മല മുലയേക്കാൾ പ്രധാനമാണ്

കഴിഞ്ഞ കുറേ ദിവസങ്ങളായി കേരളത്തിൽ കേരളത്തിലെ ചില പ്രത്യേക വിഭാഗക്കാരിൽ കണ്ടുവരുന്ന ചികിത്സയില്ലാത്തതെന്നു വിശേഷിപ്പിക്കാവുന്ന പ്രവൃത്തികൾ കാണുമ്പോൾ ചെറിയ സംശയങ്ങൾ തോന്നിപ്പോവുകയാണ്. മാനവ പ്രവൃത്തികൾ മനുഷ്യനുൾപ്പെട്ട ജീവിവർഗ്ഗത്തിന്റെ അതിജീവനത്തിനും സമുദ്ധാരണത്തിനും വേണ്ടിയുള്ളതാണോ, അതോ അകാലത്തിൽ ചത്തൊടുങ്ങാനാണോ എന്നുള്ളതാണു പ്രധാന സംശയം.

 കഴിഞ്ഞ ദിവസങ്ങളിൽ നടന്ന ഭീകര താണ്ഡവങ്ങളിൽ നശിപ്പിക്കപ്പെട്ടത് കോടികളുടെ പൊതുമുതലാണ്. ഈ സംഭവങ്ങളൊക്കെ അക്രമമാണോ മറ്റെന്തെങ്കിലുമാണോ എന്നൊക്കെ പറയുന്നതിനു മുമ്പ് ഒന്നു ചോദിക്കാനുണ്ട്. കസ്തൂരിരംഗൻ റിപ്പോർട്ടിലും തൊട്ടുമുമ്പുള്ള മാധവഗാഡ്‌ഗിൽ റിപ്പോർട്ടിലും സംസ്ഥാനത്തെ പാവങ്ങളെ ബാധിക്കുന്ന എന്തു കാര്യമാണ് ഉള്ളത്? ഇതിൽ കസ്തൂരിരംഗൻ റിപ്പോർട്ട് പരിശോധിച്ചാൽ കേരളത്തിൽ 124 ദുർബ്ബല പാരിസ്ഥിതിക മേഖലകളുണ്ട് എന്നും അത് കൊല്ലം ജില്ല മുതൽ പടർന്ന് പല മേഖലകളിലായി കിടക്കുന്നു എന്നും അതിലേറ്റവും കൂടുതലുള്ളത് പാലക്കാട് ജില്ലയിലാണ് എന്നുമാണ് മനസ്സിലാക്കാൻ കഴിയുന്നത്.

 പടിഞ്ഞാറേ ഘട്ടത്തിന്റെ സംരക്ഷണത്തിനു വേണ്ടി ഇത്തരം മേഖലകളിൽ മണൽ, പാറ മുതലായവ ഖനനം ചെയ്യുന്നത് പൂർണ്ണമായും നിരോധിച്ചിരിക്കുന്നു. പാറയും മണലും ഖനനം ചെയ്യുന്നത് നിരോധിക്കുമ്പോൾ സ്വാഭാവികമായും നിർമ്മാണ പ്രവർത്തനങ്ങൾ മുടങ്ങാനുള്ള സാധ്യതയുള്ളതുകൊണ്ട് ആ വിഷയത്തിൽ എന്തെങ്കിലും പരിമിതമായ മറ്റം വരുത്തി റേഷൻ സംവിധാനം വല്ലതും വെക്കണമെന്നുള്ള കാര്യത്തെക്കുറിച്ച് ആലോചിക്കാവുന്നതാണ്.

 പിന്നെപ്പറയുന്നത് 50 ഹെക്ടറിൽ കൂടുതൽ ടൗൺഷിപ്പ് ഈ മേഖലകളിൽ വികസിപ്പിക്കാൻ പാടില്ല എന്നാണ്. നിലവിലുള്ള റെഡ് പട്ടികയിലേതുപോലെയുള്ള വ്യവസായങ്ങൾ, പുഴകൾ മലിനമാക്കുകയും പരിസ്ഥിതിക്ക് ദോഷമുണ്ടാക്കുകയും ചെയ്യുന്ന ഒരു വ്യവസായവും തുടങ്ങാൻ പുതുതായി അനുമതി നൽകരുത് എന്നാണ്. ഇക്കഴിഞ്ഞ ഏപ്രിൽ 17 വരെ അപ്പീലും കേസുകളുമായിക്കിടക്കുന്ന കുറേ വ്യവസായ സ്ഥാപനങ്ങളുണ്ട്. അതിനെ മാറ്റി നിർത്തിക്കൊണ്ടാണ് ഈ റിപ്പോർട്ട് നടപ്പിലാക്കേണ്ടത്. അതിന് ഉചിതമായ തീരുമാനമെടുക്കാം. അത് ഇതിന്റെ പരിധിയിൽ വരുന്നില്ല. ആവാസ വ്യവസ്ഥയെ സംരക്ഷിക്കുന്നതിനു വേണ്ടി വനഭൂമിയുടെ ഒരിഞ്ചുപോലും സ്വകാര്യ വ്യക്തികൾ തട്ടിയെടുക്കാൻ പാടില്ല. ഇത്തരം കാര്യങ്ങളാണ് കസ്തൂരിരംഗൻ റിപ്പോർട്ടിലുള്ളത്. ഇതിനെയാണ് കർഷക ദ്രോഹമെന്നു പറയുന്നത്!

 പാറയും മണലും ഖനനം ചെയ്തത് കർഷകരാണോ..? എന്തിന്റെ പേരിലാണ് ഇപ്പോൾ കേരളത്തിൽ കലപമുണ്ടാക്കിയത്? അതാണ് ആദ്യമന്വേഷിക്കേണ്ടത്. അതിന്റെ കാരണക്കാരെയാണു തുറുങ്കിലടക്കേണ്ടത്. ഇവിടെ ക്രൈസ്തവ ഭീകരതയുടെ ഗൂഢാലോചനയാണു നടക്കുന്നത്. കെ. എം. മാണിയെ മുഖ്യമന്ത്രിയാക്കുന്നതിന് മാണിതന്നെയാണോ ഇതിനു നേതൃത്വം കൊടുക്കുന്നത് എന്നു പോലും സംശയിച്ചുപോകുന്നു.

 കേരളത്തിലെ വനഭൂമികളിൽ ഭൂരിഭാഗവും ഇവർക്ക് പതിച്ചു കൊടുത്തിരിക്കുകയല്ലേ ബ്രിട്ടീഷുകാർ പോയകാലം മുതൽ? ആ പരമ്പരകളാണ് മലയോര കോൺഗ്രസായി ഇന്ന് വളർന്ന് നിൽക്കുന്നത്. അവരുടെ നേതൃത്വത്തിലാണു കലാപം നടക്കുന്നത്. അവരാണ് സമാധാനത്തിന്റെ അരുമക്കുഞ്ഞുങ്ങളായി വാഴ്ത്തപ്പെടുന്നത്. ഈ അരുമകളുടെ നേതൃത്വത്തിലാണ് വാടകഗുണ്ടകളെ ഇറക്കി പോലീസ് വാനും ബസ്സുകളും കത്തിക്കുകയും വനപാലകരെ അക്രമിക്കുകയുമൊക്കെ ചെയ്തിരിക്കുന്നത്.

 ഇതിനെതിരേ കേസെടുക്കരുതെന്നു പറയുന്നവനെതിരെയാണ് ആദ്യം കേസെടുക്കേണ്ടത്, അത് ആരെഴുതിക്കൊടുത്താലും. കേസെടുക്കരുതെന്നാണ് തീരുമാനമെങ്കിൽ അവരെ തുറുങ്കിലടക്കണം, അങ്ങനെ തീരുമാനിക്കുന്നതും കേസെടുക്കില്ല എന്നു പറയുന്നതും രാജ്യദ്രോഹമാണ്.

 ഒരുനേരത്തെ ആഹാരത്തിനു വകയില്ലാത്ത, ശവമടക്കാൻ ഭൂമിയില്ലാത്ത ആദിവാസികൾ ഇവിടെ യാതന അനുഭവിക്കുന്നുണ്ട്. അരിപ്പയിൽ അവർ എത്രയോ ദിവസങ്ങളായി സമരം നടത്തുന്നു. ആ സമരം പൊളിക്കാൻ സിപിഎമ്മും സിപിഐയും അവിടെ ബദൽ സമരം സംഘടിപ്പിക്കുന്നു. ആ സാധുക്കൾക്ക് അർഹതപ്പെട്ട കൃഷിഭൂമി കൊടുക്കാൻ തയ്യാറല്ല. അച്ചായന്മാരുടെ കയ്യിലിരിക്കുന്നത് എത്രയേക്കർ ഭൂമിയാണെന്ന് വല്ല നിശ്ചയവുമുണ്ടോ..? അത് ആരെങ്കിലും അളക്കുന്നുണ്ടോ?

 ഈ സമരം വെറും കാപട്യം മാത്രമാണ്, ഇത് രാജ്യത്തെ അട്ടിമറിക്കാനുള്ള അക്രമമാണ്. പാറ, മണൽ എന്നിവ ഖനനം ചെയ്യുന്നത് ആശാസ്യമായ വിധം മാത്രം നില നിർത്തുക, അതിനുള്ള സംവിധാനങ്ങൾ ദുർബ്ബല പാരിസ്ഥിതിക മേഖലകളിൽ ഒരുക്കുക, ഇത് അത്യാവശ്യമാണ്. നമുക്ക് ഇനി അവശേഷിക്കുന്നത് 5994 ചതുരശ്ര കിലോമീറ്റർ വനഭൂമി മാത്രമാണ്. അതായത് 37%. അതുകൂടി അച്ചായന്മാർക്ക് തീറെഴുതി കൊടുത്തുകഴിഞ്ഞാലേ ഇവിടെ സമത്വം പൂർണ്ണമാകൂ എന്നാവും ഈ സമരത്തിന്റെ അർത്ഥം! കുടിയേറ്റക്കാരായി കടന്നുകൂടി വനഭൂമി മുഴുവൻ നശിപ്പിച്ചത് ഇക്കൂട്ടരാണ്. കേരളത്തിലെ ചെറുതും വലുതുമായ എസ്റ്റേറ്റുകൾ ആരുടെ കൈയിലാ ഇരിക്കുന്നതെന്ന് കണക്കെടുക്കട്ടെ.

 പുരോഹിതന്മാരെ മറയാക്കി ഇവിടെ സമരം നടത്തുകയാണ്. പണ്ട് ലൗ ജിഹാദിന്റെ സമയത്തും ഈ പുരോഹിതന്മാർ തന്നെയാണ് ബഹളം വച്ചത്. അതൊന്നും ആരും ചോദ്യം ചെയ്തുപോകരുത്. ഒരുപാടുതവണ ചോദിച്ചു പഴകിയതാണ് കളമശ്ശേരി. അതു ഭീകരത എന്ന് ആരോപിക്കുന്നവർ ഇത് കേസെടുക്കേണ്ടാന്നു പറയുമ്പോൾ അവരെപ്പിടിച്ച് അകത്തിടണം. ഒരു കളമശേരിയുമായി മാത്രം താരതമ്യപ്പെടുത്തേണ്ട കേസല്ല ഇതെന്ന് നന്നായറിയാം. എങ്കിലും രണ്ടു പ്രവൃത്തിയും ഒന്നായിരിക്കേ, കളമശ്ശേരിയേക്കാൾ എത്രയോ ഇരട്ടി “ഭീകരത” ഈ അക്രമത്തിൽ ഉണ്ടയിരിക്കെ ഇതിനെതിരേ അധികാരിവർഗ്ഗം സ്വീകരിച്ചിട്ടുള്ള നിലപാടുകളാണ് അപലപനീയം.

 ഈ നാട് നന്നാവുമെന്നുള്ള പദ്ധതിയൊന്നും മനസ്സിൽ വെക്കണ്ട. മണ്ണും വെള്ളവും ശുദ്ധവായുവുമൊക്കെ വരും തലമുറകൾക്കും വേണ്ടി ഉള്ളതാണെന്ന് ആരും വ്യാമോഹിക്കണ്ട. തലമുറകൾ ഇനി വരാനുണ്ടെന്ന് ആലോചിക്കുക പോലുമരുത്! ഇപ്പോൾ നമ്മൾ മാങ്ങാ പറിച്ചു തിന്നുന്നത് നമ്മൾ നട്ട മാവിൽ നിന്നാണോ? നമുക്കുമുമ്പ് മറഞ്ഞുപോയവർ വെച്ചുതന്നതു കൊണ്ടല്ലേ നമ്മൾ പറിച്ചു കഴിക്കുന്നത്? അടുത്ത തലമുറക്ക് ഒന്നും വിട്ടുകൊടുക്കില്ലെന്നു പറഞ്ഞാൽ അതു തെമ്മാടിത്തരമല്ലേ?

 എങ്ങാനും ഒരു മല തലയുയർത്തി നിന്നാൽ അതിനെ ഇടിച്ചു നിരത്തി വിറ്റ് അവിടെ മൈതാനമാക്കി പിന്നെ റിസോർട്ടു കെട്ടിപ്പൊക്കാം. അതിനെ വികസനമെന്നു വിളിച്ചുപറഞ്ഞ് അഭിമാനിക്കാം. മലയെ മുലയെക്കാൾ സംരക്ഷിക്കണമെന്നത് സൗകര്യപൂർവ്വം വിസ്മരിക്കാം. അങ്ങിനെ ദാഹജലവും ശുദ്ധവായുവുമില്ലാതെ ചത്തൊടുങ്ങുന്ന മാനവരാശിയെ അതിവേഗം ബഹുദൂരത്തിൽ നിന്ന് സ്വാഗതം ചെയ്യാം…

Sabu Kottotty

6 Responses to "മല മുലയേക്കാൾ പ്രധാനമാണ്"

  1. പലരും മലയെ മുലയായി കാണുന്നു.
    ഒന്നാന്തരം രസം പകരുന്ന ഭോഗവസ്തു.
    കാലങ്ങൾ പിന്നിട്ടു് ഇടുക്കിയിലെയും വയ
    നാട്ടിലെയും മരുഭൂമികളിൽ ഗവേഷണം നട
    ത്തി ശാസ്ത്രജ്ഞർ പറയും ഇവിടെ പണ്ടു
    കാലത്തു് മലയും കാടുമായിരുന്നുവെന്നു് .
    ഈ ലേഖനം നശിക്കാതെ കിടന്നാൽ
    കൊട്ടോടിയെ അവർ ചരിത്ര പുരുഷനാക്കും.
    നല്ല ലേഖനം .അഭിനന്ദനങ്ങൾ

    ReplyDelete
  2. മരുഭൂമി നമുക്കും വേണ്ടേ സ്വന്തമായി ,നമ്മുക്കും വേണ്ടേ ഒട്ടകങ്ങള്‍ ?

    ReplyDelete
  3. ഇമ്മ മലയാളീസിന് എന്നും
    ഇടിച്ച് നിരത്താനുള്ള രണ്ട് വസ്തുതകൾ ...!

    ReplyDelete
  4. 1964 ൽ ചുരുളി-കീരിത്തോട് കുടിയിറക്കിനോടുബന്ധിച്ചു നടന്ന അതിക്രമങ്ങളെച്ചൊല്ലി ജനങ്ങള്‍ പ്രക്ഷോഭത്തിനിറങ്ങിയപ്പോള്‍ 'അതു പള്ളിക്കാരും ദീപികയുംകൂടി ഇളക്കുന്നതാണ്' എന്നായിരുന്നു അന്നത്തെ മുഖ്യമന്ത്രി ആര്‍. ശങ്കറിന്റെ പ്രതികരണം. ചുരുളി-കീരിത്തോട്ടില്‍ കുടിയിറക്കപ്പെട്ട 'വംകൈയേറ്റ'ക്കാര്‍ കത്തോലിക്കരാണെന്നും ശങ്കര്‍ ദുഃസൂച ല്‍കി. ഇതിനു മറുപടി ല്‍കിയത് അന്നത്തെ അവിഭക്ത കമ്യൂണിസ്റ് പാര്‍ട്ടിയുടെ തോവ് കെ.ടി. ജേക്കബ് ആയിരുന്നു. (കുടിയിറക്കിനെതിരേ കമ്യൂണിസ്റ് തോവ് എ.കെ. ഗോപാലന്‍ അന്ന് സത്യഗ്രഹമിരിക്കുകയായിരുന്നു). മുഖ്യമന്ത്രിയുടെ ശ്രദ്ധയ്ക്ക് എന്നു പറഞ്ഞ് അദ്ദേഹം ചുരുളി-കീരിത്തോട്ടിലെ കുടുംബങ്ങളുടെ മതവും ജാതിയും തിരിച്ചുള്ള കണക്ക് പുറത്തുവിട്ടു. ആ കണക്കുസരിച്ച് മുസ്ലിം കുടുംബം 235, ഈഴവകുടുംബം 185, ക്രൈസ്തവകുടുംബം 145, ഹരിജന്‍കുടുംബം 85 എന്നതായിരുന്നു നില.

    ഇന്നും സമാനമായ അവസ്ഥ ഉണ്ട് .. ഇതൊരു വിഷയമാക്കുന്നതു കത്തോലിക്കരാണ് , ഗാഡ്ഗിലിനെയും കസ്തൂരിരംഗനെയുംപറ്റി പ്രക്ഷോഭത്തിനു താത്പര്യം കത്തോലിക്കര്‍ക്കാണ് എന്നതാണ് ;

    കത്തോലിക്കാ താത്പര്യം മാത്രമാണോ ഇതിലുള്ളത്? ഇതില്‍ എന്തു മതതാത്പര്യം? ഗാഡ്ഗില്‍ വിഷയത്തിന്റെ പേരില്‍ ഏറ്റവുമധികം വിഷമിക്കുന്ന ഇടുക്കി രൂപതയുടെ ഒരു കണക്ക് നോക്കുക. പ്രസ്തുത രൂപതയുടെ പരിധിയിലെ മൊത്തം ജസംഖ്യ 7.76 ലക്ഷമാണെന്നാണു രൂപതാ വെബ്സൈറ്റിലെ കണക്ക്. അതില്‍ 2.65 ലക്ഷം (കേവലം 34.15 ശതമാം) മാത്രമാണ് ഇടുക്കി രൂപതാംഗങ്ങളായ സീറോമലബാര്‍ കത്തോലിക്കര്‍. അവിടെയുള്ള നൂറില്‍ 65 പേരും രൂപതാംഗങ്ങളല്ല.

    രൂപതയുടെ കണക്കുസരിച്ച് ആ പ്രദേശത്തെ ഹിന്ദുക്കളുടെ സംഖ്യ 2.74 ലക്ഷം ആണ്. 35.3 ശതമാം. 81,500 പേരോളം (10.5 ശതമാം) മുസ്ലിംകളാണ്.

    ReplyDelete
    Replies
    1. (valare vaiki aanennariyam enkilum comment idunnu.) matham thirichulla janasamkhya alla ivide vishayam. Bhooribhagam bhoomiyum achayanmarude kaivasham aanennanu lekhakan uddesichathu ..yathartha karshakarkkum paavappettavarkkum ee samarakondu aathyanthikamayi gunam onnum illa..

      Delete
  5. തങ്ങളുടെ ജനത്തോടൊപ്പം കാര്‍ഷികപ്രശ്ങ്ങളിലും സാമൂഹികപ്രശ്ങ്ങളിലും പോരാട്ടത്തിനിറങ്ങിയ ശീലം ക്രൈസ്തവസഭകള്‍ക്കുള്ളതാണ്. കാര്‍ഷികകടാശ്വാസ വിഷയം, വിദ്യാഭ്യാസവായ്പാ പ്രശ്ം, പട്ടയ പ്രശ്ം തുടങ്ങിയ വിഷയങ്ങളിലും മദ്യം-മയക്കുമരുന്ന് പോലുള്ള സാമൂഹികവിപത്തുകളിലും സഭ രംഗത്തിറങ്ങി നടത്തിയതും നടത്തുന്നതുമായ പോരാട്ടങ്ങള്‍ കേരളം മറക്കുന്നതല്ല. അവയൊന്നും കത്തോലിക്കന്റെയോ ക്രൈസ്തവന്റെയോ മാത്രം വിഷയമല്ല. അവര്‍കൂടി ഉള്‍പ്പെട്ട മൊത്തം സമൂഹത്തിന്റെ പ്രശ്മാണ്.

    തങ്ങളുടെ സഭാംഗങ്ങളടക്കമുള്ള ജനങ്ങളുടെ ജീവിക്കാനുള്ള അവകാശത്തിനു ഭീഷണിയാകുന്ന വിധമുള്ള പരിസ്ഥിതിമൌലികവാദം ഗാഡ്ഗില്‍-കസ്തൂരിരംഗന്‍ റിപ്പോര്‍ട്ടുകളുടെ രൂപത്തില്‍ വരുമ്പോള്‍ തെരുവിലിറങ്ങാനും പ്രക്ഷോഭത്തിനു മുന്നില്‍ നില്‍ക്കാനും സഭാസംവിധാം മുന്നോട്ടുവരുന്നതു തികച്ചും സ്വാഭാവികം മാത്രം. അതില്‍ അന്നാടുകളിലെ എല്ലാ പ്രസ്ഥാങ്ങളോടും തോളോടുതോള്‍ ചേര്‍ന്നാണു സഭ നീങ്ങുന്നതും. ഈ നിലപാടും പ്രവര്‍ത്തങ്ങളും രഹസ്യമാക്കാന്‍ ഉദ്ദേശിച്ചിട്ടുമില്ല - ചിലര്‍ തങ്ങളുടെയുള്ളില്‍ സാമുദായികവൈരം ഒളിച്ചുവച്ചിട്ടു പുറമേ മറ്റു പല കാര്യങ്ങളും പറഞ്ഞു കടന്നുപോകുന്നതുപോലെ അവര്‍ ചെയ്യുന്നില്ല.

    ReplyDelete

നമ്മുടെ ബൂലോകത്തില്‍ ലേഖനങ്ങള്‍ എഴുതുന്നവര്‍ വായനക്കാരുടെ അഭിപ്രായങ്ങള്‍ ആഗ്രഹിക്കുന്നു. നിങ്ങളുടെ അഭിപ്രായങ്ങള്‍ മടിക്കാതെ കമന്റ് ചെയ്യൂ.....

പോപ്പുലർ പോസ്റ്റുകൾ