമാറിക്കൊണ്ട് സാന്നിദ്ധ്യം ഉറപ്പാക്കി.

കൈക്കുഞ്ഞുങ്ങളുമായി അണിനിരന്നവരും കൂട്ടത്തിലുണ്ടായിരുന്നു. ഇക്കാര്യം പ്രത്യേകം എടുത്തുപറഞ്ഞുകൊണ്ട് ഇങ്ങനൊരു സംരംഭവുമായി മുന്നോട്ട് പോകുന്ന സംഘാടകരെ ശ്രീ ക്യാപ്റ്റൻ രാജു അഭിനന്ദിച്ചു. കേരളം ദൈവത്തിന്റെ സ്വന്തം നാടുതന്നെ ആണെന്നും ഹൈന്ദവ ക്ഷേത്രങ്ങളിൽ നിന്ന് വരുന്ന കർപ്പൂരത്തിന്റെ മണവും, മുസ്ലീം പള്ളികളിൽ നിന്നുയരുന്ന ബാങ്കിന്റേയും കൃസ്ത്യൻ പള്ളിമണികളുടെ മുഴക്കവും നിറഞ്ഞുനിൽക്കുന്ന ഈ കേരളമണ്ണിൽ ഒരു ദുരന്തം വിതയ്ക്കാൻ ദൈവത്തിന് പോലും ആകില്ലെന്നും, ജനങ്ങൾക്ക് ഒരുതരത്തിലുള്ള ആശങ്കയും ഉണ്ടാകരുതെന്നും, ഒരു പരിഹാരത്തിലേക്ക് നമ്മൾ എത്തിച്ചേരുമെന്നും അദ്ദേഹം പ്രത്യാശ പ്രകടിപ്പിച്ചു.

സ്വന്തം വാഹനത്തിൽ വളരെ നേരത്തെ തന്നെ സമ്മേളന സ്ഥലത്തെത്തി കുറേയധികം സമയം കാത്തുകിടന്ന് എല്ലാവരേയും അഭിവാദ്യം ചെയ്ത് സംസാരിച്ച ശേഷം തുടർന്നുള്ള എല്ലാ പ്രവർത്തനങ്ങളിലും സഹകരണം ഉറപ്പ് നൽകിയാണ് ശ്രീ.കമൽ യാത്രയായത്. സംഘാടക കമ്മറ്റിക്ക് വേണ്ടി രാജു പി.നായർ, നിരക്ഷരൻ എന്നിവർ ജനങ്ങളെ അഭിസംബോധന ചെയ്തു, നന്ദി പ്രകടിപ്പിച്ചു.

ആശങ്കയുമായി ബോധ വല്‍ക്കരണത്തിനു സൈബര്‍ പ്രതിനിധികള്‍

2011-11-28T22:11:00.013+05:30

സോഷ്യല്‍ നെറ്റ് വര്‍ക്കുകളുടെ കൂട്ടായ്മ ഇന്ന് എറണാകുളം സൌത്ത് റെയില്‍വേ സ്റെഷനില്‍ മുല്ലപ്പെരിയാല്‍ ബോധവല്‍കരണ പരിപാടി നടത്തി. മ്മുല്ലപ്പെരിയാര്‍ ഡാമില്‍ അത്യന്തം അപകടകരമായ നിലയിലേക്ക് വെള്ളം കയറിക്കൊണ്ടിരിക്കുന്നതിനാല്‍ ദുരന്തം ഏതു സമയവും സംഭവിക്കാം എന്നുള്ളതിനാല്‍ , അത്തരമൊരു അവസ്ഥയില്‍ ചെയ്യേണ്ട കാര്യങ്ങള്‍ എന്തൊക്കെ എന്നുള്ള ബോധവല്കരണം കൂടി ചേര്‍ന്നാണ് കൂട്ടായ്മ നടത്തിയത്. എറണാകുളം റെയില്‍വേ സ്റേഷന്‍ കവാടത്തിനു മുന്നില്‍ മെഴുകുതിരി കത്തിച്ചു തുടങ്ങിയ പ്രചാരണ പരിപാടി പിന്നെ എറണാകുളം ജോസ് ജംഗ്ഷന്‍ വരെ ജാഥയായി പോയി വീണ്ടു റെയില്‍വേ സ്റ്റേഷനില്‍ അവസാനിപ്പിച്ചു. ഈ സൈബര്‍ കൂട്ടായ്മയില്‍ കാണികളായി എത്തിയ പൊതു ജനങ്ങള്‍ കൂടി അണിനിരന്നത് അവര്‍ കൂടി ആശങ്ക ഉള്‍ക്കൊള്ളുന്നു എന്നതിന് കാരണമായി.സമരത്തോട് ഐക്യദാര്‍ഡ്യം പ്രക്യാപിച്ചു ചിലര്‍ ലൈഫ് ജാക്കറ്റുകള്‍ ധരിച്ചാണ് എത്തിയത്. രണ്ടു ദിവസം കൂടുമ്പോള്‍ വിവിധ ജംഗ്ഷനുകളില്‍ ഇത്തരം പരിപാടി സംഘടിപ്പിക്കാന്‍ സമര സമിതി ലക്ഷ്യമിടുന്നു.

അപ്ഡേറ്റ്

വരും ദിവസങ്ങലിലെ പരിപാടികൾ.

ഡിസംബർ 1ന് വൈകീട്ട് 06:30ന് വൈറ്റില മൊബിലിറ്റി ഹബ്ബിൽ വെച്ച് ഇതേ രീതിയിൽ ഒരു സുരക്ഷാ ബോധവൽക്കരണ/പ്രചരണ പരിപാടി കൂടെ നടത്തുന്നു.

ഡാം തകർന്നാലൂണ്ടാകുന്ന ദുരന്തത്തിൽ നിന്ന് രക്ഷപ്പെടാനുള്ള സുരക്ഷാനടപടികളും അതിന് ശേഷമുള്ള കാര്യങ്ങളുമൊക്കെയാണ് ഇനി നമ്മൾ ഊന്നൽ കൊടുക്കുന്നത്. ഇടുക്കിയിൽ ഇന്ന് വീണ്ടുമൊരു ഭൂകമ്പം പ്രവചിച്ചിരിക്കുന്നത് അറിയാമല്ലോ ?

ഡിസംബർ 2ന് വൈകീട്ട് 4 മണിക്ക് എറണാകുളം ദർബാർ ഹാൾ മൈതാനത്ത് ക്ലബ്ബ് എഫ്.എം.സംഘടിപ്പിക്കുന്ന ‘ഡാം റവല്യൂഷനിൽ’ നമ്മൾ ഓൺലൈൻ സുഹൃത്തുക്കൾ സഹകരിക്കുന്നു. നമ്മളുടെ ബോധവർക്കരണ പരിപാടി കൂടുതൽ ജനങ്ങളിലേക്ക് എത്തിക്കാനുള്ള എല്ലാ അവസരങ്ങളും വിനിയോഗിക്കുന്നതിന്റെ ഭാഗമായാണ് ഇത്തരത്തിൽ എല്ലാത്തരം മാദ്ധ്യമങ്ങളോടും സഹകരിക്കുന്നത്.

ഡിസംബർ 4ന് വൈകീട്ട് 04:00 ന് എറണാകുളം ബൈപ്പാസിലുള്ള ഒബ്‌റോൺ മാളിൽ നിന്ന് ആരംഭിക്കുന്ന ബൈക്ക് റാലി മറൈൻ ഡ്രൈവിൽ സമാപിക്കുന്നു. സമാപന സമ്മേളനത്തിന്റെ കാര്യങ്ങൾ പദ്ധതിയിട്ട് വരുന്നതേയുള്ളൂ. തീരുമാനം ആകുന്ന മുറയ്ക്ക് എല്ലാവരേയും അറിയിക്കുന്നതാണ്.

മുല്ലപ്പെരിയാറിനെപ്പറ്റി നിരക്ഷരന്‍ ക്ലബ് എഫ്. എം. ൽ

2011-11-28T09:25:00.002+05:30

94 .3 ക്ലബ് എഫ് എമ്മില്‍ 24 നവംബർ 2001ന് നിരക്ഷരനും ലക്ഷ്മി അതുലുമായി അപ്പുണ്ണി നടത്തിയ അഭിമുഖങ്ങൾ. (editted Version ). താഴെയുള്ള ലിങ്കിൽ ക്ലിക്ക് ചെയ്ത് കേൾക്കാം. NiruInterviewClubFM.wav

സൈബര്‍ ശബ്ദം പ്രകമ്പനമായി

2011-11-25T20:52:00.032+05:30

അറബിക്കടലിന്റെ റാണിയെ പ്രകമ്പനം കൊള്ളിച്ചു സൈബര്‍ കൂട്ടായ്മയുടെ ശബ്ദം :

സൈബര്‍ യുവത്വത്തിന്റെ ശബ്ദം അറബിക്കടലിന്റെ തിരമാലകളെ പ്രകമ്പനം കൊള്ളിച്ചു. മുല്ലപ്പെരിയാറില്‍ പുതിയ അണക്കെട്ട് നിര്‍മ്മിക്കുക എന്ന ആവശ്യവുമായാണ് ബ്ലോഗ്‌ ,ഫേസ് ബുക്ക്‌ , ഗൂഗിള്‍ ബസ്സ്‌ എന്നീ സോഷ്യല്‍ നെറ്റ് വര്‍ക്കുകളിലെ യുവാക്കള്‍ ഭൂലോകത്തിലേക്കിറങ്ങി പ്രതികരിച്ചത്. നവംബര്‍ 25 നു വൈകിട്ട് ആറുമണിക്ക് അറബിക്കടലിന്റെ മടിത്തട്ടായ എറണാകുളം മറൈന്‍ ഡ്രൈവില്‍ ഒത്തു ചേര്‍ന്ന അറുന്നൂറോളം പേര്‍ യുവാക്കള്‍ കായലോളങ്ങളെ പ്രകമ്പനം കൊള്ളിച്ചു. അവര്‍ ഒത്തൊരുമയോടെ കത്തിച്ച മെഴുകുതിരി വെട്ടത്തിലൂടെ ഉറക്കം നടിക്കുന്ന അധികാര - നീതി ന്യായ മേലാളന്മാരുടെ മനസ്സിലേക്ക് ഒരു തരി വെളിച്ചം പകരുകയായിരുന്നു കൂട്ടായ്മയുടെ ലക്ഷ്യം.

മറൈന്‍ ഡ്രൈവ് വാക് വേ തുടങ്ങുന്നിടത്ത് താല്‍ക്കാലികമായി കെട്ടിയുണ്ടാക്കിയ വേദിയിലാണ് ചടങ്ങുകള്‍ക്ക് തുടക്കം കുറിച്ചത്. ജസ്റ്റിസ് വി ആര്‍ കൃഷ്ണയ്യര്‍ ,ബഹുമാനപ്പെട്ട എറണാകുളം എം എല്‍ എ ഹൈബി ഈഡെന്‍ , സിനിമാതാരം റിമ കല്ലുങ്കല്‍ തുടങ്ങിയവര്‍ സംബന്ധിച്ച യോഗത്തിന്‌ സ്വാഗതം പറഞ്ഞത് സൈബര്‍ കൂട്ടായ്മയിലൂടെ ഉണ്ടായ സംഘാടക സമിതിയിലെ ശ്രീ രാജു നായര്‍ ആയിരുന്നു. രണ്ടു വര്‍ഷം മുന്‍പുതന്നെ 'മുല്ലപ്പെരിയാര്‍ പൊട്ടിയാല്‍' എന്ന ലേഖനം എഴുതി നമ്മുടെ ബൂലോകം ബ്ലോഗ്‌ പോര്‍ട്ടലിലൂടെ സൈബര്‍ പ്രചാരണങ്ങള്‍ക്ക് തുടക്കം കുറിച്ച നിരക്ഷരന്‍ എന്ന മനോജ്‌ രവീന്ദ്രന്‍ യോഗത്തിന്റെ അധ്യക്ഷ പദം അലങ്കരിച്ചു . ജസ്റ്റിസ് ശ്രീ വി ആര്‍ കൃഷ്ണയ്യര്‍ യോഗം ഉദ്ഘാടനം ചെയ്തു സംസാരിച്ചു. തൊണ്ണൂറ്റി ഏഴാം വയസ്സിലും ചെറുപ്പത്തിന്റെ ഊര്‍ജ്ജസ്വലതയോടെയാണ് ശ്രീ കൃഷ്ണയ്യര്‍ യുവാക്കളുടെ ഈ സംരംഭത്തോട് പ്രതികരിച്ചത്. തുടര്‍ന്ന് ആശംസകള്‍ അര്‍പ്പിച്ചുകൊണ്ട് എറണാകുളം എം എല്‍ എ ശ്രീ ഹൈബി ഈഡെന്‍ , അഭിനേത്രി റീമാ കല്ലുങ്കല്‍ അഡ്വക്കേറ്റ് ശ്രീ മജ്‌നു കോമത്ത് എന്നിവര്‍ സംസാരിച്ചു. ശ്രീ കൃഷ്ണയ്യര്‍ റീമ കല്ലുങ്കലിനും ഹൈബി ഈഡനുമായി പകര്‍ന്നു കൊടുത്ത വെളിച്ചം ആയിരത്തോളം വരുന്ന യുവാക്കള്‍ ഹൃദയത്തോട് ചേര്‍ത്ത് ഏറ്റുവാങ്ങികൊണ്ട് മറൈന്‍ ഡ്രൈവ് വാക്ക് വെയില്‍ അണിനിരന്നു . വീ വാണ്ട്‌ ന്യൂ ഡാം എന്ന മുദ്രാവാക്യം യുവാക്കളുടെ ആവേശമായി മാറി. തുടര്‍ന്ന് ജാഥയായി നീങ്ങിയ യുവാക്കള്‍ മഴവില്‍ പാലത്തില്‍ ഒത്തു കൂടി തങ്ങളുടെയും പ്രിയപ്പെട്ടവരുടെയും ജീവന് ഹാനി ആയേക്കാവുന്ന മുല്ലപ്പെരുയാര്‍ ഡാം പുനര്‍നിര്‍മ്മിക്കണമെന്ന് ഉറക്കെ ആവശ്യപ്പെട്ടു കൊണ്ടിരുന്നു. ജി സി ഡി എ ഷോപ്പിങ് കോമ്പ്ലെക്സ് വഴി ഷണ്മുഖം റോഡിലൂടെ നടന്ന ജാഥ വീണ്ടും സമ്മേളന സ്ഥലത്ത് ഒത്തു കൂടി സമാപന സമ്മേളനത്തോടെ പിരിഞ്ഞു. സംഘാടക സമിതിയിലെ ഷോണ്‍, ലക്ഷ്മി എന്നിവര്‍ സിങ്കിങ് കേരള മൂവ്മെന്റിന് സഹായം നല്‍കിയവര്‍ക്ക് നന്ദി പറഞ്ഞു കൊണ്ട് യോഗനടപടികള്‍ അവസാനിപ്പിച്ചു. ഈ കൂട്ടായ്മയുടെ അടുത്ത പരിപാടി ഡിസംബര്‍ നാലിന് പാലാരിവട്ടം ബൈ പാസ്സില്‍ നിന്നും എറണാകുളം മറൈന്‍ ഡ്രൈവ് വരെ നൂറു കണക്കിന് ഇരു ചക്ര വാഹനങ്ങളുടെ അകമ്പടിയോടെ നടക്കും എന്ന് സംഘാടക സമിതി അറിയിച്ചു.

വെറും മൂന്നു ദിവസത്തെ തയ്യാറെടുപ്പ് കൊണ്ടാണ് ഈ പദ്ധതി വന്‍ വിജയമാക്കി തീര്‍ത്തത് . അതിനായി പ്രവര്‍ത്തിച്ച സുമനസ്സുകലായ ലക്ഷ്മി അതുല്‍, ചന്ദ്ര ലേഖ ,സന്ധ്യ, ജയേഷ്, ഷോണ്‍, രാജു നായര്‍ , ദിലീപ് വേണുഗോപാല്‍, സിന്‍സിയര്‍ എന്നിവര്‍ക്ക് അകമഴിഞ്ഞ നന്ദി സൈബര്‍ ലോകത്തിനു വേണ്ടി നമ്മുടെ ബൂലോകം അര്‍പ്പിക്കുന്നു.

രണ്ടു വര്ഷം മുന്‍പ് 2009 ല്‍ ആണ് നമ്മുടെ ബൂലോകം ബ്ലോഗ്‌ പോര്‍ട്ടലിന്റെ ബാനറില്‍ എഡിറ്റോറിയല്‍ ബോര്‍ഡ് അംഗം ശ്രീ നിരക്ഷരന്റെ നേതൃത്വത്തില്‍ സേവ് മുല്ലപ്പെരിയാര്‍ കാമ്പെയിന്‍ ആരംഭിച്ചത്. 'മുല്ലപ്പെരിയാര്‍ പൊട്ടിയാല്‍' എന്ന ലേഖനത്തില്‍ ഉപയോഗപ്പെടുത്തിയ ബ്ലോഗര്‍ പാച്ചു സാഹസികമായി എടുത്ത മുല്ലപ്പെരിയാര്‍ ഡാമിന്റെ ഭിത്തികളുടെ ഫോട്ടോകളിലൂടെയാണ് സൈബര്‍ ലോകം ആ ഭീകരതയെ ആദ്യമായി അടുത്തറിയുന്നത്. തുടര്‍ന്ന് ഇംഗ്ലീഷിലേക്ക് ഈ ലേഖനം പരിഭാഷപ്പെടുത്തുകയും മെയില്‍ ഫോര്‍വേര്‍ഡുകളായി അയക്കപ്പെടുകയും ചെയ്തു. കാമ്പെയിന്‍ സജീവമായി തുടങ്ങുന്നതിന്റെ ഭാഗമായിട്ടാണ് നമ്മുടെ ബൂലോകത്തിന്റെ നേതൃത്വത്തില്‍ നിരക്ഷരന്‍ എഡിറ്റര്‍ ആയി റീ ബില്ഡ് ഡാം എന്ന മറ്റൊരു ബ്ലോഗ്‌ തുടങ്ങിയത്. മുല്ലപ്പെരിയാറിനെ സംബന്ധിച്ച എല്ലാ വാര്‍ത്തകളും നല്‍കുക എന്നതിനപ്പുറം ഒരു വാര്‍ത്താ ആര്‍ക്കൈവ് ആയും ഈ ബ്ലോഗ്‌ ഉപയോഗപ്പെടുത്തുകയും നാള്‍ ഇതുവരെ കൃത്യമായി അപ്ഡേറ്റ് ചെയ്യുകയും ചെയ്തിട്ടുണ്ട്. ഈ പ്രചാരണത്തിന്റെ ഭാഗമായി പ്രമുഖ ബ്ലോഗര്‍ നന്ദന്‍ ഡിസൈന്‍ ചെയ്ത ലോഗോ ഏവരുടെയും പ്രശംസ പിടിച്ചു പറ്റുകയും തങ്ങളുടെ ബ്ലോഗുകളില്‍ അവ പ്രദര്‍ശിപ്പിച്ചു ഐക്യധാര്‍ഢ്യം പ്രഖ്യാപിക്കുകയും ചെയ്തു . റീ ബില്ഡ് ഡാം ബ്ലോഗിന്റെ ഹെഡര്‍ ഡിസൈന്‍ ചെയ്തു തന്നത് പകല്‍‌കിനാവന്‍ എന്ന ഷിജു ബഷീര്‍ ആണ് . ഏവരെയും നന്ദിയോടെ ഈ അവസരത്തില്‍ സ്മരിക്കട്ടെ. കാമ്പെയ്നിങ്ങിന്റെ ഭാഗമായി നിരക്ഷരനോടൊപ്പം നമ്മുടെ ബൂലോകം പബ്ലിഷേര്‍ ജോ ജോഹര്‍, എഡിറ്റോറിയല്‍ ബോര്‍ഡ് അംഗം ഹരീഷ് , വിനോദ് എന്നിവര്‍ ചേര്‍ന്നു വര്‍ഷങ്ങളായി ഈ ആവശ്യത്തിനു വേണ്ടി സമരം നടത്തിവരുന്ന ചാപ്പാത്തു ഗ്രാമത്തില്‍ ചെന്ന് വിവരങ്ങള്‍ ശേഖരിക്കുകയും സമരത്തോട് അനുഭാവം പ്രകടിപ്പിച്ചു പന്തലില്‍ ഇരിക്കുകയും അവിടെ ഈ ലോഗോ പ്രദര്‍ശിപ്പിക്കുകയും ചെയ്തിരുന്നു. ഈ ലോഗോ തന്നെ അല്‍പ്പം രൂപ മാറ്റം വരുത്തിയാണ് സൈബര്‍ പ്രചാരണ പരിപാടിക്ക് ഉപയോഗിച്ചിരിക്കുന്നത്.

നാളുകള്‍ കഴിഞ്ഞു. ബ്ലോഗ്‌ സജീവമാല്ലാതാകുകയും ഫേസ് ബുക്കിലേക്ക് ആളുകള്‍ ചേക്കേറുകയും ചെയ്തപ്പോള്‍ ഈ സമര പരിപാടിയോട് വ്യത്യസ്ത ഗ്രൂപ്പുകളായി തിരിഞ്ഞു സൈബര്‍ മലയാളികള്‍ പ്രതികരിക്കാന്‍ തുടങ്ങി. തുടര്‍ന്ന് നിരക്ഷരന്റെ നേതൃത്വത്തില്‍ ഈ കൂട്ടായ്മകളെ ഒരു കുടക്കീഴിലാക്കി ഏകോപിപ്പിച്ചു ഭൂലോകത്തിലെക്കിറങ്ങി പ്രതികരിക്കുകയാണ് ചെയ്തത്. വളരെ വലിയ ഒരു മാധ്യമ ശ്രദ്ധ ഈ അവസരത്തില്‍ ഈ പരിപാടിക്ക് ലഭിച്ചു എന്നത് എടുത്തു പറയേണ്ടുന്ന ഒരു കാര്യമാണ്.

ഈ പരിപാടിയോട് സഹകരിച്ച ഏവര്‍ക്കും നമ്മുടെ ബൂലോകം ടീമിന്റെ നന്ദി.

ജീവിക്കുവാനുള്ള തത്രപ്പാടിനിടയില്‍, ഒഴുക്കില്‍ പെട്ടുപോയേക്കാവുന്ന സ്വജീവിതവും സഹജീവിതങ്ങളും രക്ഷപ്പെടണമെന്ന ആഗ്രഹവുമായി തൊഴിലിടങ്ങളില്‍ നിന്നും ബാഗുകളും തൂക്കി മറൈന്‍ ഡ്രൈവില്‍ ഒത്തുകൂടിയ ഈ തലമുറയുടെ പ്രതിനിധികളേ.. നിങ്ങളാണ് ശരി..!! നിങ്ങള്‍ തെളിയിച്ച ഈ മെഴുകിതിരി വെട്ടം കേരളത്തിലെ ജനങ്ങള്‍ നാളെയേറ്റെടുത്തേക്കും.. ഒരു ഡാമിന്റെ പേരില്‍.. ഒരു നാട്ടിലെ ജനതയുടെ പേരില്‍ ഇത് വരെ കാണാത്ത വെര്‍ച്ചല്‍ സൌഹൃദങ്ങള്‍ ഒരുമിച്ചു ചേര്‍ന്നെങ്കില്‍ - തീര്‍ച്ചയായും തൊട്ടപ്പുറത്തെ വീട്ടിലെ സുഖമില്ലാത്ത ചേട്ടനെ തിരിഞ്ഞു നോക്കാത്തവരെന്നും പട്ടിണി പാവങ്ങളോട് മുഖം തിരിച്ചിട്ട് അവരുടെ ഫോട്ടോകളില്‍ ലൈക്ക് അടിക്കുകയും കമന്റിടുകയും ചെയ്യുന്നവരെന്നുമുള്ള - അറിവില്ലായ്മയുടെ ജല്പനങ്ങള്‍ പുലമ്പുന്നവര്‍ക്ക് നേരെ നിങ്ങള്‍ക്കിനി ശക്തമായി പ്രതികരിക്കാം. “35 ലക്ഷത്തിനു മേല്‍ ജനങ്ങള്‍ക്ക് വേണ്ടി ഞങ്ങള്‍ ഒരു കൈത്തിരി വെട്ടമെങ്കിലും കത്തിച്ചു. ആ കൈത്തിരി വെട്ടത്തിന്റെ പ്രകാശം കെടാതെ സൂക്ഷിക്കുവാനുള്ള ഊര്‍ജ്ജം ഞങ്ങളില്‍ നിന്നും കെടുത്താതെ നോക്കുക. ഒരു പക്ഷെ ഇനിയും നാളെകളില്‍ നിങ്ങളുടെ വീരസാഹികതകള്‍ , കവലപ്രസംഗങ്ങള്‍, ഭാവനാസൃഷ്ടികള്‍, പരിസ്ഥിതി വാദങ്ങള്‍ ഒക്കെ ശ്രവിക്കാന്‍ ഇവിടെ ഈ മണ്ണില്‍ ആള്‍ വാസമുണ്ടാവണമെങ്കില്‍ ഒന്നുകില്‍ ഞങ്ങളോടൊത്ത് അണിചേരൂ.. അതല്ലെങ്കില്‍ ദയവ് ചെയ്ത് ഞങ്ങളെ തളര്‍ത്താന്‍ ശ്രമിക്കാതിരിക്കുക ”

സത്യത്തില്‍ ഈ വെര്‍ച്ചല്‍ മീഡിയയുടെ ഒരു ഭാഗമായതില്‍ ഒട്ടേറെ അഭിമാനം തോന്നിയ നിമിഷമായിരുന്നു ഇന്ന് വൈകുന്നേരം 5.30 മണിമുതല്‍ 8 മണിവരെ. അത്രയേറെ ആസ്വദിച്ചായിരുന്നു എറണാകുളത്തെ മറൈന്‍ ഡ്രൈവില്‍ തടിച്ചു കൂടിയ സൈബര്‍ എഴുത്തിടങ്ങളില്‍ തളക്കപ്പെട്ട യുവജനതയുടെ ആവേശം. ഞങ്ങള്‍ ആവേശം കൊണ്ടത് പരസ്പരമുള്ള പുകഴ്തലുകളിലെ ലൈകുകളിലോ കമന്റുകളിലോ ചിറ്റ്ചാറ്റിലോ ആയിരുന്നില്ല. മറിച്ച് ഒരു ജനതയെ ഉണര്‍ത്തുവാനുള്ള ഈ ശ്രമത്തില്‍ ഭാഗമാകാന്‍ കഴിഞ്ഞത് ഓര്‍ത്തായിരുന്നു.

കഴിഞ്ഞ കുറച്ച് ദിവസങ്ങളായി ബ്ലോഗ്, ബസ്സ്, ഫെയ്ബുക്ക് എന്നിവിടങ്ങളിലായി ചര്‍ച്ചകളിലൂടെ രൂപപ്പെട്ട് വന്ന Save Sinking Kerala എന്ന മൂവ്മെന്റിന്റെ ഭാഗമായി ഇന്ന് വൈകീട്ട് നടന്ന കാന്‍ഡില്‍ ലൈറ്റ് വിജിലില്‍ പങ്കെടുക്കുവാന്‍ കഴിഞ്ഞു. ഇത് വരെ കാണാത്തവര്‍ വീ വാന്‍ഡ് ന്യൂ ഡാം എന്ന മുദ്രാവാക്യത്തിനു പിന്നില്‍ (അതോ മുറവിളിയോ) അണിനിരന്നതില്‍ നിന്നും ചില നിമിഷങ്ങള്‍ ഇവിടെ പങ്കുവെക്കട്ടെ.

പ്രമുഖരുടെ പ്രസംഗങ്ങളില്‍ നിന്നും :

സംഘാടക സമിതി അംഗം : രാജു നായര്‍
ഇത് മരണത്തിനു മുന്നിലുള്ള അവസാനത്തെ കരച്ചില്‍ ആണ്. മലയാളികളുടെ ജീവിക്കാന്‍ വേണ്ടിയുള്ള വികാരം സര്‍ക്കാരും തമിഴ്നാടും കേള്‍ക്കുന്നില്ല. സൈബര്‍ കൂട്ടായ്മയുടെ ശബ്ദം വിര്‍ച്വല്‍ ലോകത്ത് നിന്നും തെരുവിലേക്ക് ഇറങ്ങിയിരിക്കുകയാണ്. അടിയന്തിരമായി അധികാര വര്‍ഗ്ഗം ഇത് മനസ്സിലാക്കി പ്രവര്‍ത്തിക്കേണ്ടിയിരിക്കുന്നു. തമിഴര്‍ക്കു വെള്ളം കൊടുത്തോട്ടെ, പക്ഷെ പുതിയ ഡാം വേണം എന്ന് തന്നെയാണ് നമ്മുടെ ആവാശ്യം. ഈ ആവശ്യംമാത്രം മുന്‍ നിര്‍ത്തിയാണ് ഇന്ന് ഇവിടെ ഈ പരിപാടി സംഘടിപ്പിച്ചിരിക്കുന്നത്.

അദ്ധ്യക്ഷന്‍ : മനോജ്‌ രവീന്ദ്രന്‍ ( നിരക്ഷരന്‍ )

ഓണ്‍ ലൈന്‍ മീഡിയകള്‍ ആണ് മുല്ലപ്പെരിയാര്‍ വിഷയത്തെക്കുറിച്ച് അത്യധികം വ്യാകുലപ്പെടുന്നുള്ളൂ. മറ്റു ചെറിയ ചെറിയ വിഷയങ്ങള്‍ക്ക്‌ പോലും റോഡിലിറങ്ങുന്ന രാഷ്ട്രീയക്കാരും സാംസ്കാരിക നായകന്മാരും പക്ഷിക്കും മൃഗങ്ങള്‍ക്കും മരത്തിനും മണലിനും വേണ്ടി ഘോരാഘോരം പ്രസംഗിക്കുമ്പോളും ഈ വിഷയത്തില്‍ പ്രതികരിക്കുന്നില്ല. ഇവിടെ മനുഷ്യ ജീവിതങ്ങള്‍ക്ക് അധികാര വര്‍ഗ്ഗവും നീതിന്യായ വ്യവസ്ഥയും ഒട്ടും വില കല്‍പ്പിക്കുന്നില്ല . തമിഴ് നാടിനു വെള്ളം കൊടുക്കേണ്ട എന്ന് കേരളം പറയുന്നില്ല. മറിച്ച് നമുക്ക് ജീവിക്കണം എന്നേ പറയുന്നുള്ളൂ. ഇത് കോടതിക്ക് പുറത്തു രമ്യമായി തീര്‍ക്കുക. ഈ പ്രതികരണത്തിലൂടെ ഈ ഒരു സന്ദേശം ജനങ്ങളിലേക്ക് എത്തിക്കുക എന്നത് തന്നെയാണ് നമ്മുടെ ലക്ഷ്യം .

ഉദ്ഘാടകന്‍ : ജസ്റിസ് വി ആര്‍ കൃഷ്ണയ്യര്‍ :

കേരളം നശിക്കുകയാണ്. നമ്മെ രക്ഷിക്കുവാന്‍ ഡല്‍ഹി വരില്ല. അതിനു നാം തന്നെ തുനിഞ്ഞിറങ്ങണം. എനിക്ക് 97 വയസ്സായി എന്നെക്കാള്‍ പ്രായമുള്ള; അരക്ഷിതാവസ്തയിലുള്ള ഡാം ആണിത്. കേരള ജനങ്ങളെ നിങ്ങള്‍ ഉണരുക. ധീരമായി മുന്നോട്ടു പോകുക. റിയോ കരാര്‍ പ്രകാരം, 116 കൊല്ലം പഴക്കമുള്ള ഈ മുല്ലപ്പെരിയാര്‍ കരാര്‍ പുതുക്കേണ്ട സമയം കഴിഞ്ഞിരിക്കുന്നു. ഉണരൂ പ്രധാന മന്ത്രി ഉണരൂ...ഇവിടെ കത്തിക്കുന്ന ഈ തിരികളിലൂടെ നിങ്ങളുടെ മനസ്സിലുകളിലും ജനങ്ങളുടെ മനസ്സിലും ഈ വിഷയത്തിന്റെ ഭീകരതയെക്കുറിച്ച് വെളിച്ചം വിതറാന്‍ യുവാക്കളുടെ സംരംഭം കാരണമാകട്ടെ. ശക്തമായി തന്നെ പ്രതികരിക്കൂ.

ആശംസകള്‍ : ഹൈബി ഈഡെന്‍

സോഷ്യല്‍ നെറ്റ് വര്‍ക്കില്‍ നിന്നുമുണ്ടായ ഈ കൂട്ടായ്മ തികച്ചു വലിയ ഒരു സംരംഭം തന്നെയാണ് . യുവാക്കള്‍ സോഷ്യല്‍ നെറ്റ്‌വര്‍ക്കുകള്‍ക്ക് അടിമകളാണെന്നും അവര്‍ ഒന്നിനോടും പ്രതികരിക്കുന്നില്ലെന്നും വിമര്‍ശിക്കുന്നവര്‍ക്കുള്ള മറുപടിയാണ് നിങ്ങളുടെ ഈ പ്രവര്‍ത്തനങ്ങള്‍. ഈ വിഷയത്തില്‍ രാഷ്ട്രീയഭേദമില്ലാതെ നമുക്ക് ഒറ്റക്കെട്ടായി മുന്നോട്ട് പോകാം. ഇതില്‍ ഭാഗമാകാന്‍ കഴിഞ്ഞതില്‍ ഞാന്‍ സന്തോഷിക്കുന്നു.

ആശംസകള്‍ : അഡ്വക്കേറ്റ് മജ്‌നു കോമത്ത്

ഇന്ത്യ എന്ന വികാരമാണ് നമ്മുടേത്‌ . അല്ലാതെ തമിഴര്‍ കേരളീയര്‍ എന്നല്ല. 32 വര്‍ഷം ഗോശ്രീ പാലങ്ങള്‍ക്ക് വേണ്ടിയുള്ള പോരാട്ടത്തില്‍ എളിയ സംഭാവനകള്‍ ചെയ്യുവാന്‍ എനിക്ക് കഴിഞ്ഞു. ആ പാലങ്ങള്‍ 2006 ഇല്‍ യാദാര്‍ത്ഥ്യമായി. അതേ 2006 ല്‍ തന്നെയാണ് സുനാമി വന്നത്. അന്ന് പാലം ഉണ്ടായത് കൊണ്ട് ആയിരക്കണക്കിന് ആളുകളാണ് രക്ഷപെട്ടത്. അപകടം ഏതു നിമിഷവും സംഭവിക്കാം. അതിന് ബദല്‍ സം‌വിധാനങ്ങള്‍ ഒരുക്കുവാന്‍ സര്‍ക്കാര്‍ അടിയന്തിരമായി ശ്രമിക്കണം. ഈ മൂവ്മെന്റ് വഴി ഒന്നും രണ്ടുമല്ല, 35 ലക്ഷം ജീവനുകള്‍ക്ക് വേണ്ടിയാണ് സൈബര്‍ ലോകത്തെ ഈ കൂട്ടായ്മ ഇന്നിവിടെ പ്രതികരിച്ചിരിക്കുന്നത്. എല്ലാ പിന്തുണയും നല്‍കുന്നു.

ആശംസകള്‍ : റിമ കല്ലുങ്കല്‍

ട്വിറ്റര്‍, ഫേയ്സ്‌ബുക്ക് , മറ്റു സോഷ്യല്‍ നെറ്റ്വര്‍ക്കുകളിലൂടെ ഒരു ജനതയുടെ ജീവിതം രക്ഷിക്കാന്‍ ഇവിടെ കൂടിയ ഏവര്‍ക്കും നന്ദി പറയാന്‍ ഈ അവസരം ഞാന്‍ ഉപയോഗിക്കുന്നു. നമ്മെ സ്നേഹിക്കുന്നവര്‍ക്ക് വേണ്ടി പ്രതികരിക്കേണ്ടാതും അവര്‍ക്ക് വിവരം പകര്‍ന്നു നല്‍കേണ്ടതും നാം യുവാക്കളാണ്. ഈ മൂവ്മെന്റിന്റെ ഭാഗമാകുവാന്‍ കഴിഞ്ഞതില്‍ ഞാന്‍ അഭിമാനിക്കുന്നു. ഒരു സിനി ആക്ട്രസെന്ന നിലയില്‍ എനിക്ക് ഈ വിഷയത്തില്‍ ചെയ്യാവുന്ന എല്ലാ സഹായങ്ങളും ഭാവിയിലേക്കും ഞാന്‍ വാഗ്ദാനം ചെയ്യുകയും ചെയ്യുന്നു.

ചടങ്ങുകള്‍ക്ക് ഷോണ്‍ നന്ദി പറഞ്ഞതോടെ മറൈന്‍ ഡ്രൈവ് വാക്‌വേയിലൂടെ ഒരു നാടിന്റെ രക്ഷക്കായി കേണുകൊണ്ട് ഒരു യുവത മെഴുകുതിരികളും പ്ലക്കാര്‍ഡുകളുമായി അണിനിരന്നു.

ബൂലോകത്തെ പ്രതിനിധീകരിച്ച് നിരക്ഷരന്‍, ജോഹര്‍, ഡോക്ടര്‍ ജയന്‍ ഏവൂര്‍, കാര്‍ട്ടൂണിസ്റ്റ് സജീവ്, മത്താപ്പ്, പാക്കരന്‍, കോവാലന്‍, വേദവ്യാസന്‍, മണികണ്ഠന്‍, ദിമിത്രേവ്, അനൂപ് മോഹന്‍ എന്നിവരോടൊപ്പം ഞാനും ഈ കൂട്ടായ്മയില്‍ പങ്കെടുത്തു. നന്ദി.. ഇതിന്റെ സംഘാടകര്‍ക്ക്..

Above Photo By : Jipson Sikhera , Times of India

റിപ്പോര്‍ട്ട് : മനോരാജ്
ഫോട്ടോ : ജോ ജോഹര്‍

പ്രക്ഷോഭത്തില്‍ അണിചേരുക

2011-11-24T05:58:00.007+05:30

മുല്ലപ്പെരിയാര്‍ സംയുക്ത പ്രക്ഷോഭത്തില്‍ അണിചേരുക

സുഹൃത്തുക്കളേ

ഫേസ്ബുക്കിൽ മാത്രം മൂന്ന് മുല്ലപ്പെരിയാർ ഗ്രൂപ്പുകൾ ഉണ്ട്. അവരെല്ലാം കൊച്ചിയുടെ തെരുവുകളിലേക്കിറങ്ങി സമര പരിപാടികൾ പദ്ധതിയിടുന്നുമുണ്ട്. വളരെ നല്ലത്, അതിയായ സന്തോഷം. പക്ഷെ, വേറെ വേറെ സമരങ്ങൾ സംഘടിപ്പിക്കുന്നതിന് പകരം ഈ ഗ്രൂപ്പുകളും സമരം പ്ലാൻ ചെയ്യുന്ന മറ്റ് എല്ലാ സോഷ്യൽ നെറ്റ്‌വർക്കിങ്ങ് സൈറ്റുകളും സംഘടനകളും ഒരുമിച്ച് കൂടിയാലോചിച്ച് കൂട്ടത്തോടെ ശബ്ദമുയർത്തണമെന്ന് അഭ്യർത്ഥിക്കുന്നു.

സമരം തികച്ചും സമാധാനപരമായിരിക്കണം. ഒരു കാൽനടയാത്രക്കാരന് പോലും സമരം കാരണം വഴി തടസ്സമോ ബുദ്ധിമുട്ടോ ഉണ്ടാകാതെ നോക്കണം. ആ രീതി അവലംബിച്ചാൽ അയാളും നമുക്കൊപ്പം ചേർന്നെന്ന് വരും. സംഭവിക്കാൻ പോകുന്ന ദുരന്തത്തിന്റെ ഭീകരത ജനങ്ങളിലേക്ക് എത്തിക്കുക എന്നതാണ് ലക്ഷ്യം. അതിൽ വിജയിക്കാനായാൽ കൂടുതൽ ജനങ്ങളെ തെരുവിലേക്ക് എത്തിക്കാനാവും. പ്രക്ഷോഭങ്ങളും ബോധവൽക്കരണവുമൊക്കെ എല്ലാ ദിവസവും ഒരു മണിക്കൂറെങ്കിലും നടത്താനാകും. ഇന്ന് സൌകര്യപ്പെടാത്തവൻ നാളെ വരുക. നാളെയും പറ്റിയില്ലെങ്കിൽ മറ്റന്നാൾ. നിശ്ചിതമായി കുറേപ്പേർ എന്നും സമാധാനപരമായി തെരുവിൽ ഉണ്ടായാൽ ഇതുവരെ കേരളം കണ്ടിട്ടുള്ള സമരങ്ങളിൽ നിന്നൊക്കെ വ്യത്യസ്തമാകും അത്. ജാതി മത പാർട്ടി ചിന്തകൾ ഇല്ലാതെ എല്ലാവരും ഒരുമിച്ച് കൂടണം. ഓരോത്തരും സ്വന്തമായി ഓരോ പ്ലക്കാർഡോ ശീലയിൽ എഴുതിയ മുദ്രാവാക്യമോ കൊണ്ടുവന്നാൽ അതിനായി മറ്റൊരാളെ ആശ്രയിക്കേണ്ടി വരില്ല. പോകുമ്പോൾ മടക്കി ബാഗിലോ പോക്കറ്റിലോ വെച്ചാൽ അടുത്ത ദിവസവും ഉപയോഗിക്കാം. തൊണ്ട കീറി മുദ്രാവാക്യം വിളിക്കാതെ തന്നെ ഈ സമരം ഭംഗിയായി നടത്താനാകും.

ഒരു ദിവസം കൊണ്ട് അവസാനിപ്പിച്ച് പോകേണ്ട ഒന്നല്ല ഇത്. ഇപ്പോൾത്തന്നെ കേരളത്തിലുണ്ടായിരിക്കുന്ന ഒരു ഇളക്കത്തെ തമിഴ്‌നാട് ഭയപ്പെടാൻ തുടങ്ങിയിട്ടുണ്ട്. കേന്ദ്രസർക്കാരിനുള്ള പിന്തുണ പിൻ‌വലിക്കണം എന്ന നിലയിലുള്ള വലിയ നീക്കങ്ങളാണ് അവർ പദ്ധതിയിടുന്നത്. ചിലയിടത്ത് അക്രമസംഭവങ്ങളും ഉണ്ടായിട്ടുണ്ട്. പത്രവാർത്തകൾ കണ്ടുകാണുമല്ലോ ?

നമ്മൾ ഒരിക്കലും തമിഴ് ജനതയ്ക്ക് എതിരല്ല. പുതിയ ഡാം ഉണ്ടാക്കിയാൽ അതിൽ നിന്ന് അവർക്ക് വെള്ളം കൊടുക്കില്ല എന്ന് കേരളം പറഞ്ഞിട്ടില്ല. തീർച്ചയായും വെള്ളം കൊടുത്തുകൊണ്ടേയിരിക്കും. ഡാം തകർന്ന് ഒരു ദുരന്തം ഉണ്ടായാൽ‌പ്പോലും ഭൂമി പിന്നേം കറങ്ങിക്കൊണ്ടിരിക്കും. ജീവിതം മുന്നോട്ട് തന്നെ പോയേ പറ്റൂ. ബന്ധുജനങ്ങളും സ്വത്തും ഭൂമിയും കിടപ്പാടവും ജോലിയും ഒക്കെ നഷ്ടപ്പെട്ട് അവശേഷിക്കുന്ന മലയാളികൾക്കും കാലക്രമേണ ജീവിതത്തിലേക്ക് തിരിച്ചുവന്നെ പറ്റൂ. അതിന് ചിലപ്പോൾ അഞ്ചോ പത്തോ വർഷം എടുക്കുമെന്ന് മാത്രം.

പക്ഷെ തമിഴ് സഹോദരന്മാരുടെ ജീവിതം അതിനേക്കാൾ ഭീകരമായിരിക്കുമെന്ന് അവർ മനസിലാക്കുന്നില്ല. തേനി, മധുര, ദിണ്ടിക്കല്‍ ‍, രാമനാഥപുരം എന്നിങ്ങനെ മുല്ലപ്പെരിയാറിലെ വെള്ളത്തിൽ നിന്ന് പൊന്ന് വിളയിച്ച് ജീവിക്കുന്ന ഒരു വലിയ തമിഴ് സമൂഹം ഡാം തകർന്ന അന്നുമുതൽ പട്ടിണിയിലാകും. പിന്നീടൊരു ഡാം ഉണ്ടാക്കാൻ കേരള മക്കൾ സമ്മതിച്ചെന്ന് വരുകയുമില്ല. എന്തായിരിക്കും അനന്തരഫലമെന്ന് ആലോചിക്കാതെ, ചില നേതാക്കന്മാരുടെ താളത്തിനൊത്ത് തുള്ളുക മാത്രമാണ് അവർ ചെയ്യുന്നത്. നമുക്കത് ഈ രീതിയിൽത്തന്നെ വേണം അവരെ പറഞ്ഞ് മനസ്സിലാക്കാൻ. നമ്മളോളം അല്ലെങ്കിൽ നമ്മളേക്കാൾ വിവരവും വിദ്യാഭ്യാസവും ഉള്ളവർ തമിഴ് നാട്ടിലും ഉണ്ട്. അവരെകൂടെ നമ്മൾക്കൊപ്പം ചേർത്ത് മനുഷ്യത്വപരമായ ഒരു രീതിയിലാണ് ഇത് കൈകാര്യം ചെയ്യേണ്ടത്. അവരെന്തെങ്കിലും രസിക്കാത്തത് പറഞ്ഞാൽ‌പ്പോലും നമ്മൾ പ്രകോപിതരാകാതെ നോക്കണം. തികഞ്ഞ മാന്യതയോടെയും മര്യാദയോടെയും വേണം ഈ പ്രശ്നം കൈകാര്യം ചെയ്യാൻ.

നമ്മൾ ഓരോരുത്തരും ജീവനുവേണ്ടി കെഞ്ചുക തന്നെയാണിവിടെ. കോടതിക്ക് വെളിയിൽത്തന്നെ എത്രയും പെട്ടെന്ന് ഈ വിഷയം അവസാനിക്കാനുള്ള ശ്രമങ്ങളാണ് നടത്തേണ്ടത്.

എല്ലാവരും കൂടെ ഒത്തൊരുമിച്ച് ആലോചിച്ച് തെരുവിലേക്കിറങ്ങാം. എത്രയും പെട്ടെന്ന് തന്നെ. അടുത്ത ദിവസത്തെ പദ്ധതി അവിടെ വെച്ചും ഇതുപോലുള്ള ഇടങ്ങളിലും വെച്ച് ആലോചിച്ച് തീരുമാനിക്കാം. ഭംഗിയായി, 100 % സമാധാനപരമായി കാര്യങ്ങൾ നടക്കാൻ എന്റെ സഹകരണം എപ്പോഴുമുണ്ടാകും.

സസ്നേഹം

-നിരക്ഷരൻ

(അന്നും ഇന്നും എപ്പോഴും)

manojravindran@gmail.com

9895938674

ഭൂമി പൊട്ടിച്ച് മുളച്ച് കൈനീട്ടുന്ന കഥാപാത്രങ്ങൾ.

2011-11-21T12:20:00.001+05:30

അനിൽ വേങ്കോട്

ഒരു ദിവസം അപ്പുക്കിളിയും കുഞ്ഞാമിനയും വന്ന് നിങ്ങളെ പരിചയപ്പെട്ടിട്ട് ഇങ്ങനെ പറയുന്നുവെന്നിരിക്കട്ടെ,
“ഞങ്ങൾ ഖസാക്കിൽ നിന്നു വരുന്നു, ഇവിടെ അടുത്ത് ഒരു കല്യാണത്തിനു വന്നതാണ്” എന്ന്.

എപ്പോഴെങ്കിലും നിങ്ങൾ ഖസാക്കിന്റെ ഇതിഹാസം വാ‍യിച്ചിട്ടുണ്ടെങ്കിൽ തീർച്ചയായും അത്ഭുതം കൊണ്ട് കണ്ണ് മിഴിക്കും. ഇങ്ങനെ എഴുപതുകളിൽ മയ്യഴിയിൽ മുകുന്ദന്റെയോ, പാലക്കാടൻ ഗ്രാമങ്ങളിൽ ഒ. വി. വിജയന്റേയോ കഥാപാത്രങ്ങളെ പരതി നടന്ന ഒരു തലമുറ ഇന്ന് വാർദ്ധക്യത്തോടടുത്തിരിക്കുന്നു.

ഈ അടുത്തിടെ ബെന്യാമിന്റെ മഞ്ഞവെയിൽ മരണങ്ങൾ എന്ന നോവലിന്റെ പ്രകാശനത്തിനായി ബഹ്‌റൈനിൽ എത്തിയ സന്തോഷ് ഏച്ചിക്കാനം ബഹ്‌റൈനിലെ റോഡ് വക്കിലും പാർക്കിലും കണ്ടു മുട്ടിയ ഈ നോവലിലെ കഥാപാത്രങ്ങളെ കുറിച്ച് ഇങ്ങനെ പറയുകയുണ്ടായി. ‘ഭൂമി പൊട്ടിച്ച് മുളച്ച് കൈനീട്ടുന്നു സ്ത്രീകഥാപാത്രം’ എന്നൊരു വരി കുരീപ്പുഴയുടെ കവിതയിലുണ്ട്. ഇങ്ങനെ റോഡിലോ സൂപ്പർ മാർക്കറ്റിലോ മുളച്ച് നിങ്ങൾക്ക് നേരെ കൈനീട്ടുന്ന കഥാപാത്രങ്ങൾ പ്രത്യക്ഷത്തിലും പരോക്ഷത്തിലും മഞ്ഞവെയിൽ മരണങ്ങളിൽ ധാരാളം കാണാൻ കഴിയും. പ്രത്യേകിച്ച് ബഹ്‌റൈനിൽ ജീവിക്കുന്ന ഒരാൾക്ക് തന്റെ ജീവിതത്തിനോട് ചേർന്ന് സമാന്തരമായി ഒഴുകുന്ന ഒന്നായി ഈ കഥാഗതികൾ അനുഭവപ്പെടാതിരിക്കില്ല.

ആദ്യവായന നൽകിയ ഈ സ്പർശത്തിൽ നിന്നാണ് ബഹ്‌റൈനിലെ ബ്ലോഗർമാരും എഴുത്തുകാരും അടങ്ങുന്ന ഒരു ചെറുസംഘം കഴിഞ്ഞ വ്യാഴാഴ്ച( 17/11/11) ബുഅലി റെസ്റ്റോറന്റിൽ ഒത്തുകൂടിയത്. മഞ്ഞവെയിൽ മരണങ്ങളിൽ ബെന്യാമിൻ വിവരിക്കുന്ന ‘വ്യാഴചന്ത‘യുടെ ഒരു വിപുലീകരിച്ച പതിപ്പ് പുനഃസൃഷ്ടിക്കുകയയിരുന്നു ലക്ഷ്യം. ഓരോ വായനക്കാരനും ഓരോ തരത്തിലാണ് മഞ്ഞവെയിൽ മരണങ്ങളെ വായിച്ചത്- അത്തരം വായനകൾക്കു സാധ്യതയുണ്ട് എന്നത് ഈ നോവലിന്റെ ഒരു വലിയ പ്രത്യേകതയാണ്.

നോവലിസ്റ്റിനു ലഭിക്കുന്ന ഒരു ഈ മെയിൽ സന്ദേശത്തെ തുടർന്ന് ക്രിസ്റ്റി ആന്ത്രപ്പേർ എന്നൊരാളിന്റെ ആത്മകഥയിലേയ്ക്ക് നോവലിസ്റ്റും സുഹൃത്തുക്കളും ചേർന്നു നടത്തുന്ന അന്വേഷണമാണ് ‘മഞ്ഞവെയിൽ മരണങ്ങളുടെ’ ഇതിവൃത്തം. ലോകത്തിന്റെ പലകോണുകളിലേയ്ക്ക് ചിതറിപ്പോകുന്ന ഒരു ആത്മകഥയെ അന്വേഷിച്ചുള്ള യാത്രയിൽ വെളിപ്പെടുന്ന ചരിത്രങ്ങളുടേയും സംഭവങ്ങളുടേയും സൂക്ഷ്മഖനികളാണ് ഈ നോവലിനെ ഒരേസമയം ഒരു കുറ്റാന്വേഷണ നോവലിന്റെ പിരിമുറുക്കത്തിലും ഒരു ഉത്തരാധുനികാനന്തര കൃതിയുടെ രാഷ്ട്രീയ ഭൂപടത്തിലേയ്ക്കും കൊണ്ടുചെന്നെത്തിക്കുന്നത്.

ഒരു സാഹിത്യകാരൻ ഭാഷയ്ക്ക് നൽകുന്ന സംഭാവനകളിൽ ഏറ്റവും പ്രധാനമായ ഒന്ന് വാക്കുകളേയും ,പ്രയോഗങ്ങളേയും അത് നേരത്തേ ചെന്നെത്താത്ത അതിരുകളിൽ ചെന്ന് മുട്ടി വലുതാക്കുകയെന്നതാണ്.

അങ്ങനെയാണ് അതുവരെ വെളിപ്പെടാനാകാതെ നിന്ന അനുഭവങ്ങളൂം ലോകങ്ങളും സാഹിത്യത്തിൽ പരിചിതമാകുന്നത്. ഈ നിലയ്ക്ക് ബെന്യാമിൻ ഉപയോഗിച്ച ആടുജീവിതം എന്ന പ്രയോഗം പുതിയ അർത്ഥവ്യാപ്തിയുള്ള ഒരു പ്രയോഗമായി ഇന്ന് പരക്കെ ഉപയോഗിക്കാൻ തുടങ്ങിയിരിക്കുന്നു.
പുതിയ നോവലിലെ ‘ മഞ്ഞ വെയിൽ മരണങ്ങൾ’ എന്ന പ്രയോഗവും താമസിയാതെ അത്തരത്തിൽ ഒന്നായി തീരും. അലസമായി നാം നമ്മുടെ സ്വീകരണമുറികളിലിരുന്ന് നുണയുന്ന വാർത്തകൾ മാത്രമായ നൂറുക്കണക്കിനു നിഷ്ടൂര കൊലപാതകങ്ങളെയാണ് നാം നിത്യം മറികടന്നു പോകുന്നത്. ഈ മാഞ്ഞുപോകലുകളെ നാളെ മലയാളം ഈ പ്രയോഗംകൊണ്ട് അടയാളപ്പെടുത്താതിരിക്കില്ല. ഇങ്ങനെ ഇളം വെയിലിൽ നമ്മെ ഒട്ടും അലോരസപ്പെടുത്താതെ കടന്നുപോകുന്ന ഇരകളുടെ അവസ്ഥ ചിത്രീകരിക്കുകയാണ് ഒരർത്ഥത്തിൽ ബെന്യാമിൻ ഈ നോവലിൽ ചെയ്യുന്നത്.

ബെന്യാമിൻ തന്നെ ഈ കൂട്ടായ്മയിൽ പറഞ്ഞതുപോലെ തന്റെ അടുത്തകാലത്ത് വന്നകഥകൾ എല്ലാം തന്നെ നൂനപക്ഷ ജനതയുടെ വിശ്വാസങ്ങളെയും പീഡനങ്ങളെയും സംബന്ധിക്കുന്നതായിരുന്നു. ഈ നോവലിലും അത്തരം ഒരു കാഴ്ചപാടിൽ നിന്നുള്ള ചിത്രീകരണം ദർശിക്കാവുന്നതാണ്.

നടപ്പുകാലത്തെ ചിത്രീകരിക്കുന്നതിന്റെ വെല്ലുവിളി ഈ നോവൽ സമർത്ഥമായി ഏറ്റെടുത്തുണ്ട്. പുതിയ മാധ്യമ സാധ്യതകൾ, അതുവഴി രൂപപെട്ട കമ്മ്യൂണിറ്റികൾ ഇതെല്ലാം ഈ നോവലിൽ കഥയിൽ അലിഞ്ഞുതന്നെ വരുന്നു. ഫെയിസ് ബുക്കും ബ്ലോഗും ഇ –മെയിൽ സാധ്യതകളും ഉപയോഗിക്കുന്നുവെന്നു മാത്രമല്ല,ഒരു ഡിജിറ്റൽ ലോകത്തിന്റെ വിർച്വൽ യാഥാർത്ഥ്യം പോലെ നിരവധി വിർച്വലുകൾ സൃഷ്ടിക്കുന്ന പുതിയ വ്യക്തിത്വക്കൂടി ഈ നോവൽ പ്രമേയമാക്കൂന്നു. ക്രിസ്റ്റി ആന്ത്രപ്പേർ എന്ന പ്രധാന കഥാപാത്രത്തെക്കുറിച്ച് ഈ നിരവധി വിർച്വലുകൾ സൃഷ്ടിക്കാൻ നോവലിസ്റ്റ് ശ്രമിച്ചിട്ടുണ്ട്. മറ്റ് കഥാപാത്രങ്ങളിലും ഈ ശ്രമം വിജയം കണ്ടിട്ടുണ്ട്.

ഭരണകൂടകേന്ദ്രീകൃതമായ ഒരു അധികാര കേന്ദ്രത്തിൽ നിന്ന് അധികാരം വികേന്ദ്രീകൃതമായി കൂടുതൽ ശക്തിപ്പെടുന്ന ഒരു രാഷ്ടീയ സാഹചര്യത്തിലാണ് നാം ജീവിക്കുന്നത്. ഇവിടെ നമ്മുടെ നിഴലുപോലും നമുക്ക് മേൽ അധികാരപ്രയോഗത്തിന്റെ രൂപമായി വരുന്ന സാഹചര്യമുണ്ട്. കൺ‌ട്രോൾഡ് സൊസൈറ്റികളിൽ എങ്ങനെയാണ് മനുഷ്യനെ ഞെരുക്കുകയും മെരുക്കുകയും എലിമിനേറ്റ് ചെയ്യുകയും ചെയ്യുന്നത് എന്ന് ഈ നോവൽ നമ്മളോട് സംസാരിക്കുന്നു. ഈ നിലയിലാണ് നോവലിസ്റ്റ് ജീവിക്കുന്ന ബഹ്‌റൈൻ പോലുള്ള ഒരു സ്ഥലത്തെ പ്രവാസക്കൂട്ടായ്മയിൽ കാണുന്ന ആഴത്തിലുള്ള വേരുകളുടേയും വിശ്വാസത്തിന്റേയും എന്നതു പോലെ ഏറ്റവും പുതിയ രാഷ്ട്രീയ രൂപപ്പെടലിന്റെ കഥപറയുന്ന നോവൽ കൂടിയാവുന്നത്.

ഉത്തരാധുനിക എഴുത്തുകാർ പിന്തുടർന്ന ചിലശൈലികൾ ഈ നോവൽ പിൻപറ്റുന്നുവെന്ന ആരോപണം ഈ കൂട്ടായ്മയിൽ ഉയർന്നുവരുകയുണ്ടായി. ഡാൻ ബ്രൌണിന്റെയൊക്കെ ചില രീതികൾ ഈ നോവൽ പിന്തുടരുന്നുണ്ടോ?

ചില വസ്തുതകളുടെ ചരിത്രത്തിൽ ആഴത്തിൽ കടന്നുചെന്ന് സൂക്ഷമതലത്തിൽ വിവരിച്ചിറങ്ങുന്ന രീതിയാണ് ഇത്തരത്തിലൊരു സന്ദേഹത്തിനു വഴിവച്ചത്.

ടി.ഡി രാമകൃഷ്ണന്റെ‘ ഫ്രാൻസിസ് ഇട്ടിക്കോര’ യിൽ ഇത് ഒരു പടികൂടികടന്ന് വിക്കിപ്പീഡിയാ വിവരണത്തിന്റെ അരുകോളം എത്തിയന്നും ആ വഴിയുള്ള സഞ്ചാരം ഒഴിവാക്കാമായിരുന്നില്ലേയെന്ന് ചോദ്യമുയർന്നു.

ബെന്യാമിൻ ഇതേപ്പറ്റി പറഞ്ഞത് ഞാൻ ഇട്ടിക്കോരയിൽ വായിച്ച നോവൽ നിങ്ങൾ പറഞ്ഞനിലയിലൊന്നായിരുന്നില്ല. ചരിത്രവസ്തുതകളെ വിവരിക്കുന്നതാണ് പ്രശ്നമെങ്കിൽ ഈ പ്രശ്നം ‘മാർത്താണ്ഡവർമ്മ‘യിലും ‘ധർമ്മരാജ‘യിലും ഉണ്ടായിരുന്നു. സിവിയിൽ നിന്ന് താൻ വരെയുള്ള നോവലിസ്റ്റ്കളിൽ രൂപത്തിൽ ചില തുടർച്ചകളുണ്ട്. ഇത് നിങ്ങൾക്ക് ഡാൻ ബ്രൌണിലും കാണാം. അതറിയാനായി ഉമ്പർട്ടോ എക്കോയെ വായിച്ചാൽ മതിയാകും.

കൃസ്തീയ തിയോളജിയിൽ ബെന്യാമിനുള്ള ആഴത്തിലുള്ള അറിവാണ് എടുത്തു പറയേണ്ട മറ്റൊരു വസ്തുത. പൌരസ്ത്യ സഭാ സവിശേഷതകളേയും അത് ചരിത്രത്തിൽ പലതായി വഴിതിരിയുന്ന ഘട്ടങ്ങളേയും അതിനു ഉപോൽബലകമായി വർത്തിക്കുന്ന സങ്കല്പങ്ങളേയും അസാധാരണ പാടവത്തോടെയാണ് അദ്ദേഹം വിവരിക്കുന്നത്. ക്രിസ്തുമതത്തിലെ മൌലികവാദപരമായ ടോട്ടലൈസിംഗ് ചിന്തകളെ നൂറ്റാണ്ടുകളായി ചെറുത്ത് തോൽ‌പ്പിക്കുന്നത് മഞ്ഞവെയിൽ മരണങ്ങളിൽ വിവരിക്കുന്നതുപോലുള്ള നൂനപക്ഷ ഗ്രൂപ്പുകളാണ്.

ഈ നോവലിന്റെ രചനയിൽ രസതന്ത്രത്തിൽ‘ സിന്തസിസ്’ എന്ന് പറയുന്നതു പോലുള്ള ഒരു മികച്ച കലർത്തൽ നടന്നിട്ടുണ്ട്. പലപ്പോഴും ഒർജിനലിനെ തോൽ‌പ്പിക്കുന്ന കൃത്രിമം എന്ന് പറയുന്ന പോലെയാണ് യാഥാർത്ഥ്യത്തേയും കല്പനയേയും കൂട്ടികലർത്തിയിരിക്കുന്നത്. അതിനായി തന്നോടൊപ്പം ജീവിച്ചിരിക്കുന്ന ചില സുഹൃത്ത്ക്കളെക്കൂടി അദ്ദേഹം ഇതിൽ ഉപയോഗ്ഗിച്ചിട്ടുണ്ട്. മലയാള സാഹിത്യത്തെ അതിനു നേരത്തേ പരിചയമില്ലാത്ത ജീവിത സാഹചര്യങ്ങളിലേയ്ക്ക് കൂട്ടികൊണ്ട് പോവുകയും വേഗത്തിൽ ഒഴുകുന്ന ഒരു ജനതയിൽ വേരാഴ്ന്നുകിടക്കുന്ന വിശ്വാസങ്ങളേയും ചരിത്രങ്ങളേയും അനാവരണം ചെയ്യുകയും ചെയ്തതിനു ബെന്യാമിൻ അഭിനന്ദനം അർഹിക്കുന്നു.

ഒരു ബഹുസ്വരമായ സമൂഹത്തിൽ ജീവിക്കുന്ന മലയാളിക്ക് തന്റെ അനുഭവങ്ങളിൽ നിന്നു ബെന്യാമിന്റെ ഫിക്ഷനിലേയ്ക്ക് ഒരു നെടുവീർപ്പിന്റെ അകലമേയുള്ളൂ. ഫികസ്ഷനും യാദാർത്ഥ്യവും തമ്മിൽ ഏറ്റ്വും അധികം ഇണക്കി ചേർത്തത് ആടു ജീവിതത്തിലായിരുന്നു. മഞ്ഞവെയിലിൽ പരാമർശിക്കുന്ന ചരിത്രം സത്യമായിരിക്കുമ്പോഴും അതിനുള്ളിൽ വികസിക്കുന്ന കഥ ഫിക്ഷൻ തന്നെയാണ്. അതേസമയം ജീവിച്ചിരിക്കുന്ന യഥാർത്ഥ വ്യക്തികൾ കഥയിൽ ഇടപെടുകയും ചെയ്യുന്നു. ബന്യാമിൻ പറയുന്നു. ഇതാണ് നോവലിന്റെ ഘടന. ആ ഘടനയിൽ പല നോവലുകൾ വന്നിട്ടുണ്ടാവാം.അതുകൊണ്ട് നോവൽ ഘടന മാറ്റേണ്ടതില്ല, മാറ്റാൻ കഴിയില്ല.

വ്യാഴ്ചന്തയിൽ പങ്കെടുത്തവർ:

ബന്യാമിൻ, അനിൽ വേങ്കോട് (ലേഖകൻ) . സാജു (നട്ടപ്പിരാന്തൻ) , സുധീഷ് മാഷും കുടുംബവും, ബിജു, (നചികേതസ്), ബാജി ഓടംവേലി, രാജു ഇരിങ്ങലും കുടുംബവും,കുഞ്ഞൻ, മിനേഷ്, രാമുവും കുടുംബവും,വികെ, ലിറിൽ, മനു, സജി മർക്കോസ്,ഷംസ് ബാലുശ്ശേരി, പ്രശാന്ത് (ആക്ടർ, നിലാവ്).

വ്യാഴചന്താ ചിത്രങ്ങൾ:

ബിന്‍ ലാദന്റെ അന്ത്യം - അവസാനഭാഗം

2011-11-14T06:00:00.009+05:30

ഭാഗം - 1 ഇവിടെ വായിക്കാം
ഭാഗം - 2 ഇവിടെ വായിക്കാം
ഭാഗം - 3 ഇവിടെ വായിക്കാം

സജി മാര്‍ക്കോസ്

"ജിറോനിമോ കൺഫേംഡ്"

മക്റാവന്റെ ശബ്ദം വൈറ്റ് ഹൗസിനുള്ളിൽ ഇരുന്നവരുടെ ഹൃദയമിപ്പ് വർദ്ധിപ്പിച്ചു. പെനേഡ യാന്ത്രികമായി മക്റാവന്റെ സന്ദേശം ആവർത്തിച്ചു

"ജിറോനിമോ കൺഫേംഡ്"!!

ഈ ഓപ്പറേഷനിൽ ബിൻ ലാദന് നൽകിയിരുന്നു രഹസ്യ നാമമായിരുന്നു ജിറോനിമോ. 19 ആം നൂറ്റാണ്ടിന്റെ ആരംഭത്തിൽ അമേരിക്കൻ മിലിട്ടറിയുടെ തലവേദനയായിരുന്ന ഗിരിവർഗ്ഗ നേതാവും കുപ്രസിദ്ധ ഒളിപ്പോരാളിയുമായിരുന്നു ജിറോനിമോ. മെക്സിക്കോയുടെയും അമേരിക്കയുടെയും ഇടയിലുണ്ടായിരുന്ന വനങ്ങളും പർവ്വത പ്രദേശങ്ങളും താവളമാക്കി പ്രവർത്തിച്ചിരുന്ന ജിറോനിമോ പിന്നീട് അമേരിക്കൻ പട്ടാളക്കാർക്ക്
കീഴടങ്ങുകയാണുണ്ടായത്. പ്രവർത്ത രീതിയിലുള്ള സാമ്യമാണ് ബിൻലാദന് ജിറോനിമോ എന്ന രഹസ്യ നാമം നൽകുവാൻ ഒബാമയെ പ്രേരിപ്പിച്ചത്.

രണ്ടു രഹസ്യ സന്ദേശങ്ങളാണ് സീലുകൾക്ക് പ്രധാനമായും നൽകിയിരുന്നത്. അബട്ടാബാദിലെ കെട്ടിടത്തിനുള്ളിൽ ബിൻലാദൻ ഉണ്ട് എന്ന് ഉറപ്പായാൽ "ജിറോനിമോ കൺഫേംഡ് " എന്നും, ബിൻലാദൻ കൊല്ലപ്പെട്ടാൽ "ജിറോനൊമോ EKIA" (Enemy Killed In Action) എന്നും ആയിരുന്നു ജലാലബാദിലുള്ള മക്റാവന് അയച്ചുകൊടുക്കേണ്ടുന്ന രഹസ്യ സന്ദേശങ്ങൾ.

അതിൽ ഒന്നാമത്തെ രഹസ്യ സന്ദേശം എത്തിയിരിക്കുന്നു:

"ജിറോനിമോ കൺഫേംഡ് "

കെട്ടിടത്തിനുള്ളിൽ ഒളിച്ചുകഴിയുന്നത് 10 വർഷത്തിലധികമായി ലോകത്തെ വൻശക്തിയുടെ ചാരക്കണ്ണുകളെ പറ്റിച്ചു കഴിഞ്ഞു കൂടിയ ബിൻലാദൻ തന്നെ.

ഒബാമയുടെയും കൂട്ടരുടെയും നെഞ്ചിടിപ്പിന്റെ വേഗത വർദ്ധിച്ചു. ബിൻ ലാദൻ കെട്ടിടത്തിനുള്ളിൽ ഉണ്ട് എന്നുറപ്പായതോടെ മിഷന്റെ അപകട സാദ്ധ്യത പതിന്മടങ്ങ് വർദ്ധിച്ചു. ലാദൻ കീഴടങ്ങാൻ ഒരു സാധ്യതയുമില്ല എന്നു വൈറ്റ് ഹൗസിൽ ഇരിക്കുന്ന എല്ലാവർക്കുമറിയാമായിരുന്നു. ഏതു തരത്തിലുള്ള പ്രതിരോധമാണ് ലാദൻ ഉയർത്തുന്നത് എന്നു ഊഹിക്കാനേ കഴിയുമായിരുന്നുള്ളൂ. രക്ഷപ്പെടാൻ കഴിയാതെ വന്നാൽ കോംമ്പൊണ്ട് മുഴുവനും ചാമ്പലാക്കുവാനും മടിക്കുകയില്ല എന്ന് അവർക്ക് അറിയാമായിരുന്നു.

ഒരൊറ്റ നിമിഷത്തെ കാഴ്ചയ്ക്ക് ശേഷം നൊടിയിടകൊണ്ട് ബിൻലാദൻ മുകളിൽ നിന്നും അപ്ര്യക്ഷനായി. രണ്ടു റൗണ്ട് വെടിയുതിർത്തുവെങ്കിലും അതൊന്നും ലക്ഷ്യത്തിലെത്തിയില്ല എന്നു കമാൻഡോകൾക്കു മനസിലായി. ബിൻലാദനെ നേരിൽ കണ്ട നേവി സീൽ മുകളിലേയ്ക്കു കുതിച്ചു.

അതിനിടയിൽ സഹസൈനികരോട് വിളിച്ചു പറഞ്ഞ വാർത്തയാണ്, വൈറ്റ് ഹൗസിൽഎത്തിയിരിക്കുന്നത്-ജിറോനിമോ കൺഫേംഡ്

ഇനി ഒരു നിമിഷംപോലും താമസിക്കുന്നത് ആത്മഹത്യയ്ക്ക് തുല്യമാകുമെന്നറിയാമായിരുന്ന കമാൻഡോകൾ ഒറ്റകുതിപ്പിനു മുകളിലെത്തി. വലിയൊരു ഹാളിലേയ്ക്കു തുറന്നു കിടക്കുന്ന വാതിൽ. മുകളിലെത്തിയ സീൽ വാതിലിന്റെ ഒരു വശത്തു മറഞ്ഞു നിന്നുകൊണ്ട് തന്റെ ബഡ്ഡി പെയർ വരാൻ കാത്തു നിന്നു. തൊട്ടു പുറകിൽ എത്തിയ സീലിനോട് മുറിയ്ക്കുള്ളിൽ രണ്ടുപേരുണ്ടെന്ന അർത്ഥത്തിൽ രണ്ടു വിരൽ ഉയർത്തിക്കാണിച്ചു. രണ്ടുപേരും ഒരുമിച്ച് മുറിയ്ക്കുള്ളിലേയ്ക്കു പ്രവേശിച്ചു.

സീലുകൾക്കു മുന്നിൽ കറുത്ത വസ്ത്രംധരിച്ച സ്ത്രീ-അതിന്റെ പിന്നിൽ അവരുടെ ശത്രു - ബിൻലാദൻ. ബിൻലാദനു മുന്നിൽ മറയായി നിന്ന സ്ത്രീയ്ക്കു നേരെ നിറയൊഴിക്കുകയല്ലാതെ മറ്റ് മാർഗ്ഗമുണ്ടായിരുന്നില്ല.

വെടിയേറ്റു നിലം പതിച്ച സ്ത്രീയ്ക്കു പിന്നിൽ നിരായുധനായി ബിൻലാദൻ. ലോകത്തെ കിടുകിടെ വിറപ്പിച്ച ബിൻലാദന്റെ ഈ ലോകത്തിലെ അവസാനത്തെ കാഴ്ച ആയുധമേന്തി നിൽക്കുന്ന അമേരിക്കൻ പട്ടാളക്കാരന്റെ ദൃശ്യമായിരുന്നു.

നിമിഷാർദ്ധത്തിനുള്ളിൽ രണ്ടു വെടിയുണ്ടകൾ ബിൻലാദന്റെ ശരീരം തുളച്ചു കടന്നു പോയി. ഒന്നു നെഞ്ചിനും, മറ്റൊന്നു തലയ്ക്കും. ഒന്നു ശബ്ദിക്കുക പോലും ചെയ്യാതെ ഈ നൂറ്റാണ്ടിലെ ലോകം കണ്ട ഏറ്റവും വലിയ ഭീകരൻ തറയിലേയ്ക്കു വീണു..

"ജിറോനൊമോ EKIA"

വീണ്ടും മക്റാവന്റെ ശബ്ദം വൈറ്റ് ഹൗസിനുള്ളിൽ മുഴങ്ങി.

ശ്വാസമടക്കി കാത്തിരുന്ന ഒബാമ ചാടിയെഴുന്നേറ്റു, സഹപ്രവർത്തകരോട് പറഞ്ഞു:

"വി ഗോട്ട് ഹിം"

സീലുകൾ മതിക്കെട്ടിനുള്ളിൽ കയറിയിട്ടു കൃത്യം 20 മിനിറ്റ് ആകുന്നു. ഇനി ശേഷിക്കുന്നത് 10 മിനിറ്റ് മാത്രം. ഉടനതന്നെ ബിൻലാദന്റെ ഫോട്ടോ എടുത്ത് ജലാലബാദിലേയ്ക്കു അപ്‌ലിങ്ക് ചെയ്തു. ഫേസ് റിക്കഗ്നീഷന് വേണ്ടി മക്റാവൻ അതു വൈറ്റ് ഹൗസിലേയ്ക്കു ഷെയർ ചെയ്തു. വെടിയേറ്റു വീണു കിടക്കുന്ന ലാദന്റെ മുഖം ഒബാമയും കൂട്ടരും കണ്ടു. ചിത്രങ്ങളിൽ കാണുന്നതിൽ നിന്നും വ്യത്യസ്തമായിരുന്നു ലാദന്റെ രൂപം. വിദഗ്ദ്ധർ തിരിച്ചറിയൽ പ്രക്രീയകൾക്കുള്ള ക്രമീകരണങ്ങൾ ആരംഭിച്ചു.

മരിച്ചുകിടക്കുന്ന ലാദന്റെ ഉയരം അളക്കുവാൻ ശ്രമിച്ചപ്പോഴാണ് അവർ ടേപ്പ് കൈയ്യിൽ കരുതിയിട്ടില്ല എന്ന സത്യം തിരിച്ചറിഞ്ഞത്. പ്രാകൃതമായ വഴി അവലമ്പിക്കുകയേ നിർവ്വാഹമുണ്ടായിരുന്നുള്ളൂ. സംഘത്തിലെ ഏറ്റവും ഉയരം കൂടിയ സീൽ ലാദന്റെ ശരീരത്തിനോട് ചേർന്നു തറയിൽ കിടന്നു. ഉദ്ദേശം ഉയരം താരതമ്യത്തിലൂടെ കണക്കുകൂട്ടി, അതിന്റേയും ചിത്രങ്ങളെടുത്ത് അപ്‌ലിങ്ക് ചെയ്തു. അപ്പോഴേയ്ക്കും മറ്റു സീലുകൾ കെട്ടിടം അരിച്ചു പെറുക്കുവാൻ തുടങ്ങി. ഒരു മുറിയിൽ നിന്നും കമ്പ്യൂട്ടറും ചില ഹാർഡ് ഡിസ്ക്കുകളും കുറെ രേഖകളും കിട്ടി. അവയെല്ലാം എടുത്ത് കൈയിൽ കരുതിയിരുന്ന ബാഗുകളിൽ ഭദ്രമായി വച്ചു.

ഇനി ബാക്കി നിൽക്കുന്നത് സുരക്ഷിതരായി സീലുകളേയും ബന്ധിച്ചിരിക്കുന്നവരേയും ശവശരീരങ്ങളേയും ജലാലബാദിലെത്തിക്കുക എന്ന ദുഷ്ക്കരമായ ദൌത്യമായിരുന്നു. കെട്ടിടത്തിനു ചുറ്റും ജനങ്ങൾ കൂടി വന്നുകൊണ്ടിരുന്നു. ഏതുനിമിഷവും പാക്കിസ്ഥാൻ പട്ടാളക്കാർ എത്താം. അതിനുള്ളിൽ ലാദന്റെ ശരീരവുമായി പാക്കിസ്ഥാന്റെ വ്യോമാതിർത്തി കടക്കണം. കൊല്ലപ്പെട്ടത് ലാദൻ തന്നെയാണെന്ന് ഇനിയും ശാസ്ത്രീയമായി തെളിയിക്കേണ്ടിയിരിക്കുന്നു. അതിന് ഡി.എൻ.ഏ. ടെസ്റ്റ് ചെയ്യേണ്ടതുണ്ട്. അതിന്റെ റിസൾട്ട് വരാൻ മണിക്കൂറുകൾ കഴിയും.

മിഷൻ ആരംഭിച്ചിട്ട് 33 മിനിറ്റുകൾ കഴിഞ്ഞിരിക്കുന്നു. പദ്ധതിയിട്ടതിൽ നിന്നും മൂന്നു മിനിറ്റ് കൂടുതൽ. ബിൻലാദന്റെ ശരീരവും ജീവനോടെ പിടിച്ചവരിൽ ഒരാളെയും മാത്രം അവിടെ നിന്നും കൊണ്ടു പോരുവാൻ മക്രാവൻ നിർദ്ദേശിച്ചു. ആകെ 22 പേരാണ് കെട്ടിടത്തിനുള്ളിൽ ഉണ്ടായിരുന്നത്. അതിൽ ലാദനടക്കം 5 പേർ കൊല്ലപ്പെട്ടു. ഒരു സ്ത്രീയ്ക്കു മാരകമായി പരുക്കേറ്റിരിക്കുന്നു. ഉടൻ തന്നെ മക്രാവൻ പറഞ്ഞതുപോലെ ലാദന്റെ ശരീരം മതിൽകെട്ടിനു വെളിയിൽ ലാൻഡ് ചെയ്തിരുന്ന സ്റ്റെൽത് ഹെലിക്കോപ്റ്ററിൽ എത്തിച്ചു.

രണ്ടാമത്തെ ഹെലിക്കോപ്റ്റർ ഉപയോഗ ശൂന്യമായതിനാൽ ബാക്കി സീലുകളെ കൊണ്ടുപോകുവാൻ പട്ടണത്തിനു വെളിയിൽ കാത്തു കിടന്നിരുന്ന ഷിനൂക് ഹെലിക്കോപ്റ്ററിന്റെ പൈലറ്റിനു മക്രാവെൻ നിർദ്ദേശം നൽകി. ഷുനൂക് ഹെലിക്കോപ്റ്റർ എത്തുന്നതോടെ പുറം ലോകത്തിൽനിന്നും സൈനിക നടപടി മറച്ചു വയ്ക്കാൻ കഴിയില്ലെന്നു മക്രാവനു അറിയാമായിരുന്നു. മാത്രമല്ല പാക്കിസ്ഥാനി റഡാറുകൾക്ക് ഷുനൂക് ഹെലിക്കോപ്റ്ററുകളെ കണ്ടെത്താൻ കഴിയുകയും ചെയ്യും.

അബട്ടാബാദിൽ നിന്നുമുള്ള എല്ലാ ഇന്റർനെറ്റ് ആക്ടിവിറ്റികളും മോനിട്ടർ ചെയ്തുകൊണ്ടുരുന്ന വൈറ്റ് ഹൗസിലെ വിദഗ്ദർ ഒരു വെബ് ഡിസൈനറുടെ ട്വീറ്റ് ശ്രദ്ധയിൽ പെട്ടു: "A helicoptar is hovering above Abattabad at 1.00 am which is a rare event" കാര്യങ്ങൾപുറം ലോകം അറിഞ്ഞു കഴിഞ്ഞു. ഏതുനിമിഷവും പാക്കിസ്ഥാൻ മിലിട്ടറി എത്തിച്ചേരാം. എല്ലാവരും ഷുനൂക് ഹെലിക്കോപ്റ്ററിലേയ്ക്കു കുതിച്ചു. തകർന്ന ഹെലിക്കോപ്റ്റർ എന്തു ചെയ്യും എന്ന പ്രശ്നം അവശേഷിച്ചു. തിരിച്ചു കൊണ്ടുവരാൻ കഴിയില്ല എന്നു നൈറ്റ് സ്റ്റേക്കേഴസ് മക്രാവനെ അറിയിച്ചു. അതിനൂതന സംവിധാനങ്ങളുള്ള ഹെലിക്കോപ്റ്റർ മറ്റൊരു രാജ്യത്തിന്റെ കൈയ്യിൽ അകപ്പെടുന്നത് ഒരു തരത്തിലും ആശാസ്യകരമായിരുന്നില്ല. മക്രാവനു ഒരു നിമിഷം പോലും ആലോചിക്കേണ്ടിവന്നില്ല.

"ഡിസ്‌ട്രോയി ഇറ്റ്"

ഹെലിക്കോപ്റ്ററിന്റെ കോൿപിറ്റിൽ ശക്തിയേറിയ ബോംബു ഘടിപ്പിച്ചു. എല്ലാവരും ഷുനൂക് ഹെലിക്കോപ്റ്ററിൽ കയറി.

"ഫയറിംഗ്" സീൽ റിമോട്ടിൽ വിരൽ അമർത്തി. ഉഗ്രശബ്ദത്തോടെ ഹെലിക്കോപ്റ്റർ പൊട്ടിത്തെറിച്ചു. അപ്പോഴേയ്ക്കും ഷുനൂക് ഹെലിക്കോപ്റ്റർ കോമ്പണ്ടിൽ നിന്നും പറന്നുയർന്നു കഴിഞ്ഞിരുന്നു.

സമയം രാവിലെ 1.08. അനുവദിച്ചിരുന്ന സമയത്തിൽ നിന്നും എട്ടു മിനിറ്റ് താമസിച്ചിരിക്കുന്നു.

അല്പം മുൻപ് ട്വീറ്റ് ചെയ്ത അതേ ഐഡിയിൽ നിന്നും വീണ്ടും ട്വീറ്റ് "A huge window shaking bang in Abattabad. Hope it is not something nasty"

മൂന്നു ഹെലിക്കോപ്റ്ററുകളും അപകടം കൂടാതെ ജലാലബാദിൽ എത്തിയെന്ന വാർത്ത മക്രാവനിൽ നിന്നും ലഭിക്കുന്നതുവരെ വൈറ്റ് ഹൗസിനുള്ളിൽ എല്ലാവരും ശ്വാസമടക്കി കാത്തിരുന്നു.

കൊല്ലപ്പെട്ട വ്യക്തി ബിൻലാദനാണോ എന്നു തിരിച്ചറിയുക എന്നതായി എല്ലാവരുടേയും പ്രധാന ഉത്തരവാദിത്വം. കമ്പ്യൂട്ടറിന്റെ സഹായത്തിൽ ഫേയ്സ് റിക്കഗ്നീഷൻ നടത്തുവാൻ ആരംഭിച്ചു. അതേസമയം ബിൻലാദന്റെ അടുത്ത ബന്ധുവിൽ നിന്നും ശേഖരിച്ചിരുന്ന ഡി.എൻ.ഏ. സാമ്പിളിമായി ഒത്തു നോക്കുന്ന രാസപരിശോധനകളൂം ആരംഭിച്ചു. രാസ പരിശോധന ഫലം ലഭിക്കണമെങ്കിൽ ആറു മണിക്കൂർ വേണ്ടി വരും. പക്ഷേ, അതു വരേയ്ക്കും വൈറ്റ് ഹൗസിന് നിശബ്ദമായിരിക്കാൻ കഴിയില്ല. അബട്ടാബാദ് കെട്ടിടത്തിൽ ഇതിനകം പാക്കിസ്ഥാൻ പട്ടാളക്കാർ എത്തിക്കഴിഞ്ഞു. അമേരിക്കൻ ഹെലിക്കോപ്റ്ററിന്റെ അവശിഷ്ടങ്ങളും ദൃൿസാക്ഷികളും വിവരണങ്ങളും പട്ടാളക്കാരെ പരിഭ്രാന്തരാക്കി. രാജ്യത്തിന്റെ ഉന്നത വൃത്തങ്ങളിൽ വാർത്ത എത്തിക്കഴിഞ്ഞു. സമയം കഴിയുന്തോറും വൈറ്റ് ഹൗസിനുമേൽ സമ്മർദ്ദം ഏറിക്കൊണ്ടിരുന്നു.

6.40 വാഷിംഗ്ടൺ.

"കൊല്ലപ്പെട്ടതു ബിൻ ലാദൻ തന്നെ" ഫേയ്സ് റിക്കഗ്നീഷൻ പ്രക്രിയയിൽ വ്യാപൃതരായിരുന്ന വിദഗ്ദ്ധരിൽ നിന്നും പരിശോധന ഫലം വന്നു. നൂറുശതമാനം ഉറപ്പാക്കണമെങ്കിൽ ഡി.എൻ.എ. പരിശോധനാഫലം കിട്ടണം. എങ്കിലും അതു വരെ സൈനിക നടപടി രഹസ്യമാക്കി വയ്ക്കുവാൻ വാഷിംഗ്ടണ് കഴിയുമായിരുന്നില്ല. പാൿ മാദ്ധ്യമങ്ങൾ ഇതിനകം സംഭവസ്ഥലത്ത് എത്തിക്കഴിഞ്ഞു. പലതരം അഭ്യൂഹങ്ങളും ഊഹാപോഹങ്ങളും പരക്കുവാൻ തുടങ്ങി.

ഉടൻതന്നെ ലാദന്റെ ശരീരം പേർഷ്യൻ കടലിൽ ഉണ്ടായിരുന്ന വിമാനിവാഹിനി 'കാറൽ വിൻസണി'ലേയ്ക്കു മാറ്റുവാൻ ഒബാമ ഉത്തരവിട്ടു.

08.35 വാഷിംഗ്ടൺ.

റെയ്ഡ് കഴിഞ്ഞ് മൂന്നു മണിക്കൂർ കഴിഞ്ഞു. പ്രസിഡന്റ് ഒബാമ അടിയന്തരമായി രാജ്യത്തെ അഭിസംബോധന ചെയ്യുന്നതായി മാധ്യമങ്ങളെ അറിയിച്ചു. ജലാലബാദിലെ സൈനീക താവളത്തിൽ സീൽ ടീം 6 ലെ അംഗങ്ങളും അവരുടെ ലീഡർ മക്രാവനും സന്തോഷവാർത്ത നേരിൽ കാണുവാൻ ടീവിയ്ക്കു മുന്നിൽ എത്തി.

ഒബാമ ആരംഭിച്ചു "അമേരിക്ക ഒരു സൈനീക നടപടിയിലൂടെ അൽകായ്ദ നേതാവ് ഒസാമ ബിൻലാദനെ വധിച്ചിരിക്കുന്നു. അമേരിക്കൻ ജനതയോടും ലോകത്തോടും എനിക്കു പങ്കു വയ്ക്കുവാനുള്ള വാർത്ത ഇതാണ്"

സീലുകൾ സന്തോഷത്താൽ കെട്ടിപ്പിടിച്ചു.

അമേരിക്കൻ തെരുവകളിൽ ജനം ഒത്തുകൂടി. പാട്ടുപാടിയും നൃത്തം ചവിട്ടിയും അവർ ലാദന്റെ മരണ വാർത്തയിൽ സന്തോഷിച്ചു.

അടുത്ത ദിവസം പ്രഭാതത്തിൽ ഡി.എൻ.എ. ടെസ്റ്റ് ഫലം വന്നു. കൊല്ലപ്പെട്ടത് ബിൻ ലാദൻ തന്നെ എന്നു ഉറപ്പാക്കി.

നോർത്ത് അറേബ്യൻ കടലിൽ ഉച്ച തിരിഞ്ഞ് 2 മണി.

ഇസ്ലാമിക ആചാരപ്രകാരം 24 മണിക്കൂറിനകം മയ്യത്ത് മറവു ചെയ്യേണ്ടതുണ്ട്. അതിനുവേണ്ട ഒരുക്കങ്ങൾ ആ പടക്കപ്പലിനുള്ളിൽ നടക്കുകയാണ്.

30 നോട്ടിക്കൽ മൈൽ വേഗതിൽ പാഞ്ഞുകൊണ്ടിരുന്ന കാറൽ വിൻസന്റ് എന്ന യുദ്ധക്കപ്പലിൽ നിന്നും ശീലയിൽ പൊതിഞ്ഞ ഒസാമ ബിൻ ലാദന്റെ ശരീരം അറേബ്യൻ കടലിന്റെ ആഴങ്ങൾ ഏറ്റുവാങ്ങി.

"ബിൻലാദൻ നിഷ്കരുണം വധിച്ച നിരപരാധികൾക്കു ലഭിക്കാതിരുന്നതിനേക്കാൾ മാന്യമായ ഒരു സംസ്ക്കാരം ലാദനു ലഭിച്ചു." ഇതായിരുന്നു ബിൻലാദന്റെ ശവസംസ്ക്കാരത്തേപറ്റി വൈറ്റ് ഹൗസിനു പറയാനുണ്ടായിരുന്നത്.

സംസ്കാര ശേഷം കാറൽ വിൻസന്റ് കപ്പൽ ദക്ഷിണ കാലിഫോർണിയായിലെ കൊറണാഡോ പോർട്ടിലേയ്ക്കു തിരിച്ചു പോയി.

1957 മാർച്ച് 10ന് റിയാദിലെ കോടീശ്വരനായ മുഹമ്മെദ് ബിൻ അവാദിന്റെ മകനായി ജനിച്ച ഒസാമ ബിൻ മൊഹമ്മദ് ബിൻ അവാദ് ബിൻ ലാദൻ കൊല്ലപ്പെടുമ്പോൾ അൻപത്തിനാല് വയസ്സായിരുന്നു. പത്തു ലക്ഷം മനുഷ്യരുടെ മരണത്തിന് നേരിട്ടു ഉത്തരവാദിയായ ലാദൻ ഒരിക്കൽ അമേരിക്കയുടെ ഉറ്റ സുഹൃത്ത് ആയിരുന്നു എന്നത് ഈ നൂറ്റാണ്ട് കണ്ട വലിയ ഒരു തമാശയായി കരുതാം. അമേരിക്കയുടെ നിത്യ ശത്രുവായിരുന്ന യു.എസ്സ്.എസ്സ്.ആർ. ന്റെ അഫ്ഗാനിസ്ഥാനിലുള്ള സ്വാധീനം അവസാനിപ്പിക്കുവാൻ അമേരിക്ക ആയുധമാക്കിയ ഈ സൗദി കോടീശ്വരൻ അവസാനം പാലുകൊടുത്ത കൈയ്ക്കു തന്നെ തിരിഞ്ഞുകൊത്തി. അത് അനേകം നിരപരാധികളുടെ മരണത്തിനും അവസാനം ലാദന്റെ തന്നെ അന്ത്യത്തിലും കൊണ്ടെത്തിച്ചു.

15 ജൂൺ 2011.

ഒസാമ ബിൻ ലാദൻ കൊല്ലപ്പെട്ടതുകൊണ്ട് ലാദന്റെ പേരിലുള്ള കേസുകളും അതിനോടനുബന്ധിച്ച എല്ലാ കോടതി നടപടികളും അവസാനിപ്പിക്കുന്നതായി ഫെഡറൽ പ്രോസിക്കൂട്ടർ പ്രഖ്യാപിച്ചു.

കടപ്പാട്:

ഹിസ്റ്ററി. കോം
വിക്കിപീഡിയ.കോം
ഗൂഗിൾ.കോം
സിഐഎ.കോം
റിവാർഡ്ഫോർജസ്റ്റീസ്.നെറ്റ്
എഫ്എഎസ്.ഒആർജി

കിട്ടാത്ത മുന്തിരി പുളിക്കും

2011-11-08T10:14:00.011+05:30

ടോയ്ലെറ്റ് സാഹിത്യം എന്ന് ബ്ലോഗേഴുത്തിനെ അധിക്ഷേപിച്ച ഇന്ദു മേനോന്‍
എന്ന ‘എഴുത്തുകാരി ‘ക്കെതിരെ വ്യാപക പ്രധിഷേധം

നവംബര്‍ ഏഴാം തീയതിയിലെ ദേശാഭിമാനിയില്‍ റിപ്പോര്‍ട്ടര്‍ എ. എസ്. സൌമ്യ എഴുതിയ ലേഖനത്തിന്റെ വിയോജനക്കുറിപ്പ്‌ ആണിത്. ഇന്ദു മേനോന്‍ എന്ന എഴുത്തുകാരി പറഞ്ഞ ( പറയിപ്പിച്ചതോ :? ) ചുവടു പിടിച്ചാണ് ആ ലേഖനം പ്രസിദ്ധീകരിച്ചിരിക്കുന്നത്. അതിലെ ആദ്യ വരി തുടങ്ങുന്നത് തന്നെ ബ്ലോഗ്‌ എഴുത്തിനെ ടോയ്ലെറ്റ് സാഹിത്യം എന്ന് വിമര്‍ശിച്ചു കൊണ്ടാണ്. അതിങ്ങനെ -

"ടോയ്ലറ്റ് സാഹിത്യം വായന നിലനിര്‍ത്താന്‍ ബ്ലോഗ് സഹായിക്കുന്നുണ്ടെങ്കിലും പേനയും പുസ്തകവും ഉപയോഗിച്ചുള്ള എഴുത്തിന് മാത്രമേ അതിന്റെ പൂര്‍ണത കിട്ടൂ. ചുവരിലും മറ്റും എഴുതാനുളള മനുഷ്യന്റെ വാസനയാണ് ബ്ലോഗ് "

ഒറ്റ നോട്ടത്തില്‍ തന്നെ വ്യക്തമാകും ബ്ലോഗ്‌ എന്ന വാക്കിനെക്കുറിച്ച് കേട്ടറിവ് മാത്രം വച്ചു പടച്ചു വിട്ട വാക്കുകള്‍ ആണ് ഇതെന്ന്. അവരുടെ വാക്കുകള്‍ തുടരുന്നു .....

"ആത്മാവിഷ്കാരത്തിന്റെ ഭാഗമായ എഴുത്തിനെ കംപ്യൂട്ടര്‍ പോലുള്ള മാധ്യമം ഉപയോഗിച്ച് തനിക്ക് കാണാനാവില്ല. ....."

അത് അവരുടെ കാഴ്ചപ്പാട് . സര്‍ഗ്ഗവാസനയുടെയും ആത്നാവിഷ്കാരത്തിന്റെയും പ്രതിഫലനം കടലാസ്സില്‍ മാത്രമേ എഴുതാനാവൂ എന്നാണു ശ്രീമതി ഇന്ദു മേനോന്‍ പറയുന്നത്. അവര്‍ നിരത്തുന്ന കുറച്ചു മുട്ട് ന്യായങ്ങള്‍ ഇങ്ങനെ ആണ് ....

"കണ്ണ് ചീത്തയാക്കി വായിക്കേണ്ട കാര്യമില്ല. ബുക്ക് വായിക്കുന്നതിന്റെ സുഖം കംപ്യൂട്ടര്‍ സ്ക്രീനിലെ അക്ഷരങ്ങള്‍ക്ക് നല്‍കാനാവില്ല. പുസ്തകം വായിക്കാന്‍ സമയമില്ലെന്ന് പറയുന്നവര്‍ ഇതിനായി ധാരാളം സമയം ചെലവഴിക്കുന്നു "

ഇതിനെക്കുറിച്ച്‌ കമന്റിലൂടെ ധാരാളം പേര്‍ മികച്ച രീതിയില്‍ പ്രതികരിച്ചിട്ടുണ്ട്. അവ ഇങ്ങനെ :

ബഷീര്‍ വള്ളിക്കുന്ന് : നിങ്ങള്‍ എവിടെ എഴുതുന്നു എന്നതല്ല, നിങ്ങളുടെ തലയില്‍ എന്തുണ്ട് എന്നതാണ് പ്രശ്നം. താളിയോലയിലോ പേപ്പറിലോ കമ്പ്യൂട്ടറിലോ എവിടെയുമാകട്ടെ എഴുത്തിന്റെ പ്രതിഭ നിര്‍ണയിക്കുന്നത് അത് എഴുതുന്ന പ്രതലം ഏതെന്നു നോക്കിയിട്ടല്ല. കടലാസും അച്ചടിയും വരുന്നതിനു മുമ്പ് എഴുതപ്പെട്ട ഗ്രന്ഥങ്ങളും എഴുത്തുകാരും ഇന്നും കാലത്തെ അതിജീവിച്ചു നിലനില്‍ക്കുന്നുണ്ട്. പ്രതിഭയാണ് അതിജയിക്കുന്നത്. താളിയോലയോ പുസ്തകമോ കമ്പ്യൂട്ടറോ അല്ല. ഇത്തരം വിവരക്കേട് പറയുന്നവരെ വരട്ടു ചൊറിക്കുള്ള ക്രീം കൊടുത്ത് പറഞ്ഞു വിടുന്നതാണ് നല്ലത്.

രമേശ്‌ അരൂര്‍ : ഇന്ദു മേനോന്റെ ലേഖനത്തിലെ കണ്ടുപിടുത്തത്തെക്കുറിച്ച് ഒറ്റ വാക്കില്‍ പറഞ്ഞാല്‍ അസംബന്ധം .ബ്ലോഗെഴുത്തും ടോയ്ലെട്ടു സാഹിത്യമാണെന്ന് പറഞ്ഞാല്‍ ...? കടലാസില്‍ അതിനേക്കാള്‍ വികൃതമായി എഴുതുന്നവരെക്കുറിച്ചു എന്ത് പറയും ?

മനോരാജ് : പേനയും പേപ്പറും ഉപയോഗിച്ചെഴുതിയാല്‍ മാത്രമേ സാഹിത്യം ആവുകയുള്ളൂ എന്ന ഇന്ദുമേനോന്റെ വാക്കുകള്‍ കേട്ട് അത്ഭുതം തോന്നി. അങ്ങിനെയെങ്കില്‍ പിന്നെ മാതൃഭൂമി, ദേശാഭിമാനി, ഭാഷാപോഷിണി, മാധ്യമം തുടങ്ങിയ എല്ലാ വാരിക / മാഗസിനുകളും കൈയെഴുത്ത് മാഗസിനാക്കട്ടെ. കാരണം ഇതിലൊക്കെ വരുന്ന രചനകള്‍ പേനയും പേപ്പറും ഉപയോഗിച്ചെഴുതിയതാണോ കമ്പ്യൂട്ടറില്‍ ടൈപ്പ് ചെയ്തതാണൊ എന്ന് എങ്ങിനെ നമ്മള്‍ വായനക്കാര്‍ തിരിച്ചറിയും? ലോകത്തിന്റെ വിവിധ കോണുകളില്‍ ഇരിക്കുന്നവര്‍ക്ക് ഇന്ന് ഇന്ദുമേനോന്റെ ഈ വാക്കുകള്‍ അറിയാന്‍ കഴിഞ്ഞെങ്കില്‍ അത് മുകളില്‍ എഴുത്തുകാരി പുച്ഛിച്ച കമ്പ്യൂട്ടറും ഓണ്‍ലൈന്‍ മീഡിയകളും ഉള്ളത് കൊണ്ടായിരുന്നു എന്ന് മനസ്സിലാക്കുക.

ഡോ. ആര്‍. കെ. തിരൂര്‍ : അവനവനെ കൊണ്ട് പറ്റാത്തതെല്ലാം നിലവാരമില്ലാത്തതാണ് എന്ന് കരുതുന്നത് അങ്ങനെ കരുതുന്നവരുടെ ബൌദ്ധികമായ നിലവാരത്തിന്റെ കുറവാണ് എന്നെ കരുതാനാകൂ... അക്ഷരങ്ങളെ ബഹുമാനിക്കുന്നവരും ഇഷ്ടപ്പെടുന്നവരും പ്രകടിപ്പിക്കുന്ന അഭിപ്രായമല്ല താങ്കളുടേത് എന്ന് പറയേണ്ടിയിരിക്കുന്നു.

അക്ബര്‍ വാഴക്കാട് : പൊട്ടക്കിണറ്റിലെ തവളയ്ക്ക് അത് ഇരിക്കുന്ന ഇടമാണ് ലോകം. വിവരക്കേട് ഒരു അസുഖമാണെന്ന് ഇപ്പൊ മനസ്സിലായി "സാഹിത്യകാരീ". ലോകം ഒരുപാട് വികഷിച്ചു. ഒപ്പം മലയാള സാഹിത്യവും. വായനക്കാരി എന്ന നിലയില്‍ താങ്കള്‍ക്കു സംതൃപ്തി നല്‍കാന്‍ ഇനി സുഭാഷ് ചന്ദ്രന്‍ , ബെന്യാമിന്‍ , സുസ്മേഷ് ചന്ദ്രോത്ത് എന്നിവരുടെയൊക്കെ കൃതികള്‍ കടലാസില്‍ മഷി കൊണ്ട് എഴുതി തന്നാല്‍ മതിയാകുമോ. സൃഷ്ടിയെയാണ് വിലയിരുത്തേണ്ടത്. അത് എങ്ങിനെ എഴുതി എന്നല്ല. വളമിട്ടില്ലെങ്കിലും പിഴുതെറിയരുത് പ്ലീസ്.

പ്രദീപ് കുമാര്‍ :ഇന്ദുമേനോന്‍ ആദ്യം ബ്ലോഗുകള്‍ വായിക്കുക. ഓരോ രചനകളും അനുബന്ധ ചര്‍ച്ചകളും അല്‍പ നാള്‍ നിരീക്ഷിക്കുക. അതിനു ശേഷം സംസ്കാരമുള്ള പദാവലികള്‍ ഉപയോഗിച്ച് വസ്തു നിഷ്ടമായി വിമര്‍ശിക്കുക. ഒരു പത്രമുതലാളിയുടെയും മുന്നില്‍ തല ചൊറിയാതെ, എസ്റ്റാബ്ലിഷ് ചെയ്ത എഴുത്തുകാരുടെ ശുപാര്‍ശക്കാത്തു വാങ്ങാതെ കെട്ടിപ്പടുത്ത നിലവാരമുള്ള ഒരു സാഹിത്യ സംസ്കാരം നിങ്ങള്‍ക്ക് ബ്ലോഗെഴുത്തിടങ്ങളില്‍ കാണാം

കണ്ണനുണ്ണി : വ്യക്തമായി അറിവില്ലാത്ത ഒരു കാര്യത്തെ പറ്റി ശ്രിമതി ഇന്ദു മേനോന്‍ പരെഞ്ഞതാണ് ഇതെന്ന് വ്യക്തം. ബ്ലോഗ്‌..ഫെസ് ബുക്ക്‌ തുടങ്ങിയ സങ്കേതങ്ങളെ കുറിച്ച് മനോരമയിലോ..മറ്റു പത്ര മാധ്യമങ്ങളിലോ വരുന്ന മുറി അറിവുകളും മുന്‍വിധികളും മാത്രമാണ് ഇങ്ങനെ ഒരു അഭിപ്രായ പ്രകടനത്തിന് പിന്നില്‍ എന്ന് മനസിലാവുന്നുണ്ട്.

ഷാബു തോമസ് : ആയമ്മയുടെ പ്രശ്നം ഞാന്‍ പറയാം. അവര്‍ക്ക് കമ്പ്യൂട്ടറില്‍ മലയാളം വഴങ്ങുന്നില്ല. അതുതന്നെ കാരണം.

കോറോത്ത് : എഴുതുമ്പോള്‍ കൌപീനമോ മരവുരിയോ ഉടുക്കണം എന്നും ചേര്‍ക്കാമായിരുന്നു ;)

നിരക്ഷരൻ: പ്രിന്റ് മീഡിയ അടക്കം എല്ലായിടത്തും ഉണ്ട് മോശം സൃഷ്ടികൾ. എഡിറ്ററില്ലാത്ത മാദ്ധ്യമമായ ബ്ലോഗിൽ അത് ഇത്തിരി കൂടുതൽ തന്നെയാണെന്ന് സമ്മതിക്കുന്നതിന് ഒരു ബുദ്ധിമുട്ടുമില്ല. പക്ഷേ, പൂർണ്ണതയില്ല, കക്കൂസ് സാഹിത്യം, എന്നൊക്കെ പറഞ്ഞ് അടച്ചാക്ഷേപിച്ചതിന്, ഇന്ദുമേനോനോട് ശക്തിയായി പ്രതിഷേധിക്കുന്നു. ഈ-മാദ്ധ്യമത്തിൽ എന്താണ് നടക്കുന്നതെന്ന് വിശദമായി അറിയാത്തതുകൊണ്ടുള്ള ജൽ‌പ്പനം മാത്രമായേ ഇതിനെ കണക്കാക്കുന്നുള്ളൂ. ഒന്നുകൂടെ തെളിച്ച് പറഞ്ഞാൽ, വിവരക്കേട്. പേന കൊണ്ട് കടലാസിൽ എഴുതി വെച്ചാൽ മാത്രം പോരല്ലോ ? അത് അച്ചടിച്ച് പുറത്തിറക്കാൻ പ്രസാധകർ ചെന്നില്ലെങ്കിൽ എഴുത്തുകാർ എന്തുചെയ്യും? എല്ലാവർക്കും ഇന്ദുമേനോൻ ആകാൻ പറ്റില്ലല്ലോ ? അങ്ങനുള്ളവർ ബ്ലോഗ് എന്ന ചുമരിലെങ്കിലും എഴുതട്ടെ. സൌകര്യം ഉണ്ടെങ്കിൽ മാത്രം വായിച്ചാൽ മതി. പക്ഷെ പ്രിന്റ് മീഡിയയിലെ വല്ല്യേട്ടന്മാരും വല്ല്യേച്ചിമാരും വളർന്നുവരുന്ന ഒരു മാദ്ധ്യമത്തെ നിരന്തരം ഇങ്ങനെ അധിക്ഷേപിക്കുന്ന പ്രവണത ഒട്ടും നല്ലതല്ല. മുൻപൊരിക്കൽ ആദപൂർവ്വം ഒരു ഗുരുവിനോട് പറഞ്ഞത് ഇന്ദുമേനോനോടും ആവർത്തിക്കുന്നു. ‘വെള്ളവും വളവും നൽകി പരിപോഷിപ്പിച്ചില്ലെങ്കിലും, എൻ‌ഡോസൾഫാൻ തളിച്ച് മുരടിപ്പിച്ച് കളയരുത്. ’

ജാനകി രാമന്‍ : ഇന്ദുമേനോന്‍ എന്ന എഴുതുകരിയോടും, അത് അപ്പാടെ ഈച്ച കോപ്പി ചെയ്ത സൌമ്യയോടും സഹതാപം തോന്നുന്നു. ഈ പേനയും പേപ്പറും ഒക്കെ വരുന്നതിന് മുന്‍പും സാഹിത്യ സൃഷ്ടികള്‍ ഉണ്ടായിട്ടുണ്ട്. ദസ്തയേവ്സ്കിയുടെ എഴുത്തിനു കൂടുതല്‍ തുണച്ചത് മെഷീനുകളാണ്.

നിശികാന്ത്‌ : ഇന്ദുമേനോന്റെ അജ്ഞതയെക്കുറിച്ച് എന്തു പറയാൻ. നെറ്റിലുണ്ടാകുന്ന പലകാര്യങ്ങളെക്കുറിച്ചും അജ്ഞയായ ലേഖികയോട് തന്നെ സൗമ്യ ഇതിനേക്കുറിച്ച് ചോദിച്ചത് നന്നായി!

നട്ടപ്പിരാന്തൻ: ഈ അഭിപ്രായം തന്നെയല്ലെ പണ്ട് സാഹിത്യവരേണ്യവര്‍ഗ്ഗക്കാരായ നിരൂപകര്‍ വൈക്കം മുഹമ്മദ് ബഷീറിന്റെ കൃതികളെക്കുറിച്ച് മുമ്പ് പറഞ്ഞിരുന്നതും..........പിന്നെ കാലം തെളിയിച്ചത് സത്യം.

ഉണ്ണിക്കുട്ടൻ: കോളക്കുപ്പി തീരാ ശാപമായി അരയില്‍ കെട്ടി നടക്കുന്ന ഗോത്ര യുവാവിനെ ഈ കുറിപ്പില്‍ കാണാം.വായക്കാരന്‍ ഇരുട്ടില്‍ ഇരിക്കണം, എഴുത്തുകാരനെക്കാള്‍ മെല്ലെ ചിന്തിക്കണം. വരികള്‍ക്കിടയില്‍ അവിടവിടെയായി എഴുത്തുക്കാരന്‍ കുഴിച്ചിട്ട ''പടക്കങ്ങള്‍'' ചെയ്യണം. അതിശയിക്കണം ! പുതിയ സങ്കേതങ്ങള്‍ തുറന്നിടുന്ന ആവിഷ്കാരത്തിന്റെ തുറസ്സില്‍ വിഹരിക്കുന്ന വായനക്കാരനെ അതിനു കിട്ടിയെന്നു വരില്ല. അവന്‍ എഴുതപെട്ട ഓരോ വാക്കിലും അതിന്‍റെ പിതൃത്വം തിരയുന്നു, ''ഇട്ടികൊര''കളെ അവന്‍ വലിച്ചു കീറുന്നു. അപ്പോള്‍ ''പഴയ ചോറ്'' തന്നെ വീണ്ടും വാര്‍ക്കാന്‍ വെയ്ക്കുന്ന ''മേല്‍വിലാസം'' ഉള്ള എഴുത്തുകാര്‍ക്ക് വേണ്ടത്ര reception കിട്ടിയെന്നു വരില്ല. ഇത് പറയാന്‍ കാരണം കണ്ണ് ചീത്തയവാത്ത anti-glare സ്ക്രീനുകള്‍ കോഴിക്കോടും കിട്ടും, അന്വേഷിച്ചാല്‍ മതി !

യൂസുഫ്പ : എന്തൊക്കെയോ അബദ്ധ ധാരണകൾ.ഇതിനെ ഒരു തരം അവസ്ഥ എന്ന് വിശേഷിപ്പിക്കാം.
ബ്ളോഗെന്ന സമാന്തര മാധ്യമത്തെ എങ്ങിനെയാണ്‌ നോക്കിക്കാണുന്നത് എന്ന് ഇപ്പോൾ മനസ്സിലായി.
തന്തോയം.

ജോ : ഇന്റര്‍നെറ്റും ബ്ലോഗ്‌ എഴുത്തും എന്തെന്നറിയാത്ത ഒരുപാട് സാഹിത്യ തമ്പുരാക്കാന്‍ മാരും തമ്പുരാട്ടികളും ഉണ്ടിവിടെ. ഒരു തരത്തില്‍ പറഞ്ഞാല്‍ കിട്ടാത്ത മുന്തിരി പുളിക്കും. അല്ലാ, അറിയാൻ പാടില്ലത്തതൊന്നും കൊള്ളില്ല....അത്രേയുള്ളൂ.

ബിജുകുമാര്‍ ആലക്കോട് : അറിവില്ലായ്മ അലങ്കാരമാക്കിയ ലേഖനം. ബ്ലോഗ് രചനകള്‍ ടോയിലറ്റ് സാഹിത്യമാണെന്നു പറയുന്ന ഈ ‘എഴുത്തുകാരി”യ്ക്ക് ബ്ലോഗെഴുത്തിനെ പറ്റി ഒരു ചുക്കും അറിയില്ല. അച്ചടിമഴി പുരണ്ടതെല്ലാം ഉല്‍കൃഷ്ടമാണെന്ന വിവരക്കേട്. ഏതാനും ചില എസ്റ്റാബ്ലിഷ്ഡ് മാഗസിനുകളും അവരുടെ തലോടല്‍ ആവോളം അനുഭവിയ്ക്കുന്ന കുറെ എഴുത്തുകാര്‍ക്കും തീറെഴുതിയതല്ല മലയാളാ സാഹിത്യം. തീര്‍ച്ചയായും ബ്ലോഗില്‍ ചവറുകള്‍ ഉണ്ട്. എന്നാല്‍ അതു പോലെ കലാമൂല്യമുള്ളവയും ധാരാളം. ഇന്ന് മലയാളം കേരളത്തിന്റെ “ഠ” വട്ടത്തിനപ്പുറത്തേയ്ക്ക് വികസിച്ചത് കമ്പ്യൂട്ടറും ഫെസുബുക്കും ബ്ലോഗും ഒക്കെ ഉള്ളതു കൊണ്ടാണ്. എത്രയോ വിദേശമലയാളികള്‍ ഇന്നു മലയാളം എഴുതുകയും വായിയ്ക്കുകയും ചെയ്യുന്നു. അവയില്‍ നിന്നും കലാമൂല്യമുള്ളവയും വരുന്നുണ്ട്. തങ്ങല്‍ വരേണ്യരെന്നു കരുതുന്ന ഇത്തരം കൂപ മണ്ഡൂകങ്ങളുടെ ജല്പനങ്ങളെ ആരു വകവയ്ക്കാന്‍.....

ഒരു പക്ഷെ ദേശാഭിമാനിയില്‍ പ്രസിദ്ധീകരിച്ച ഒരു ലേഖനത്തിനു ആദ്യമായിട്ടായിരിക്കും ഇത്രയധികം കമന്റു കിട്ടുന്നത്. അതും ഒരേ സ്വരത്തില്‍ പ്രതികരിക്കുന്നവരുടെ. ഒരു പക്ഷെ, സൈബര്‍ സങ്കേതത്തിന്റെ അറിവില്ലായ്മ കൊണ്ട് ദേശാഭിമാനിയില്‍ പ്രസിദ്ധീകരിച്ചവയും പ്രതികരണങ്ങളും എല്ലാം ശ്രീമതി ഇന്ദു മേനോന്‍ അറിയുന്നുണ്ടാകില്ല. അല്‍പ്പനാള്‍ മുന്‍പ് കവി ഓ. എന്‍. വി. കുറുപ്പും ബ്ലോഗേഴുത്തിനെ എസ്. എം. എസ്. എഴുത്ത് എന്നതിനോട് ഉപമിച്ചു കണ്ടു. എന്തായാലും പുതു തലമുറയിലെ എഴുത്തുകാരൊന്നും ആരുടേയും മുന്നില്‍ ഒച്ഛാനിച്ച് നിന്നിട്ടല്ല തങ്ങളുടെ ആത്മാവിഷ്കാരം ലോകത്തെ മുഴുവന്‍ അറിയിക്കുന്നത്. സര്‍ഗ്ഗാത്മകതയോടൊപ്പം അല്‍പ്പം സാങ്കേതിക പരിജ്ഞാനവും കൂടി ബ്ലോഗെഴുത്തുകാര്‍ക്ക് ഉണ്ടെന്ന് എഴുത്തിന്റെ തമ്പുരാക്കന്മാരും തമ്പുരാട്ടികളും മനസ്സിലാക്കുക. ചുരുക്കിപ്പറഞ്ഞാല്‍ വിവരവും വിവേകവും നിങ്ങളേക്കാള്‍ കൂടുതല്‍ ഞങ്ങൾക്കുണ്ടെന്ന് എന്നുള്ളത്.

ബൂലോക മത്സരങ്ങള്‍

2011-10-29T07:40:00.005+05:30

പ്രിയ സുഹൃത്തുക്കളെ,

അങ്ങനെ ഒരു വർഷം കൂടി പിന്നിടാന്‍ പോകുകയാണ്. മുന്‍ വര്‍ഷത്തെ അപേക്ഷിച്ച് ബ്ലോഗെഴുത്തുകള്‍ പൊതുവേ കുറവായിരുന്നു. അക്ഷരങ്ങളെ ആവേശത്തോടെ കാണുന്നവര്‍ കമന്റുകളെ മാനിക്കാതെ എഴുത്ത് തുടരുന്നു. അവര്‍ക്ക് പ്രത്യേകം അഭിനന്ദനങ്ങള്‍. ബ്ലോഗെഴുത്തിനെ പരിപോഷിപ്പിക്കുന്ന ബൂലോകം ഓണ്‍ ലൈന്‍ എന്ന ബ്ലോഗ്‌ പോര്‍ട്ടല്‍ ഈ ബ്ലോഗ്ഗേഴ്സിനായി വിവിധ അവാര്‍ഡുകള്‍ നല്‍കുകയാണ്. ജനുവരി ആദ്യവാരം കൊച്ചിയില്‍ നടക്കുന്ന ചടങ്ങില്‍ പ്രശസ്തനായ സെലിബ്രിറ്റിയില്‍ നിന്നുമാണ് അവാര്‍ഡു സ്വീകരിക്കുവാന്‍ ബൂലോകം ഓണ്‍ ലൈന്‍ അവസരം ഒരുക്കുന്നത്. മാത്രമല്ല, വ്യത്യസ്തമായൊരു അവാര്‍ഡു വിതരണ മീറ്റുമാണ് സംഘടിപ്പിക്കുന്നത്. അതെക്കുറിച്ചുള്ള വിശദവിവരങ്ങള്‍ വൈകാതെ തന്നെ എല്ലാവരെയും അറിയിക്കുന്നതായിരിക്കും. എല്ലാ ബ്ലോഗേഴ്‌സിന്റേയും സഹകരണം ഈ അവസരത്തില്‍ കാംക്ഷിക്കുന്നു.

നമ്മുടെ ബൂലോകം പത്രാധിപ സമിതി.

മത്സരത്തെക്കുറിച്ചുള്ള കൂടുതല്‍ വിവരങ്ങള്‍ :

.'ബൂലോകംഓണ്‍ലൈന്‍' ചെറുകഥാ മല്‍സരം 2011'

‘ബൂലോകം ഓണ്‍ലൈന്‍’ നടത്തുന്ന ചെറുകഥാ മത്സരത്തിലേക്ക് രചനകള്‍ ക്ഷണിക്കുന്നു.
ഒന്നാം സമ്മാനം 8000 രൂപ, രണ്ടാം സമ്മാനം 4000 രൂപ, മൂന്നാം സമ്മാനം 2000 രൂപ. ഇതോടൊപ്പം എല്ലാ വിജയികള്‍ക്കും ഫലകങ്ങളും നല്‍കും.

കഥകള്‍ അയക്കേണ്ട ഇ മെയില്‍ വിലാസം : boolokamstory@gmail.com
കഥകള്‍ ലഭിക്കേണ്ട അവസാന തീയതി : 2011 നവംബര്‍ 30.
സമ്മാനങ്ങള്‍ ‘സൂപ്പര്‍ ബ്ലോഗ്ഗര്‍ 2011′ ചടങ്ങിനോടനുബന്ധിച്ച് വിതരണം ചെയ്യുന്നതായിരിക്കും.

കൂടുതല്‍ വിവരങ്ങള്‍ക്ക്:
ഇമെയില്‍ : boolokamstory@gmail.com
ഫോണ്‍ : +971 50 6212325

http://www.boolokamonline.com/archives/28922

സൂപ്പര്‍ ബ്ലോഗര്‍ അവാര്‍ഡ്

ഈ വര്‍ഷവും ഉണ്ടായിരിക്കും. ബൂലോകം ഓണ്‍ലൈനിലെ എഴുത്തുകാര്‍ക്ക് വേണ്ടി മാത്രം ഉള്ളതാണ് ഈ അവാര്‍ഡ്. ഈ വർഷം ബൂലോകം ഓണ്‍ലൈനില്‍ എഴുതിയിട്ടുള്ള ബ്ലോഗറന്മാരില്‍ നിന്നും നോമിനേറ്റു ചെയ്യപ്പെടുന്നവരെ ഇതിനായി പരിഗണിക്കും. ഈ വർഷം അവാര്‍ഡ് തുക പതിനായിരത്തില്‍ നിന്നും പതിമൂവായിരമായി വര്‍ദ്ധിപ്പിക്കും. കൊച്ചിയില്‍ വച്ച് നടക്കുവാന്‍ പോകുന്ന വളരെ വ്യത്യസ്തമായ ഒരു ചടങ്ങില്‍ വച്ചായിരിക്കും ഈ അവാര്‍ഡ് ഈ വർഷം നല്‍കപ്പെടുക. ചെറു കഥാ മത്സര വിജയികള്‍ക്കും ഈ അവസരത്തില്‍ അവാര്‍ഡു നല്‍കും .

ഏതു ബ്ലോഗര്‍ക്കും സൂപ്പര്‍ ബ്ലോഗര്‍ ആവാം. ഇനിയും നിങ്ങള്‍ ബൂലോകം ഓണ്‍ലൈനില്‍ എഴുതിയിട്ടില്ല എങ്കില്‍ ഈ വരുന്ന ഡിസംബര്‍ ഒന്ന് വരെ അതിനു സമയമുണ്ട്. ലോഗിന്‍ ചെയ്തു ആര്‍ക്കും തങ്ങളുടെ സൃഷ്ടികള്‍ പ്രസിദ്ധീകരിക്കാം. അങ്ങിനെ എഴുതുന്നവരുടെ ഒന്നോ രണ്ടോ പോസ്റ്റു ആയിരിക്കില്ല അവാര്‍ഡിനായി പരിഗണിക്കപ്പെടുക. ഇതുവരെ അവര്‍ സ്വന്തം ബ്ലോഗുകളില്‍ എഴുതിയിട്ടുള്ള എല്ലാ പോസ്റ്റുകളും പരിഗണിക്കും. ബൂലോകം ഓണ്‍ലൈനില്‍ എഴുതണം എന്നുള്ളത് ഈ അവാര്‍ഡിന്റെ ഒരു മിനിമം ആവശ്യമാനെന്നുള്ള കാര്യം ദയവായി എല്ലാവരും മനസ്സിലാക്കുമല്ലോ.

ബൂലോകം ഓണ്‍ ലൈനില്‍ പോസ്റ്റുകള്‍ പ്രസിദ്ധീകരിക്കുവാന്‍ എന്തെങ്കിലും പ്രയാസം അനുഭവപ്പെടുന്നെങ്കില്‍ അത് ദയവായി അറിയിക്കുക. boolokamonline@gmail.com

ഈ അവാര്‍ഡുകള്‍ക്ക് പുറമേ എല്ലാ ബ്ലോഗറന്മാരേയും ലക്ഷ്യമാക്കി കഥ, കവിത, ലേഖനം, സാങ്കേതികം, പാചകം, ഫോട്ടോഗ്രഫി, കാര്‍ട്ടൂണ്‍, ചലച്ചിത്ര നിരൂപണം തുടങ്ങിയ കാറ്റഗറികള്‍ തിരിച്ചുകൊണ്ട് അവാര്‍ഡുകള്‍ സംഘടിപ്പിക്കാനും പരിപാടിയുണ്ട്. അതിന്റെ പ്രാഥമിക ചര്‍ച്ചകള്‍ നടക്കുന്നുണ്ട്. ആ വിവരങ്ങള്‍ താമസിയാതെ തന്നെ അറിയിക്കുന്നതാണ്. അങ്ങിനെ അത് നടക്കുമെങ്കില്‍ ഒരു വിപുലമായ അവാര്‍ഡു ദാന ചടങ്ങ് തന്നെ സംഘടിപ്പിക്കുവാനും സാധ്യതയുണ്ട്. എല്ലാവരുടെയു സഹകരണം ഇതിനായി വേണ്ടിവരും. കൂടുതല്‍ വിവരങ്ങള്‍ വൈകാതെ അപ്ഡേറ്റ് ചെയ്യുന്നതായിരിക്കും

ബിന്‍ ലാദന്റെ അന്ത്യം - ഭാഗം മൂന്ന്

2011-10-24T06:00:00.004+05:30

സജി മാര്‍ക്കോസ്

ഭാഗം-1 ഇവിടെ വായിക്കാം

ഭാഗം-2 ഇവിടെ വായിക്കാം

അബട്ടാബാദിലെ പാക്കിസ്ഥാൻ സൈനിക അക്കാഡമിയുടെ റാഡാറിന്റെ പരിധി 65 കിലോമീറ്റർ മാത്രം. ഷുനൂക് ഹെലിക്കോപ്റ്റർ രണ്ടും പട്ടണത്തിനു വെളിയിൽ റഡാറിന്റെ പരിധിക്കും അപ്പുറം മുൻനിശ്ചയിച്ചിരുന്ന ആളൊഴിഞ്ഞ ഗ്രൗണ്ടിൽ ഇറങ്ങി. ബ്ലാക് ഹോക് ഹെലിക്കോപ്‌റ്ററിൽ നിന്നും കിട്ടുന്ന സന്ദേശങ്ങൾക്ക് കാതോർത്തുകൊണ്ട് ഇരുളിന്റെ മറവിൽ ഏതു അടിയന്തര ഘട്ടത്തേയും നേരിടുവാൻ തയ്യാറായി 56 സീലുകളും ആവശ്യത്തിന് കരുതൽ ഇന്ധനവുമായി കാത്തു കിടന്നു. ബ്ലാക് ഹോക്ക് ഹെലിക്കോപ്റ്ററിൽ ഉണ്ടായിരുന്ന സീലുകൾ യുദ്ധ സന്നദ്ധരായി, ആയുധങ്ങൾ അവസാന വട്ടം പരിശോധനകൾ നടത്തുവാൻ തുടങ്ങി.

അത്യാധുനികവും ഭാരം കുറഞ്ഞതുമായ ഹെക്‌ലർ & കോച്ച് 416 (HK416) റൈഫിളുകളും P226 പിസ്റ്റണുകളും ആയിരുന്നു സീലുകളുടെ ആയുധങ്ങൾ ഇനി നിമിഷങ്ങൾ മാത്രം. ചിലർ മക്റാവൻ കൊടുത്ത ബുക്‌ലെറ്റ് ഒരു വട്ടം കൂടി എടുത്തു നോക്കി, ഒന്നാമത്തെ പേജിൽ മുഖ്യശത്രു ബിൻ ലാദന്റെ ചിത്രവും വിവരങ്ങളും. സീലുകൾക്ക് ഒരു ഭാവഭേദവും ഉണ്ടായില്ല. അവരുടെ ശത്രുവിനു മുഖമില്ല. ശത്രു എന്നും ശത്രു മാത്രം, ലക്ഷ്യം വിജയവും.

"കെട്ടിടത്തിന്റെ ഏതു മൂലയിലും ആയുധധാരികൾ ഒളിച്ചിരിക്കുന്നുണ്ടാവും"

മക്റാവന്റെ വാക്കുകൾ അവർ ഓർമ്മിച്ചു.

"സൂയിസൈഡ് ബോംബുമായി കാവൽ നിൽക്കുന്നവരേയും പ്രതീക്ഷിക്കാം. നിമിഷാർദ്ധത്തിനുള്ളിൽ തീരുമാനമെടുക്കുകയും സംശയം തോന്നുന്ന നിമിഷം മുന്നിൽ കാണുന്നവരെ വക വരുത്തുകയും ചെയ്യണം."

"കഴിയുമെങ്കിൽ, സിവിലിയന്മാരെ ആക്രമിക്കരുത്."

സംഘത്തിൽ ഉർദ്ദു നന്നായി സംസാരിക്കാനറിയാവുന്ന ഒരു അംഗത്തെ ഉൾപ്പെടുത്തിയിട്ടുണ്ടായിരുന്നു.

"എങ്കിലും ശബ്ദം കേട്ട് അയൽക്കാർ ഓടി വർന്നാൽ ഉർദു അറിയാവുന്ന സീൽ അവരോട് മറി നിൽക്കുവാൻ ആജ്ഞാപിക്കുക. ആരെങ്കിലും എതിർക്കുകയോ ഇടപെടുകയോ ചെയ്താൽ മറ്റൊരു നിർദ്ദേശത്തിന് കാത്തു നിൽക്കാതെ ആരായാലും ഷൂട്ട് ചെയ്യുക"

മക്റാവന്റെ അവസാനത്തെ നിർദ്ദേശം അതായിരുന്നു.

മൂന്നു വ്യത്യസ്ഥ രാജ്യങ്ങളിലെ വിവിധ സ്ഥലങ്ങളിൽ ഇരുന്നുകൊണ്ട് അമേരിക്കയുടെ സൈനീക-രാഷ്ട്രീയ തലവന്മാർ; സുരക്ഷിതമായ നെറ്റ്‌വർക്കുകൾ വഴി തൽസമയം പരസ്പരം കാണുകയും ആശയവിനിമയം നടത്തുകയും ചെയ്തുകൊണ്ടിരുന്നു. അമേരിക്കയിലെ വൈറ്റ് ഹൗസിനുള്ളിൽ പ്രസിഡന്റും വിരലിൽ എണ്ണാവുന്ന സുരക്ഷാ ഉപദേശകരും അഫ്ഗാനിസ്ഥാനിലെ ജലാലബാദ് സൈനീക താവളത്തിൽ ഓപ്പറേഷൻ ടീം ലീഡർ വില്യം മക്റാവൻ, പാക്കിസ്ഥാനിലെ അബട്ടാബാദ് പട്ടണത്തിന് വെളിൽ 65 കി.മീ. ദൂരത്തിൽ രണ്ടു ഷുനൂക് ഹെലിക്കോപ്റ്ററുകളിലായി 56 സീലുകൾ, രണ്ടു ബ്ലാക് ഹോക്ക് ഹെലിക്കോപ്റ്ററുകളിൽ 23 സീലുകൾ, ഈ രഹസ്യ സൈനിക നീക്കം അറിയാവുന്നവർ ഇത്രയും പേർ മാത്രം.

ഹെലിക്കോപ്റ്ററിൽ നിന്നും ജലാല ബാദിലെ സൈനിക താവളത്തിലെ മക്റാവനുമായുള്ള ആശയവിനിമയം സെക്വേർഡ് ടെക്സ്റ്റ് മെസേജുകൾ (Secured Text Messages) വഴിയായിരുന്നു. മറ്റു സന്ദേശ തരംഗങ്ങൾ പാക്കിസ്ഥാൻ സൈന്യത്തിന്റെ റിസീവറുകൾ പിടിച്ചെടുക്കാൻ സാദ്ധ്യതയുള്ളതുകൊണ്ട് ഇപ്രകാരം ഒരു തീരുമാനത്തിൽ എത്തിച്ചേർന്നത്. ഒന്നാമത്തെ ബ്ലാക് ഹോക് ഹെലിക്കോപ്റ്റർ കെട്ടിടത്തിന്റെ മുകളിൽ എത്തി. കോമ്പൗണ്ടും പരിസരവും ഇരുളിൽ മുങ്ങി നിൽക്കുന്നു.

വളരെ താഴ്‌ന്ന് പറന്ന ഹെലിക്കോപ്റ്ററിൽ നിന്നും ആറു സീലുകൾ കെട്ടിടത്തിന്റെ മുകളിൽ കയറിൽ തൂങ്ങി ഇറങ്ങുവാൻ തയ്യാറെടുത്തു. സീലുകൾ ഇറങ്ങിയതിനു ശേഷം കോമ്പൗണ്ടിനുള്ളിലെ വിശാലമായ സ്ഥലത്ത് ഹെലിക്കോപ്റ്റർ ലാൻഡ്ചെയ്യണം.

വൈറ്റ് ഹൗസിൽ ഒബാമയും സംഘവും ശ്വാസമടക്കി നോക്കി നിൽക്കുമ്പോൾ സീലുകളുടേ ഹെഡ്ഫോണിൽ മക്റാവന്റെ ശബ്ദം മുഴങ്ങി.
"സ്റ്റാർട്ട്"
പെട്ടെന്ന് ഹെലിക്കോപ്റ്റർ ഒന്നു ശക്തമായി കുലുങ്ങി ഒരു വശത്തേയ്ക്കു ചരിഞ്ഞു. പിന്നീട് വട്ടം ചുറ്റുവാൻ തുടങ്ങി. ആർക്കും ഒന്നും മനസിലാകുന്നില്ല. പൈലറ്റ് നിയന്ത്രണം നഷ്ടപ്പെടാതിരിക്കൻ പരമാവധി ശ്രമിച്ചുകൊണ്ടിരുന്നു. പുറത്തേയ്ക്ക് ചാടുവാൻ തയ്യാറെടുത്തിരുന്ന സീലുകൾ പെട്ടെന്ന് വാതായനങ്ങൾ അടച്ചു.

എന്തോ അപടം പിണഞ്ഞിരിക്കുന്നു എന്നു വൈറ്റ് ഹൗസിനുള്ളിൽ ഇരിക്കുന്നവർക്ക് മനസിലായി, എങ്കിലും എങ്ങിനെ പ്രതികരിക്കണമെന്ന് അറിയാതെ സ്തംഭിച്ചു പോയി. തികച്ചും അപ്രതീക്ഷിതമായ എന്തോ കോമ്പൗണ്ടിനുള്ളിൽ നടക്കുകയാണ്.

ഒരു നിമിഷം, മക്റാവന്റെ സൈനിക ബുദ്ധി ഉണർന്നു. ഹെലിക്കോപ്റ്ററിന്റെ പ്രൊപ്പെല്ലർ കറങ്ങുന്നതുകൊണ്ട് ഉയർന്ന മതിനുള്ളിൽ ശക്തമായി ചുഴി രൂപപ്പെട്ടിരിക്കുന്നു. ഹെലിക്കോപ്റ്റർ ആ ചുഴിയിൽ പെട്ടിരിക്കുകയാണ്.

റീസർകുലേഷൻ എന്ന് വിദഗ്ദ്ധർ വിളിക്കുന്ന പ്രതിഭാസമാണ് ഹെലിക്കോപ്റ്ററിന്റെ നിയന്ത്രണം നഷ്ടപ്പെടുത്തിയത്. സ്ക്രിപ്റ്റിൽ ഇല്ലാത്ത ഒരു രംഗം തുടക്കത്തിൽ തന്നെ അരങ്ങേറുന്നു. സീലുകളെ കെട്ടിടത്തിന്റെ മുകളിൽ ഇറക്കുവാൻ സാദ്ധ്യമല്ലെന്നും അതിനു ശ്രമിച്ചാൽ ഏതു നിമിഷവും മതിക്കെട്ടിനുള്ളിൽ ഹെലിക്കോപ്റ്റർ പതിക്കുമെന്നും നൈറ്റ് സ്റ്റേക്കറിന്റെ വിദഗ്ദ്ധനായ പൈലറ്റ് മക്റാവനെ അറിയിച്ചു.

ഒന്നിലധികം സ്ഥാനങ്ങളിൽ നിന്നും ശത്രുവിനെ ആക്രമിക്കുന്നത് ഒരു മികച്ച യുദ്ധ തന്ത്രം ആണ്. ഒരേസമയം കെട്ടിടത്തിന്റെ താഴെ നിന്നും മുകളിൽ നിന്നും കടന്നു കയറി, കെട്ടിടത്തിന്റെ നടുവിൽ വച്ച് സീലുകൾ കൂട്ടിമുട്ടുന്ന വിധമായിരുന്നു പദ്ധതി ആസൂത്രണം ചെയ്തിരുന്നത്. ആ തന്ത്രം ഇപ്പോൾ ഉപേക്ഷിക്കാതെ വയ്യ. ഇല്ലെങ്കിൽ ഒരു ദുരന്തം ഏതു നിമിഷവും സംഭവിക്കാം.

ലാൻഡ് ചെയ്യുവാൻ മക്റാവൻ നിർദ്ദേശം നൽകി, അപ്പോഴേയ്ക്കും ഹെലിക്കോപ്റ്റർ നിലത്ത് ഇടിച്ചിറങ്ങിയിരുന്നു.

"Black hawk -1 is down"- മക്രാവന്റെ ശബ്ദം വൈറ്റ് ഹൗസിനുള്ളിൽ ഭീതി പരത്തി.

ഹെലിക്കോപ്റ്ററിന്റെ പ്രൊപ്പെല്ലറുകൾ മതിൽ ഇടിച്ചു സാരമായ കേടു പാടുകൾ സംഭവിച്ചു. കെട്ടിടത്തിന്റെ ആയിരക്കണക്കിന് അടി ഉയരത്തിലെ ഭ്രമണപഥത്തിൽ സെറ്റ് ചെയ്തിരുന്ന ഉപഗ്രഹത്തിൽ നിന്നും അയക്കുന്ന തത്സമമയ ദൃശ്യങ്ങൾ ഒബാമയും കൂട്ടരും നിസ്സഹരായി കണ്ടു കൊണ്ടിരുന്നു. 28 മില്യൺ ഡോളർ വില വരുന്ന ഹെലിക്കോപ്റ്ററാണ് ഭാഗീകമായി തകർന്നിരിക്കുന്നത്. എന്നാൽ കഴിഞ്ഞ 15 വർഷങ്ങളായി ബിൻ ലാദൻ വേട്ടയ്ക്ക് വേണ്ടി അമേരിക്കൻ ഭരണകൂടം ഏതാണ്ട് മൂന്ന് ട്രില്ല്യൺ അമേരിക്കൻ ഡോളർ ചിലവഴിച്ച കഴിഞ്ഞിരുന്നു. അതു വച്ചുനോക്കുമ്പോൾ ഇതു നിസ്സാര തുക മാത്രം. സി.ഐ.ഏ യുടെ മോസ്റ്റ് വാണ്ടട് ലിസ്റ്റിൽ ലാദൻ കയറിപ്പറ്റിയിട്ട് 155 മാസങ്ങൾ ആയിരിക്കുന്നു. നിരവധി ഓപ്പറേഷനുകൾ ഇതിനകം നടത്തിയിട്ടുണ്ടെങ്കിലും ആദ്യമായാണ് വളരെ കൃത്യമായ ലക്ഷ്യത്തോടെ ഒരു നീക്കം നടത്തുന്നത്. എല്ലാറ്റിന്റേയും അവസാനമായി എന്നു കരുതി അതിജാഗ്രതയോടെ തയ്യാറാക്കിയ പദ്ധതിയാണ് തുടക്കത്തിൽ തന്നെ പ്രതിസന്ധിയിൽ ആയിരിക്കുന്നത്.

എങ്കിലും, ഏത് അപ്രതീക്ഷിത ഘട്ടത്തേയും നേരിടുവാൻ കഴിയുന്ന അസാമാന്യമായ കഴിവും ധൈര്യവും സഹജാവബോധവുള്ള ഒരു സൈനിക ഉദ്യോഗസ്ഥനായിരുന്നു വില്യം മക്റാവെൻ. സീലുകൾക്ക് അപകടം ഒന്നും സംഭവച്ചിട്ടില്ല എന്ന് മനസ്സിലാക്കിയ മക്റാവന്റെ ശബ്ദം സീലുകളുടെ ഹെഡ്ഫോണിൽ കേട്ടു:

"മിഷൻ കണ്ടിന്യൂ"

സീലുകൾ തങ്ങളുടെ ദൗത്യത്തിനു തയ്യാറായി, ഓരോരുത്തരായ ഇരുളിലേയ്ക്ക് ഇറങ്ങി, ഹെൽ‌മറ്റിൽ ഘടിപ്പിച്ചിരുന്ന ടോർച്ച് ഓൺചെയ്തു, കെട്ടിടത്തെ ലക്ഷ്യമാക്കി നീങ്ങിത്തുടങ്ങി.

ഒരു നിമിഷം പതറിപ്പോയ മക്റാവൻ വീണ്ടും ഊർജ്ജ്വസലനായി. രണ്ടാമത്തെ ഹെലിക്കോപ്റ്റർ കോമ്പണ്ടിന് വെളിയിൽ ലാൻഡ് ചെയ്യുവാൻ നിർദ്ദേശം നൽകി. അതിൽ നിന്നും സീലുകൾ നിമിഷങ്ങൾക്കുള്ളിൽ വെളിയിൽ ഇറങ്ങി, 18 അടി ഉയരമുണ്ടായിരുന്ന മതിൽ ചാടിക്കടന്നു, കെട്ടിടത്തെ ലക്ഷമാക്കി നടന്നു. കഴിഞ്ഞ കുറെ ദിവസങ്ങളായി നടത്തിക്കൊണ്ടിരുന്ന കഠിനമായ പരിശീലത്തിന്റെ ഫലമായി കൗമ്പണ്ടിനുള്ളിലെ ഓരോ ഇഞ്ചു സ്ഥലവും സീലുകൾക്ക് പരിചിതമായതുപോലെ ആയിരുന്നു അവരുടെ നീക്കം. എല്ലാം സീലുകളും മതിൽകെട്ടിനുള്ളിൽ പ്രവേശിച്ചു. താമസക്കാർ ഇതുവരെ ഒന്നും അറിഞ്ഞിട്ടില്ല. കെട്ടിടം പൂർണമായ അന്ധകാരത്തിൽ മുങ്ങിക്കിടന്നു. കെട്ടിടത്തിന്റെ അടുത്ത് എത്തിയ സീലുകൾ ചെറു സംഘങ്ങളായി പിരിഞ്ഞു. കെട്ടിടത്തിന്റെ നാലു വശങ്ങളിൽനിന്നും കെട്ടിടത്തെ വളഞ്ഞ്, പതുങ്ങിപ്പതുങ്ങി കെട്ടിടത്തിന്റെ അടുത്തേയ്ക്കു നീങ്ങിക്കൊണ്ടിരുന്നു.
പെട്ടെന്നു കെട്ടിടത്തിന് വെളിയിലെ ചെറിയ ഗസ്റ്റ് ഹൗസിലെ ലൈറ്റ് തെളിഞ്ഞു.

എന്തോ സംഭവിക്കുന്നതായി ഗസ്റ്റ് ഹൗസിലുള്ളവർക്ക് മനസ്സിലായിക്കാണണം.

സീലുകൾ നിശബ്ദരായി അതാതു സ്ഥങ്ങളിൽ പതുങ്ങി ഇരുന്നു. ചില്ലു ജനാലയിലൂടെ അകത്താരോ ദ്രുതഗതിൽ ചലിക്കുന്നത് കാണാമായിരുന്നു. അതെ, അവർ അപകടം അറിഞ്ഞിരിക്കുന്നു. നിമിഷങ്ങൾക്കുള്ളിൽ ഗസ്റ്റ് ഹൗസിന്റെ വാതിൽ തുറക്കപ്പെട്ടു. നേവി സീലുകൾ പ്ര്തീക്ഷിച്ചതുപോലെ ഒരു യന്ത്രതോക്കിന്റെ ബാരൽ വെളിയിലേക്ക് നീണ്ടു വന്നു.

ഒരു നിമിഷം, കെട്ടിടത്തിന്റെ മെയിൻ സ്വിച്ചിന്റെ സമീപത്ത് നിലയുറപ്പിച്ച സീൽ കൈയ്യിൽ കരുതിയിരുന്ന കട്ടർ ഉപയോചിച്ച് കെട്ടിടത്തിലേയ്ക്കുള്ള വൈദ്യുതി ബന്ധം വിച്ഛേദിച്ചു. പെട്ടെന്നു വെളിച്ചം പോയപ്പോൾ ഗസ്റ്റ് ഹൗസിനുള്ളിൽ നിന്നും സ്ത്രീകളുടെ നിലവിളിശബ്ദം ഉയർന്നു. അല്പസമയത്തിനുള്ളിൽ ആയുധധാരിയായ മനുഷ്യൻ ഇരുട്ടിലേയ്ക്കു ഇറങ്ങി വന്നു. പതുങ്ങിയിരുന്ന സീലുകൾക്ക് ഒന്നും ആലോചിക്കാനുണ്ടായിരില്ല, H&K 416 റൈഫിളിൽ നിന്നും തുരു തുരെ വെടിയുണ്ടകൾ പാഞ്ഞു. ആയുധധാരിയുടേയും ഭാര്യയുടേയും ശരീരത്തിലൂടെ നിരവധി വെടിയുണ്ടങ്കൾ കടന്നു പോയി. ഒന്ന് നിലവിളിക്കാൻ കൂടി കഴിയാതെ അവർ രണ്ടും നിലം പൊത്തി. താഴെ വീണയാളുടെ സമീപത്ത് ചെന്ന് ഒരു സീൽ കൈയ്യിലിരുന്ന ബുക്ക്‌ലെറ്റ് തുറന്ന് ഹെഡ് ലൈറ്റിന്റെ സഹായത്തിൽ മരിച്ച ആളെ തിരിച്ചറിഞ്ഞു. അൽ കുവൈറ്റിയും ഭാര്യയും ആയിരുന്നു അത്. മുഖത്തിന്റെ വിവിധ ചിത്രങ്ങൾ എടുത്തു കഴിഞ്ഞപ്പോഴേയ്ക്കും മറ്റ് സീലുകൾ പതുങ്ങി കെട്ടിടത്തിന്റെ അടി നിലയിൽ എത്തിക്കഴിഞ്ഞു.

അപ്പോഴേയ്ക്കും ശബ്ദം കേട്ട് അയൽക്കാർ എഴുന്നേറ്റ് തുടങ്ങി. ചിലർ കെട്ടിടത്തിനുചുറ്റും എത്തി. ക്രാഷ് ലാൻഡ്ചെയ്ത ഹെലിക്കോപ്റ്ററിൽ നിന്നും പുക ഉയരുന്നുണ്ടായിരുന്നു

"ഇധർ ക്യാ ഹോ രഹാ ഹൈ?" ഒരു അയക്കാരൻ വിളിച്ചു ചോദിച്ചു

"ഇധർ മിലിട്ടറി റിഹേഴ്സൽ ചൽ രഹാ ഹൈ " ഉറുദു സംസാരിക്കാനറിയാവുന്ന സീൽ പ്രതിവചിച്ചു. എങ്കിലും നാട്ടുകാർ പിരിഞ്ഞു പോയില്ലെന്ന് മാത്രമല്ല അവരുടെ എണ്ണം കൂടിക്കൂടി വന്നു കൊണ്ടിരുന്നു.

ആക്രമണം തുടങ്ങിയിട്ട് 7 മിനിറ്റുകൾ കഴിഞ്ഞുവെങ്കിലും സീലുകൾക്ക് കെട്ടിടത്തിനുള്ളിൽ കയറുവാനായിട്ടില്ല. ഇനി വെറും 23 മിനിറ്റുകൾ മാത്രം. അവരുടെ ഒരു സംഘം അടിനിലയിലുള്ള ഒരു കൂറ്റൻ ഇരുമ്പുവാതിലിന്റെ സമീപം എത്തി. തങ്ങളുടെ കൈവശമുണ്ടായിരുന്ന ആയുധങ്ങൾ ഉപയോഗിച്ച് ആ വാതിൽതുറന്നപ്പോൾ സീലുകൽ പകച്ചു പോയി. ആ വാതിലിന് പിന്നിൽ ഭിത്തി കെട്ടി മറച്ചിരുക്കുന്നു.

മറ്റൊരു സീൽ ഉടൻ തന്നെ ഭിത്തി തകർക്കുന്ന ചെറിയ ബോംബ് എടുത്ത് ഭിത്തിയിൽ ഘടിപ്പിച്ചു. റിമോട്ട് കണ്ട്രോളുമായി അല്പം മാറിനിന്നിട്ടു ആ സംഘത്തിനുമാത്രം കേൾക്കാവുന്ന ശബ്ദത്തിൽ പറഞ്ഞു:

"ഫയറിംഗ് "

ഒരു നിമിഷം കൈയ്യിലിരുന്ന റിമോട്ടിൽ വിരലമർന്നു. ഒരു വലിയ ശബ്ദത്തോടെ ആ ഭിത്തി തകർന്നു വീണു.

ഓരോരുത്തരായി അകത്തു കടന്നു. അതോടെ വൈറ്റ്ഹൗസിൽ ഉള്ളവർക്കു വീഡിയോ ദൃശ്യങ്ങൾ നഷ്ടമായി. കെട്ടിടം പൂർണ്ണമായും ഇരുട്ടിൽ ആയിരുന്നു. സീലുകളുടെ ഹെൽമറ്റിൽ ഘടിപ്പിച്ചിരിന്ന ടോർച്ചിന്റെ വെളിച്ചം മാത്രം. അടിനിലയിയുള്ള ഓരോ മുറിയിലും സീലുകൾ കയറിയിറങ്ങി. മുകളിലേയ്ക്കു കയറാൻ ഒരൊറ്റ സ്റ്റെയർ കെയ്സ് മാത്രമേ ഉണ്ടായിരുന്നുള്ളൂ. അത് തികച്ചും അപകടരമായ ഒരു അവസ്ഥയായിരുന്നു. രക്ഷപ്പെടുവാനായാലും ആക്രമിക്കുവാനായാലും ഒരൊറ്റ വഴിമാത്രം. എങ്കിലും സീലുകൾ മുകളിലേക്ക് കയറിക്കൊണ്ടിരുന്നു. പെട്ടെന്ന് ഒരാൾ പടികൾക്കു മുകളിലേക്ക് കയറുന്നത് ഒന്നാമത്തെ സീലിന്റെ കണ്ണിൽപ്പെട്ടു. അയാൾക്ക് തിരിച്ച് ആയുധമെടുക്കാൻ കഴിയുന്നതിനും മുൻപേ അയാളേയും വെടി വച്ചു വീഴ്‌ത്തി. അതു കുവൈറ്റിയുടെ സഹോദരൻ ആയിരുന്നു. രണ്ടാമത്തെ നിലയിൽ പ്രധാനമായും സ്ത്രീകളും കുട്ടികളും ആയിരുന്നു. ഭയന്നോടിയവരെ പിടികൂടി ഓരോരുത്തരെയായി പരിശോധിച്ചു. സുരക്ഷിതരായി ദീർഘകാലം കഴിഞ്ഞതുകൊണ്ടാവണം ആരും ഇത്തരം ആക്രമണം പ്രതീക്ഷിച്ചിരുന്നില്ലെന്ന് തോന്നി. ആരുടെ കൈയ്യിലും ആയുധങ്ങളും ഉണ്ടായിരുന്നില്ല. കുട്ടികളേയും സ്ത്രീകളേയും വിലങ്ങിട്ടു വായ് മൂടിക്കെട്ടി ഒരു മുറിയിലാക്കി കാവൽ ഏർപ്പെടുത്തിയ ശേഷം ബാക്കിയുള്ളവർ അടുത്ത നിലയിലേയ്ക്ക് കയറുവാൻ തുടങ്ങി.

പടികൾക്ക് മുകളിൽ ഒരു ചെറിയ ചലനം, ഒറ്റൊറ്റ നിമിഷം. പടികൾക്ക് മുകളിൽ ഒരു അമേരിക്കൻ പട്ടാളക്കാരൻ ആദ്യമായി ബിൻലാദനെ നേരിട്ടു കണ്ടു. ഹെൽമെറ്റിലെ ടോർച്ചിന്റെ വെളിച്ചത്തിൽ തന്റെ നേരെ ചൂണ്ടപ്പെട്ടിരിക്കുന്ന യന്ത്രത്തോക്കിന്റെ ബാരൽ ബിൻലാദനും കണ്ടു.

(അടുത്ത ലക്കത്തിൽ അവസാനിക്കും)

ബിൻ ലാദന്റെ അന്ത്യം. ഭാഗം -2

2011-10-17T08:48:00.003+05:30

സജി മാര്‍ക്കോസ്

ഭാഗം-1 ഇവിടെ വായിക്കാം

അമേരിക്കൻ രഹസ്യാന്വേഷണ സങ്കേതത്തിൽ സി.ഐ.ഏ മേധാവി ലിയൺ പിനഡെ അടിയന്ത യോഗം വിളിച്ചു ചേർത്തു.

അബട്ടാബാദിലെ കെട്ടിടത്തിന്റെ മതികെട്ടിനുള്ളിൽ അപൂർവ്വമായി നടക്കാനിറങ്ങാറുള്ള ആൾ ബിൻലാദൻ തന്നെയാണോ? ആർക്കും ഉറപ്പു പറയാൻ കഴിയുന്നില്ല. എന്നാൽ ഒരു കാര്യത്തിൽ എല്ലാവരും യോജിച്ചു - ബിൻലാദൻ എന്ത് കൃത്രിമം നടത്തി രൂപം മാറിയാലും മാറ്റുവാൻ പറ്റാത്ത ഒന്നുണ്ട്- അദ്ദേഹത്തിന്റെ അസാമാന്യമായ ഉയരം. ആറ് അടി നാലിഞ്ച് ഉയരമുള്ള ലാദനെ തിരിച്ചറിയുവാനുള്ള എളുപ്പവഴി ഇതു തന്നെ എന്ന് അഭിപ്രായം ഉയർന്നു.

തുടർന്നുള്ള ദിവസങ്ങൾ മൂന്നാം നിലയിലെ ആ രഹസ്യ താമസക്കാരനെ കേന്ദ്രീകരിച്ചു കൂടുതൻ നിരീക്ഷണം നടത്തുവാൻ തീരുമാനിച്ചു യോഗം പിരിഞ്ഞു. അയാൾക്ക് പെയ്സർ എന്ന് ഒരു രഹസ്യ നാമവും നൽകി.

ഇതിനോടകം ഉപഗ്രഹത്തിൽ ഘടിപ്പിച്ചിരുന്ന ശക്തിയേറിയ ക്യാമറ വഴി പെയ്സറുടെ നൂറുകണക്കിന് ചിത്രങ്ങൾ വാഷിംഗ്ടണിൽ എത്തിക്കഴിഞ്ഞിരുന്നു. സൂര്യന്റെ സ്ഥാനവും ചിത്രങ്ങളിലെ നിഴലിന്റെ നീളവും വച്ച് പെയ്സറുടെ ഉയരം ശാസ്ത്രീയമായി കണകൂട്ടി. ആ അജ്ഞാതനായ വ്യക്തിക്ക് ഏതാണ്ട് ആറടി നാലിഞ്ച് ഉയരം വരും. രഹസ്യ നിരീക്ഷകരുടെ സംശയങ്ങൾ ബലപ്പെട്ടു വരികയാണ്. ശരീര ചലനങ്ങൾ മനസ്സിലാക്കി തിരിച്ചറിയൽ നടത്തുന്ന വിദഗ്ദ്ധരുടെ സഹായത്താൽ കൂടുതൽ പഠനങ്ങൾ നടത്തി. അൽകയ്ദ വീഡിയോകളിൽ നിന്നും ബിൻലാദന്റെ ചലനങ്ങളും ഉപഗ്രഹത്തിലെ മൂവി ക്യാമറയിൽ നിന്നും ലഭിച്ച പെയ്സറുടെ ചലനങ്ങളും വിദഗ്ദ്ധർ ഒത്തു നോക്കി. സാധാരണ അൽകയ്ദ വീഡിയോകളിൽ കാണുന്ന ബിൻലാദനേക്കാൾ പെയ്സർ ശാന്തനും അല്പം തടിച്ച ആളും ആണെന്ന് അവർ മനസിലാക്കി. എന്നാൽ അത് സ്വസ്ഥജീവിതം നയിക്കുന്നതിനാൽ ആയിരിക്കാമെന്നും, അതേസമയം ശരീര ചലങ്ങളിൽ നിന്നും പെയ്സർ ബിൻലാദൻ തന്നെ ആയിരിക്കാം എന്നുമുള്ള നിഗമനത്തിൽ വിദഗ്ദ്ധർ എത്തിച്ചേർന്നു.

അടുത്ത ദിവസം തന്നെ പിനാഡേ പ്രസിഡന്റ് ഒബാമയെക്കണ്ട് വിവരങ്ങൾ ധരിപ്പിച്ചു. എന്നാൽ, ലഭ്യമായ വിവരങ്ങളും വിദഗ്ദ്ധർ എത്തിച്ചേർന്ന നിഗമനവും വെച്ച് ഒരു നടപടി എടുക്കുന്നത് ബുദ്ധിമോശമാണ് എന്നായിരുന്നു ഒബാമയുടെ പ്രതികരണം. എങ്കിലും അതു ബിൻലാദൻ തന്നെ ആകാമെന്ന സാദ്ധ്യത നിലനിൽക്കുന്നതുകൊണ്ട് നിരീക്ഷണത്തിലിരിക്കുന്ന കെട്ടിടത്തിലേയ്ക്ക് നടത്താവുന്ന രഹസ്യസൈനിക നീക്കത്തിന്റെ ഒന്നിലധികം മാതൃകകളടങ്ങിയ വിശദമായ രൂപരേഖ തയ്യാറാക്കുവാൻ പിനാഡേയ്ക്കു പ്രസിഡന്റ് നിർദ്ദേശം നൽകി.

പിനാഡേ ഉടൻ തന്നെ ജോയിന്റ് സ്പെഷ്യൽ ഫോഴ്സസ് ഓപ്പറേഷൻസ് കമാൻഡ്. (JSOC) ആയി ബന്ധപ്പെട്ടു. ജസ്കോ കാമാൻഡർ വില്ല്യം മക്റാവെനും
പിനാഡെയുമായുള്ള കൂടിക്കാഴ്‌ച്ച അതീവ രഹസ്യമായിരുന്നു. ആക്രമണം നടത്തുവാനുള്ള കെട്ടിടത്തിന്റെ പ്ലാൻ മക്റാവെന് കൈമാറി എങ്കിലും കെട്ടിടത്തിനുള്ളിൽ താമസിക്കുന്നത് ആരായിരിക്കാമെന്നോ, കെട്ടിടം എവിടെയാണെന്നോ ഉള്ള വിവരങ്ങൾ ഒന്നും പിനാഡെ ആ സമയത്തു പുറത്തു വിട്ടില്ല. ഇത്തരം അനവധി ആക്രമണങ്ങൾ ഇറാക്കിലും അഫ്ഗാനിസ്ഥാനിലും നടത്തി പരിചയവും പഴക്കവും ഉള്ള അതിസമർത്ഥനായ ഒരു പട്ടാള മേധാവി ആയിരുന്നു വില്ല്യം മക്റാവൻ.

മക്റാവന് ആക്രമണ ദൌത്യം ഏൽപ്പിച്ചിട്ടു ഒരാഴ്‌ച്ച കഴിഞ്ഞു.

14 മാർച്ച 2011.

പിനാഡേയും മക്റാവനും ചേർന്നു ആക്രമണം നടത്താനുള്ള മൂന്നു പദ്ധതികൾ പ്രസിഡന്റ് ഒബാമയ്ക്കു സമർപ്പിച്ചു.

ഒന്നാമത്തെ പദ്ധതി - പാക്കിസ്ഥാൻ രഹസ്യാന്വേഷണ വിഭാഗവുമായി സഹകരിച്ചു സംയുക്ത ആക്രമണം നടത്തി, കെട്ടിടം കീഴടക്കുകയും താമസക്കാരെ ജീവനോടെയോ അല്ലാതെ പിടി കൂടി അമേരിക്കയിൽ എത്തിക്കുകയും ചെയ്യുക. എന്നാൽ ഈ പദ്ധതിയുടെ വിശദാംശങ്ങളിലേക്ക് കടക്കുന്നതിന് മുൻപുതന്നെ ഒബാമ ഇത് തള്ളിക്കളഞ്ഞു. പാക്കിസ്ഥാൻ ചാര സംഘടന വിശ്വാസയോഗ്യമല്ല എന്നതായിരുന്നു കാരണം. പാക്കിസ്ഥാനെ അമേരിക്കക്കാർ വിളിക്കുന്ന ഓമനപ്പര് ഫ്രനിമി എന്നാണ്- ഫ്രണ്ട്‌ലി എനിമി.

രണ്ട് - സമുദ്രത്തിൽ തമ്പടിച്ചിരിക്കുന്ന അമേരിക്കൻ പടക്കപ്പലുകളിൽ നിന്നും മിസൈൽ വർഷം നടത്തി കെട്ടിടവും മതിൽക്കെട്ടും പൂർണ്ണമായി തകർക്കുക. പക്ഷേ, കെട്ടിടവും മതിലും, മണ്ണിനടിയിൽ രഹസ്യ തുരങ്കങ്ങൾ ഉണ്ടെങ്കിൽ അതും പൂർണ്ണമായി തകർക്കണമെങ്കിൽ 2000 പൗണ്ട് ഭാരമുള്ള മുപ്പതോളം ബോംബുകൾ വർഷിക്കേണ്ടി വരും. സമീപവാസികളും ഈ ആക്രമണത്തിൽ മരിക്കാൻ സാദ്ധ്യത ഉണ്ടെന്ന് മാത്രമല്ല, ആരൊക്കെയാണ് മരിച്ചത് എന്ന് തീർച്ചപ്പെടുത്താനും കഴിയാതെ വരും. അതുകൊണ്ട് പ്രസിഡന്റ് ഈ പദ്ധതിയും നിരാകരിച്ചു.

മൂന്ന് - പാക്കിസ്ഥാന്റെ അറിവോ സമ്മതോ ഇല്ലാതെ അതീവ രഹസ്യമായി അമേരിക്കൻ കമാൻഡോകളെ അയച്ച് കെട്ടിടം കീഴടക്കുക. കെട്ടിടത്തിൽ കടന്നുകയറി താമസക്കാരെ ജിവനോടെയോ അല്ലാതെയോ കീഴടക്കി നിശ്ചിത സമയത്തിനുള്ളിൽ അഫ്ഗാനിസ്ഥാനിലെ സൈനിക താവളത്തിലെത്തിക്കണം. ഓപ്പറേഷനിൽ ഏർപ്പെടുന്ന പട്ടാളക്കാർക്ക് എന്തും സംഭവിക്കാം - പൂർണ്ണ ഉത്തരവാദിത്വം പ്രസിഡന്റിന് ആയിരിക്കും. മക്റാവന്റെ പദ്ധതികൾ ശ്രദ്ധിച്ചുകൊണ്ടിരുന്ന ഉദ്യോഗസ്ഥരും ഒബാമയും 1980 ലെ ഓപ്പറേഷൻ ഈഗിൾ ക്ലവ്ന്റെ ദയനീയ പരാജയം ഓർമ്മിച്ചു. ടെഹ്റാനികൾ ബന്തികളായിരുന്ന അമേരിക്കക്കാരെ രക്ഷപ്പെടുത്തുവാൻ കമാൻഡോ ഓപ്പറേഷന് അനുമതി നൽകിയത് പ്രസിഡന്റ് ജിമ്മി കാർട്ടർ ആയിരുന്നു. മിഷൻ ദയനീയമായി പരാജപ്പെട്ടു എന്നു മാത്രമല്ല, 1980 പ്രസിഡന്റ് തെരഞ്ഞെടുപ്പിലെ കാർട്ടറിന്റെ പരാജയത്തിനും അതു മുഖ്യ കാരണമായിത്തീർന്നു. ഒരു പരമാധികാര സ്വതന്ത്ര രാജ്യത്തിൽ അവരുടെ അനുമതിയില്ലാതെ കടന്നു കയറി, ആക്രമണം നടത്തുവാൻ അനുവാദം നൽകുന്നതിന്റെ പ്രത്യാഘാതങ്ങളെപ്പറ്റി ഒബാമയ്ക്ക് നല്ല നിശ്ചയമുണ്ടായിരുന്നു.

എന്തായാലും മൂന്നാമത്തെ പദ്ധതിയ്ക്ക് പ്രസിഡന്റ് അർദ്ധസമ്മതം മൂളി. ഏറ്റവും അപകടകരവും അതേസമയം തന്ത്രപ്രധാനവുമായ ഒരു തീരുമാനം ആയിരുന്നു അത്. തന്റെ രാഷ്ട്രീയ ഭാവിയെ മാത്രമല്ല ശിഷ്ടകാല ജിവിതത്തെ തന്നെ ബാധിക്കാവുന്ന ഒരു നിർണ്ണായക തീരുമാനമായിരുന്നു ഒബാമ അന്ന് എടുത്തത്. പദ്ധതിയ്ക്ക് വേണ്ട കമാൻഡോകളെ തിരഞ്ഞെടുക്കുവാനും പരിശീലനം നൽകുവാനും മക്റാവനും നിർദ്ദേശം നൽകി.

മക്റാവെൻ പദ്ധതിയുടെ വിശദാംശങ്ങൾ സൂക്ഷ്മമായി പഠിക്കുവാനും രൂപപ്പെടുത്തുവാനും ആരംഭിച്ചു. കെട്ടിടത്തിന്റെ മതിലിന്റെ അകത്തു ഹെലിക്കോപ്റ്ററിൽ ചെന്നിറങ്ങി ആക്രമണം നടത്തുവാൻ തീർമാനിച്ചു. അപകടമേഖകളിൽ യുദ്ധം ചെയ്യുന്ന 23 അമേരിക്കൻ സീലുകളെ സംഘത്തിൽ ഉൾപ്പെടുത്തി പരിശീലനവും ആരംഭിച്ചു. അമേരിക്കൻ രഹസ്യപ്പോലീസിന്റെ ഏറ്റവും സങ്കീർണ്ണവും അപകടരവുമായ ആക്രമണങ്ങൾ നടത്തുവാൻ പ്രത്യേക പരിശീലനം ലഭിച്ച അസാമാന്യ ധൈര്യശാലികൾ മാത്രം ഉൾപ്പെട്ട വിഭാഗമാണ് നേവി സീലുകൾ.
അബട്ടാബാദിലെ കെട്ടിടത്തിന്റെ മിനിയേച്ചറും അതേ ഉയർത്തിലുള്ള മതിലുൾപ്പടെ ഒരു ഡമ്മി കെട്ടിടവും വാഷിംഗ്ടണിലെ സി ഐ ഏ വളപ്പിനുള്ളിൽ നിർമ്മിച്ചു. അബട്ടാബാദിലെ കെട്ടിടത്തിന്റെ സമീപത്ത് വാടകയ്ക്ക് താമസിക്കുന്ന നിരീക്ഷകർ ഇതിനോടകം കെട്ടിടത്തിന്റെ മുറികളേക്കുറിച്ച് ഒരു ഏകദേശധാരണ ഉണ്ടാക്കി അയച്ചുകൊടുത്തിരുന്നു. അതനുസരിച്ച് കെട്ടിടത്തിന്റെ എല്ലാ വാതിലുകളും ഇടവഴികളും ശത്രു ഒളിഞ്ഞിരിക്കാൻ സാധ്യതള്ള മുക്കും മൂലയും സീലുകൾക്ക് മനഃപ്പാഠമാക്കി. കൂരിരുട്ടിലും പകൽ വെളിച്ചത്തിലും അവർ പരിശീലനം തുടർന്നു. പൂർണ്ണമായി ഇരുട്ടത്തും കെട്ടിടത്തിന്റെ അകവും പുറവും പരിശോധിച്ച് സുരക്ഷിതമായി ആക്രമണം നടത്തുവാൻ സീലുകൾ കഴിവുനേടി.

എങ്കിലും ഈ കെട്ടിടം എവിടെയാണെന്നോ, തങ്ങൾ ലക്ഷ്യം വെക്കുന്ന ശത്രു ആരാണെന്നോ സീലുകൾക്കും അജ്ഞാതമായിരുന്നു.

ആക്രമണത്തിന് സഹായിക്കുവാൻ ജർമ്മൻഷെപ്പേർഡ് ഇനത്തിൽപെട്ട ആർമിയുടെ അഭിമാനമായ കൈറോ എന്ന യുദ്ധപരിശീലനം ലഭിച്ച നായയേയും അയക്കുവാൻ തീരുമാനമായി. പാരച്യൂട്ടിൽ പറന്നിറങ്ങുവാനും സ്ഫോടക വസ്തുക്കളെ തിരിച്ചറിയുന്നതിനും കഴിയുന്ന അതിസമർത്ഥനായ നായ ആയിരുന്നു കൈറോ. കൈറോയുടെ ശരീരത്തിൽ ഘടിപ്പിച്ചിരുന്ന ഇൻഫ്രാ റെഡ് ക്യാമറകൾ വഴി നായയെ നിയന്ത്രിക്കുന്നവർക്ക് കൈറോ ഇരുട്ടിൽ കാണുന്ന കാഴ്ചകൾ കാണുവാനും, ശരീരത്തിൽ വച്ചിരിക്കുന്ന സ്പീക്കറുകൾ വഴി നായയ്ക്ക് നിർദ്ദേശങ്ങൾ കൊടുക്കുവാനും കഴിയും.

ഇതേസമയം ഇതൊന്നും അറിയാതെ മറ്റൊരു ഭൂഖണ്ഡത്തിൽ സുരക്ഷിത ജീവിതം നയിച്ചുകൊണ്ട് കുവൈറ്റിയും ബിൻ ലാദനും പുതിയ ആക്രമണത്തിനുള്ള പദ്ധതികൾ മെനയുകയായിരുന്നു.

സീലുകൾ പരിശീലനത്തിന്റെ അവസാന ഘട്ടത്തിലേക്ക് കടന്നു. അതോടൊപ്പം മക്റാവൻ പദ്ധതിയുടെ പൂർണ്ണരൂപവും തയ്യറാക്കിയിരുന്നു. അമേരിക്കൻ ഗവണ്മെന്റിന്റെ വിരലിൽ എണ്ണാവുന്ന പ്രതിനിധികളും ഉദ്യോഗസ്ഥരേയും മാത്രം ഉൾപ്പെടുത്തിക്കൊണ്ട് ഒരു രഹസ്യ യോഗം പ്രസിഡന്റ് വിളിച്ചു ചേർത്തു. പങ്കെടുക്കുന്നവരുടെ ഡപ്പ്യൂട്ടികളെയോ, സെക്രട്ടറിമാരേയോ യോഗത്തിൽ കൊണ്ടുവരുന്നതിൽ നിന്നും വിലക്കിയിരുന്നു. എല്ലാ രഹസ്യ യോഗങ്ങളും വീഡിയോയിൽ പകർത്തുന്ന പതിവുണ്ടെങ്കിലും പ്രസ്തുതയോഗത്തിന് മുൻപ് ക്യാമറകൾ ഓഫ് ചെയ്യുവാൻ പ്രസിഡന്റ് നിർദ്ദേശിച്ചു. അതീവ രഹസ്യമായി സമ്മേളിച്ച ആ ഉന്നത തലയോഗത്തിൽ മക്റാവന്റെ തന്റെ പദ്ധതി വിശദീകരിച്ചു.

രണ്ടു ഹെലിക്കോപറ്ററുകളിയായി 23 സീലുകൾ ആയിരിക്കും ആക്രമണം നടത്തുന്നത്. ആദ്യത്തെ ഹെലിക്കോപ്റ്റർ 12 പേർ പോവുകയും ആറു സീലുകൾ കയറിലൂടെ കുട്ടിടത്തിന്റെ മുകളിൽ ഇറങ്ങുന്നു. ബാക്കി ആറുപേർ നിലത്തിറങ്ങി അടിനിലയിൽ നിന്നും മുകളിലേയ്ക്കു കയറുന്നു. രണ്ടാം ഘട്ടമായി 11 സീലുകൾ രണ്ടാമത്തെ ഹെലിക്കോപ്റ്ററിൽ എത്തി താഴെ നിന്നും ഓരോ നിലയും കീഴടക്കി വിശദമായി പരിശോധിച്ച് മുകളിലേയ്ക്ക് കയറുന്നു. ആകെ ആക്രമണത്തിനു അനുവദിച്ചിട്ടുള്ളത് 30 മിനിറ്റു മാത്രം. അതിനുള്ളിൽ ദൗത്യം പൂർത്തീകരിക്കണം. ഉടൻതന്നെ ജീവനോടെ പിടികൂടിയവരേയും അല്ലാത്തരേയും രണ്ടു ഹെലിക്കോപ്റ്ററിൽ കയറ്റി ഏറ്റവും അടുത്ത അഫ്ഗാനിലെ ജലാലബാദ് അമേരിക്കൻ സൈനിക താവളത്തിൽ എത്തിക്കണം. അബട്ടാബാദ് കെട്ടിടത്തിൽ നിന്നും വെറും രണ്ടു കിലോമീറ്റർ ദൂരെയുള്ള പാക്കിസ്ഥാൻ സൈനിക കോളേജിൽ വിവരം അറിഞ്ഞു അന്വേഷണം ആരംഭിക്കുമ്പോഴേയ്ക്കും ആക്രമണ സംഘം പാക്കിസ്ഥാൻ അതിർത്തി വിട്ടിരിക്കണം. അയൽ‌പക്കത്തുള്ള താമസക്കാർ ശബ്ദം കേട്ടാലും ഒന്നും തിരിച്ചറിയാതിരിക്കുവാൻ നല്ല ഇരുട്ടുള്ള രാത്രിയിൽ ആയിരിക്കും ആക്രമണം നടത്തുന്നത്.

"ഏതെങ്കിലും കാരണത്താൽ ഉദ്യമം പരാജയപ്പെട്ടാൽ ഒരൊറ്റ സീൽ പോലും അപകടത്തിൽപ്പെടുവാനോ ഉപേക്ഷിക്കപ്പെടുവാനോ പാടില്ല. അതിന് എന്ത് ബാക്ക്-അപ്പ് പ്ലാൻ ആണ് പദ്ധതിയിൽ ഉള്ളത്?" പ്രസിഡന്റ് ഒബാമ തന്റെ ഉൽഖണ്ഠ അറിയിച്ചു. അതിനുള്ള മറുപടിയും മക്റാവെനെന്ന സമർത്ഥനായ സൈനിക ഉദ്യോഗസ്ഥന്റെ കൈവശമുണ്ടായിരുന്നു. സഹായത്തിനും ഏതെങ്കിലും തരത്തിലുള്ള അടിയന്തര ഘട്ടം ഉണ്ടാവുകയും ചെയ്താൽ സഹായത്തിനുമായി രണ്ടു കൂറ്റൻ ഷിനൂക് ഹെലിക്കോപ്റ്റർ കൂടി സമീപത്ത് എത്തിയിട്ടുണ്ടാവും. അതിൽ 56 സീലുകളും കരുതൽ ഇന്ധനവും ഉണ്ടാവും. അവർ അബട്ടാബാദിനും അഫ്ഗാൻ സൈനിക താവളത്തിന്റേയും ഇടയിൽ പാക്കിസ്ഥാന്റെ മണ്ണിൽ നിർദ്ദേശങ്ങൾക്കായി കാത്തു കിടക്കുന്നുണ്ടാവും.

സീലുകൾ ചെന്നിറങ്ങുന്നത് വേണ്ടി നൂതന സാങ്കേതിക വിദ്യയിൽ വികസിപ്പിച്ചെടുത്ത സ്റ്റെൽത് ഹെലിക്കോപറുകൾ വേണമെന്നും മക്റാവെൻ ആവശ്യപ്പെട്ടു. പാക്കിസ്ഥാൻ റഡാറുകളുടെ കണ്ണിൽപ്പെടാതിരിക്കുവാൻ സ്റ്റീലിൽ പൊതിഞ്ഞ പ്രത്യേക തരം പുറംചട്ട ഉപകരിക്കുമെന്ന് മാത്രമല്ല, വളരെ താഴ്‌ന്ന് പറക്കുവാൻ കഴിയുന്ന നാവിഗേഷൻ സംവിധാനവും പിന്നിൽ ഘടിപ്പിച്ചിരിക്കുന്ന അധിക ബ്ലേയ്ഡുകൾ വഴി സാധാരണ ഹെലിക്കോപ്റ്ററുകളെ അപേക്ഷിച്ചു ശബ്ദം കുറവുമാണ് ഈ മുന്തിയ ഹെലിക്കോപ്റ്ററുകൾക്ക്.

അമേരിക്കൻ ആർമിയുടെ ഇത്തരം നൂതന സാങ്കേതിക വിദ്യയിൽ വികസിപ്പിച്ചെടുത്ത സ്റ്റെൽത് ഹെലിക്കോപ്റ്ററുകളേക്കുറിച്ച് പുറംലോകത്തിന് അജ്ഞാതമായിരുന്നു എന്നതാണ് മറ്റൊരു പ്രത്യേകത. ഈ അതിവേഗ ഹെലിക്കോപറുകൾ പറത്തുവാൻ ആർമിയുടെ സ്പെഷ്യൽ ഓപ്പറേഷൻ ഏവിയേഷൻ റെജിമെന്റിന്റെ ഭാഗമായ നൈറ്റ് സ്റ്റേക്കേഴ്സിന്റെ സേവനവും മക്റാവെൻ ആവശ്യപ്പെട്ടു.

ജസ്കോയുടെ മുൻപിൽ മറ്റൊരു വെല്ലുവിളി കൂടി ഉണ്ടായിരുന്നു.അമേരിക്കയും പാക്കിസ്ഥാനുമായി വർഷങ്ങൾ നീണ്ടു നിന്ന സൈനിക സഹകരണം നിമിത്തം തന്ത്രപ്രധാനമായ ഒട്ടനവധി വിവരങ്ങൾ ഇരു രാജ്യങ്ങളും തമ്മിൽ പങ്കുവയ്ക്കപ്പെട്ടിരുന്നു. പാക്-അഫ്ഗാൻ മേഘലയിലെ നേവൽ-ആർമി ബേയ്സുകൾ, അവിടെ വന്നിറങ്ങുന്ന വിമാനങ്ങൾ, ഹെലിക്കോപ്ടറുകൾ, തുടങ്ങിയ മിക്ക വിവരങ്ങളും ഇരു രാജ്യത്തെ സൈനിക ഉദ്യോഗസ്ഥർക്കും ലഭ്യമാകുന്ന വിവരങ്ങൾ ആയിരുന്നു. ഒട്ടനവധി സുരക്ഷ വെബ് സൈറ്റുകളും ഇരു രാജ്യങ്ങൾക്കും ഇടയിൽ പങ്കുവയ്ക്കപ്പെട്ടിരുന്നു. അതുകൊണ്ട് പാക് സൈനിക മേലധികളറിയാതെ നടത്തുന്ന കമാൻഡോ ഓപ്പറേഷൻ പാളിപ്പൊകാതിരിക്കുവാനും രഹസ്യമായിരിക്കുവാനും വളരെയേറെ മുൻകരുതലുകൾ എടുക്കേണ്ടിയിരുന്നു.

26 ഏപ്രിൽ 2011

അമേരിക്കൻ സീലുകൾ പ്രത്യേക വിമാനത്തിൽ അഫ്ഗാനിസ്ഥാനിലെ ജലാലബാദിൽ വന്നിറങ്ങി.

നിലാവില്ലാത്ത രാത്രിയിൽ ആക്രമണം നടത്തുവാൻ മക്റാവൻ യോചിച്ച ദിവസം തിരഞ്ഞെടുത്തു. ഇനി മൂന്നു ദിവസങ്ങൾ മാത്രം. ഇതിനകം അബട്ടാബാദിലെ നിരീക്ഷകരുടെ അവസാനം നിഗമനം പ്രസിഡന്റ് ആവശ്യപ്പെട്ടു. 8 മാസത്തെ നിരന്തര നിരീക്ഷണങ്ങൾക്ക് ഒടുവിൽ അവർ, പെയ്സർ ബിൻലാദൻ ആയിരിക്കുവാനുള്ള സാധ്യത 60 മുതൽ 70 ശതമാനം വരെ ആണ് എന്ന് അവർ അറിയിച്ചു.

ഇനി ഒന്നു മാത്രമേ അവശേഷിക്കുന്നുള്ളൂ. കമാൻഡോ ഓപ്പറേഷനുള്ള പ്രസിഡന്റിന്റെ അവസാന നിർദ്ദേശം. മക്റാവെൻ അതിനുവേണ്ടി കാത്തു. ഇന്റെലിജൻസ് ഉദ്യോഗസ്ഥന്മാരുടെ അന്തിമ യോഗം പ്രസിഡന്റ് വിളിച്ചു ചേർത്തു. വിഷയത്തിന്റെ പ്രാധാന്യവും ഗൗരവവും പരിഗണിച്ച അന്തിമ വിശകലനത്തിനുവേണ്ടി ഒരു റെഡ് ടീമിനെ നിയോഗിക്കുവാൻ യോഗത്തിൽ തീരുമാനമായി.

റെഡ് ടീം.
ഒരു ചെറിയ സംഘം സ്വതന്ത്ര വിശകലന വിദഗ്ദ്ധരുടെ സമിതിയാണ് റെഡ് ടീം. ഈ പ്രക്രിയയിൽ ഇതുവരെ അംഗമാവുകയോ ഈ അന്വേഷണത്തെ സംബന്ധിച്ച് ഒരു വിവരമോ ലഭിച്ചിട്ടില്ലാത്ത സി. ഐ ഏ യ്ക്കു പുറത്തുള്ള സംഘത്തിന്റെ മുന്നിൽ ഇന്നു വരെ കണ്ടെത്തിയ വസ്തുതകളും അതിന്മേലുള്ള നിഗമനങ്ങളും, അതിൻപ്രകാരമുള്ള നടപടികളും വിശദമായി പ്രതിപാദിച്ച് പുതിയ അഭിപ്രായം സ്വീകരിക്കുന്ന രീതിയാണത്. മുൻവിധികളോ ഒരുവിധ സ്വാധീനമോ ഇല്ലാതെ സ്വതന്ത്രമായി പ്രശ്നത്തെ സമീപിക്കുന്ന റെഡ് ടീമിലെ വിദഗ്ദ്ധർക്ക് താരമ്യേന കൂടുതൽ കാര്യക്ഷമമായും അതേ സമയം പുതിയ ഒരു വീക്ഷണ കോണിൽ നിന്നും പഠിക്കുവാൻ കഴിയും. എല്ലാ പഴുതുകളും അടക്കുവാൻ ഇതു ഉപകരിക്കുകയും ചെയ്യും.

28 ഏപ്രിൽ 2011

മക്റാവന് അന്തിമ നിർദ്ദേശം കൊടുക്കാമെന്നു പ്രസിഡന്റ് സമ്മതിച്ചിരുന്ന ദിവസം. റെഡ് ടീമിന്റെ നിഗമനം പ്രസിഡന്റിന് ലഭിച്ചു. പെയ്സർ ബിൻ ലാദൻ ആകുവാനുള്ള സാധ്യത വെറും 40 മുതൽ 60 ശതമാനം മാത്രമാണ് എന്നായിരുന്നു റെഡ് ടീമിന്റെ അഭിപ്രായം. സി.ഐ.ഏയുടെ നിഗമനത്തേക്കാൾ വളരെ കുറഞ്ഞ സാദ്ധ്യതയായിരുന്നു റെഡ് ടീമിന്റെ അഭിപ്രായത്തിൽ.

ഇതു പ്രസിഡന്റിനെ ഒരു തീരുമാനത്തിൽ എത്തുന്നതിൽ നിന്നും പിന്തിരിപ്പിച്ചു. അവസാനമായി ഒബാമ തന്റെ നാഷണൽ സെക്യൂരിറ്റി സംഘത്തിന്റെ ഓരോരുത്തരോടും ഈ വിഷയത്തിൽ വ്യക്തിപരമായ അഭിപ്രായപ്പെടണമെന്ന് ആവശ്യപ്പെട്ടു. പകുതിപ്പേർ അനുകൂലമായും പകുതിപ്പേർ പ്രതികൂലമായും പ്രതികരിച്ചു.

"തീരുമാനത്തിൽ എത്തുവാൻ കഴിയാത്തതുകൊണ്ട് പിരിയാം" പ്രസിഡന്റ് അംഗങ്ങളെ അറിയിച്ചു. "നാളെ രാവിലെ ഞാൻ എന്റെ തീരുമാനം അറിയിക്കും"

ആകാംഷയോടെ കാത്തിരുന്നവരെ അംബരപ്പിച്ചുകൊണ്ട് ഒബാമ രാവിലെ തന്റെ തീരുമാനം അറിയിച്ചു:

"നമ്മൾ ഈ ദൗത്യവുമായി മുന്നോട്ടു പോകുന്നു"

അബട്ടാബാദിലെ സി ഐ ഏ നിരീക്ഷകരോട് ദൗത്യം പൂർത്തിയാക്കിയതുകൊണ്ട് ഉടൻ തന്നെ മടങ്ങിപ്പോരുവാൻ നിർദ്ദേശിച്ചു.

30 ഏപ്രിൽ 2011 ജലാലബാദ്.

മക്റാവന് പ്രസിഡന്റിന്റെ നിർദ്ദേശം ലഭിച്ചു. "ഗോ എഹെഡ്!!"

സീലുകൾ അവസാനവട്ട തയ്യാറെടുപ്പുകൾ ആരംഭിച്ചു. കഴിഞ്ഞ മുപ്പതു ദിവസത്തെ കഠിന പരിശീലനത്തിന്റെ ഒടുവിൽ ആക്രമണത്തിനുള്ള അവസാന നിമിഷത്തിൽ അവരുടെ കൈകളിൽ മക്റാവൻ ഓരോ പ്രിന്റഡ് ബുക്ക് ലെറ്റുകൾ നൽകി. അബട്ടാബാദിലെ കെട്ടിടത്തിനുള്ളിൽ കാണുവാൻ സാദ്ധ്യതയുള്ളവരുടെ ചിത്രങ്ങളും വിവരണങ്ങളും ഓരോരുത്തരേയും തിരിച്ചറിയുവാനുള്ള അടയാളങ്ങളും ആയിരുന്നു ആ ബുക്കുകളിൽ.

"Name of the target for this mission is Osama Bin Ladan" മക്റാവന്റെ ഘനഗംഭീര സ്വരം മുഴങ്ങി.
സീലുകൾക്ക് തങ്ങൾ ഏർപ്പെടുന്ന ദൗത്യത്തിന്റെ ഗൗരവം മനസിലായി.

അതേസമയം ഒബാമ തന്റെ എല്ലാ പൊതുപരിപാടികളും റദ്ദു ചെയ്യുവാൻ ആവശ്യപ്പെട്ടു. മാത്രമല്ല, സന്ദർശകരുടെയും പത്രപ്രവർത്തകരുടെയും വൈറ്റ് ഹൗസിലേക്കുള്ള പ്രവേശനവും നിഷേധിച്ചു.

1 മെയ് 2011.

ലയോൺ പിനഡേ പതിവു പോലെ പള്ളിയിൽ പോയി, തുടർന്ന് വൈറ്റ് ഹൗസിൽ ചില അത്യാവശ്യമുണ്ട് എന്നു ഭാര്യയോട് പറഞ്ഞു വീട്ടിൽ നിന്നും ഇറങ്ങി.

ഒബാമ പ്രഭാതത്തിലെ ഗോൾഫ് കളി മുടക്കിയില്ല.

ഒരു പത്രപ്രവർത്തകനുപോലും സംശയം തോന്നാത്ത വിധം അടഞ്ഞ വൈറ്റ് ഹൗസിനുള്ളിൽ ഓരോരുത്തരായി എത്തി. ലോകത്തിലെ ഏറ്റവും ബുദ്ധിമാന്മാരായ പത്ര പ്രവർത്തകരുടെ നിതാന്ത നിരീക്ഷണത്തിലാണ് വൈറ്റ് ഹൗസ്. അവരിൽ പലർക്കും വൈറ്റ് ഹൗസിനുള്ളിൽ നിന്നും വാർത്തകൾ ചോർത്തിക്കൊടുക്കുന്ന രഹസ്യ സുഹൃത്തുക്കളും ഉന്നത തലബന്ധങ്ങളുമുണ്ട്. അവർക്കൊന്നും ഒരു ചെറിയ സൂചന പോലും കിട്ടരുത് എന്നു ഒബാമയ്ക്ക് നിർബന്ധമുണ്ടായിരുന്നു.

പാക്കിസ്ഥാൻ സമയം രാത്രി 10.30. ജലാലബാദിൽ നിന്നും സീലുകളേയും വഹിച്ചുകൊണ്ടുള്ള ഹെലിക്കോപ്ടറുകൾ പറന്നുയർന്നു.

രണ്ടു സ്റ്റെൽത് ബ്ലാക്ക്ഹോക്ക് ഹെലിക്കോപ്റ്ററുകളിലായി 23 സീലുകളും കൈറോയും രണ്ടു ഷിനൂക് ഹെലിക്കോപ്റ്ററുകളിലായി കരുതൽ ഇന്ധനവും സഹായികളായി 56 സീലുകളും പാക് വ്യോമ അതിർത്തിയിലേക്ക് പ്രവേശിച്ചു.

അതേസമയം മുപ്പതു വർഷത്തിനുള്ളിൽ ആദ്യമായി ഒരു അമേരിക്കൻ പ്രസിഡന്റ് കമാൻഡോ ഓപ്പറേഷന്റെ തൽസമയം ദൃശ്യങ്ങൾ നേരിൽ കാണുവാൻ വൈറ്റ് ഹൗസിൽ അക്ഷമനായി കാത്തിരിക്കുകയായിരുന്നു.

സമയം രാത്രി 12.45 ഹെലിക്കോപ്റ്ററുകൾ കോമ്പണ്ടിന് സമീപം എത്തിച്ചേർന്നു.

(തുടരും)

അരുണാചലിലെ എലിഭക്ഷണം

2011-10-07T21:46:00.002+05:30

സജി മാര്‍ക്കോസ്

ആസാമിന്റെ തലസ്ഥാനമായ ഗുവാഹട്ടിയിൽ നിന്നും ഏകദേശം 12 മണിക്കൂർ ബസിൽ യാത്ര ചെയ്താൽ ആസാമിന്റേയും അരുണാചൽ പ്രദേശിന്റേയും അതിർത്തിയിലുള്ള ലക്കിൻപൂരിൽ എത്തിച്ചേരാം. അവിടെ നിന്നും ഉദ്ദേശം മൂന്നു മണിക്കൂർ ടിബറ്റ് അതിർത്തിയിലേയ്ക്കു വടക്കു കിഴക്കു ദിശയിൽ സഞ്ചരിച്ചാൽ അരുണാചലിലെ ലോവർ സുബാസൻസുരി ജില്ലയുടെ തലസ്ഥാനമായ സീറോയിൽ എത്തും. ലക്കിൻപൂരിൽ നിന്നും സീറോയിലേയ്ക്കുള്ള ദുർഘടമായ മലമ്പാതയിലെ സഞ്ചാരത്തിനു ടാറ്റാ സുമോയാണ് പ്രധാന ആശ്രയം. സമയ നിഷ്ഠയില്ലാതെ വല്ലപ്പോഴും എത്തുന്ന സ്റ്റേറ്റ് ട്രാസ്പോർട്ട് വാഹനം സന്ദർശകർക്കു പറ്റിയതല്ല.

സമുദ്രനിരപ്പിൽ നിന്നും ഉദ്ദേശം 5800 അടി ഉയരത്തിലുള്ള സീറോ ഗ്രാമത്തിൽ വർഷത്തിൽ ഭൂരിപക്ഷം മാസങ്ങളിലും അതി ശൈത്യമായിരിക്കും. ഭാരതത്തിൽ ആദ്യ സൂര്യകിരണങ്ങൾ എത്തുന്നത് അരുണാചൽ പ്രദേശിലാണ്. അതുകൊണ്ട് രാവിലെ നാലുമണിയാകുമ്പോഴേയ്ക്കും നന്നായി വെളിച്ചം വരികയും വൈകുന്നേരം അഞ്ചുമണിയോടെ ഇരുൾ വീണു തുടങ്ങുകയും ചെയ്യും. മലനിരകൾക്കിടയിൽ നിരന്നു കിടക്കുന്ന നെല്പാടങ്ങളാണ് സീറോ ജില്ലയുടെ പ്രത്യേകത. കേരളീയർക്കു തെങ്ങ് എന്നതുപോലെയാണ് അരുണാചൽ പ്രദേശിലുള്ളവർക്കു മുള. മുള ഉണക്കി പൊളിച്ച്നിരത്തി വീടിന്റെ ഭിത്തികൾ നെയ്ത് ഉണ്ടാക്കുന്നു, മിച്ചം വരുന്നവ വിറകായി ഉപയോഗിക്കും. മുളയുടെ മുളച്ചു വരുന്ന വെളുത്ത നിറത്തിലുള്ള മുളങ്കൂമ്പ് (ബാംബൂ ഷൂട്ട്) അരുണാചൽ വാസികളുടെ ഒരു പ്രധാന ആഹാരമാണ്. അരുണാചൽ പ്രദേശിലെ മുഴുവൻ ജനങ്ങളും പട്ടിക വർഗ്ഗമായിട്ടാണ് സർക്കാർ പരിഗണിച്ചിട്ടുള്ളത്. സംസ്ഥാനത്തെ മുഴുവൻ ഭൂമിയും പട്ടികവർഗ്ഗക്കാരുടെ ഉടമസ്ഥയിലായതുകൊണ്ട്, മറ്റു സംസ്ഥാനങ്ങളിൽ നിന്നുമുള്ളവർക്ക് അരുണാചലിൽ സ്ഥലം വാങ്ങുവാനോ കെട്ടിടങ്ങൾ സ്വന്തമാക്കാനോ കഴിയില്ല.

മാത്രമല്ല, രാജ്യത്തിന്റെ അതിർത്തിയിലുള്ള സംസ്ഥാനമായതുകൊണ്ട്, മറ്റു സംസ്ഥാനങ്ങളിൽ നിന്നുള്ളവർ അരുണാചല്പ്രദേശിൽ പ്രവേശിക്കണമെങ്കിൽ മുങ്കൂർ ആയി അനുമതി പത്രം (Innerline Permit )വാങ്ങേണ്ടതുണ്ട്. ചുരുക്കത്തിൽ കേരളത്തിലെ പട്ടിക ജാതി -ഗിരിവർഗ്ഗ സംരക്ഷണ നിയമങ്ങൾ പോലെ വെറും നോക്കുകുത്തി നിയമങ്ങളല്ല, അരുണാചപ്രദേശിലേത് എന്നു സാരം.

അപ്പത്താനി എന്ന ഗിരിവർഗ്ഗ സമൂഹത്തിന്റെ ആസ്ഥാനമാണ് സീറോ എന്നു പറയാം. ആദി, നിഷി, ഹിൽസ്മിരി തുടങ്ങിയ വിഭാഗങ്ങളും ഇവിടെ വസിക്കുന്നു. സ്ത്രീകൾ പൊതുവെ കഠിനാധ്വാനികളും പുരുഷന്മാർ അലസന്മാരുമാണ് എന്നതാണ് അപ്പത്താനിവർഗ്ഗത്തിന്റെ പൊതു സ്വഭാവം. സ്ത്രീകൾ അധ്വാനികളായതുകൊണ്ടും, സുന്ദരികളായതുനിമിത്തവും, ബ്രിട്ടീഷുകാർ സീറോയിലെ സ്ത്രീകളെ വീട്ടു ജോലിക്കും ലൈംഗിക ചൂഷണങ്ങൾക്കുമായി പിടിച്ചുകൊണ്ട് പോകുമായിരുന്നുവത്രേ!

ദുഷ്ടന്മാരായ വെള്ളക്കാരിൽ നിന്നും രക്ഷനേടുന്നതിനു വേണ്ടി സ്തീകൾ പച്ച കുത്തി മുഖം വികൃതമാക്കുകയും, തടിക്കഷ്ണം കൊണ്ട് ഉണ്ടാക്കിയ വലിയ മൂക്കൂത്തി ധരിക്കയും ചെയ്യുമായിരുന്നു.

മറ്റു പല ആചാരങ്ങളുംഎന്നപോലെ, ബ്രിട്ടീഷുകാർ നാടു വിട്ടിട്ടും, അപ്പത്താനി സ്ത്രീകൾ ഇന്നും മൂക്കൂത്തിയും മുഖത്തെ പച്ചകുത്തലും തുടർന്നു പോരുന്നു.

നിലത്തു നിന്നും അല്പം ഉയരത്തിൽ മുളയും കാട്ടു കമ്പുകളും ഉപയോഗിച്ച് തട്ടുകൾ പണിത് അതിന്റെ മുകളിലാണ് അപ്പത്താനികൾ വീട് പണിയുന്നത്.

തട്ടിനു താഴെ പന്നിവളർത്തുന്ന കൂട് ആയി ഉപയോഗിക്കുന്നു. അതുകൊണ്ട് അപ്പത്താനികൾക്ക് കക്കൂസ് പണിയേണ്ടി വരാറില്ല. വീടുകൾ ഒന്നിനോട് ഒന്നു ചേർത്ത് പണിത് വലിയ കോളനികളായിട്ടാണ് ആരുണാചൽകാർ വസിക്കുന്നത്.

അപ്പത്താനിയാണ് പ്രധാന ഭാഷ എങ്കിലും, ഹിന്ദിയും ഇംഗ്ലീഷും പുതിയ തലമുറക്കാർ നന്നായി ഉപയോഗിക്കുന്നു. സൂര്യ-ചന്ദ്രന്മാരെ ആരാധിക്കുന്ന ഡോണി- പോളോ മതവിശ്വാസികളാണ് അപ്പത്താനികൾ ഭൂരിപക്ഷവും . 30 ശതമാനത്തോളം ബാപ്റ്റിസ്റ്റ് ക്രിസ്ത്യാനികളും, നാമമാത്രമായി ഹിന്ദുക്കളും ബുദ്ധമതക്കാരും അപ്പത്താനികൾക്കിടയിലുണ്ട്.

ഗവേഷണത്തിനുവേണ്ടി വന്നുതാമസിക്കുന്ന സർവ്വകലശാല വിദ്യാർത്ഥികളും പട്ടാളക്കാരും അല്ലാതെ പുറത്തു നിന്നും ആരും തന്നെ വരാറില്ലാത്തതുകൊണ്ട്, സീറോയിൽ നല്ല ഹോട്ടലുകളോ, ഭക്ഷണശാലകളൊ ഇല്ലെന്നു തന്നെ പറയാം. എത്തിച്ചേരുവാനുള്ള ബുദ്ധിമുട്ടുകൊണ്ടും, പുറത്തുള്ളവരിൽ നിന്നും നിക്ഷേപങ്ങൾ സ്വീകരിക്കാൻ കഴിയാത്തതുകൊണ്ടും, മനോഹരമായ ഈ പ്രദേശം ടൂറിസം ഭൂപടത്തിൽ സ്ഥാനം പിടിച്ചിട്ടില്ല. ഇല്ലെങ്കിൽ സ്വദേശികളായ ഗിരിവർഗ്ഗക്കാർ എന്നേ ആട്ടിപ്പായിക്കപെടുമായിരുന്നു!

അരിയാഹാരമാണ് മുഖ്യമെങ്കിലും മാംസഭുക്കുകളായ അപ്പത്താനികൾ എല്ലാത്തരം ജീവികളേയും ഭക്ഷിക്കും. പട്ടിയും, പാമ്പും, എലിയും തേനീച്ചമുട്ടയും അവരുടെ ഇഷ്ട വിഭവങ്ങൾ തന്നെ. ചന്തയിൽ ഉണക്കിയ എലിയെ നിരത്തി വച്ചിക്കുന്നതുകണ്ടപ്പോൾ കൗതുകം തോന്നി.

ഇതിനോടകം പരിചയപ്പെട്ട അപ്പത്താനി ചെറുപ്പക്കാരായ തച്ചോയോടും ലാസയോടും എലിയെ പാകം ചെയ്യുന്ന വിധം വിശദമായി ചോദിച്ചറിഞ്ഞു.

പാചക വിധി വിശദമായി പ്രതിപാദിച്ച തച്ചോ വൈകുന്നേരം എലിയെ പാകം ചെയ്തു ഭക്ഷിച്ചാലോ എന്ന് ചോദിച്ചപ്പോൽ, ശർദ്ദിക്കാൻ തോന്നിയെങ്കിലും കാണാനുള്ള കൗതുകം നിമിത്തം സമ്മതിച്ചു.

ഉടൻ തന്നെ തച്ചോയോടൊപ്പം ചന്തയിൽ ചെന്നു ഉണക്കി വച്ചിരുന്ന നാലു എലികളെ 100 രൂപയ്ക്കു വാങ്ങി.എലികളുടെ പച്ചയിറച്ചി പ്രഭാതത്തിൽ തന്നെ വിറ്റു തീരും. അത്രയ്ക്കും ഡിമാന്റ് ആണ്. പിന്നെ ഉണക്കിറച്ചിയെ ആശ്രയിക്കുകയേ വഴിയുള്ളൂ. മാത്രമല്ല, പച്ച എലികളെ പരസ്യമായി ചന്തയിൽ വിൽക്കുവാനും പാടില്ലത്രേ. എലി പിടുത്തം വനം വകുപ്പ് നിരോധിച്ചിട്ടുണ്ട്.

ചന്തയിൽ കച്ചവടം നടത്തുന്നവർ എല്ലാവരും സ്ത്രീകളാണ്. കുഞ്ഞുങ്ങളെ തുണിയിൽ ശരീരത്തോട് ചേർത്തു കെട്ടിവച്ചു ജോലിയിൽ വ്യാപൃതരായിരിക്കുന്ന അമ്മമാർ.

രണ്ടു പച്ച മുളയുടെ കുറ്റിയും 20 രൂപയ്ക്ക് ഷോഡ എന്ന കറുത്ത ഒരു ദ്രാവകവും അവർ വാങ്ങിച്ചു. മുള ചുട്ട ചാരം അരിച്ചു വെളളത്തിൽ കലക്കിയതാണത്രേ ഷോഡ. എലിയുടെ ശരീരത്തിൽ എന്തെങ്കിലും വിഷാംശങ്ങൾ ഉണ്ടെങ്കിൽ ഷോഡ അതിനെ നീക്കം ചെയ്തുകൊള്ളും എന്നു തച്ചോ പറഞ്ഞു.

എലിയുമായി എത്തിയപോഴേയ്ക്കു ലാസയ്ക്കും ആവേശമായി. അല്പം മുളകു പൊടിയും ഉപ്പുമായി എത്തിയ ലാസ, ഉണങ്ങിയ മുളങ്കമ്പുകൾ കൂട്ടിയിട്ടു തീ കത്തിച്ചു.

രണ്ടാളും ചേർന്നു എലി നാലിനേയും ഓരോ കൂർത്ത കമ്പിൽ കുത്തി തീയ്ക്കു മുകളിൽ പിടിച്ചു.

ചൂടു തട്ടിയപ്പോഴേയ്ക്കും പുറത്തെടുത്ത് എലിയുടെ കാലുകളിലേയും , മുഖത്തെയും തൊലി പൊളിച്ചു കളഞ്ഞു.

വൃത്തിയാക്കിയ എലിയോ പച്ചവെള്ളത്തിൽ നന്നായി കഴുകി ചെറിയ കഷണങ്ങളായി മുറിച്ചു.

ശരിയായ പാചകം ആരംഭിക്കുന്നതേയുള്ളൂ. മുളംകമ്പിനുള്ളിൽ മുറിച്ച എലി ഇറച്ചി നിക്ഷേപിക്കുന്നതാണ് അടുത്ത പടി.

പുട്ടു കുറ്റിയ്ക്കകതു പൊടിയിടുന്നതുപോലെ അവർ എലിക്കഷണങ്ങൾ ഇട്ട്, മുകളിൽ അല്പം മുളകുപൊടിയും ഉപ്പും നിക്ഷേപിച്ച ശേഷം, അല്പം ഷോഡയും ഒഴിച്ചു.

അപ്പോഴേയ്ക്കും ലാസ ഏതോ ഒരു ചെടിയുടെ ഇലകൾ പറിച്ച് ചുരുട്ടി മുളങ്കുറ്റി അടച്ചു ഭദ്രമാക്കി.

എലിയേ വേവിക്കുന്നതിനുള്ള പരിപാടികൾ ആരംഭിച്ചു. കുറച്ചുകൂടി ഉണക്ക മുളകൾ തീയിലിട്ടു ആളി കത്തിച്ച ശേഷം ഒരു വിറകു കൊള്ളി കുത്തി നിറുത്തി അതിൽ തീയ്ക്കുള്ളിൽ മുളങ്കുറ്റി ചാരി വച്ചു.

തീയാളി കത്തിക്കൊണ്ടിരുന്നു. ലാസയും തച്ചോയും, എലിയുടെ പോഷക ഗുണങ്ങളേപ്പറ്റി നിറുത്താതെ സംസാരിച്ചുകൊണ്ടിരുന്നു. ഏതാണ്ട് അര മണിക്കൊർ ആയപ്പോഴേക്കും എലിയിറച്ച നിറച്ച പച്ച മുളങ്കുറ്റിയുടെ പുറം കത്തി കരിഞ്ഞു തുടങ്ങി.

തീയിൽ നിന്നും വെളിയിൽ എടുത്ത കുറ്റി അല്പ സമയം തണുക്കുവാൻ വച്ചു.കരണ്ടു തിന്നുന്ന പാവങ്ങൾ മുളന്തണ്ടിനകത്ത് കരിഞ്ഞിരിക്കുന്നുണ്ടാവും!!

പക്ഷേ, കൂടുതൽ സമയം തണുക്കുവാൻ അനുവദിച്ചില്ല.അപ്പത്താനികൾ എപ്പോഴും കൊണ്ടുനടക്കുന്ന പരമ്പതാഗമായ വലിയ കത്തി കൊണ്ട് സാവധാനം മുളങ്കുറ്റി പൊട്ടിച്ചു.

വെന്തു പാകമായിരിക്കുന്ന എലിയിറച്ചി ഒരു പാത്രത്തിലേയ്ക്ക് ഇട്ടു.അല്പം കരിഞ്ഞിട്ടുണ്ടെങ്കിലും കണ്ടാൽ കുഴപ്പമില്ലാത്ത വിധം വെന്തു പാകമായിരിക്കുന്നു

എന്തോ ഒരു തരം ഗന്ധം അന്തരീക്ഷത്തിൽ പടർന്നു, അസഹ്യമായി തോന്നിയെങ്കിലും ആ ചെറുപ്പക്കാർ നന്നായി ആസ്വദിക്കുന്നുണ്ടായിരുന്നു- അപ്പത്താനി ഭാഷയിൽ അവർ തമ്മിൽ എന്തൊക്കെയോ പറഞ്ഞു- എന്നിട്ടു സന്തോഷത്തോടെ പറഞ്ഞു, "ബഹുത് അച്ഛാ ഹൈ, ബഹുത് അച്ഛ,.."
മുളങ്കുറ്റിയുടെ ചുവട്ടിൽ ഉണ്ടായിരുന്ന ഷോഡയുടെ അവസാനത്തുളിയും ഊറ്റിയെടുത്ത ശേഷം കുറ്റി തീയിലേയ്ക്ക് വലിച്ചെറിഞ്ഞു-
"സബ് റെഡി ഹൈ, ഖാവോ ഭായി "

ഞാനും കൂടെ കഴിച്ചുകൊള്ളാമെന്നു പറഞ്ഞാണ് ഇതെല്ലാം ചെയ്തത്. ഇനിയിപ്പോൾ എന്തു പറഞ്ഞു രക്ഷപ്പെടും എന്നു വിചാരിച്ചിരിക്കുമ്പോൽ ലാസ മുളങ്കുറ്റി അടത്തു വച്ച പച്ചിലചുരുട്ടിയത് എടുത്ത് ചവയ്ക്കാൻ തുടങ്ങി.

തച്ചോ ഒരു എലിയുടെ തലെയെടുത്തു കാണിച്ചിട്ട് ഇതിനാണ് ഏറ്റവും രുചിയെന്നു പറഞ്ഞു പ്രലോഭിപ്പിക്കാൻ ശ്രമിച്ചു.

അപ്പോഴേയുക്കു മണം കിട്ടിയതുകൊണ്ടാകണം അവരുടെ ഒരു സുഹൃത്തും എത്തിച്ചേർന്നു.

എല്ലാവരും ആസ്വദിച്ചു എലിത്തല കടിച്ചു പൊട്ടിച്ച് ക്ർ ക്ർ എന്നു ചവക്കുമ്പോൽ ശർദ്ദിക്കാതിരിക്കാൻ ഞാൻ ഒരല്പം ദൂരേയ്ക്കു മാറി നിന്നു.തീറ്റയുടെ രസം പിടിച്ചപ്പോൽ ഞാൻ കഴിയ്ക്കാത്തത് അവർ ശ്രദ്ധിച്ചതേയില്ല- തമാശപറഞ്ഞും, ചിരിച്ചും എലിയിറച്ചിയുടെ പൊട്ടും പൊടിയും വരെ അവർ അകത്താക്കി, മുളങ്കുറ്റി അടച്ചു വച്ച പച്ചിലയും മുഴുവൻ തിന്നു തീർത്തു.

അല്പം വെറുപ്പും അറപ്പും തോന്നതിരുന്നില്ല. പശുവിന്റെയും പോത്തിന്റെയും ഇറച്ചി തിന്നുന്ന ദക്ഷിണേന്ത്യക്കാരെ ഉത്തരേന്ത്യക്കാർ ഇതിലും അവജ്ഞയോടെയാണല്ലോ കാണുന്നത് എന്നോർത്തപ്പോൾ ഇതിൽ അൽഭുതപ്പെടാനില്ല എന്നു തോന്നി

തച്ചോയുടെ കുടുംബത്തോടൊപ്പം

ഈണം വീഡിയോ ആല്‍ബം

2011-09-16T08:49:00.002+05:30

ഓണവും ഉത്സവവും ഒക്കെ കഴിഞ്ഞു ജോലിത്തിരക്കിലേക്ക് എല്ലാവരും തിരികെ വന്നിരിക്കുകയാണ്. ഓണം ആഘോഷത്തിന്റെ ധാരാളം ചിത്രങ്ങളും ആ അവസരങ്ങളില്‍ എടുത്തിരിക്കും. ഓണം ആഘോഷവുമായി ബന്ധപ്പെട്ട ചിത്രങ്ങള്‍ ഉള്‍പ്പെടുത്തി ഓണം വിത്ത് ഈണം 2011 സംഗീത ആല്‍ബത്തിന്റെ ഒരു യുട്യൂബ് വേര്‍ഷന്‍ തയ്യാറാക്കാന്‍ ഈണം ടീം തയ്യാറെടുക്കുന്നു. ഓണവുമായി ബന്ധപ്പെട്ട ധാരാളം ചിത്രങ്ങള്‍ ഇന്റര്‍നെറ്റില്‍ നിന്നും ലഭിക്കുമെങ്കിലും ഈണം ഗ്രൂപ്പിന് എന്നും പ്രോത്സാഹനവും തുണയുമായി നിന്നിട്ടുള്ള ഈണം ടീമിന്റെ അഭ്യുദയ കാംക്ഷികള്‍ ( ബ്ലോഗര്‍, ബസ്സാര്‍, ഫേസ് ബുക്ക്‌ ടീം etc....) എടുത്ത ചിത്രങ്ങള്‍ ഉപയോഗിച്ച് ഈ സംഗീത ആല്‍ബത്തിന്റെ വീഡിയോ തയാറാക്കാന്‍ അണിയറക്കാരുടെ ആഗ്രഹം. അതിനാല്‍ നിങ്ങളെടുത്ത ചിത്രങ്ങള്‍ eenam2009@gmail.com എന്ന മെയില്‍ ഐ ഡി യിലേക്ക് അയച്ചു തരണം എന്ന് അഭ്യര്‍ത്ഥിക്കുന്നു. ആല്‍ബത്തില്‍ ഉപയോഗപ്പെടുത്തുന്ന ചിത്രങ്ങളെടുത്തവര്‍ക്ക് വീഡിയോയില്‍ ക്രെഡിറ്റ് നല്‍കുന്നതായിരിക്കും.

ബിന്‍ ലാദന്റെ അന്ത്യം - (ഭാഗം-1)

2011-09-12T13:45:00.004+05:30

സജി മാര്‍ക്കോസ്

"അതെ! ഇതു അയാൾ തന്നെ"

വാഷിംഗ് ടണിലെ സി ഐ ഏയുടെ ആസ്ഥാനത്തെ രഹസ്യ സങ്കേതത്തിൽ നിന്നും നിന്നും നിരീക്ഷണ ഉദ്യോഗസ്ഥന്റെ പരിഭ്രമം കലർന്ന ശബ്ദം. മുഴങ്ങി.അമേരിക്കൻ ഇന്റലിജൻസ് ഉഗ്യോഗസ്ഥർ പത്തു വർഷമായി കണ്ണും കാതും തുറന്ന് ഉറങ്ങാതെ കാത്തിരുന്ന നിർണ്ണായകമായ വിവരം.

ആധുനിക സാങ്കേതിക വിദ്യയുടെ സഹായത്താൽ പാക്കിസ്ഥാനിൽ നിന്നും അഫ്ഗാനിസ്ഥാനിൽ നിന്നും ഉള്ള ലക്ഷക്കണക്കിനു അന്താരാഷ്ട്ര ഫോൺകോളുകൾ നിരീക്ഷിക്കുവാൻ തുടങ്ങിയിട്ടു വർഷങ്ങൾ പലതു കഴിഞ്ഞു.

അവർ പ്രതീക്ഷിക്കുന്ന ഫോൺ സംസാരത്തിൽ ഉൾപ്പെടുത്താൻ സാധ്യതയുള്ള വാക്കുകൾ , പേരുകൾ, സംജ്ഞകൾ തുടങ്ങിയവ കമ്പുട്ടൂറിന്റെ സഹായത്തിൽ അരിച്ചെടുക്കുന്ന സങ്കീർണ്ണമായ പ്രക്രിയ നടന്നുകൊണ്ടിരുന്ന കേന്ദ്രത്തിൽ നിന്നാണ് ഉദ്യോഗസ്ഥൻ റിപ്പോർട്ട് ചെയ്തത്. ലോകത്തെ ഏറ്റവും വലിയ ഭീകരനായ ഒസാമ ബിൻലാദന്റെ സങ്കേതം അറിയാവുന്ന വ്യക്തി എന്നു സംശയിക്കപ്പെടുന്ന കുവൈറ്റിയുടേതെന്ന് കരുതാവുന്ന ഒരു ഫോൺ സന്ദേശമാണ് ഉഗ്യോഗസ്ഥന്മാർ ഫിൽട്ടർ ചെയ്ത് എടുത്തിരിക്കുന്നത്. ഗ്വാണ്ടനാമോ തടവറയിലെ ഭീകരമായ പീഡനങ്ങളിൽ നിന്നും ലാദന്റെ ഒളി സങ്കേതത്തേപറ്റി ഇന്റലിജൻസ് ഉദ്യോഗസ്ഥർക്ക് ഒരു സൂചന പോലും ലഭിച്ചിരുന്നില്ല. എന്നാൽ പലരുടെയും മൊഴികളിൽ നിന്നും അദൃശ്യനായ ഒരു വ്യക്തിയിലേയ്ക്ക് നീളുന്ന ചില സൂചനകൾ ഉഗ്യോഗസ്ഥർക്കു ലഭിച്ചു.

മി. കുവൈറ്റി. എന്നാൽ കുവൈറ്റി ആരാണെന്നോ, അയാളുടെ രൂപം എന്തെന്നോ, എത്ര വയസുള്ള ആളാണെന്നോ എവിടെ താമസിക്കുന്നുവെന്നോ തുടങ്ങിയ വിവരങ്ങൾക്കു വേണ്ടിയുള്ള അന്വേഷണം എങ്ങും എത്തിയില്ല. ഗ്വാണ്ടനാമോ തടവുകാർക്കും അത്തരം വിവരങ്ങൾ അജ്ഞാതമായിരുന്നു.

ഇക്കാലമൊക്കെയും ബിൻ ലാദൻ ഏതോ രാജ്യത്തിലെ സുരക്ഷിത രഹസ്യ സങ്കേതത്തിൽ ഇരുന്നുകൊണ്ട് പുതിയ പുതിയ ആക്രമണത്തിനുള്ള തന്ത്രങ്ങൾ മെനയുകയായിരുന്നു. എന്നാൽ വളരെ വിചിത്രമായ പ്രവർത്തന രീതിയാണ് ലാദൻ സ്വീകരിച്ചത്. ഇലക്ട്രോണിക് രേഖകളിൽ ഒരു തുമ്പും ശേഷിക്കാതിരിക്കുവാൻ വേണ്ടി ലാദൻ ഒരിക്കൽപ്പോലും ഫോൺ ഉപയോഗിക്കുകയോ ഇന്റെർനെറ്റ് മുഖേന ആരുമായും ബന്ധപ്പെടുകയോ ചെയ്തില്ല. ഇതു അന്വേഷണ ഉദ്യോഗസ്ഥന്മാരെ കുറച്ചൊന്നുമല്ല വലച്ചത്.

ലാദന്റെ വാർത്താവിനിമയത്തിനു പിന്നിൽ ഏതെങ്കിലും വാർത്താവാഹകന്റെ നേരിട്ടുള്ള ഇടപാടുകൾ ഉണ്ട് എന്ന് ന്യായമായും സി.ഐ.എ. സംശയിച്ചു. അതാരായിരിക്കാം എന്ന അന്വേഷണത്തിന്റെ അവസാനമാണ് കുവൈറ്റി എന്ന അജ്ഞാതനിൽ അന്വേഷണ ഉദ്യോഗസ്ഥർ എത്തിച്ചേർന്നത്. ആ സംശയത്തെ ഗ്വാണ്ടനാമോ തടവുപുള്ളികളുടെ മൊഴികൾ ഉറപ്പിച്ചു. അമേരിക്കൻ ഇന്റലിജെൻസിന്റെ ഒന്നാമത്തെ ലക്ഷ്യം കുവൈറ്റി ആരാണെന്നു തിരിച്ചറിയുക എന്നതായി.

പുതിയ പ്രസിഡന്റായി ബറാക് ഒബാമ സ്ഥാനമേറ്റ ഉടൻ തന്നെ സി ഐ ഏ തലവൻ ലിയൻ പെനേഡായ്ക്കു ബിൻ ലാദനെ പിടിക്കുവാൻ പ്രത്യേക ഉത്തരവ് പുറപ്പെടുവിച്ചു. പുതിയ ഇന്റലിജൻസ് തന്ത്രങ്ങൾ മെനയുന്നതിനുവേണ്ടി അധികം പണവും സംവിധാനങ്ങളും കൂടുതൽ ഉദ്യോഗസ്ഥരേയും നിയമിക്കുവാൻ നിർദ്ദേശം നൽകുകയും ചെയ്തു.

പെനേഡാ പാക്കിസ്ഥാനിൽ നിന്നും അഫ്ഗാനിസ്ഥാനിൽ നിന്നുമുള്ള അന്താരാക്ഷ്ട്ര ഫോൺ വിളികൾ മുഴുവനും ഫിൽട്ടർ ചെയ്യുവാനുള്ള സംവിധാനം ഒരുക്കി. ഗൾഫിലെ സംശയം, തോന്നിയ എല്ലാ നമ്പറിലേയ്ക്കുള്ള ഫോൺ വിളികൾ നിരീക്ഷിച്ചുകൊണ്ടിരുന്നു.

പാക്കിസ്ഥാനിലെ രഹസ്യാന്വേഷണ വിഭാഗവും അൽകായ്ദയുമായി ബന്ധമുള്ളവരെന്ന് സംശയിക്കുന്നവരുടെ നമ്പറുകൾ സി.ഐ.എ.യ്ക്കു കൈമാറി. മാസങ്ങൾ കഴിഞ്ഞു. സങ്കീർണ്ണമായ ഉപകരണ സംവിധാനവും സാങ്കേതിക വിദ്യയും ഉണ്ടായിരുന്നുവെങ്കിലും, ഒരു തുമ്പ് ലഭിക്കുന്നതുവരെ കാത്തിരിക്കുവാനുള്ള അന്വേഷണ ഉദ്യോഗസ്ഥന്മാരുടെ ക്ഷമ അവസാനം വിജയത്തിലെത്തിച്ചു.

2010 ലെ ആഗസ്റ്റ് മാസത്തിൽ എൻ.എസ്.എ. കേന്ദ്രത്തിലെ ഒരു കമ്പൂട്ടർ നിന്നും ബീപ് ബീപ് ശബ്ദം കേൾക്കുവാൻ തുടങ്ങി. ഫിൽട്ടർ ചെയ്യപ്പെട്ടുകൊണ്ടിരുന്ന നമ്പറിലേയ്ക്കുള്ള ഒരു അന്താരാഷ്ട്ര കോൾ സംശയാസ്പദമാണെന്ന് തിരിച്ചറിഞ്ഞിരിക്കുന്നു.

പാക്കിസ്ഥാനിലെ വടക്കു കിഴക്കു ഭാഗത്തു നിന്നും നിന്നും ഗൾഫിലെ നിരീക്ഷണത്തിലായിരുന്ന ഒരു നമ്പറിലേയ്ക്ക് അറബി ഭാഷയിൽ ഒരു ഫോൺ സന്ദേശം! അന്വേഷണ ഉദ്യോഗസ്ഥന്മാരുടെ മുഖത്ത് ഉൽഘണ്ഠയും ആശ്ചര്യവും നിഴലിട്ടു.

"ഈ ഫോൺ കുവൈറ്റിയുടേതു തന്നെ!" അന്വേഷണ ഉദ്യോഗസ്ഥൻ ആവർത്തിച്ചു.

പെട്ടെന്നു ഉദ്യോഗസ്ഥരുടെ അടിയന്തിര യോഗം വിളിച്ചുകൂട്ടി. സംശയാസ്പദമായ ഫോൺ റിക്കോർഡു ചെയ്തത് വീണ്ടും പ്ലേ ചെയ്തു.

" നീയെവിടെ ആയിരുന്നു ?"

"നിങ്ങളെയെല്ലാം കാണാൻ ആഗ്രഹമുണ്ട്!"

"നീയിപ്പോൾ എന്തു ചെയ്യുന്നു "

"ഞാൻ പണ്ട് ആയിരുന്നവരുടെ അടുത്ത് എത്തിയിരിക്കുന്നു"

അമേരിക്കൻ ഭരണകൂടം കോടിക്കണക്കിന് ഡോളർ ചിലവഴിച്ച് നടത്തിക്കൊണ്ടിരുന്ന രഹസ്യാന്വേഷണ ദൗത്യത്തിന്റെ അന്ത്യത്തിലേയ്ക്കു വെളിച്ചം വീശുന്ന ഒരു ചെറിയ ഫോൺ സന്ദേശമായിരുന്നു അത് !

പിന്നീടുള്ള പ്രവർത്തനങ്ങൾ മിന്നൽ വേഗതയിൽ ആയിരുന്നു. ഈ സന്ദേശത്തിന്റെ ഉറവിടം കുവൈറ്റി എന്ന സംശയിക്കുന്ന ആളാണെങ്കിൽ അദ്ദേഹം ഒരു നമ്പർ ഒന്നിൽ കൂടുതൽ പ്രാവശ്യം ഉപയോഗിക്കുകയില്ലെന്നു മാത്രമല്ല ഉടൻ തന്നെ അതു നശിപ്പിക്കുമെന്നും അന്വേഷണ ഉദ്യോഗസ്ഥർക്കു അറിയാമായിരുന്നു. 600 മൈൽ മുകളിൽ നിന്നും ഒപ്റ്റിക്കൽ സാങ്കേതിക വിദ്യ ഉപയോഗിച്ചു ഫോൺ വിളിക്കുന്ന വ്യക്തികളുടെ സ്ഥാന നിർണ്ണയവും ചലനങ്ങളും സസൂക്ഷ്മം നിരീക്ഷിക്കുന്ന ചെറു ഉപഗ്രഹം വഴി ഫോൺ വിളിച്ച ആളിന്റെ സ്ഥാനനിർണ്ണയം ഞൊടിയിടയിൽ നടത്തി.

ഇൻഫ്രാ റെഡ് സെൻസറുകളും മറ്റു വിവിധയിനം സർവൈലൻസ് സംവിധാനവും ഉള്ള പൈലറ്റില്ലാതെ പ്രവർത്തിക്കുന്ന ഒരു ചെറുവിമാനം കുവൈറ്റി എന്ന സംശയിക്കുന്ന വ്യക്തിയുടെ എല്ലാ നീക്കങ്ങളും നീരീക്ഷിക്കുവാൻ ഉടൻ പ്രവർത്തന ക്ഷമമായി. 50,000 അടി മുകളിൽ പറക്കുന്ന ഈ കൊച്ചു വിമാനം പാക്കിസ്ഥാനി റഡാറുകളിൽ കണ്ണിൽ കിട്ടുമായിരുന്നില്ല. അതിരഹസ്യമായ ഈ ആളില്ലാ വിമാനത്തിനു ഒരു ഔദ്യോഗിക നാമം പോലും ഉണ്ടായിരുന്നില്ല. ബീസ്റ്റ് ഓഫ് കാണ്ഡഹാർ എന്ന ഓമനപ്പേരിൽ വിളിച്ചിരുന്ന കൊച്ചു ആളില്ലാ വിമാനത്തിലെ ശക്തിയേറിയ ക്യാമറകൾ കുവൈറ്റിയെന്നു സംശയിച്ച വ്യക്തിയുടെ ഓരോ നീക്കങ്ങളും തൽസമയം ന്യൂയോർക്കിലെ എൻ.എസ്.എ. സങ്കേതത്തിൽ എത്തിച്ചുകൊണ്ടിരുന്നു. നിരവധി നിരീക്ഷകരും വിദഗ്ദരും അദ്ദേഹത്തിന്റെ നീക്കങ്ങൾ ഒരു നിമിഷം പോലും വിടാതെ പിന്തുടർന്നു. കുവൈറ്റിയുടെ എല്ലാ യാത്രകളും പൂർണ്ണ നിരീക്ഷണത്തിലായതിനാൽ ക്രമേണ അദ്ദേഹത്തിന്റെ യാത്രാ സ്ഥലങ്ങളൊക്കെ നിരീക്ഷകർക്കു പരിചിതങ്ങളായി മാറി.

എന്നാൽ ഒരു ദിവസം അദ്ദേഹത്തിന്റെ യാത്ര പുതിയ ഒരു സ്ഥലത്തേയ്ക്കായിരുന്നു. ദീർഘദൂരം തനിയേ വാഹനമോടിച്ചിരുന്ന കുവൈറ്റി പാക്കിസ്ഥാനിലെ മിലിട്ടറി അക്കാഡമി സ്ഥിതിചെയ്യുന്ന പട്ടണണമായ അബട്ടാബാദിലേയ്ക്കു പ്രവേശിച്ചു. മിലിട്ടറി അക്കാഡമിയും പിന്നിട്ട വാഹനം പട്ടണത്തിനു വെളിയിലുള്ള റസിഡൻഷ്യൽ ഏരിയായിലേയ്ക്കു കടന്നു. റിട്ടയർ ചെയ്ത സൈനിക ഉദ്യോഗസ്ഥ താമസിക്കുന്ന ആ സ്ഥലത്ത് അല്പം ദൂരം മുന്നോട്ടു പോയി ഒരു കെട്ടിടത്തിന്റെ മതിലിനുള്ളിലേയ്ക്കു പ്രവേശിച്ചു.

കുവൈറ്റിടെ മറ്റൊരു വീട് എന്നു തോന്നാവുന്ന ഒരു സാധാരണ കെട്ടിടം മാത്രമായിരുന്നു അത്. എന്നാൽ സൂക്ഷ്മ നിരീക്ഷണത്തിൽ ആ കെട്ടിടത്തിൽ ചില താമസക്കാരുണ്ടെന്ന് അന്വേഷണ ഉദ്യോഗസ്ഥർക്ക് മനസ്സിലായി. മാത്രമല്ല സമീപത്തുള്ള കെട്ടിടങ്ങളിൽ നിന്നും വ്യത്യസ്ഥമായ ചില പ്രത്യേകതകൾ നിർമ്മാണത്തിൽ തന്നെ ഈ കെട്ടിടത്തിനുള്ളതായും ഉദ്യോഗസ്ഥർ നിരീക്ഷിച്ചു. 12 അടി ഉയരമുള്ള ഉറപ്പുള്ള മതിലിനു മുകളിൽ മുള്ളുകമ്പി കൊണ്ട് വേലിയും തീർത്തിരിക്കുന്നു.

വാഷിംഗ്ടണിലെ സി.ഐ.എ. ഉദ്യോഗസ്ഥരുടെ മുന്നിൽ നിരവധി ഉത്തരം കിട്ടാത്ത ചോദ്യങ്ങൾ ഉയർന്നു വന്നു.

അവർ പിന്തുടരുന്ന വ്യക്തി തന്നെയാണോ കുവൈറ്റി എന്നു വിളിക്കപ്പെടുന്ന ആൾ?

അയാൾ കുവൈറ്റി തന്നെ ആണെങ്കിൽതന്നെയും ഒസാമ ബിൻ ലാദന്റെ വാർത്താവാഹകൻ അയാൾ തന്നെയാണോ?

ഈ കോട്ടപോലുള്ള കെട്ടിടത്തിൽ താമസിക്കുന്നത് ബിൻ ലാദൻ തന്നെ ആയിരിക്കുമോ ?

സെപ്റ്റംബർ 10, 2010

സി.ഐ.എ. ഡയറക്ടർ ലിയൻ പെനേഡ പ്രസിഡന്റ് ഒബാമയുമായെ കണ്ട് വിവരങ്ങൾ ധരിപ്പിച്ചു. മറ്റൊരു രാജ്യത്തായതുകൊണ്ട് ഏതു തരം നീക്കവും നടത്തുന്നതിനുമുൻപ് കിട്ടിയ വിവരങ്ങൾ കൃത്യമായിരിക്കണമെന്ന് പ്രസിഡന്റ് നിർദ്ദേശിച്ചു.

അമേരിക്കൻ ചരിത്രത്തിൽ ഇന്നു വരെ നടത്തിയുട്ടള്ളതിൽ വച്ച് ഏറ്റവും നൂതനവും, ചിലവേറിയതുമായ നിരീക്ഷണ സംവിധാനങ്ങൾ ഉപയോഗിച്ചു സംശയാസ്പദമായ കെട്ടിടം നിരീക്ഷണത്തിൽ ആക്കി. മലനിരകളാൽ ചുറ്റപ്പെട്ട ഒരു ചെറിയ പട്ടണമായിരുന്നു അബട്ടാബാദ്. ആ പ്രദേശത്തിന്റെ ഭൂപ്രകൃതി നിരീഷണ സംവിധാനങ്ങൾ സ്ഥാപിക്കുവാൻ സഹായകമാകും വിധത്തിലുള്ളതായിരുന്നു.

ഊറുദു സംസാരിക്കുന്നവരും പാക്കിസ്ഥാൻ വശജരെപ്പോലെ തോന്നിപ്പിക്കുന്നവരുമായ സി.ഐ.എ. ഏജന്റുകൾ പ്രസ്തുത കെട്ടിടത്തിന്റെ സമീപത്തു ഒരു വീട് വാടകയ്ക്ക് എടുത്തു താമസം ആരംഭിച്ചു. സംശയിക്കുന്ന വീടിന്റെ മതിലിന്റെ ഉൾവശം കാണാത്തവിധം ജനാലകളുള്ള ഒരു വീടായിരുന്നു ഏജന്റുമാർ തരപ്പെടുത്തിയത്.

അവിടെ ആരൊക്കെ താമസമുണ്ട്, പ്രത്യേക സുരക്ഷ സംവിധാനങ്ങൾ വല്ലതുമുണ്ടോ, താമസക്കാർ ആയുധ ധാരികളാണോ എന്നെല്ലാം ഏജന്റുമാർ നിരീക്ഷിച്ചുകൊണ്ടിരുന്നു. ആഹാര സാധനങ്ങൾ എത്തിക്കുന്ന കട ഏതെന്നു അവർ കണ്ടുപിടിച്ചു. അൽ കുവറ്റി എന്നു സംശയിക്കുന്ന ആളും രണ്ടു സഹോദർന്മാരും അവരുടെ കുടുംബവും ആണ് ആകെട്ടിടത്തിൻലെ താമസക്കാർ എന്ന് ഏജന്റുകൾ മനസിലാക്കി. മാത്രമല്ല അവർ സ്വകാര്യത സൂക്ഷിക്കുന്നതിൽ വളരെ ഉത്സുകരാണെന്ന് അവർക്ക് ബോദ്ധ്യപ്പെട്ടു. വലിയ വാഹനവും അനുബന്ധ സംവിധാനങ്ങളുമുണ്ടായിരുന്നെങ്കിലും ആ വീടിനു ടെലിഫോൺ കണക്ഷനോ ഇന്റെർനെറ്റോ ഉണ്ടായിരുന്നില്ല. കോമ്പൗണ്ടിനുള്ളിൽ തന്നെ കൃഷി ചെയ്യുകയും അവർ വളർത്തുന്ന ആടുകളെ കൊന്നു തിന്നുകയും ചെയ്യുമായിരുന്നു. നിരീക്ഷണ ഏജന്റുകൾക്ക് കൗതുകകരമായി തോന്നിയ മറ്റൊരു കാര്യം, അവരുടെ എല്ലാ ചപ്പുചവറുകളും മറ്റു അവശിഷ്ടങ്ങളും സസൂക്ഷ്മം ശേഖരിച്ചു ചുട്ടുകളുമായിരുന്നു. കുട്ടികൾ സ്കൂളിൽ പോവുകയോ സ്ത്രീകൾ പുറത്തു പോവുകയോ ചെയ്യാറില്ല എന്നതും ശ്രദ്ധേയമായി തോന്നി.

തെരുവുകുട്ടികളുടെ ക്രിക്കറ്റ് ബാൾ ആ കാമ്പൗണ്ടിനുള്ളിൽ വീണാൽ, കുവൈറ്റിയോ സഹോദരനോ ആ ബോൾ തീയിലിട്ടു നശിപ്പിച്ചു കളയും. മറ്റൊരു ബോൾ വാങ്ങുവാനുള്ള പണം കൊടുത്തു കുട്ടികളെ തിരിച്ചയക്കുന്നത് ഏജന്റുകൾ കണ്ടെത്തി.

അതീവ രഹസ്യമായി മറ്റൊരു കുടുംബം കൂടി മൂന്നാം നിലയിൽ താമസമുള്ള വിവരം നിരീക്ഷണ സംഘം ക്രമേണ ഗ്രഹിച്ചു. മൂന്നാം നിലയിലെ സ്ത്രീകൾ ഒരിക്കലും പുറത്തു വരാറില്ല,

പക്ഷേ, ചില സന്ധ്യാ സമയങ്ങളിൽ ഒരു ഉയരം കൂടിയ ആൾ മതിലിനുള്ളിലൂടെ നടക്കാൻ ഇറങ്ങുന്നത് അവരുടെ ശ്രദ്ധയിപ്പെട്ടു.

(തുടരും)

കടപ്പാട് : ഹിസ്റ്ററി.കോം
ചിത്രങ്ങൾ: ഗൂഗിൾ