ബ്ലോഗെഴുത്തിന് സാഹിത്യ അക്കാദമി അവാര്‍ഡ് - അക്ബര്‍ കക്കട്ടില്‍

റിപ്പോര്‍ട്ട്‌ : മനോരാജ് 
ചിത്രങ്ങള്‍ : ജോ ജോഹര്‍ 



കേരളത്തിന്റെ  സാംസ്കാരിക നഗരിയില്‍  മലയാള സാഹിത്യത്തിന്റെ തറവാട്ടിലേക്ക് ; അക്ഷരപ്പെരുമയിലെക്കു  കാലെടുത്തു വച്ചത് അല്‍പ്പം അഹങ്കാരത്തോടെ ആയിരുന്നു.  മനസ്സിലും നമ്മുടെ വായനാ മുറികളിലും ഭാവനാ സമ്പുഷ്ടവും തീക്ഷനവുമായ ചിന്തകള്‍  കുരുത്ത  ജീവിച്ചിരിക്കുന്നവരും മണ്‍ മറഞ്ഞവരും ഒട്ടേറെ  പൂര്‍വികരുടെ  കഥകളും കവിതകളും ലേഖനങ്ങളും  പ്രബന്ധങ്ങളും  ചര്‍ച്ച ചെയ്ത  അവയെ കീറി മുറിച്ച തറവാട്ടു മുറ്റത്തു  നവ മാധ്യമമായ  ബ്ലോഗേഴുത്തിനെയും  മുഖ്യ ധാരാ സാഹിത്യത്തെയും സംഗമി പ്പിക്കുന്ന ഒരു വേദി. അതില്‍  ഒരു ആസ്വാദകന്‍ എന്നതിനേക്കാള്‍ അത്തരം  പ്രവര്‍ത്തനങ്ങളുടെ ഭാഗമായ ഒരു എളിയവന്‍   എന്നനിലയില്‍ പങ്കെടുക്കുവാന്‍ കഴിയുക എന്നതിന്റെ അഹങ്കാരം മനസ്സില്‍  ഉള്‍ക്കൊണ്ടിരുന്നു.

   ഉദ്ഘാടകന്‍  അക്ബര്‍ കക്കട്ടിലും  അധ്യക്ഷന്‍ എ . സഹദേവനും 

മകരക്കൊയ്ത്തും കന്നിക്കൊയ്ത്തും   അതിനു മേറെ  ഇന്നും മലയാളി ഹൃദയത്തില്‍ സൂക്ഷിക്കുന്ന  മാമ്പഴവും എല്ലാം 
നമുക്ക് സമ്മാനിച്ച വൈലോപ്പിള്ളിയുടെ പേരിലുള്ള  സ്മാരകഹാളില്‍  മഹാനായ് ആ സാഹിത്യ പ്രതിഭയുടെ  ചിത്രത്തിന് താഴെ  ഒരുക്കിയ വേദിയില്‍ ബ്ലോഗെഴുത്തും മുഖ്യ ധാരാ സാഹിത്യവും എന്ന്  അച്ചടിച്ച  ഏറെ ബഹുമാനിക്കുന്ന ചില സാഹിത്യകാരുടെയും  ഏറെ അടുപ്പ മുള്ള ചില ഓണ്‍ലൈന്‍ സൌഹൃദങ്ങളുടെയും  പേരുകള്‍ ആലേഖനം ചെയ്ത  വലിയൊരു  ബാന്നര്‍ !!!  കൈനിക്കരയും പി സി കുട്ടികൃഷ്ണനും  തുടങ്ങി ആധുനിക  സാഹിത്യത്തിന്റെ വിരുന്നു മേശകളിലേക്ക്  വൃദ്ധ സദനം പോലെ നിലവിളികള്‍ ഉയര്‍ത്തി അകാല  ത്തില്‍ പൊലിഞ്ഞു പോയ  പ്രിയപ്പെട്ട  കൊച്ചു ബാവ ഉള്‍പ്പെടെ ഉള്ള  വരുടെ ചിത്രങ്ങള്‍ക്ക് താഴെ  ഉപ വിഷ്ടരായിരുന്ന ബ്ലോഗ്‌ ഓണ്‍ലൈന്‍  മാധ്യമങ്ങളില്‍ എഴുതുന്നവരായ  ഒരു കൂട്ടം സൌഹൃദങ്ങള്‍.   ഇവര്‍ക്കൊപ്പം വേദി പങ്കിടാന്‍ കഴിഞ്ഞതിന്റെ അല്‍പ്പം അഹങ്കാരവും ഉള്ളില്‍  ഉള്‍ക്കൊണ്ട്  ഞാനിരുന്നു . 

അക്കദമി സെക്രട്ടറി ആർ.ഗോപാലകൃഷ്ണൻ, നിരക്ഷരൻ, അൿബർ കക്കട്ടിൽ, എ.സഹദേവൻ എന്നിവർ

 ബ്ലോഗെഴുത്ത് എന്നാ സാഹിത്യത്തെ ഒരു നവ മാധ്യമമായി ഉയര്‍ത്തി ക്കാട്ടി അതിനെ   ഭാഗമായി സാഹിത്യ അക്കാദമി യുടെ നേതൃത്ത്വത്തില്‍  നടത്തപ്പെട്ട  നാലാമാതെ പ്രോഗ്രാം ആയിരുന്നു ഇന്നത്തെതു.  ഇതിനു മുന്‍പ് രണ്ടു വട്ടം കോഴിക്കോടും ഒരിക്കല്‍ പീച്ചിയിലും  ഇത്തരം ചില പരിപാടികള്‍ അക്കാദമി സംഘടിപ്പിചിരുന്നു . ഇത്തരത്തിലുള്ള  ഒരു പരിപാടി സംഘടിപ്പിച്ചതിന് സാഹിത്യ അക്കാദമിയോടുള്ള  നന്ദി എല്ലാ ബ്ലോഗേഴ്സിന്റെയും പേരില്‍  അര്‍പ്പിക്കുവാന്‍  ഈ അവസരം ഉപയോഗിച്ച് കൊണ്ട്   പരിപാടിയുടെ  വിശദാംശങ്ങളിലേക്ക് കടക്കട്ടെ .


മലയാള വായനാ ലോകത്തിനു അധ്യാപക  കഥകളും സ്കൂള്‍ ഡയറിയും ഒപ്പം മനോഹര കഥകളും  ശ്രീ അക്ബര്‍ കക്കട്ടില്‍ ആയിരുന്നു ചടങ്ങിന്റെ  ഉദ്ഘാടകന്‍ . ഇന്‍ഡ്യ വിഷന്‍ ചാനലില്‍ ക്ലാസിക്കല്‍ സിനിമ സംബന്ധിയായ  പരിപാടിയിലൂടെ പ്രേക്ഷക  ശ്രദ്ധ  നേടിയ ആണ്ടൂര്‍ സഹദേവന്‍   അദ്ധ്യക്ഷ പദം അലങ്കരിച്ചു.  ഓണ്‍ ലൈന്‍ മീഡിയ യിലെ സജീവ സാന്നിധ്യങ്ങലായ നിരക്ഷരന്‍ ,വി കെ ആദര്‍ശ് , ജയന്‍ ഏവൂര്‍ , ഹബീബ് , വിശ്വ പ്രഭ, ലീല ചന്ദ്രന്‍ എന്നിവരും  മുഖ്യ ധാരയിലെ സ്ഥിതിയുമായി രോഷ്നി സ്വപ്ന , എ ലെനിന്‍, അക്ബര്‍ കക്കട്ടില്‍ എന്നിവരും സംസാരിചു.

സൈബര്‍ സ്പേസില്‍ അടുപ്പമുള്ള പലരും ഭൌതികമായി അകലെ ആയിരിക്കുമെന്നും അവരെ ഭൌതികമായി തന്നെ അടുപ്പിക്കുക  എന്ന ലക്‌ഷ്യം  വച്ച് ഇത്തരം ചില പ്രവര്‍ത്തനങ്ങള്‍ കൊണ്ട്  അക്കാദമി ഉദ്ദേശി ക്കുന്നതെന്നും   , ബ്ലോഗിനെ മറ്റു മാധ്യമമായി  കാണാതെ  മുഖ്യധാരയിലേക്ക് എത്തിക്കുക  എന്ന  ലക്ഷ്യത്തിലെത്തിക്കാനാണ് അക്കാദമി ഇതിലൂടെ ശ്രമിക്കുന്നതെന്ന് അക്കാദമി സെക്രട്ടറി കൂടിയായ  ശ്രീ ആര്‍ ഗോപാല കൃഷ്ണന്‍ തന്റെ  സ്വാഗത  പ്രസംഗത്തിലൂടെ വ്യക്തമാക്കി.    ബ്ലോഗിങ്ങ് ഒരു തമാശയാണ് ഇതില്‍ നില നില്പ്പില്ല  എന്ന് പറഞ്ഞു അറച്ചു നില്‍ക്കുന്ന മുഖ്യ ധാരാ എഴുത്തുകാരെ  ബ്ലോഗ്ഗിങ്ങിലേക്ക് ആകര്‍ഷിക്കുക എന്നതും  ഇതിലൂടെ അക്കാദമി ലക്ഷ്യമാക്കുന്നുണ്ട് എന്നും  അദ്ദേഹം കൂട്ടി ചേര്‍ത്തു.   ടൈപ്പ് റൈറ്റര്‍കളുടെ ചരിത്രം പരിശോധിച്ചാല്‍  അവയില്‍ പറഞ്ഞ കോപ്പി എഴുത്തുകാര്‍ ഒടുവില്‍ അവയെ സ്വീകരിച്ചത് നമുക്ക് കാണാന്‍ കഴിഞ്ഞു  എന്നും അത് പോലെ ബ്ലോഗും ഒരു എഴുത്ത് മാധ്യമമാനെന്നു തിരിച്ചറിയണമെന്നും അതിനോട് പുറം തിരിഞ്ഞു നില്‍ക്കുന്ന മുഖ്യ ധാരാ സാഹിത്യ ക്കാരെയും സമത്വ പ്പെട്ടു മുന്നോട്ടു പോകാന്‍ ബ്ലോഗ്ഗെഴ്സിനെയും എത്തിക്കുക  എന്നാ ലക്ഷ്യത്തിലേക്ക് അടുപ്പിക്കാനുള്ള എളിയ ശ്രമമാണ് അക്കാദമി ഇത്തരം  പരിപാടികള്‍ കൊണ്ട് ഉദ്ദേശിക്കുന്നതെന്നും  അദ്ദേഹം വ്യക്തമാക്കി.  

തുടര്‍ന്ന് ശ്രീ അക്ബര്‍ കക്കട്ടില്‍ സെമിനാര്‍ ഉദ്ഘാടനം ചെയ്തു കൊണ്ട് സംസാരിച്ചു.   ഇത്തരം ഒരു സെമിനാറില്‍ പങ്കെടുക്കുവാന്‍ കഴിഞ്ഞതിന്റെ  അതീവ സന്തോഷം വ്യക്തമാക്കി ക്കൊണ്ടാണ് അദ്ദേഹം തന്റെ പ്രസംഗം ആരംഭിചതു.   സാഹിത്യ അക്കാദമി  വൈസ് പ്രസിഡണ്ട്‌ ആയി സ്ഥാനം ഏറ്റെടുത്തപ്പോള്‍ ഒരു യോഗത്തില്‍ വച്ച് അദ്ദേഹം ആവശ്യപ്പെട്ട ഒരു കാര്യം  ബ്ലോഗെഴുത്തുകാരുടെ ഒരു കൂട്ടായ്മ അക്കാദമിയുടെ നേതൃത്വത്തില്‍ സംഘടിപ്പിക്കുക എന്നതായിരുന്നു. മാത്രമല്ല, ഫേസ് ബുക്ക്‌ പോലുള്ള സോഷ്യല്‍ മീഡിയ കളില്‍ വെറും ലൈക്കും  കമടിനു മപ്പുറം സജീവമായി ഇടപെടലുകള്‍ നടത്തുന്നവരുടെ  ഒരു കൂട്ടായ്മയും   അതിന്റെ ഭാഗമായി അദ്ദേഹം ആവശ്യപ്പെട്ടിരുന്നുവത്രേ !

കഴിഞ്ഞ ചില വര്‍ഷങ്ങളില്‍ ബ്ലോഗെഴുത്തുകാരുടെ കൂട്ടായ്മയുടെ വാര്‍ത്തകള്‍ മാധ്യമങ്ങളില്‍ പ്രാധാന്യത്തോടെ വന്നിരുന്നു എന്നും   എന്നാല്‍ കഴിഞ്ഞ കുറച്ചു നാളുകളായി അത്തരം കൂട്ടായ്മകള്‍ നടക്കുന്നില്ല എന്നും  ചില ആശങ്കകള്‍ അദ്ദേഹം പങ്കു വയ്ക്കുകയുണ്ടായി.   പതിനായിരത്തിനു മേല്‍ മലയാളം ബ്ലോഗുകള്‍ ഉണ്ടെന്നാണ് അനൌദ്യോഗിക കണക്കുകള്‍ എങ്കിലും  സജീവമായ ബ്ലോഗെഴുത്തുകള്‍  ഇപ്പോഴും ആയിരത്തില്‍ താഴെ മാത്രമേ ഉള്ളൂ എന്നും അദ്ദേഹം എടുത്തു പറഞ്ഞു.   ബ്ലോഗ്‌ നല്‍കുന്ന സ്വാതന്ത്ര്യം ദുരു പയോഗം ചെയ്യുന്നതിനെ ക്കുറിച്ചും  ജാതി യതയുടെയും തീവ്ര വാദങ്ങളുടെയും  എല്ലാം  ആശയങ്ങള്‍ ബ്ലോഗിലൂടെ  പാകുന്ന ആശങ്കയും അദ്ദേഹം മറച്ചു വചില്ല; അതിനു ചില ഉദാഹരണങ്ങള്‍ അദ്ദേഹം ഉയര്‍ത്തിക്കാട്ടുകയും ചെയ്തു. ബ്ലോഗ്‌ ഓണ്‍ ലൈന്‍ മീഡിയ കളുടെ നന്മകളും അദ്ദേഹം എടുത്തു പറഞ്ഞു  സൈബര്‍ യുഗത്തില്‍ നിന്നും വന്നു ഏറെ ചര്‍ച്ച ചെയ്യപ്പെട്ട കൊടകര പുരാണ ത്തെയും  അടിയന്തിരാവസ്ഥ നഷ്ടപ്പെടുത്തിയ      എന്നാ പുസ്തകത്തെയും  അദ്ദേഹം പ്രത്യേകം എടുത്തു പറഞ്ഞു പരാമര്‍ശിച്ചു.   അത് പോലെ വെള്ളെഴുത്ത് തുടങ്ങിയ ചില ബ്ലോഗുകളെയും അദ്ദേഹം പരമാര്ശിക്കുയുണ്ടായി.   അതേപോലെ സി പ്രഭാകരനെ പ്പോലുള്ള മുഖ്യ ധാരാ എഴുത്തുകാര്‍ ബ്ലോഗേഴുത്തിനെ മുഖ്യമായി കാണുന്നു വെന്നും അതെ പാത മറ്റു മുഖ്യധാര എഴുത്തുകാര്‍ പിന്തുടരണം എന്നും  അദ്ദേഹം ഓര്‍മ്മിപ്പിച്ചു.  

എഴൂത്തിനെ   ഗൌരവമായി കാണുന്ന ബ്ലോഗര്‍മാര്‍ക്ക്  സന്തോഷ കരമായ  ചില   പ്രസ്താവനകളും അക്കാദമിയുടെ വൈസ് പ്രസിഡന്റ്‌ എന്നാ നിലയില്‍ അദ്ദേഹം  നടത്തുകയുണ്ടായി.   അക്കാദമിയുടെ പരിഗണനയില്‍ ഉള്ള അല്ലെങ്കില്‍ ചെയ്യാന്‍ കഴിയുന്ന കാര്യങ്ങള്‍ എന്നാ നിലയില്‍  അദ്ദേഹം സൂചിപ്പിച്ച കാര്യങ്ങള്‍ പ്രാരംഭ ഘട്ടത്തില്‍   ആണെങ്കിലും  ചര്ച്ചയിലോ പരിഗണ നയിലോ ഉണ്ട് എന്നുള്ളത്   ബ്ലോഗേഴ്സിനു   സന്തോഷം തരുന്ന കാര്യം ആണ്.   ബ്ലോഗ്‌ രചനകളുടെ ഡിജിറ്റൽ   കോപ്പികള്‍   അക്കാഡമി സൂക്ഷിക്കാന്‍ ശ്രമിക്കുമെന്നും ബ്ലോഗ്‌ ക്യാമ്പുകള്‍ നടത്തും എന്നും  മികച്ച ബ്ലോഗ്‌ കൃതിക്ക് അവാര്‍ഡുകള്‍ ഏര്‍പ്പെടുത്താന്‍ ശ്രമിക്കുമെന്നും  അക്കാദമിയുടെ വെബ്‌ സൈറ്റില്‍ ബ്ലോഗുകളുടെ ലിങ്കുകള്‍   ഉള്‍പ്പെടുത്തുന്നതിനെ ക്കുറിച്ച് ആലോചിക്കുന്ന കാര്യവും  അക്കാദമി  ലൈബ്രറി  ഡിജിറ്റലൈസേഷന്‍ ചെയ്യുന്ന കാര്യവുമെല്ലാം  അദ്ദേഹം എടുത്തു പറയുകയുണ്ടായി.  ബ്ലോഗുമായി ബന്ധപ്പെട്ട ആവശ്യങ്ങളും  മറ്റു കാര്യങ്ങളും ഏവരും കൂട്ടായി  ഉരുപ്പെടുത്തി എടുത്തു അത് ക്രോഡീ കരിച്ചു  അക്കാദമിയെ   എഴുതി അറിയിക്കാന്‍  അദ്ദേഹം  ബ്ലോഗേഴ്സിനോട് ആവശ്യപ്പെട്ടു.  നമ്മളെല്ലാം  എഴുത്തുകാര്‍ ആണെന്നും തരം തിരിവുകള്‍ ആവശ്യമില്ലാ എന്നും  ഊന്നിപ്പറഞ്ഞു കൊണ്ട് അദ്ദേഹം  സെമിനാര്‍ ഔദ്യോഗികമായി ഉദ്ഘാടനം ചെയ്തു.

 (ശ്രീ.അക്ബര്‍ കക്കട്ടില്‍ ആവശ്യപ്പെട്ടതുപോലെ  അക്കാദമിയോടു  ഉന്നയിക്കേണ്ടുന്ന ബ്ലോഗ്‌ സംബന്ധിയായ  ആവശ്യങ്ങളും മറ്റു കാര്യങ്ങളും   ക്രോഡീകരിച്ചു  അക്കാദമിയെ  രേഖാമൂലം  അറിയിക്കുവാന്‍ ഉദ്ദേശിക്കുന്നു.   അതിനായി ബ്ലോഗര്‍ മാര്‍ക്കുള്ള നിര്‍ദ്ദേശങ്ങള്‍  ഇവിടെ കമന്റ് ആയി രേഖപെടുത്തുവാന്‍  അഭ്യര്‍ത്ഥിക്കുന്നു )


 എഴുതാന്‍  തുടങ്ങുമ്പോള്‍ നമ്മള്‍ ഒരു പ്രത്യക മതത്തില്‍  എത്തപ്പെടുന്നു എന്ന മാധവി ക്കുട്ടി യുടെ വാക്കുകള്‍ കടം കൊണ്ടാണ്   എ. സഹദേവന്‍ അദ്ദേഹത്തിന്റെ  അധ്യക്ഷ പ്രസംഗത്തിലേക്ക് കടന്നത്.  ബ്ലോഗില്‍ വിഷയങ്ങള്‍  അന്യമല്ല ; ഓരോരുത്തരും സമീപിക്കുന്ന രീതിയാണ് പ്രധാനം.  പഠിക്കാതെ ഒന്നിനോടും പ്രതികരിക്കരുത്.  പഠിച്ചു പ്രതികരിച്ചാല്‍ ഒരു നിയമത്തിനും പോലീസിനും നമ്മെ ഒന്നും ചെയ്യാന്‍ കഴിയില്ല. നമ്മുടെ ഭാഷ നമ്മുടെ സംസ്കാരത്തില്‍ നില നിര്‍ത്തണം .  എഴുത്ത് കാരന്‍ ആവണം എങ്കില്‍ അധ്വാനം വേണം.   ചിട്ടയായ പഠനം വേണം. ചരിത്രത്തിന്റെ ധവള രശ്മികളെ മറ്റൊരു ചിന്തയായി പുറത്തു  വരുത്തുമ്പോള്‍ ആണ് നാം എഴുത്തുകാരായി  മാറുന്നതു  എന്ന മഹത്തായ സന്ദേശം ബ്ലോഗര്‍മാര്‍ക്ക് നല്‍കുവാന്‍ അദേഹത്തിന് അധ്യക്ഷ പ്രസംഗത്തിലൂടെ സാധിച്ചു . 





തുടര്‍ന്ന് സംസാരിച്ച വി.കെ.ആദര്‍ശ്,     ഗുണ്ടര്‍ട്ടിന്റെ അച്ചടിയോടു പിണങ്ങിയവര്‍  പിന്നീട്   ഇണങ്ങുകയും പിന്നെ വണങ്ങുകയും ചെയ്തത്  ഉദ്ധരിച്ചു,  നാളെ   ബ്ലോഗ്ഗിങ്ങിനെ പലരും വണങ്ങും എന്ന് പ്രത്യാശ പ്രകടിപ്പിച്ചു.  സിറ്റിസണ്‍   ജെര്‍ണലിസത്തിനു  ബ്ലോഗ്‌    മീഡിയ യിലുള്ള വലിയ പ്രാധാന്യത്തെ ക്കുറിച്ചാണ് അദ്ദേഹം  സെമിനാറില്‍ സംസാരിച്ചത് . നമ്മുടെ മാധ്യമ പ്രവര്‍ത്തകരേക്കാള്‍ മനോഹരമായി സിറ്റിസണ്‍   ജെര്‍ണ ലിസം ചെയ്യുന്നവര്‍  കൂടുതലായി ബ്ലോഗില്‍ ഉണ്ട് എന്നും  മാധ്യമ  പ്രവര്‍ത്തകര്‍  അത്  തിരിച്ചറിയണം  എന്നും  അദ്ദേഹം സൂചിപ്പിച്ചു.  എഴുത്തിന്റെ വഴിയില്‍ പരിചയമില്ലാത്തവരെ എഴുത്തില്‍ പ്രാപ്തനാക്കാന്‍ ബ്ലോഗിങ്ങ്    സഹായിക്കുന്നു   എന്നത് മറ്റൊരു മീഡിയ   വഴിയും ലഭിക്കാത്ത കാര്യമാണ്.    പ്രാദേശിക ഭാഷയുടെ    വികാസത്തിന് ഇന്റര്‍ നെറ്റും ബ്ലോഗ്ഗും വലിയ പങ്കു വഹിച്ചു എന്നതും എടുത്തു പറയേണ്ടുന്ന  കാര്യമാണ്. 


 തുടര്‍ന്ന് സംസാരിച്ച  ഡോ:ജയന്‍ ഏവൂര്‍, മനുഷ്യന്റെ വിനോദ ഉപാധികളില്‍  ഒന്നാണ് സാഹിത്യം എന്നും അതിന്റെ ഇങ്ങേയറ്റത്തെ കണ്ണികളില്‍ ഒന്നാണ് ബ്ലോഗ്‌  ആണ് എന്നും പറഞ്ഞാണ്  തുടങ്ങിയത്.  ഇന്റര്‍നെറ്റില്‍ മലയാളം എഴുതിത്തുടങ്ങാന്‍   സഹായകമായ    സാങ്കേതിക  പ്രവര്‍ത്തകരെ പേരെടുത്തു പറഞ്ഞു, പിന്നീട് ആധുനിക കാലത്തെ ബ്ലോഗര്‍മാരെയും അദ്ദേഹം  തന്റെ പ്രസംഗത്തില്‍ പരാമര്‍ശിച്ചു. കഥ കവിത, ലേഖനം, പാചകം, ടെക്നിക്കല്‍  തുടങ്ങി ബ്ലോഗ്ഗിന്റെ വിവിധ വിഭാഗങ്ങളാണ്  അദ്ദേഹം തന്റെ  പ്രസംഗത്തില്‍  വിഷയമാക്കിയത്.   ഒപ്പം ഭാഷയുടെ  വികാസത്തിനും ശാക്തീകരണത്തിനും ആയി യുവതീ യുവാക്കളെ   ഉള്‍പ്പെടുത്തി നടക്കാറുള്ള ശില്‍പ്പ ശാലകളെയും  പറ്റിയും ബ്ലോഗ്‌ മീറ്റുകളെപ്പറ്റിയും   അദ്ദേഹം പരാമര്‍ശിച്ചു.  ആയിരം കോപ്പി പുസ്തകങ്ങള്‍ ഇറക്കുന്നതിനേക്കാള്‍ വായന ഒരു ബ്ലോഗിന് ഒരു മാസത്തിനുള്ളില്‍ ലഭിക്കുമെന്നും  ഇത് മുഖ്യ ധാരാ എഴുത്തുകാര്‍ മനസ്സിലാക്കി അവര്‍ ബ്ലോഗ്ഗിങ്ങിലേക്ക്  കൂടി കടന്നു വരേണ്ട സമയം അതിക്രമിച്ചിരിക്കുകയാണെന്നും  ഇങ്ങനെ ചെയ്തു മലയാള ഭാഷയുടെ വളര്‍ച്ചയ്ക്കും  വികാസത്തിനും  അവര്‍ കൂടി സഹായകമാകെണ്ടതുണ്ട് എന്ന് അദ്ദേഹം മുഖ്യധാരാ എഴുത്ത്കാരോട്  അഭ്യര്‍ത്ഥിക്കുകയുണ്ടായി. 



വിക്കിപ്പീഡിയയുടെ അനന്തമായ സാധ്യതകളെക്കുറിച്ചാണ്  ബ്ലോഗറും വിക്കിപ്പീഡിയയിലെ സജീവ അംഗവും ആയ ഹബീബ്  സെമിനാറില്‍ സംസാരിച്ചത്. എന്താണ് വിക്കിപീഡിയക്ക് ഇത്തരമൊരു സെമിനാറില്‍ സ്ഥാനം എന്ന ചോദ്യം പലരില്‍ നിന്നും  ഉയര്‍ന്നിരുന്നു എന്നും   അദ്ദേഹം  പറഞ്ഞു.  വിക്കിപ്പീഡിയ എന്ന  എന്തിനെക്കുറിച്ചും അറിവ് പകരുന്ന ഒരു മാധ്യമം എന്നതിലുപരി വിക്കി ഗ്രന്ഥശാല,   വിക്കി ചൊല്ല്, വിക്കി നിഖണ്ടു എന്നിവ ഉൾപ്പെട്ടതാണ് വിക്കിപീഡിയയെന്നും അത്  സാഹിത്യത്തിന്റെ ഭാഗം തന്നെയാണ് എന്ന് സമര്‍ത്ഥിച്ചു കൊണ്ടുമാണ്  ഹബീബ അത്തരം   സംസാരിച്ചത്.   വൈജ്ഞാനിക ലേഖനങ്ങളെപ്പോലെ അമൂല്യമായ സാഹിത്യ ഗ്രന്ഥങ്ങള്‍  വിക്കിയിലുണ്ടെന്നും  ഇനിയും കൂട്ടി ചേര്‍ക്കപ്പെട്ടു കൊണ്ടിരിക്കുകയാണെന്നും  ഹബീബ്  സെമിനാറില്‍ പങ്കെടുത്തരെയും അക്കാദമിയും അറിയിച്ചു.   ഇത്തരത്തില്‍ മുഖ്യ ധാരാ സാഹിത്യ പ്രതിഭകള്‍  തങ്ങളുടെ ഏതെങ്കിലുമൊക്കെ കൃതികള്‍   ‘കോപ്പി ലെഫ്റ്റ്‘ നല്‍കി യാല്‍ വളരെ വലിയ ഒരു വായനാ സമൂഹത്തെ സൃഷ്ടിക്കുമെന്നും , അത് വഴി മലയാള ഭാഷക്കും അതൊരു മുതല്‌ക്കൂട്ടാവുമെന്നും, നിലവില്‍ അക്കാദമിയിലുള്ള  സ്കാന്നെട്  കോപ്പികള്‍  വിക്കിക്ക് കൈമാറുന്നതിനുള്ള സാധ്യതയെപ്പറ്റിയും     ഹബീബ്  സെമിനാറിലൂടെ   അറിയിക്കുകയുണ്ടായി. 




തുടര്‍ന്ന്  ഗ്രന്ഥകാരന്‍ ആയ ശ്രീ കെ എം ലെനിന്‍   തന്റെ എഴുത്ത്    1965 ല്‍  നിര്‍ത്തിയത്  സ്വന്തം കൈയ്യക്ഷരം അദ്ദേഹത്തിനു  പോലും വായിക്കുവാന്‍ സാധിക്കാത്തവിധം  ആയതിനാലാണ്  എന്ന് പറഞ്ഞു.   രണ്ടായിരം കാലഘട്ടത്തില്‍  എഴുത്ത് തിരിച്ചു പിടിക്കാന്‍ സാധിച്ചത് കമ്പ്യൂട്ടറിലെ മലയാളം    ടൈപ്പിങ്ങ്  സോഫ്റ്റ്‌ വെയറുകള്‍ മൂലം ആണെന്നും  അദ്ദേഹം   സെമിനാറില്‍ എടുത്തു പറഞ്ഞു. ഏറെ ഇഷ്ടം  തോന്നിയ ഒരു ലേഖനം എഴുതുവാനും അത് മുഖ്യ ധാരയില്‍ പ്രസിദ്ധീകരിക്കുവാനും  കഴിഞ്ഞത് അതിനാല്‍ ആണെന്നും അദ്ദേഹം പറഞ്ഞു. വിക്കിപ്പീഡിയ മലയാളം    ഇത് വരെ   ഉപയോഗിക്കാതിരുന്നതിനും    ബ്ലോഗിങ്ങ്   ചെയ്യാതിരുന്നതിനും   ഇ-ലോകത്തോട്‌ ലോകത്തോട്‌ ക്ഷമ  ചോദിച്ചു കൊണ്ടാണ്    അദ്ദേഹം  തന്റെ പ്രസംഗം ഉപസംഹരിച്ചത്. 


 എഴുത്തിന്റെ ലോകത്ത്   ബ്ലോഗുകളെ പിന്തുടര്‍ന്ന്   വായിക്കാരൂണ്ട് എന്നും സമൂഹത്തിന്റെ അപ്പപ്പോഴുള്ള മിടിപ്പുകളെ  യതാ സമയം പങ്കു വയ്ക്കാന്‍ ബ്ലോഗുകള്‍ക്ക്‌ മാത്രം സാധിക്കുന്നു എന്നും  പറഞ്ഞു കൊണ്ടാണ് കവയത്രി രോഷ്നി സ്വപ്ന   സെമിനാറില്‍ തന്റെ പ്രസംഗം  തുടങ്ങിയത് .  സമാന്തര മാധ്യമങ്ങളുടെ ആവശ്യകത  മുഖ്യ ധാരയിലുള്ളവ  മടിക്കുന്നത് ചെയ്തു കാണിച്ചു കൊടുക്കാന്‍  ബ്ലോഗ്ഗിങ്ങിലൂടെ സാധിക്കുന്നു എന്നാ കാര്യം അവര്‍ എടുത്തു പറഞ്ഞു .   പക്ഷെ ചില  അറിഞ്ഞു കൊണ്ടുള്ള ചതികളെ ക്കുറിച്ച് പ്രത്യക്ഷമായി തന്നെ രോഷ്നി സൂചിപ്പിചു. മനോഹര മായ  ആശയങ്ങളുള്ള ചില കവിതകള്‍ കണ്ടു   അഭിനന്ദിച്ചു അവയെ  പ്രിന്റ്‌ മീഡിയയില്‍ ഉള്‍പ്പെടുത്തുവാന്‍  ആവശ്യപ്പെട്ടുകൊണ്ട് അനുവാദം ചോദിച്ചപ്പോള്‍  ലഭിച്ച മറുപടിയില്‍ രോഷ്നി ക്ക്  ഞെട്ടല്‍ ഉണ്ടാക്കി . കാരണം  അത് തന്റെ സ്വന്തം സൃഷ്ടി അല്ല  എന്നും  വിദേശ കവിതയില്‍ നിന്നും  വിവര്‍ത്തനം   ചെയ്തു എടുത്തു ബ്ലോഗില്‍ പബ്ലിഷ് ചെയ്തതാണെന്നും   അറിയപ്പെടുന്ന ബ്ലോഗ്‌ കവി / കവയത്രികളില്‍  നിന്നും  ലഭിച്ച അവസരങ്ങളും രോഷ്നി  സെമിനാറില്‍ പങ്കു വചു. മുഖ്യ ധാര എഴുത്തില്‍ ഇത്തരം കോപ്പി അടികള്‍ തുലോം  കുറവാണെന്നും  , പക്ഷെ ബ്ലോഗില്‍  സാധാരണമാണെന്നും  ഉള്ളതാണ് എന്നാണ്   തന്റെ അനുഭവം എന്നും  അത്തരം പ്രവണത ഏറുന്നു എന്നുമുള്ള തന്റെ ആശങ്കയും  രോഷ്നി പങ്കുവചു. 






തുടര്‍ന്ന് ബ്ലോഗറും ബ്ലോഗ്‌ രചനകളുടെ  പ്രസാധനത്തില്‍ മുന്നില്‍ നില്‍ക്കുന്ന സീയെല്ലെസ് ബുക്സിന്റെ  ഉടമയും ആയ  ലീല ചന്ദ്രന്‍   പ്രസാധനത്തില്‍ എത്തിപ്പെടുവാന്‍ ഉണ്ടായ കാരണവും അതുവഴി പുസ്തകം പ്രസാധനം ചെയ്യാന്‍ ആഗ്രഹിക്കുന്നവര്‍ക്ക്  നല്‍കി വരുന്ന സഹായങ്ങളെക്കുറിച്ചും  സംസാരിച്ചു.  ‘അണയാത്ത ജ്യോതി‘ എന്ന  പേരില്‍  ഡല്‍ഹി  പീഡന  ത്തെക്കുറിച്ച്  എഴുതിയ കവിത അവതരിപ്പിച്ചു.




ആദ്യ കാല മലയാള ബ്ലോഗിങ്ങ് രംഗത്ത്    സാങ്കേതിക പരമായും  ആശയ പരമായും  സജീവ സാന്നിധ്യവും   സൈബര്‍ ലോകത്ത് മലയാള ഭാഷയുടെ വളര്‍ച്ചയ്ക്ക്  ഊന്നല്‍ കൊടുത്തുകൊണ്ട് പ്രവര്‍ത്തിച്ചിരുന്ന വ്യക്തിയുമായ ശ്രീ. വിശ്വപ്രഭ സെമിനാറിനെ അഭിസംഭോധന ചെയ്തു സംസാരിച്ചു.   2003  മുതല്‍ മലയാളം സൈബര്‍ രംഗത്തെ  നാള്‍വഴികളെക്കുറിച്ചും അന്ന് സഹായത്തിനുതകിയ  ആളുകളെയും പേരെടുത്തു പരാമര്‍ശിച്ചാണ്  മലയാള സൈബര്‍ ചരിത്രം വിശ്വപ്രഭ സെമിനാറില്‍ അവതരിപ്പിച്ചത്. ഇപ്പോള്‍ ബോഗ്ഗിംഗ്  പുതു തലമുറയ്ക്ക് വിട്ടു കൊടുത്ത് വിക്കിപ്പീഡിയ  സജീവസാന്നിധ്യം  ആയിരിക്കുകയാണ് വിശ്വപ്രഭ.



ബ്ലോഗിങ്ങിനെ പരിപോഷിപ്പിക്കുന്ന  ഇത്തരം  ഒരു  പരിപാടി  നടത്തുവാന്‍ മുന്‍കൈയെടുത്ത  സാഹിത്യ അക്കാദമിയെ  മുക്തകണ്ഠം പ്രശംസിച്ചു കൊണ്ടാണ്   ബൂലോകത്തിന് വേണ്ടിയുള്ള  തന്റെ നന്ദി പ്രകടനത്തിന്  നിരക്ഷരന്‍ തുടക്കമിട്ടത്. സ്വാതന്ത്ര്യസമരകാലത്ത്   മുഖ്യധാരാ  മാധ്യമങ്ങള്‍  വിധേയത്വം കൊണ്ടോ ഭീതി കാരണമോ  പറയാന്‍   മടിച്ചിരുന്ന  കാര്യങ്ങള്‍ പലതും തുറന്ന് പറഞ്ഞിരുന്നത് ചെറിയ ചെറിയ സമാന്തര പ്രസിദ്ധീകരണങ്ങള്‍  ആയിരുന്നു. ഇന്ന് ആ ജോലി ഏറ്റെടുത്തിരിക്കുന്നത് മലയാളത്തിലെ ബ്ലോഗുകള്‍ ആണെന്നുള്ള ശ്രീ.സിവിൿ ചന്ദ്രന്റെ അഭിപ്രായം വലിയൊരു  അംഗീകാരമായി ബ്ലോഗര്‍മാര്‍ കാണേണ്ടതാണെന്നന്ന് നിരക്ഷരന്‍ എടുത്തു പറഞ്ഞു. മലയാളത്തിലെ മുഖ്യധാരാ എഴുത്തുകാർ, ചേതൻ ഭഗത്തിനെപ്പോലുള്ളവർ തങ്ങളുടെ സൃഷ്ടികൾ ഓൺലൈനിലൂടെ മാർക്കറ്റ് ചെയ്യുന്ന പാത പിന്തുടർന്ന് പ്രാവർത്തികമാക്കണം. അങ്ങനെ ഫലപ്രദമായ രീതിയിൽ ഓൺലൈനിൽ തങ്ങളുടെ സാന്നിദ്ധ്യം അറിയിക്കനം. കൂടുതൽ വായനക്കാരേയും ആരാധകരേയും ഓൺലൈനിൽ എത്തിക്കണം. അഞ്ചും പത്തും പുസ്തകങ്ങളൊക്കെ പ്രസിദ്ധീകരിച്ചിട്ടുള്ള പ്രമുഖ സാഹിത്യകാരന്മാർ തങ്ങളുടെ ഓരോ പുസ്തകമെങ്കിലും കോപ്പി ‘ലെഫ്റ്റ്’ ആക്കി വിക്കി ഗ്രന്ഥശാലയിലേക്ക് നൽകാൻ സന്നദ്ധരാകണം. സിനിമയും സോഷ്യൽ മീഡിയയും തമ്മിലുള്ള ബന്ധവും അദ്ദേഹം ചൂണ്ടിക്കാട്ടുകയുണ്ടായി. ഒരു   സിനിമ പുറത്തിറങ്ങി ആദ്യ ദിവസം തന്നെ വസ്തുനിഷ്ടമായ  നിരവധി  നിരൂപണങ്ങള്‍ ബ്ലോഗുകളിലൂടെ വെളിയിൽ വരുന്നു. ഒരാഴ്ച്ചയോളം കാത്തിരുന്ന ശേഷം പ്രിന്റ് മാഗസിനിലൂടെ ഒന്നോ രണ്ടോ അവലോകനങ്ങൾ മാത്രം കിട്ടിയിരുന്ന സ്ഥാനത്താണ് ബ്ലോഗുകളിൽ എല്ലാ സിനിമകളെപ്പറ്റിയും നിരൂപണങ്ങൾ കാലതാമസമില്ലാതെ ലഭിക്കുന്നത്. ബ്ലോഗ്‌ മീറ്റുകളില്‍ നിറഞ്ഞ സൌഹൃദത്തോടെ  കാണാമറയത്തിരിക്കുന്ന ബ്ലോഗര്‍മാര്‍ കൈ കൊടുത്തും കെട്ടിപ്പിടിച്ചും സംസാരിക്കുന്ന  കാഴ്ച  കാണേണ്ടാതാണെന്നും അത്തരമൊരു  കൂടിക്കാഴ്ച  ഏപ്രില്‍ 21ന് തിരൂർ തുഞ്ചൻ പറമ്പിൽ ഒരുക്കിയിട്ടുണ്ട്  എന്നും സാധിക്കുന്ന  എല്ലാ ബ്ലോഗര്‍മാരും അതിൽ പങ്കെടുക്കണം എന്നും  നിരക്ഷരന്‍ ഓർമ്മിപ്പിച്ചു. അക്കാദമി വൈസ് പ്രസിഡന്റ്‌ ആവശ്യപ്പെട്ടത് പോലെ,  ബ്ലോഗ്‌ രംഗത്ത് നിന്നുള്ള   ആവശ്യങ്ങള്‍ ക്രോഡീകരിച്ചു  നല്‍കാനും കൂടുതൽ വിശാലമായ ബ്ലോഗ് പഠനക്യാമ്പുകളോ പരിശീലന കളരിയോ സംഘടിപ്പിച്ചാൽ എല്ലാ സഹകരണവും നൽകാൻ ബ്ലോഗേർസ് തയ്യാറാണെന്നും അതിനായി  ബ്ലോഗര്‍മാര്‍ തങ്ങളുടെ  നിര്‍ദ്ദേശങ്ങളും ആവശ്യങ്ങളും  ഓൺലൈനിൽ പങ്കുവെക്കണം എന്നും   നിരക്ഷരന്‍  അഭ്യര്‍ത്ഥിച്ചു.   ഒരിക്കല്‍ക്കൂടി  ഇത്തരമൊരു പരിപാടി നടത്തിയ  സാഹിത്യ അക്കാദമിയും അതിനായി ശ്രമിച്ച  കമ്മിറ്റി അംഗങ്ങളെയും  ബൂലോകരുടെ  പേരില്‍  അകമഴിഞ്ഞ നന്ദി  അദ്ദേഹം അറിയിച്ചു.   
  
മേല്‍പ്പറഞ്ഞവര്‍ക്ക് പുറമേ കൊട്ടോട്ടിക്കാരന്‍, യൂസഫ, നിസ്സാരന്‍, വിക്കിമാന്‍, രഞ്ജിത്ത് കണ്ണൻകാട്ടില്‍, അനിമേഷ് സേവ്യര്‍,  എം. ചന്ദ്രന്‍, ടി.യു. ഷാജി,  ഉമ ഗോപിനാഥ്, ജോഹർ, മനോരാജ്   തുടങ്ങി  അന്‍പതോളം  ബ്ലോഗര്‍മാരും സോഷ്യല്‍ മീഡിയ  പ്രവര്‍ത്തകരും  ചടങ്ങില്‍  പങ്കെടുത്തു. 

2011 ന്റെ തുടക്കത്തില്‍ ആണ് നിരക്ഷരന്റെ  നേതൃത്വത്തില്‍   മറ്റു ബ്ലോഗര്‍മാര്‍ കൂടി ചേര്‍ന്ന്   ഒരു ഭീമ ഹര്‍ജി തയ്യാറാക്കി  അതില്‍  1034 ബ്ലോഗര്‍ മാരുടെ ഒപ്പുകള്‍  ശേഖരിച്ചു  സാഹിത്യ അക്കാദമിക്ക്  മുന്നില്‍ അവതരിപ്പിച്ചത്. ഏതാണ്ട്  രണ്ടു വർഷം തികയുന്ന ഈ സമയത്ത്  അര്‍ഹിക്കുന്ന ഗൌരവത്തോടെ  അത് മനസ്സിലാക്കി ബ്ലോഗര്‍മാരെ  വേണ്ട രീതിയില്‍ കാണുവാന്‍  സാഹിത്യ അക്കാഡമി  തീരുമാനിച്ചത് അഭിനന്ദനാര്‍ഹം  തന്നെ.



ബ്ലോഗ്‌  എന്ന  മാധ്യമത്തെ   അതിന്റെ സര്‍വ്വ പ്രൌഡിയോടും കൂടെ   അക്കാദമിക്ക് മുന്നില്‍   അവതരിപ്പിക്കാന്‍ ആയതും   അക്കാഡമി അവാര്‍ഡു പോലുള്ള  കാര്യങ്ങള്‍ക്ക് ഒരു ചിന്ത പകരുവാന്‍ കഴിഞ്ഞു എന്നതും  ഈ സെമിനാറിന്റെ നേട്ടമായി കരുതാം. 


പ്രിയ ബ്ലോഗര്‍മാര്‍   തങ്ങള്‍ക്കുള്ള നിര്‍ദ്ദേശങ്ങള്‍  ഇവിടെ  തുറന്നു  അവതരിപ്പിക്കും എന്ന് പ്രതീക്ഷിക്കുന്നു. 

   
റിപ്പോര്‍ട്ട്‌ : മനോരാജ് 
ചിത്രങ്ങള്‍ : ജോ ജോഹര്‍ 


39 Responses to " ബ്ലോഗെഴുത്തിന് സാഹിത്യ അക്കാദമി അവാര്‍ഡ് - അക്ബര്‍ കക്കട്ടില്‍ "

  1. പ്രിയ ബ്ലോഗര്‍മാരെ ,

    ശ്രീ.അക്ബര്‍ കക്കട്ടില്‍ ആവശ്യപ്പെട്ടതുപോലെ അക്കാദമിയോടു ഉന്നയിക്കേണ്ടുന്ന ബ്ലോഗ്‌ സംബന്ധിയായ ആവശ്യങ്ങളും മറ്റു കാര്യങ്ങളും ക്രോഡീകരിച്ചു അക്കാദമിയെ രേഖാമൂലം അറിയിക്കുവാന്‍ ഉദ്ദേശിക്കുന്നു. അതിനായി ബ്ലോഗര്‍ മാര്‍ക്കുള്ള നിര്‍ദ്ദേശങ്ങള്‍ ഇവിടെ കമന്റ് ആയി രേഖപെടുത്തുവാന്‍ അഭ്യര്‍ത്ഥിക്കുന്നു

    ReplyDelete
  2. Thanks Manoraj and Joe for sharing these news.

    ReplyDelete
  3. 1. ബ്ലോഗെഴുത്ത് രംഗത്തേക്കു വരാന്‍ ആഗ്രഹിക്കുന്ന നിരവധി പ്രതിഭാധനരായ എഴുത്തുകാര്‍ അതിനെപ്പറ്റി സാങ്കേതിക പരിജ്ഞാനമില്ലാത്തതു മൂലം മാറി നില്‍ക്കുന്നുണ്ട്. ഭൂരിപക്ഷ സാഹിത്യസ്‌നേഹികളെ ഈ രംഗത്തേക്കു കൊണ്ടുവരാന്‍ ഉപകരിക്കുന്ന ബ്ലോഗ് പരിശീലന ശില്പശാലകള്‍ വിവിധ മേഖലകള്‍ കേന്ദ്രീകരിച്ച് സംഘടിപ്പിക്കുക.
    2. പല മലയാളം ബ്ലോഗുകളിലും അക്ഷരത്തെറ്റുകളും വാചകഘടനയിലെ തെറ്റുകളും നിരവധിയാണ്. തെറ്റുകളുണ്ടായാല്‍ അവ ശ്രദ്ധയില്‍ കൊണ്ടുവരാന്‍ സഹായകമായ സൂചകങ്ങള്‍ ഇംഗ്ലീഷ് വേര്‍ഡിലേതുപോലെ മലയാളത്തിലും പ്രയോഗത്തിലാക്കുവാനുതകുന്ന സാങ്കേതിക വിദ്യ വികസിപ്പിക്കുക.

    ReplyDelete
  4. നല്ല റിപ്പോര്‍ട്ടിംഗ് .
    കുറേക്കൂടി ആളുകളെ പരിപാടിക്ക് പ്രതീക്ഷിച്ചിരുന്നു.

    ReplyDelete
  5. മലയാള ബ്ലോഗിങ്ങിന്റെ വളര്‍ച്ചയുടെ ഒരു പടിയായി ഈ മീറ്റിങ്ങിനെ കണക്കാക്കാം.അച്ചടി മാധ്യമം എത്തിപ്പിടിക്കാന്‍ കഴിയാത്ത ഒരു നിരാശ മിക്ക ബ്ലോഗര്‍മാര്‍ക്കിടയിലും ഉണ്ട്. അതിനു ഒരു ആശ്വാസമായി ഇത്.അക്കാദമിയുടെ സൈറ്റില്‍ ബ്ലോഗുകളുടെ ലിങ്ക് നല്‍കുക എന്നത് ആശാവഹമായ ഒരു കാര്യമാണ്. അതിനായി ബ്ലോഗര്‍മാരോട് ഏതെങ്കിലും ഒരു പോസ്റ്റില്‍ കമന്റായി ലിങ്ക് നല്കാന്‍ ആവശ്യപ്പെടാം. പതിനായിരത്തോളം ബ്ലോഗര്‍മാര്‍ ഉള്ളിടത്ത് അതില്‍ നിന്നും ഒരു തിരഞ്ഞെടുപ്പ് അത്യാവശ്യം. അത് പക്ഷഭേദമില്ലാതെ എങ്ങനെ തിരാഞ്ഞെടുക്കണം എന്നതില്‍ എല്ലാവരും അഭിപ്രായം പറയുക.

    ReplyDelete
  6. സഹിത്യ അക്കാദമി ബ്ലോഗ്‌ രംഗത്തുള്ളവരെയും ശ്രദ്ധിക്കാൻ തുടങ്ങിയിരിക്കുന്ന എന്നറിഞ്ഞതിൽ സന്തോഷം.
    ഇതിനു പിന്നിൽ പ്രവർത്തിച്ച എല്ലാവരെയും അനുമോദിക്കുന്നു.
    മറ്റുകാര്യങ്ങൾക്ക്‌ "ഭീമ ഹർജി" പോലെ ഒരു കൂട്ടയ്മ ഉണ്ടാവട്ടെ.
    ഇത്‌ റിപ്പോർട്ട്‌ ചെയ്തയാളോട്‌ നന്ദി അറിയിക്കുന്നു.

    ReplyDelete
  7. ഒരു മണിക്കൂറെങ്കിലും കക്കട്ടില്‍ അവിടെ ഇരിക്കേണ്ടതായിരുന്നു ... വീഡിയോ എടുക്കുന്നുണ്ട്.. ഞങ്ങള്‍ ( മുന്തിയ അക്കദമി മുനി വര്യന്മാര്‍ ) പിന്നീട് കണ്ടോളാം എന്നും പറഞ്ഞു സെക്രട്ടറിയും കക്കട്ടിലും മുങ്ങിയ വഴിയില്‍ ഒരു ശീമക്കൊന്ന പോലും മുളക്കില്ല. .. :)

    ReplyDelete
  8. പറയാന്‍ മറന്നു .. നിരക്ഷരന്റെ റിപ്പോര്‍ട്ടിംഗ് സൂപ്പര്‍..

    ReplyDelete
  9. ചുരുങ്ങിയ സമയം കൊണ്ട് ഇത്രയും സാധിച്ഛല്ലോ? എല്ലാര്‍ക്കും, പ്രത്യേകിച്ച്, മനോജിന് അഭിനന്ദനങ്ങള്‍!(കക്കട്ടില്‍ മാഷ് അത്രയും നേരമെങ്കിലും ഇരുന്നല്ലോ, കേയെം. അതിന് നന്ദി പറയൂ. അടുത്ത വട്ടം ആദ്യാവസാനക്കാരനായി ഉണ്ടാ‍യിരിക്കുമെന്നാശിക്കാം)

    ReplyDelete
  10. ഈ പരിപാടിയിൽ ബ്ലോഗിതര സാഹിത്യലോകത്തുനിന്നും ഇനിയും വേണ്ടത്ര പങ്കാളിത്തം ആയില്ല എന്ന തോന്നലുണ്ടായെങ്കിലും, തീർച്ചയായും ഈ സമ്മേളനവും മലയാളഭാഷയുടെ ചരിത്രത്തിലെ മറ്റൊരു നാഴികക്കല്ലായിത്തന്നെ മാറും.

    ഇതുവരെ നടന്നുവന്ന വഴിയല്ല നാം നേടിയതു്, പ്രത്യുത, സമൂഹത്തിൽ നിർണ്ണായകമായ സ്വാധീനം ചെലുത്തുന്ന വിധം ഗൗരവതരവും ശക്തവുമായ ഒരു ഉപാധിയായി ബ്ലോഗുലകം മാറുന്ന യഥാർത്ഥകാലം ഇനിയും വരാനിരിക്കുന്നതേയുള്ളൂ എന്നു ഞാനിപ്പോളും വിശ്വസിക്കുന്നു.

    ReplyDelete
  11. ഞാനും ഒരു പോസ്റ്റിട്ടു. എന്തായാലും ചർച്ച ഇവിടെ നടക്കട്ടെ. തിരൂർ തുഞ്ചൻ പറമ്പു മീറ്റിൽ വിശദമായി ചർച്ച ചെയ്യാനുള്ള ഒരു രൂപരേഖ “നമ്മുടെ ബൂലോകം” വ്മുശ്ക്ഴി തയ്യാറാക്കാം.

    ReplyDelete
  12. എന്റെ പോസ്റ്റിൽ നിന്ന് ചർച്ചക്കായി ഈ പ്ലോസ്റ്റിന്റെ ലിങ്ക് കൊടുക്കാം. ചർച്ച ഇവിടെത്തന്നെ നടക്കട്ടെ.

    ReplyDelete
  13. ഇത്തരം കൂട്ടായ്മയിലൂടെ ബ്ലോഗെഴുത്തുകാരെ രണ്ടാം‌തരം സാഹിത്യകാരന്മാരായി തരം താഴ്ത്തുന്ന പരിപാടി അവസാനിപ്പിക്കും എന്ന് വിശ്വസിക്കുന്നു.

    ReplyDelete
  14. പരിപാടി വളരെ ഔദ്യോദികസ്വഭാവം പുലർത്തുന്നതായി പോയി എന്നതായിരുന്നു ഒരു പോരായ്മയായി തോന്നിയത്. ഒരു സെമിനാറിൽ, പ്രത്യേകിച്ചും അത് സാഹിത്യ അക്കാദമി സംഘടിപ്പിക്കുമ്പോൾ ഔപചാരികത പൂർണ്ണമായി ഒഴിവാക്കാനാവുമെന്നും തോന്നുന്നില്ല.

    പരിചയപ്പെടൽ എന്നൊരു ചടങ്ങേ നടന്നില്ല എന്നു കരുതുന്നു. ( കുറച്ചു വൈകി എത്തിയതുകൊണ്ട് അതിനു മുമ്പേ നടന്നോ എന്നറിയില്ല ). ചടങ്ങ് തീർന്നിട്ടും അതിനുള്ള സമയമുണ്ടായിരുന്നു. അല്ലെങ്കിൽ അങ്ങനെയൊന്ന് അജണ്ടയിൽ മുമ്പേ തന്നെ ഉൾക്കൊള്ളിക്കേണ്ടതുണ്ടായിരുന്നു. എല്ലാവർക്കും സംസാരിക്കാൻ അവസരം വേണമെന്നല്ല, ഔപചാരികതകൾ ഒഴിവാക്കി, കേരളത്തിന്റെ പല കോണുകളിൽ നിന്നെത്തുന്ന ബ്ലോഗർമാർക്ക് പരസ്പരം പരിചയപ്പെടാനും ഒരുമിച്ചൊരു നേരം ഭക്ഷണത്തിനും ( അതിനു രജിസ്സ്ട്രേഷൻ ഫീ നൽകാൻ ആരും മടിക്കുമെന്ന് തോന്നുന്നില്ല ) എല്ലാം അവസരം ഒരുക്കേണ്ടതായിരുന്നു.

    സെമിനാർ നല്ല രീതിയിൽ നടന്നുവെങ്കിലും ഇതൊന്നുമില്ലാതിരുന്നതുകൊണ്ട്, ഒരു ഒത്തൊരുമയുടെ ആഹ്ലാദം അനുഭവപ്പെട്ടില്ല.

    ReplyDelete
  15. മനസ്സില്‍ ഒരായിരം കഥകളും കവിതകളുമായി, മലയാള ഭാഷ അങ്ങനെ നിറഞ്ഞു നില്‍ക്കുമ്പോള്‍, എന്‍ജിനീറിംഗ് പഠിച്ചുപോയി എന്ന ഒറ്റക്കാരാണത്താല്‍ കേരളത്തിനു പുറത്ത് 19 വര്‍ഷമായി,ജോലി ചെയ്യുകയും വീട്ടു കാര്യങ്ങള്‍ നോക്കുകയും ചെയ്യുന്ന ആളാണ്‌ ഞാന്‍. മുഖ്യ ധാരാ മാധ്യമങ്ങളിലെയ്ക്ക് എഴുതി പോസ്റ്റ്‌ ചെയ്യാനൊന്നും സാഹചര്യങ്ങള്‍ ഉണ്ടായിരുന്നില്ല. ഇന്ന് (കഴിഞ്ഞ October 2012 onwards)ആരുമറിയാതെ,ഓഫീസ് വര്‍ക്കിനിടയില്‍ ബ്ലോഗ്‌ എഴുത്ത് തുടങ്ങി. ദിവസവും ആരെങ്കിലുമായി ഞാനെഴുതിയത് വായിക്കുന്നുണ്ടെന്നറിയുമ്പോള്‍ ഉണ്ടാകുന്ന സന്തോഷം പറഞ്ഞറിയിക്കാന്‍ വയ്യ. കൂട്ടായ്മകളില്‍ ഒന്നും പങ്കെടുക്കാന്‍ എനിക്ക് പറ്റില്ല. എങ്കിലും പിന്നില്‍ പ്രവൃത്തിച്ചവര്‍ക്ക് ആശംസകള്‍.
    അനിത, ബാംഗ്ലൂര്‍.

    ReplyDelete
  16. മുഖ്യധാരാ എഴുത്തുകാർ, ബ്ലോഗെഴുത്തുകാർ എന്നിങ്ങനെ വേർതിരിവില്ലാത്തൊരു സാഹിത്യവേദിയാണ് ഞാനും സ്വപ്നം കാണുന്നത്. അതിലേക്കുള്ള പ്രയാണം തുടങ്ങിയെന്നറിഞ്ഞതിൽ വളരെ സന്തോഷം തോന്നുന്നു.
    സെമിനാറിന് എല്ലാ ആശംസകളും...

    ReplyDelete
  17. വളരെ സന്തോഷം നല്‍കുന്ന വാര്‍ത്ത നന്നായി റിപ്പോര്‍ട്ട് ചെയ്തിരിക്കുന്നു മനോരാജ്.
    കൂടുതല്‍ ചര്‍ച്ചകളും തീരുമാനങ്ങളും ഇവിടെനിന്നു ഉരുത്തിരിയും എന്ന് കരുതുന്നു.
    ബ്ലോഗ്‌ രംഗം കൂടുതല്‍ ഉയരങ്ങളിലേക്ക് എന്നത് ബ്ലോഗില്‍ ആദ്യകാലങ്ങളില്‍ വന്ന രചകളും ഇപ്പോള്‍ വരുന്ന രചനകളും തമ്മിലുള്ള താരതമ്യം തെളിയിക്കുന്നുണ്ട്.
    എല്ലാ ആശംസകളും.

    ReplyDelete
  18. ലോഗെഴുത്തും മുഖ്യധാരാ സാഹിത്യവും എന്ന വിഷയത്തിൽ ഒരു കാഴ്ചക്കാരനായി മാത്രം സെമിനാറിൽ പങ്കെടുക്കാൻ സാധിച്ചത് ഒരു ഭഗ്യമായി കരുതുന്നു. അച്ചടിസഹിത്യത്തോടൊപ്പം ബ്ലോഗു സാഹിത്യത്തെ ചേർത്തു വെക്കാനും തങ്ങൾക്കൊപ്പം ചലിക്കുന്ന സമാന്തര ശ്രേണിയായി ബ്ലോഗെഴുത്തുകരെ കാണാനും കേരളാ സാഹിത്യ അക്കാദമി തയ്യാറായി എന്നതുതന്നെ ബ്ലോഗർമാർക്കു ലഭിച്ച അംഗീകാരമാണ്. മുഖ്യധാരാ സാഹിത്യ ശാഖയിലെ പല വ്യക്തിത്വങ്ങളും കടന്നു ചെല്ലാത്ത സാഹിത്യ അക്കാദമിയുടെ അകത്തളങ്ങളിൽ ക്ഷണം സ്വീകരിച്ചു കടന്നിരിക്കാൻ സാധിച്ച ബ്ലോഗർമാർക്കേ അതിന്റെ വില മനസ്സിലാവൂ...

    ഒരു സെമിനാറിൽ പങ്കെടുക്കാൻ ചെല്ലുന്നവർക്കെല്ലാം സംവദിക്കാമെന്നോ വേദിയിൽ ഔദ്യോഗിക പരിചയപ്പെടാമെന്നോ കരുതുന്നത് വിഡ്ഢിത്തമാണ്. തൃശൂരിൽ നടന്നത് ബ്ലോഗേഴ്സ് മീറ്റല്ല. പരസ്പരം പരിചയപ്പെടാനും അറുമാദിക്കാനും ബ്ലോഗേഴ്സ്മീറ്റുക്ല് നമുക്ക് അവസരം തരുന്നുണ്ട്.

    ReplyDelete
  19. sorry my malayalam is not working. First or all, I appreciate the posting and the people's initiative in that. secondly, there are many bloggers now blogging, certainly more than 500. And on the meeting that was held on the 3rd perhaps if I count the numbers there were less than 20 bloggers. So here 20 bloggers have taken a decision binding on 500 bloggers. I see something non agreeable. So it is important to know what is the majority opinion. do the majority bloggers want to work together with sahithya academy, if so in what way, or not. Those who say it is a good idea, let us hear what are the motivations? what are the bloggers going to gain out of that. So let that discussion start, and it should be wide discussion, share it to all bloggers. let the maximum participate and if all agree then after that we look into what assistance do we want from sahithya academy.
    7

    ReplyDelete
  20. പ്രസന്ന ചേച്ചീ,

    ഈ ലിങ്ക് നോക്കൂ

    ആയിരത്തിലധികം ബ്ലോഗര്‍ മാര്‍ ഒപ്പിട്ട ഒരു ഭീമ ഹര്‍ജി ആണ് ഇത്. ഇത് പൂര്‍ണ്ണമായും പ്രിന്റ്‌ ചെയ്തു അക്കാദമിയില്‍ ഫയല്‍ ആക്കിയിട്ടുണ്ട് . അതില്‍ ഏവരും ആവശ്യപ്പെടുന്ന കാര്യങ്ങള്‍ക്ക് അനുഭാവ പൂര്‍ണ്ണമായ സമീപനം മാത്രമാണ് അക്കാദമി കൈക്കൊണ്ടിരിക്കുന്നത്. മാത്രമല്ല , ഈ സെമിനാറിനെക്കുറിച്ച് ധാരാളം പേര്‍ക്ക് അറിവുള്ളതും ഏതാണ്ട് അന്‍പതോളം പേര്‍ വരാമെന്നും സമ്മതിച്ചിരുന്നതാണ്. പിന്നെ, ഈ ഇരുപതു പേര്‍ മാത്രം ആണ് ബ്ലോഗര്‍ മാരെ മുഴുവന്‍ പ്രതി നിധീകരിച്ചു തീരുമാനം എടുത്തത് എന്ന് മാത്രം പറയരുത് , തീരുമാനങ്ങള്‍ക്കെല്ലാം ആ ഒപ്പിട്ട ആയിരത്തോളം പേരും ചേരും . പിന്നെ, ഫോട്ടോയിലെ മാത്രം എണ്ണം എടുക്കരുത് പലരും വന്നു ഒന്നോ രണ്ടോ മണിക്കൂര്‍ മാത്രം ഇരുന്നു പോയിട്ടുള്ളതാണ്. മുന്‍പ് ബ്ലോഗിന് അര്‍ഹിക്കുന്ന അംഗീകാരം ലഭിക്കുന്നില്ല എന്നതായിരുന്നു ഏവരുടെയും പരാതി. കൊച്ചി കായല്‍ മീറ്റില്‍ ഇക്കാര്യം നമ്മള്‍ സംസാരിചിട്ടുള്ളതല്ലേ , ഇപ്പോള്‍ അതിനുള്ള സാധ്യത തകള്‍ തെളിഞ്ഞു വരുമ്പോള്‍ ഇത്തരം കൊച്ചു കൊച്ചു കാര്യങ്ങള്‍ ഒക്കെ മാറ്റി വച്ച് കാര്യ സാധ്യത്തിനായി നമുക്ക് കൈ കോര്‍ത്തു , ഒത്തൊരുമിച്ചു പോകാം.

    ReplyDelete
  21. Dear Prasannakumary Raghavan!

    I am a little surprised to see the comment above!

    First of all, Bloggers are as wild a community as they could be and it should always remain so. There is no one binding factor common to all, except probably the language we use to blog. No Academy, not even a Government can hold all the bloggers together and make a unified entity.

    Secondly, as for this blog seminar, this was an initiative put forth by the Sahitya Academy itself. The bloggers primary involvement was only by attendance. As the Academy had a slot for the e-Malayalam initiative for the book festival, it was suggested that let this slot be focused upon the Malayalam blogs (and its prospects in comparison to the mainstream literature) this year.

    With the few days available for planning, the easiest way to ensure our active presence was to call up the same people who are about to conduct a grander blog meet proper in April at Thiroor. Very promptly and properly, Manoj Ravindran, Dr. Jayan Evoor and Sabu had taken up the task. A post was made by Jayan. Also we announced about the event through several social networks.


    I am not sure if Academy could help or assist the bloggers in any way. We are so independent and self-determining that we really need no help from anyone at all. But for the sake of language and society, we all (the bloggers, Academy, language, literature, culture and the public) could work much more effectively by way of synergistic co-operation.

    The event that was conducted at the Academy was not a representation or delegation of all bloggers. Instead, it was a program conducted by the Academy itself. Anyone (not even necessarily a blogger) could have attended the function. The only pro-active part we (some volunteering bloggers) did was to help the Academy by pointing out some prominent bloggers and sketching up some potential topics to ponder upon.

    If the Academy wants to help or work with the blogging movement, they could do it in their own way. However, our (any Malayalam blogger, regardless of where they are on the planet) involvement would certainly make it much more effective and long-lasting.

    I hope all bloggers could join in such efforts (such as proposing ideas and giving inputs through open discussions such as this).

    നന്ദിയോടെ,
    വിശ്വം

    ReplyDelete
  22. ബ്ലോഗർ ലീലാചന്ദ്രൻ കേരളാ സാഹിത്യ അങ്കണത്തിൽ അവതരിപ്പിച്ച കവിത ഇവിടെയുണ്ട്.

    ReplyDelete
  23. പ്രസന്നച്ചേച്ചി ജോയുടെ കമന്റ് വായിച്ചുകാണുമെന്നു കരുതട്ടെ.


    1. ഇത് കേവലം ഇരുപത് ബ്ലോഗർമാർ പോയി സാഹിത്യ അക്കാഡമിയിൽ പറഞ്ഞ് ഉണ്ടാക്കിയെടുത്ത ഒരു സംഗതിയല്ല എന്നു ബോധ്യമായിക്കാണുമല്ലോ.

    2. മലയാളത്തിൽ 500 അല്ല പതിനായിരത്തിലേറെയാണ് ബ്ലോഗർമാർ. വിവിധലോകരാജ്യങ്ങളിലായി.

    3. ഈ നടന്നത് ഒരു ബ്ലോഗർ സംഗമം അല്ല. അത് ഒരെണ്ണം ഏപ്രിൽ 21 നു നടക്കും. എന്ന് എവിടെ വച്ചു നടത്തിയാലും 100-200 പേരിൽ കൂടുതൽ പേർക്ക് ഒത്തു ചേരാനാവില്ല എന്നതാണ് നമ്മുടെ പ്രത്യേകത. അതിനു കാരണം നമ്മൾ ലോകം മുഴുവൻ ചിതറിക്കിടക്കുന്ന സമൂഹമാണെന്നതാണ്.

    4. ബ്ലോഗെഴുത്തിനെ സശ്രദ്ധം വീക്ഷിക്കുന്ന അക്കാദമി തന്നെയാണ് നമ്മെ അങ്ങോട്ടു ക്ഷണിച്ചത്. അതും പല എഴുത്തുകാർക്കും ബ്ലോഗിംഗിനോട് താല്പര്യമില്ല എന്ന വസ്തുത നിലനിൽക്കെ. ആ സ്ഥിതിക്ക് അക്കാദമി ചെയ്ത ഈ നല്ല കാര്യത്തെ പ്രശംസിക്കുകയല്ലേ വേണ്ടത്?

    5. ഈ വിഷയത്തിൽ നമുക്കെല്ലാവർക്കും ഒരേ അഭിപ്രായമുണ്ടാകണം എന്നില്ല. അതിൽ ഒരു അസ്വാഭാവികത്യും ഇല്ല. നാമെല്ലാം സ്വന്തം അഭിപ്രായങ്ങൾ ഉള്ള വ്യക്തികളാണ്. അതുകൊണ്ട് എതിർത്തും അനുകൂലിച്ചും ഉള്ള എല്ലാ അഭിപ്രായങ്ങളും ഇവിടെ പ്രകടിപ്പിക്കപ്പെടട്ടെ.

    ഭാവിയിൽ ബ്ലോഗെഴുത്ത് എങ്ങോട്ട് എന്നതിന്റെ ഭാഗധേയം നിർണയിക്കാൻ നമുക്കു കൈവന്ന ഈ അവസരം ഭംഗിയായി ഉപയോഗിക്കാം!

    ReplyDelete

  24. thanks to all those who showed the link between Academy's initiative and the mass blogger petition made in 2011,

    this was a comment i posted earlier in Manjoj R's FB post. Then he responded that it should be posted here the discussion being happening here.

    In the meantime the blog post is seemingly edited and the background story is added and a relevant link given.

    So, Viswaprabha if this link was already there or was mentioned about in some form, I would not have surprised you:)

    Any way thanks to all, who helped me to be onboard.

    ReplyDelete
  25. പണ്ട് ഗാന്ധിജിയെപ്പറ്റിയുള്ള ഈ ചർച്ച നടന്ന ബ്ലോഗിന്റെ ഉടമസ്ഥയായ മാവേലികേരളം തന്നെയല്ലേ ഈ പ്രസന്നകുമാരി രാഘവൻ? അതേയെന്നു വിശ്വസിച്ചുകൊണ്ടാണു് ഇത്ര പോയിന്റ് ബ്ലാങ്കായി അങ്ങനെ ഒരു കമന്റ് ഇട്ടതു്.

    ബ്ലോഗുകൾ നിർവീര്യമായിട്ടോ അവയുടെ പ്രസക്തി ഇല്ലാതായിട്ടോ അല്ല പല ആദ്യബ്ലോഗർമാരും ബ്ലോഗിൽ നിന്നും ഒഴിഞ്ഞുനിൽക്കുന്നതു്. ഇന്റർനെറ്റിലൂടെ സമൂഹവുമായി സംവദിക്കാൻ ഇങ്ങനെയും ഒരു മാർഗ്ഗമുണ്ടെന്നു കാണിച്ചുകൊടുക്കുകയായിരുന്നു അവരുടെ അക്കാലത്തെ ധർമ്മം.

    യഥാർത്ഥത്തിൽ ബ്ലോഗുകളുടെ കർമ്മനിരതമായ യുഗം ഇനിയും വരാനിരിക്കുന്നതേയുള്ളൂ. നാം അങ്ങോട്ട് ആവശ്യപ്പെട്ടാലും ഇല്ലെങ്കിലും മറ്റുള്ളവർ നമ്മെ പരിഗണിക്കുക തന്നെ വേണ്ടിവരുന്ന ഒരു കാലം വളരെ അടുത്താണു്. ബ്ലോഗുകളുടെ ആ രണ്ടാംതിര വരുമ്പോൾ എന്തൊക്കെ സംഭവിക്കാം എന്നതിന്റെ സൂചനകൾ അറിഞ്ഞുകൂട്ടാൻ ഇതുപോലുള്ള സെമിനാറുകൾ സഹായിക്കും.

    ബ്ലോഗർമാർ അധികം ഉണ്ടായിരുന്നില്ല എന്നതല്ല എന്നെ വ്യക്തിപരമായി സങ്കടപ്പെടുത്തിയതു്. ബ്ലോഗർമാരല്ലാത്തവർ തീരെ കുറഞ്ഞുപോയല്ലോ എന്നതായിരുന്നു. എങ്കിൽപ്പോലും സന്തോഷം തോന്നി. അഞ്ചാറുകൊല്ലം മുമ്പ് ആദ്യത്തെ ബ്ലോഗ് മീറ്റുകൾ നടത്തുമ്പോളത്തെപ്പോലെ, "ഈ ബ്ലോഗ്, ബ്ലോഗ് എന്ന്ച്ചാ എന്താ കുന്തം?" എന്നു വിശദീകരിക്കാൻ ഉള്ള സമയം മുഴുവൻ ചെലവാക്കേണ്ടി വന്നില്ലല്ലോ, പകരം പൊതുജനങ്ങളൊക്കെ ബ്ലോഗിങ്ങിന്റെ സാമൂഹ്യ-സാഹിത്യ ധർമ്മങ്ങളെപ്പറ്റി ചർച്ച ചെയ്യാൻ പാകത്തിലുള്ള ഒരു തലത്തിലേക്കു് നേരിട്ട് എത്തിപ്പെട്ടിട്ടുണ്ടല്ലോ എന്നതായിരുന്നു.

    ബ്ലോഗ് മീറ്റുകൾ നമ്മെ നമുക്കിടയിൽ തന്നെ സ്വയം കണ്ടെത്താൻ ശ്രമിക്കുമ്പോൾ ഇത്തരം സമ്മേളനങ്ങൾ മറ്റുള്ളവർക്കു് നമ്മെ കണ്ടെത്താൻ വഴിയൊരുക്കുന്നു. രണ്ടിനും വെവ്വേറെ മെച്ചങ്ങളും ലക്ഷ്യങ്ങളുമുണ്ടു്.

    ഇനിയും ഇവിടെ കമന്റുകളൊക്കെയായി കൂടിയാൽ ഞാൻ വീണ്ടും ബ്ലോഗുലകത്തിലേക്കു് മയങ്ങിവീഴുമോ എന്ന പേടിയോടെ,
    ഒരു പഴേ ബ്ലോഗർ.
    :)

    ReplyDelete
  26. To all the people responded to my comment, thanks for the information.

    I also had read about this initiative from Dr, Jayans' blog, there was no information there that it was a followup of of the petition given by the bloggers earlier in 2011.

    I posted this comment in the morning in Manoj R's FB post. But he mentioned in his reply that I should post it here, that the discussion is happening here.

    but by that time the blog post was seemingly edited and there it was linked with the old petition,

    so now I can link between the two.
    thanks again for that information.

    Also, I am not saying that we all should have the same opinion. MY concern is how as a blogger I am benefiting out of this association.

    ReplyDelete
  27. ബ്ലോഗ് നിലവില്‍ വന്ന കാലം മുതല്‍ അതിന് വളരെ പ്രസക്തിയുണ്ടെന്ന് വിശ്വസിക്കുന്ന ഒരു സാഹിത്യകുതുകിയാണു ഞാന്‍. കാരണം -

    (1)എഴുതുന്നതെന്തും എഴുതിയ ഉടന്‍ ലോകത്തിന്റെ മുക്കിലും മൂലയിലും എത്തിച്ചേരുകയും, അതിന് അനുകൂലമായാലും, പ്രതികൂലമായാലും ചൂടോടെ അഭിപ്രായം ലഭിക്കുകയും അത് രചയിതാവിന് നേരിട്ട് കാണാനും കഴിയുന്നു എന്നതു തന്നെ. മുഖ്യധാരാ എഴുത്തുകാരുടെ കൃതികള്‍ പ്രസിദ്ധീകരിക്കുന്ന ആനുകാലികങ്ങളില്‍ എത്ര പേര്‍ അഭിപ്രായം എഴുതും? ഇനി എഴുതിയാല്‍ തന്നെ എത്ര പേര്‍ അത് എഡിറ്റര്‍ക്ക് അയച്ചു കൊടുക്കും? ഇനി അയച്ചുകൊടുത്താല്‍ തന്നെ ഏത് അഭിപ്രായം ഇടണമെന്നുള്ളത് എഡിറ്ററുടെ മാനസികാവസ്ഥയ്ക്കനുസരിച്ചിരിക്കും.

    (2) ആരെഴുതുന്നു എന്നത് നോക്കിയല്ല, ബ്ലോഗ് വായനക്കാര്‍ അഭിപ്രായം എഴുതുന്നത്, മറിച്ച് ‘എന്തെഴുതുന്നു’ എന്ന് നോക്കിയാണ് (പരസ്പര സഹായ സഹകരണ ഗ്രൂപ്പുകളെ - പുറം ചൊറിയുന്ന കൂട്ടുകാരെ - മറന്നുകൊണ്ടല്ല ഞാനിത് പറയുന്നത്. അതിനപ്പുറം എഴുതുന്നതെന്താണെന്നുള്ള ഒരു പ്രസക്തി ബ്ലോഗിലുണ്ട് എന്ന് കരുതുന്നവര്‍ ഒരുപാടുണ്ട്. ഇത് സാദ്ധ്യമാവുന്നത് ഒരു ബ്ലോഗിന്റെ ആകര്‍ഷണീയത അതിന്റെ ഉള്ളടക്കം ആയതുകൊണ്ടാണ്. പക്ഷെ ആനുകാലികങ്ങളുടെ നിലനില്പ് കവര്‍ പേജില്‍ അറിയപ്പെടുന്ന എഴുത്തുകാരന്റെ പേരും കഥയും രേഖപ്പെടുത്തുന്നതിലാണ്. ആ കഥ ചിലപ്പോള്‍ ഒരു തുടക്കക്കാരന്റെ കഥയേക്കാള്‍ മോശമായാല്‍ പോലും അച്ചടിച്ചിരിക്കും എന്നത് വേറെ കാര്യം - ഇതിനെ കുറിച്ച് മുമ്പൊരിക്കല്‍ സാഹിത്യവാരഫലത്തില്‍ എം.കൃഷ്ണന്‍ നായര്‍ എഴുതിയിരുന്നു.

    എന്തുകൊണ്ടാണ് ബ്ലോഗേഴ്സിന് തങ്ങള്‍ (വ്യക്തിയല്ല)മുഖ്യധാരാ സാഹിത്യകാരന്മാരേക്കാള്‍ പിന്നിലാണെന്ന് തോന്നുന്നതെന്ന് പരിശോധിക്കുമ്പോള്‍ മനസ്സിലാവുന്നത്, ബ്ലോഗ് എത്തിച്ചേരുന്നത് വിദ്യാസമ്പന്നരും, കമ്പ്യൂട്ടറില്‍ ജോലി ചെയ്യുന്നവരിലുമാണ്. അതിനപ്പുറത്തുള്ളവരിലേക്കും ബ്ലോഗ് എത്തിച്ചേരാത്തിടത്തോളം ബ്ലോഗേഴ്സിന് ഇത്തരമൊരു കോമ്പ്ലക്സ് ഉണ്ടാവുക സ്വാഭാവികം. മറ്റൊന്ന്, കമ്പ്യൂട്ടറിലെ വായന എപ്പോഴും ഒരു രണ്ടു ഖണ്ഡികയില്‍ കൂടുതല്‍ താല്പര്യപ്പെടുന്നവര്‍ പൊതുവെ കുറവായിരിക്കും. അത്രയ്ക്ക് താത്പര്യം തോന്നുന്നവര്‍ മാത്രമാണ് കൃതിയുടെ പ്രിന്റ് ഔട്ട് എടുത്ത് വീട്ടിലോ, യാത്രയിലോ വായിക്കുന്നത്..
    ഇങ്ങനെ നോക്കുമ്പോള്‍ വിശ്വപ്രഭയുടെ അഭിപ്രായത്തിനോട് ചേര്‍ന്ന് നില്‍ക്കാനാണ് എനിക്കാഗ്രഹം.. കാരണം ബ്ലോഗേഴ്സിന്റെ അഭാവത്തേക്കാള്‍ അദ്ദേഹത്തെ അസ്വസ്ഥനാക്കിയത് ബ്ലോഗേഴ്സ് അല്ലാത്തവരുടെ സാന്നിദ്ധ്യമില്ലായ്മയാണ്..

    ഇതൊന്നും അക്കാദമിക്ക് നല്‍കാവുന്ന സഹായ കമന്റുകളല്ലാ എന്നെനിക്കറിയാം. കാരണം ഞാന്‍ വിശ്വസിക്കുന്നത് വായനക്കാരുടെ വലിയ ഒരു ലോകം ഉണ്ടാവുമ്പോള്‍ അക്കാദമിയും, സര്‍ക്കാരും എല്ലാവര്‍ക്കും ബ്ലോഗേഴ്സിനെ കണ്ടില്ലെന്ന് നടിക്കാന്‍ പറ്റാതെ വരും എന്ന് തന്നെയാണ്.

    എല്ലാവരും ഇലക്ട്രോണിക് മീഡിയയില്‍ മുഴുകുന്ന കാലത്ത് അച്ചടി മാധ്യമം ഇന്ന് ബ്ലോഗേഴ്സ് അനുഭവിക്കുന്ന മാനസികഭാവത്തിലായിരിക്കും എന്ന് ഭാവനയില്‍ കണ്ടുകൊണ്ട് സസ്നേഹം/മുരളി

    ReplyDelete
  28. "......എല്ലാവരും ഇലക്ട്രോണിക് മീഡിയയില്‍ മുഴുകുന്ന കാലത്ത് അച്ചടി മാധ്യമം ഇന്ന് ബ്ലോഗേഴ്സ് അനുഭവിക്കുന്ന മാനസികഭാവത്തിലായിരിക്കും എന്ന് ഭാവനയില്‍ കണ്ടുകൊണ്ട്...."

    മുരളി പറഞ്ഞത് തീര്‍ത്തും വാസ്തവമാണ്. അങ്ങനെ കാലം വന്നേക്കാം എന്നല്ല വരും. സാങ്കേതിക വിദ്യകള്‍ മാറി മറിഞ്ഞു കൊണ്ടിരിക്കുന്ന ഈ ശാസ്ത്ര ലോകത്ത് ഒരു പക്ഷെ കടലാസ്സും എഴുത്താണികളും എല്ലാം സ്മാരകങ്ങളായി മാറിയേക്കാം; ഒരു പക്ഷെ ഈ മാറ്റം മുന്നില്‍ കണ്ടു കൊണ്ടാകാം അക്കാദമി കാലത്തിനൊത്തു നീങ്ങുവാന്‍ തീരുമാനിച്ചതും.

    ".....do the majority bloggers want to work together with sahithya academy, if so in what way, or not....."

    ഇത്തരം ഒരു പരിപാടി രൂപീകരിക്കുന്നതിലൂടെ എല്ലാ ബ്ലോഗര്‍മാരും സാഹിത്യ അക്കാദമിക്ക് വിധേയരായി മാറുന്നു എന്ന് അര്‍ത്ഥമില്ല. മുഖ്യ ധാരയിലും അങ്ങനെ തന്നെ ആണ്. രണ്ടു പുസ്തകങ്ങളുടെ പ്രസാധകന്‍ എന്ന നിലയിലും സാഹിത്യ അക്കാദമി പരിഗണനക്കായി പുസ്തകങ്ങള്‍ സമര്‍പ്പിച്ചിരുന്നതിന്റെയും അനുഭവം ഉള്‍ക്കൊണ്ടു കൊണ്ട് പറയട്ടെ , അക്കാദമി അവാര്‍ഡിന് പരിഗണിക്കേണ്ട പുസ്തകങ്ങള്‍ അവര്‍ അവാര്‍ഡു നല്‍കുന്ന വിവരം വെബ്‌ സൈറ്റിലൂടെയും പത്ര മാധ്യമങ്ങളിലൂടെയും പരസ്യപ്പെടുത്തുമ്പോള്‍ ടി പുസ്തകങ്ങളുടെ മൂന്നു കോപ്പി നല്‍കി നാം തന്നെ അപേക്ഷിക്കണം. അക്കാദമി പരിപാടികളോട് അസഹിഷ്ണുത ഉള്ളവര്‍ പുസ്തകം സമര്‍പ്പിക്കാതെ മാറി നിന്നാല്‍ മതി. ഏതാണ്ട് ഇത് പോലെ തന്നെ ആയിരിക്കും ബ്ലോഗിനെയും പരിഗണിക്കുന്നത് . താല്‍പ്പര്യമുള്ളവര്‍ക്ക് ബ്ലോഗ്‌ കൃതികള്‍ സമര്‍പ്പിക്കാം. ബ്ലോഗ്‌ ക്യാമ്പുകളില്‍ പങ്കെടുക്കാം.

    ബ്ലോഗുകള്‍ പരിഗണിക്കുമ്പോള്‍ ഉള്ള മാര്‍ഗ നിര്ദ്ദേശങ്ങളും നിയമാവലികളും ഉള്‍പ്പെട്ട ഒരു സംഗ്രഹം എങ്ങനെ ആയിരിക്കണം എന്നറിയാന്‍ വേണ്ടിയാണ് ബ്ലോഗര്‍മാരോട് നിര്‍ദ്ദേശങ്ങളും അഭിപ്രായങ്ങളും തേടുന്നത്. ഉദാഹരണമായി, ഒരു ബ്ലോഗില്‍ നിന്നുള്ള ഒരു പോസ്റ്റ്‌ മാത്രം വളരെ മികച്ച നിലവാരം പുലര്‍ത്തുന്നു എങ്കില്‍ അതിനെ പരിഗണിച്ചു അവാര്‍ഡു നല്‍കപ്പെട്ടാല്‍ ഒരു പക്ഷെ , അത് അര്‍ഹമായ അംഗീകാരം എന്ന് പറയാന്‍ സാധിക്കില്ല, മറിച്ചു അവാര്‍ഡിനായി പരിഗണിക്കുന്ന കാലയളവില്‍ ആ ബ്ലോഗില്‍ എഴുതിയിട്ടുള്ള ആറോ അല്ലെങ്കില്‍ ഒരു മിനിമം എണ്ണമോ ഉള്ള എഴുത്തുകള്‍ കൂടി പരിഗണിച്ചു വേണം അവാര്‍ഡു നല്‍കുവാന്‍ എന്ന മാനദണ്ട്ടങ്ങള്‍ ഉപയോഗപ്പെടുത്തണം എന്നുള്ള തരത്തില്‍ ഉള്ള നിര്‍ദ്ദേശങ്ങള്‍ ആണ് ബ്ലോഗര്‍മാരില്‍ നിന്നും പ്രതീക്ഷിക്കുന്നത് . അക്കാര്യമാണ് ഇവിടെ കമന്റായി രേഖപ്പെടുത്തുന്നതില്‍ നിന്നും ക്രോഡീകരിച്ചു അകാദമിക്കു നല്‍കുവാന്‍ ഉദ്ദേശിക്കുന്നത് .

    ഇനി ഫോട്ടോ ബ്ലോഗുകളുടെ കാര്യത്തില്‍ ആണെങ്കില്‍ , കാര്യം അല്‍പ്പം വ്യത്യസ്തമാണ്. ഫോട്ടോ ബ്ലോഗുകള്‍ സാഹിത്യ അക്കാദമി പരിഗണിക്കേണ്ടതില്ല , കാരണം ഫോട്ടോഗ്രഫി എന്നാ കലയ്ക്കു ലളിതകലാ അക്കാദമി പ്രത്യേക അവാര്‍ഡു തന്നെ നല്‍കുന്നുണ്ട്. താല്പര്യമുള്ള ഫോട്ടോ ബ്ലോഗര്‍മാര്‍ക്ക് ലളിത കലാ അക്കാദമിയില്‍ അവര്‍ നിര്‍ദ്ദേശിക്കുന്ന സമയത്ത് നിബന്ധനകള്‍ മാനിച്ചു ഫോട്ടോകള്‍ അയച്ചു കൊടുക്കാം. അവിടെ പരിഗണന ഫോട്ടോ ബ്ലോഗിനല്ല , മറിച്ചു ഫോട്ടോഗ്രാഫര്‍ക്കായിരിക്കും



    ചര്‍ച്ചകള്‍ തുടരട്ടെ .........

    ReplyDelete
  29. ഈ മുഖ്യധാരാ എഴുത്ത് ബ്ലോഗെഴുത്ത് എന്നു രണ്ടുണ്ടോ.... നിത്യനു അത്രകണ്ടു മനസ്സിലാവുന്നില്ല. പണ്ട് ഷാ അതായത് സാക്ഷാല്‍ ജോര്‍ജു ബര്‍ണാഡ് ഷാ എഴുതിയകാലത്ത് കൊല്ലങ്ങളോളം അദ്ദേഹത്തിന്റെ കൃതികളൊന്നും പ്രസിദ്ധീകരിക്കാന്‍ മുഖ്യധാരാ നാറികള്‍ തയ്യാറായിരുന്നില്ല. ഒടുവില്‍ അക്കാലത്ത് ആദ്യമായി ഒരാള്‍ മൂപ്പരുടെ നാടകം പ്രസിദ്ധീകരിച്ചു. എങ്ങിനെയോ അതൊരു അക്കാലത്തെ മികച്ച ക്രിട്ടികിന്റെ ശ്രദ്ധയില് പെടുകയും ചെയ്തു. മൂപ്പര്‍ അതിനെ അര്‍ഹിക്കുന്ന രീതിയില്‍ വിലയിരുത്തി. പിന്നീട് മുഖ്യധാരാ പ്രസാധക നാറികളെല്ലാം ഷായുടെ മുറ്റത്തു കുത്തിയിരിപ്പായിരുന്നു. അന്ന് നാട്ടിലെ ആരും ആദരിക്കുന്ന മുഖ്യപ്രസിദ്ധീകരണക്കാരുടെ തലവന്‍ ഷായ്ക്ക് എഴുതി ..... Sir, Better Late than Never.
    ഷാ അതേ കടലാസില്‍ മറുപടിയെഴുതി...... Sir, Better Never than Late......
    ഷായുടെ കൃതികള്‍ പിന്നീടെല്ലാം പ്രസിദ്ധീകരിച്ചത് ആദ്യകൃതി പ്രസിദ്ധീകരിച്ചയാളായിരുന്നു. അയാളാവട്ടെ ഷായുടെ പ്രസാധകന്‍ എന്ന നിലയില്‍ പ്രസിദ്ധനാവുകയും ചെയ്തു. ഇതു ചരിത്രം.

    ReplyDelete
  30. ഒരുപാട് ബ്ലോഗര്‍ മാരെ കാണാം എന്നാണ് ഞാന്‍ വിചാരിചത്. പത്രത്തില്‍ ന്യൂസ്‌ വന്നില്ല, അതിനാല്‍ പലര്‍ക്കും വരാനായില്ല . എന്നാലും പത്തില്‍ താഴെ ബ്ലോഗര്‍ മാരെ കാണാ സാധിച്ചു

    ReplyDelete
  31. പരിപാടിക്ക് വന്നിരുന്നു. സംഗീത അക്കാദമി പരിസരത്തെ മരം മുറി പ്രശ്നവുമായി അങ്ങോട്ട്‌ പോകേണ്ടി വന്നതിനാല്‍ അവസാനത്തെ ഒന്ന് രണ്ടു പ്രസംഗങ്ങള്‍ ശ്രവിച്ചില്ല. ഒരു ചര്‍ച്ച ആയിരുന്നു പ്രതീക്ഷിച്ചിരുന്നത്. സാഹിത്യ അക്കാദമി വിളിച്ചു വരുത്തിയത് തന്നെ വലിയ കാര്യം തന്നെയാണ്.

    ReplyDelete
  32. ആദ്യമായി തന്നെ ഇതിനെ
    കുറിച്ച് പ്രഥമ റിപ്പോർട്ടിട്ടതിന് മനോവിനും,ജോക്കും ഇരു നല്ല നമസ്കാരം..

    ചർച്ചകളെല്ലാം കാണുന്നൂ..കേൾക്കുന്നൂ..

    ReplyDelete
  33. ചില സംശയങ്ങൾ ബാക്കി നിൽക്കുന്നു.

    "ബ്ലോഗുകള്‍ പരിഗണിക്കുമ്പോള്‍ ഉള്ള മാര്‍ഗ നിര്ദ്ദേശങ്ങളും നിയമാവലികളും ഉള്‍പ്പെട്ട ഒരു സംഗ്രഹം എങ്ങനെ ആയിരിക്കണം എന്നറിയാന്‍ വേണ്ടിയാണ് ബ്ലോഗര്‍മാരോട് നിര്‍ദ്ദേശങ്ങളും അഭിപ്രായങ്ങളും തേടുന്നത്”.

    ഇവിടെ ആരാണ് അവാർഡ് കൊടുക്കുന്നത് എന്നുള്ളതാണ് തീരുമാനം. സാഹിത്യ അക്കാദമി; അപ്പോൾ പിന്നെ അതിനുള്ള നിർദ്ദേശങ്ങളും നിയമാവലിയും അവർ തന്നെയല്ലേ കൊണ്ടൂ വരേണ്ടത്.

    അതായ്ത് ബ്ലോഗിലെ ക്രൃതികളൂം പബ്ലീഷ്ഡ് കൃതികളും തമ്മിൽ വളരെ വളരെ വ്യത്യാസങ്ങളൂണ്ട്. രണ്ടും സമാന്തരങ്ങളു തന്നെയല്ല;( ആവ്യത്യാസങ്ങളിലേക്ക് കടക്കുന്നില്ല) ബ്ലോഗിൽ എഴുതുന്ന പല ആശയങ്ങളും സ്വതന്ത്രമായ ചിന്തകളാണ്; എന്നാൽ പ്രസിദ്ധീകരണങ്ങൾ (മുഖ്യ ധാരാ പ്രസിദ്ധീകരണങ്ങൾ) അങ്ങനെ സ്വന്തന്ത്ര പ്രസിദ്ധീകരണങ്ങൾ അല്ല; അവ കേരളത്തെ സംബന്ധിച്ച ചില പ്രത്യേക മാമൂലുകൾ വച്ചു പുലർത്തുന്നവയാണ്. സാഹിത്യ അക്കാദമി, ആ കൂട്ടത്തിൽ നിന്നാണ് അവാർഡുകൾ നൽകുന്നത്; അപ്പോൾ അ) ആരാണ് അവയുടെ ക്രൈറ്റീരിയ നിർണയിക്കുന്നത്, എഴുതുന്നവരാണോ, അല്ലല്ലോ? ബി) അതേ പോലെയുള്ള ഒരു സാഹചര്യമാണ് ഇവിടെയുമുള്ളത്; ബ്ലോഗിൽ അവാർഡ് വരുമ്പോൾ എങ്ങനെയാണ് അത് ബ്ലോഗെഴുത്തുകാരു തീ‍രുമാനിക്കുന്നത്? മനസിലാകുന്നില്ല;

    ഇനി വേറൊരു തലത്തിൽ ചിന്തിച്ചാൽ, ഈ സാഹിത്യാക്കാദമിയിലുള്ളവർ ഈ മാമൂൽ എഴുത്തുകാരാണ്; അതു കൊണ്ട് അവർക്ക് സാഹിത്യാക്കാദമി അവാർഡ് ക്രൈറ്റീറിയ അവരുടെ കമ്മിറ്റികളിൽ തീരുമാനിക്കാം, എന്നാൽ ഇവർ ബ്ലോഗേഴ്സ് അല്ല; അതുകൊണ്ട് അവർക്കു ബ്ലോഗെഴുത്തിനെക്കുറിച്ച് കാര്യമായി ഒന്നും അറിഞ്ഞുകൂടാ; അപ്പോൾ പിന്നെ അവർക്ക് ബ്ലോഗ് അവാർഡ് ക്രൈറ്റീരിയ അറിഞ്ഞുകൂടാ എന്നതിൽ കാര്യമുണ്ട്; അപ്പോൾ പിന്നെ അതാരാണ് തീരുമാനിക്കുന്നത് ബ്ലൊഗേഴ്സ്; പത്തായിരത്തിൽ ചില്വാനം ബ്ലോഗ്രേഴ്സ് എവിടെ? ഇതു വരെ ആരും ക്രറ്റീരിയ കൊണ്ടു വരുന്നില്ല. 1000 പേരിൽ 501 പേരെങ്കിലും പറഞ്ഞെങ്കിലേ അതിനു വാലിഡിറ്റി വരു.

    അപ്പോൽ ഇങ്ങനൊക്കെയുള്ള ചില കാര്യങ്ങൾ ഉള്ളതു കൊണ്ടാണ് എഴുതുന്നത്; ഇതൊക്കെ അടിസ്ഥാനപരമായ സംശയങ്ങളാണ്. ഇതിനു മറുപടീ താല്പര്യമില്ലെങ്കിൽ മാറി നിൽക്ക് എന്നല്ല ഉത്തരം.



    ReplyDelete
  34. അനിവാര്യമായതു സംഭവിക്കും എന്ന പ്രത്യാശ യാതാർത്ഥ്യമായിത്തുടങ്ങുന്നു എന്നു സാരം. മുഖ്യ ധാരാ, അല്ലാത്ത ധാര എന്ന അതിർവരമ്പുകൾ അപ്രസക്തമാകുമെന്ന പ്രവചനങ്ങൾ ശരിയായി ഭവിച്ചുതുടങ്ങിയിരിക്കുന്നു. ഈ ഒരു മാറ്റം മലയാള സാഹിത്യ ചരിത്രത്തിലെ ഒരു വഴിത്തിരിവാണ്. ഇനി നാം കൈകോർക്കുക. പുത്തൻ തിരിച്ചറിവുകൾക്ക് അനുസൃതമായി സാഹിത്യ അക്കാഡമി അവസരത്തിനൊത്ത് ഉയരുന്നുവെന്ന് അറിയുന്നത് ഏറെ സന്തോഷകരമാണ്. ഇങ്ങനെയൊരു സംഗമം നടക്കാൻ അവസരമൊരുക്കിയതിനു പിന്നിൽ പ്രവർത്തിച്ച എല്ലാവർക്കും നന്ദി. കാര്യങ്ങളെ നാം പോസിറ്റീവായി കാണണം. ഇവിടം മുതൽ ബ്ലോഗ്ഗർമാരും കൂടുതൽ ഉത്തരവാദിത്വബോധമുള്ളവരായും മാറേണ്ടതുണ്ട്. അംഗീകരിക്കപ്പെട്ട ഒരു മാധ്യമത്തിന്റെ ഭാഗമാണ് നമ്മളും എന്ന തിരിച്ചറിവിൽ നാം അഭിമാനിക്കുന്നതോടൊപ്പം കൂടുതൽ ഗൌരവത്തോടെ നമ്മൾ നവമാധ്യമസാദ്ധ്യതകളെ സമീപിക്കണം.

    ReplyDelete
  35. ശരിയാണ്,
    നാം ആഗ്രഹിക്കുന്നതൊക്കെ നമുക്ക യഥാകാലമല്ലല്ലോ ലഭ്യമകുന്നത്. ലഭിക്കുമ്പോൾ വേണ്ടെന്നു വെക്കാറുമില്ല. ഇനി അവാർഡുകളുടെ കാര്യമാണെങ്കിൽ അവാർഡിന് അപേക്ഷിച്ചു സമർപ്പിക്കുന്നവയിൽ നിന്ന് തെരഞ്ഞെടുക്കുന്ന സൃഷ്ടികൾക്കും പുസ്തകങ്ങൾക്കുമാണ് സാധാരണ അവാർഡ് കൊടുക്കുന്നത്. നല്ല ബ്ലോഗിനോ ബ്ലോഗർക്കോ അവാർഡു കൊടുക്കുന്നുണ്ടെങ്കിൽ താല്പര്യമില്ലാത്തവർ അപേക്ഷ സമർപ്പിക്കാതിരുന്നൽ മതി. കാര്യങ്ങളെ പോസിറ്റീവായി കാണാനാണ് ശ്രമിക്കേണ്ടത്. ക്ര്യാത്മകങ്ങളായ നിർദ്ദേശങ്ങൾ കേരളാ സാഹിത്യ അക്കാദമി നമ്മോട് ആവശ്യപെട്ടിട്ടുണ്ടെങ്കിൽ നമുക്ക് അതെത്തിച്ചു കൊടുക്കാൻ ശ്രമിക്കാം... എന്തായാലും സാഹിത്യ അക്കാദമി അവാർഡുകൾ മറ്റുള്ളവരെ ബോധ്യപ്പെടുത്തി പറ്റിക്കനുള്ളതാണെന്നു തോന്നുന്നില്ല.

    ReplyDelete
  36. ഗൗരവപൂര്‍വ്വം വായിക്കുന്നവര്‍ മിക്കവരും ഇന്റര്‍നെറ്റ്‌ ഉപയോഗിക്കുന്നവരല്ല. അതുകൊണ്ടുതന്നെ ബ്ലോഗ്‌ രചനകള്‍ അവരുടെ മുന്നിലെത്തുന്നില്ല എന്നതാണ് സത്യം. അതിനുള്ള നടപടി സാഹിത്യ അക്കാദമിയുടെ ഭാഗത്ത്നിന്നുണ്ടാവണം.

    ReplyDelete
  37. എസ്.എം.എസ്സുകള്‍ക്കും സാഹിത്യ അക്കാദമി അവാര്‍ഡ് ഏര്‍പ്പെടുത്തണം !
    ബ്ലോഗെഴുതി തളര്‍ന്നുകൊണ്ടിരിക്കുന്ന ബ്ലോഗര്‍മാരുടെ കുരുന്നു മനസ്സുകളുടെ പ്രചോദനത്തിനും, ആശ്വാസത്തിനുമായി ചോറ്റു പാത്രം, പെന്‍സില്‍ ബോക്സ്,വാട്ടര്‍ ബോട്ടില്‍, വെള്ളം ചീറ്റിക്കുന്ന പോപ്പി കളര്‍ കുടകള്‍ , സോപ്പുപെട്ടി,മെഡലുകള്‍ , ഷീല്‍ഡുകള്‍ , ക്രയോണ്‍സ്, കളറിങ്ങ് ബുക്ക് , മുതലായ സമ്മാനങ്ങള്‍ സര്‍ക്കാര്‍ അവാര്‍ഡുകളായി വാങ്ങി വിതരണം ചെയ്യാനുള്ള ആലോചന എന്തുകൊണ്ടും സ്വാഗതാര്‍ഹമാണെന്ന് ചിത്രകാരനും വിശ്വസിക്കുന്നു. ഭാഗ്യത്തിന് അപേക്ഷ കൊടുക്കുന്നതിന്റെ അടിസ്ഥാനത്തില്‍ മാത്രമേ അവാര്‍ഡുകള്‍ വിതരണം ചെയ്യു എന്ന് ഉത്തരവാദിത്വപ്പെട്ടവര്‍ ആദ്യമേ നിഷ്കര്‍ഷ പുലര്‍ത്തുന്നു എന്നതും സന്തോഷകരമായ കാര്യമാണെന്ന് പറയാതെവയ്യ.

    കേരള സാഹിത്യ അക്കാദമിയുടെയും ബ്ലോഗ് ഉടമകളായ നവ വിര്‍ച്ച്വല്‍ സാഹിത്യകാരന്മാരുടേയും തിരുവുള്ളങ്ങളിലേക്ക് ചിത്രകാരന് വിനീതമായി അപേക്ഷിക്കാനുള്ളത് : ബ്ലോഗുകളേക്കാള്‍ വിസ്തൃതവും ജന സംഖ്യയേ കവച്ചുവക്കുന്നതുമായ ബഹുഭൂരിപക്ഷത്തിന്റെ ജനകീയ മാധ്യമമായ മൊബൈല്‍ ഫോണുകളുടെ രോമാഞ്ചമായ എസ്.എം.എസ്സുകള്‍ക്കുകൂടി അര്‍ഹമായ പ്രാതിനിധ്യം കിട്ടുന്നവിധത്തില്‍ അവാര്‍ഡിന്റെ പരിധി വിപുലപ്പെടുത്തണമെന്നതാണ്.

    എസ്.എം.എസ്. മെസ്സേജുകള്‍, ട്വിറ്റര്‍ മെസ്സേജുകള്‍, ഫേസ് ബൊക്ക് പോസ്റ്റുകള്‍ , ഓര്‍ക്കുട്ട് , ഗൂഗിള്‍ പ്ലസ്സ് സൃഷ്ടികള്‍ തുടങ്ങിയ മൈക്രോബ്ലോഗുകളെ എല്ലാം ഉള്‍പ്പെടുന്ന തരത്തില്‍ അവാര്‍ഡ് നിര്‍ണ്ണയം നടത്തി, റേഷന്‍ കടകളിലൂടെയും മൊബൈല്‍ റീചാര്‍ജ്ജ് പെട്ടിക്കടകളിലൂടെയും ആവശ്യക്കാര്‍ക്ക് അപേക്ഷ കൊടുക്കുന്നതിന്റെ മുന്‍‌ഗണനാ ക്രമത്തില്‍ സാഹിത്യ അക്കാദമി ബ്ലോഗ് അവര്ര്ഡുകള്‍ വിതരണം ചെയ്യുന്ന ഒരു കിണാശ്ശേരി സ്വപ്നം കാണാന്‍ നമുക്ക് കഴിയട്ടെ .
    നവ മാധ്യമമായ ബ്ലോഗിന്റെ ആധാര്‍ കാര്‍ഡിനുവേണ്ടി സാഹിത്യ അക്കാദമിയില്‍ ക്യൂ നില്‍ക്കുന്ന ബ്ലോഗ് ഉടമകള്‍ക്കും നവമാധ്യമ കൊട്ടംചുക്കാദി തൈലമുപയോഗിച്ച് പാരമ്പര്യ സാഹിത്യപ്രതിഭകള്‍ക്ക് വാര്‍ദ്ധക്യ വാചീകരണം സാധ്യമാണോ എന്ന് പരീക്ഷിക്കുന്ന സാഹിത്യ അക്കാദമി ഭാരവാഹികള്‍ക്കും ചിത്രകാരന്‍ അഭിവാദ്യങ്ങളര്‍പ്പിക്കുന്നു.
    ചിത്രകാരന്‍ ഈ വിഷയത്തില്‍ രണ്ടു ദിവസം മുന്‍പെഴുതിയ ഒരു പോസ്റ്റിന്റെ ലിങ്ക് : ബ്ലോഗര്‍മാര്‍ക്ക് അവാര്‍ഡും… എണ്ണക്കുരുവും !

    ReplyDelete
  38. ലേഖനത്തിന്റെ കാപ്ഷൻ മിസ്‌ ലീഡ് ചെയ്യുന്നുണ്ടോ?
    "ബ്ലോഗിന് അക്കാദമി അവാര്ഡ് എര്പ്പെടുത്താൻ ശ്രമിക്കും-കക്കട്ടിൽ" എന്നായിരുന്നില്ലേ വേണ്ടിയിരുന്നത്?

    ReplyDelete

നമ്മുടെ ബൂലോകത്തില്‍ ലേഖനങ്ങള്‍ എഴുതുന്നവര്‍ വായനക്കാരുടെ അഭിപ്രായങ്ങള്‍ ആഗ്രഹിക്കുന്നു. നിങ്ങളുടെ അഭിപ്രായങ്ങള്‍ മടിക്കാതെ കമന്റ് ചെയ്യൂ.....

പോപ്പുലർ പോസ്റ്റുകൾ