ഈണം  വീഡിയോ ആല്‍ബം

ഈണം വീഡിയോ ആല്‍ബം

ണവും ഉത്സവവും ഒക്കെ കഴിഞ്ഞു ജോലിത്തിരക്കിലേക്ക് എല്ലാവരും തിരികെ വന്നിരിക്കുകയാണ്. ഓണം ആഘോഷത്തിന്റെ ധാരാളം ചിത്രങ്ങളും ആ അവസരങ്ങളില്‍ എടുത്തിരിക്കും. ഓണം ആഘോഷവുമായി ബന്ധപ്പെട്ട ചിത്രങ്ങള്‍ ഉള്‍പ്പെടുത്തി ഓണം വിത്ത് ഈണം 2011 സംഗീത ആല്‍ബത്തിന്റെ ഒരു യുട്യൂബ് വേര്‍ഷന്‍ തയ്യാറാക്കാന്‍ ഈണം ടീം തയ്യാറെടുക്കുന്നു. ഓണവുമായി ബന്ധപ്പെട്ട ധാരാളം ചിത്രങ്ങള്‍ ഇന്റര്‍നെറ്റില്‍ നിന്നും ലഭിക്കുമെങ്കിലും ഈണം ഗ്രൂപ്പിന് എന്നും പ്രോത്സാഹനവും തുണയുമായി നിന്നിട്ടുള്ള ഈണം ടീമിന്റെ അഭ്യുദയ കാംക്ഷികള്‍ ( ബ്ലോഗര്‍, ബസ്സാര്‍, ഫേസ് ബുക്ക്‌ ടീം etc....) എടുത്ത ചിത്രങ്ങള്‍ ഉപയോഗിച്ച് ഈ സംഗീത ആല്‍ബത്തിന്റെ വീഡിയോ തയാറാക്കാന്‍ അണിയറക്കാരുടെ ആഗ്രഹം. അതിനാല്‍ നിങ്ങളെടുത്ത ചിത്രങ്ങള്‍ eenam2009@gmail.com എന്ന മെയില്‍ ഐ ഡി യിലേക്ക് അയച്ചു തരണം എന്ന് അഭ്യര്‍ത്ഥിക്കുന്നു. ആല്‍ബത്തില്‍ ഉപയോഗപ്പെടുത്തുന്ന ചിത്രങ്ങളെടുത്തവര്‍ക്ക് വീഡിയോയില്‍ ക്രെഡിറ്റ് നല്‍കുന്നതായിരിക്കും.






ബിന്‍ ലാദന്റെ അന്ത്യം - (ഭാഗം-1)


സജി മാര്‍ക്കോസ്


"തെ! ഇതു അയാൾ തന്നെ"

വാഷിംഗ് ടണിലെ സി ഐ ഏയുടെ ആസ്ഥാനത്തെ രഹസ്യ സങ്കേതത്തിൽ നിന്നും നിന്നും നിരീക്ഷണ ഉദ്യോഗസ്ഥന്റെ പരിഭ്രമം കലർന്ന ശബ്ദം. മുഴങ്ങി.അമേരിക്കൻ ഇന്റലിജൻസ് ഉഗ്യോഗസ്ഥർ പത്തു വർഷമായി കണ്ണും കാതും തുറന്ന് ഉറങ്ങാതെ കാത്തിരുന്ന നിർണ്ണായകമായ വിവരം.

ആധുനിക സാങ്കേതിക വിദ്യയുടെ സഹായത്താൽ പാക്കിസ്ഥാനിൽ നിന്നും അഫ്ഗാനിസ്ഥാനിൽ നിന്നും ഉള്ള ലക്ഷക്കണക്കിനു അന്താരാഷ്ട്ര ഫോൺകോളുകൾ നിരീക്ഷിക്കുവാൻ തുടങ്ങിയിട്ടു വർഷങ്ങൾ പലതു കഴിഞ്ഞു.

അവർ പ്രതീക്ഷിക്കുന്ന ഫോൺ സംസാരത്തിൽ ഉൾപ്പെടുത്താൻ സാധ്യതയുള്ള വാക്കുകൾ , പേരുകൾ, സംജ്ഞകൾ തുടങ്ങിയവ കമ്പുട്ടൂറിന്റെ സഹായത്തിൽ അരിച്ചെടുക്കുന്ന സങ്കീർണ്ണമായ പ്രക്രിയ നടന്നുകൊണ്ടിരുന്ന കേന്ദ്രത്തിൽ നിന്നാണ് ഉദ്യോഗസ്ഥൻ റിപ്പോർട്ട് ചെയ്തത്. ലോകത്തെ ഏറ്റവും വലിയ ഭീകരനായ ഒസാമ ബിൻലാദന്റെ സങ്കേതം അറിയാവുന്ന വ്യക്തി എന്നു സംശയിക്കപ്പെടുന്ന കുവൈറ്റിയുടേതെന്ന് കരുതാവുന്ന ഒരു ഫോൺ സന്ദേശമാണ് ഉഗ്യോഗസ്ഥന്മാർ ഫിൽട്ടർ ചെയ്ത് എടുത്തിരിക്കുന്നത്. ഗ്വാണ്ടനാമോ തടവറയിലെ ഭീകരമായ പീഡനങ്ങളിൽ നിന്നും ലാദന്റെ ഒളി സങ്കേതത്തേപറ്റി ഇന്റലിജൻസ് ഉദ്യോഗസ്ഥർക്ക് ഒരു സൂചന പോലും ലഭിച്ചിരുന്നില്ല. എന്നാൽ പലരുടെയും മൊഴികളിൽ നിന്നും അദൃശ്യനായ ഒരു വ്യക്തിയിലേയ്ക്ക് നീളുന്ന ചില സൂചനകൾ ഉഗ്യോഗസ്ഥർക്കു ലഭിച്ചു.

മി. കുവൈറ്റി. എന്നാൽ കുവൈറ്റി ആരാണെന്നോ, അയാളുടെ രൂപം എന്തെന്നോ, എത്ര വയസുള്ള ആളാണെന്നോ എവിടെ താമസിക്കുന്നുവെന്നോ തുടങ്ങിയ വിവരങ്ങൾക്കു വേണ്ടിയുള്ള അന്വേഷണം എങ്ങും എത്തിയില്ല. ഗ്വാണ്ടനാമോ തടവുകാർക്കും അത്തരം വിവരങ്ങൾ അജ്ഞാതമായിരുന്നു.

ഇക്കാലമൊക്കെയും ബിൻ ലാദൻ ഏതോ രാജ്യത്തിലെ സുരക്ഷിത രഹസ്യ സങ്കേതത്തിൽ ഇരുന്നുകൊണ്ട് പുതിയ പുതിയ ആക്രമണത്തിനുള്ള തന്ത്രങ്ങൾ മെനയുകയായിരുന്നു. എന്നാൽ വളരെ വിചിത്രമായ പ്രവർത്തന രീതിയാണ് ലാദൻ സ്വീകരിച്ചത്. ഇലക്ട്രോണിക് രേഖകളിൽ ഒരു തുമ്പും ശേഷിക്കാതിരിക്കുവാൻ വേണ്ടി ലാദൻ ഒരിക്കൽപ്പോലും ഫോൺ ഉപയോഗിക്കുകയോ ഇന്റെർനെറ്റ് മുഖേന ആരുമായും ബന്ധപ്പെടുകയോ ചെയ്തില്ല. ഇതു അന്വേഷണ ഉദ്യോഗസ്ഥന്മാരെ കുറച്ചൊന്നുമല്ല വലച്ചത്.


ലാദന്റെ വാർത്താവിനിമയത്തിനു പിന്നിൽ ഏതെങ്കിലും വാർത്താവാഹകന്റെ നേരിട്ടുള്ള ഇടപാടുകൾ ഉണ്ട് എന്ന് ന്യായമായും സി.ഐ.എ. സംശയിച്ചു. അതാരായിരിക്കാം എന്ന അന്വേഷണത്തിന്റെ അവസാനമാണ് കുവൈറ്റി എന്ന അജ്ഞാതനിൽ അന്വേഷണ ഉദ്യോഗസ്ഥർ എത്തിച്ചേർന്നത്. ആ സംശയത്തെ ഗ്വാണ്ടനാമോ തടവുപുള്ളികളുടെ മൊഴികൾ ഉറപ്പിച്ചു. അമേരിക്കൻ ഇന്റലിജെൻസിന്റെ ഒന്നാമത്തെ ലക്ഷ്യം കുവൈറ്റി ആരാണെന്നു തിരിച്ചറിയുക എന്നതായി.



പുതിയ പ്രസിഡന്റായി ബറാക് ഒബാമ സ്ഥാനമേറ്റ ഉടൻ തന്നെ സി ഐ ഏ തലവൻ ലിയൻ പെനേഡായ്ക്കു ബിൻ ലാദനെ പിടിക്കുവാൻ പ്രത്യേക ഉത്തരവ് പുറപ്പെടുവിച്ചു. പുതിയ ഇന്റലിജൻസ് തന്ത്രങ്ങൾ മെനയുന്നതിനുവേണ്ടി അധികം പണവും സംവിധാനങ്ങളും കൂടുതൽ ഉദ്യോഗസ്ഥരേയും നിയമിക്കുവാൻ നിർദ്ദേശം നൽകുകയും ചെയ്തു.


പെനേഡാ പാക്കിസ്ഥാനിൽ നിന്നും അഫ്ഗാനിസ്ഥാനിൽ നിന്നുമുള്ള അന്താരാക്ഷ്ട്ര ഫോൺ വിളികൾ മുഴുവനും ഫിൽട്ടർ ചെയ്യുവാനുള്ള സംവിധാനം ഒരുക്കി. ഗൾഫിലെ സംശയം, തോന്നിയ എല്ലാ നമ്പറിലേയ്ക്കുള്ള ഫോൺ വിളികൾ നിരീക്ഷിച്ചുകൊണ്ടിരുന്നു.

പാക്കിസ്ഥാനിലെ രഹസ്യാന്വേഷണ വിഭാഗവും അൽകായ്ദയുമായി ബന്ധമുള്ളവരെന്ന് സംശയിക്കുന്നവരുടെ നമ്പറുകൾ സി.ഐ.എ.യ്ക്കു കൈമാറി. മാസങ്ങൾ കഴിഞ്ഞു. സങ്കീർണ്ണമായ ഉപകരണ സംവിധാനവും സാങ്കേതിക വിദ്യയും ഉണ്ടായിരുന്നുവെങ്കിലും, ഒരു തുമ്പ് ലഭിക്കുന്നതുവരെ കാത്തിരിക്കുവാനുള്ള അന്വേഷണ ഉദ്യോഗസ്ഥന്മാരുടെ ക്ഷമ അവസാനം വിജയത്തിലെത്തിച്ചു.

2010 ലെ ആഗസ്റ്റ് മാസത്തിൽ എൻ.എസ്.എ. കേന്ദ്രത്തിലെ ഒരു കമ്പൂട്ടർ നിന്നും ബീപ് ബീപ് ശബ്ദം കേൾക്കുവാൻ തുടങ്ങി. ഫിൽട്ടർ ചെയ്യപ്പെട്ടുകൊണ്ടിരുന്ന നമ്പറിലേയ്ക്കുള്ള ഒരു അന്താരാഷ്ട്ര കോൾ സംശയാസ്പദമാണെന്ന് തിരിച്ചറിഞ്ഞിരിക്കുന്നു.

പാക്കിസ്ഥാനിലെ വടക്കു കിഴക്കു ഭാഗത്തു നിന്നും നിന്നും ഗൾഫിലെ നിരീക്ഷണത്തിലായിരുന്ന ഒരു നമ്പറിലേയ്ക്ക് അറബി ഭാഷയിൽ ഒരു ഫോൺ സന്ദേശം! അന്വേഷണ ഉദ്യോഗസ്ഥന്മാരുടെ മുഖത്ത് ഉൽഘണ്ഠയും ആശ്ചര്യവും നിഴലിട്ടു.

"ഈ ഫോൺ കുവൈറ്റിയുടേതു തന്നെ!" അന്വേഷണ ഉദ്യോഗസ്ഥൻ ആവർത്തിച്ചു.

പെട്ടെന്നു ഉദ്യോഗസ്ഥരുടെ അടിയന്തിര യോഗം വിളിച്ചുകൂട്ടി. സംശയാസ്പദമായ ഫോൺ റിക്കോർഡു ചെയ്തത് വീണ്ടും പ്ലേ ചെയ്തു.

" നീയെവിടെ ആയിരുന്നു ?"

"നിങ്ങളെയെല്ലാം കാണാൻ ആഗ്രഹമുണ്ട്!"

"നീയിപ്പോൾ എന്തു ചെയ്യുന്നു "

"ഞാൻ പണ്ട് ആയിരുന്നവരുടെ അടുത്ത് എത്തിയിരിക്കുന്നു"

അമേരിക്കൻ ഭരണകൂടം കോടിക്കണക്കിന് ഡോളർ ചിലവഴിച്ച് നടത്തിക്കൊണ്ടിരുന്ന രഹസ്യാന്വേഷണ ദൗത്യത്തിന്റെ അന്ത്യത്തിലേയ്ക്കു വെളിച്ചം വീശുന്ന ഒരു ചെറിയ ഫോൺ സന്ദേശമായിരുന്നു അത് !

പിന്നീടുള്ള പ്രവർത്തനങ്ങൾ മിന്നൽ വേഗതയിൽ ആയിരുന്നു. ഈ സന്ദേശത്തിന്റെ ഉറവിടം കുവൈറ്റി എന്ന സംശയിക്കുന്ന ആളാണെങ്കിൽ അദ്ദേഹം ഒരു നമ്പർ ഒന്നിൽ കൂടുതൽ പ്രാവശ്യം ഉപയോഗിക്കുകയില്ലെന്നു മാത്രമല്ല ഉടൻ തന്നെ അതു നശിപ്പിക്കുമെന്നും അന്വേഷണ ഉദ്യോഗസ്ഥർക്കു അറിയാമായിരുന്നു. 600 മൈൽ മുകളിൽ നിന്നും ഒപ്റ്റിക്കൽ സാങ്കേതിക വിദ്യ ഉപയോഗിച്ചു ഫോൺ വിളിക്കുന്ന വ്യക്തികളുടെ സ്ഥാന നിർണ്ണയവും ചലനങ്ങളും സസൂക്ഷ്മം നിരീക്ഷിക്കുന്ന ചെറു ഉപഗ്രഹം വഴി ഫോൺ വിളിച്ച ആളിന്റെ സ്ഥാനനിർണ്ണയം ഞൊടിയിടയിൽ നടത്തി.



ഇൻഫ്രാ റെഡ് സെൻസറുകളും മറ്റു വിവിധയിനം സർവൈലൻസ് സംവിധാനവും ഉള്ള പൈലറ്റില്ലാതെ പ്രവർത്തിക്കുന്ന ഒരു ചെറുവിമാനം കുവൈറ്റി എന്ന സംശയിക്കുന്ന വ്യക്തിയുടെ എല്ലാ നീക്കങ്ങളും നീരീക്ഷിക്കുവാൻ ഉടൻ പ്രവർത്തന ക്ഷമമായി. 50,000 അടി മുകളിൽ പറക്കുന്ന ഈ കൊച്ചു വിമാനം പാക്കിസ്ഥാനി റഡാറുകളിൽ കണ്ണിൽ കിട്ടുമായിരുന്നില്ല. അതിരഹസ്യമായ ഈ ആളില്ലാ വിമാനത്തിനു ഒരു ഔദ്യോഗിക നാമം പോലും ഉണ്ടായിരുന്നില്ല. ബീസ്റ്റ് ഓഫ് കാണ്ഡഹാർ എന്ന ഓമനപ്പേരിൽ വിളിച്ചിരുന്ന കൊച്ചു ആളില്ലാ വിമാനത്തിലെ ശക്തിയേറിയ ക്യാമറകൾ കുവൈറ്റിയെന്നു സംശയിച്ച വ്യക്തിയുടെ ഓരോ നീക്കങ്ങളും തൽസമയം ന്യൂയോർക്കിലെ എൻ.എസ്.എ. സങ്കേതത്തിൽ എത്തിച്ചുകൊണ്ടിരുന്നു. നിരവധി നിരീക്ഷകരും വിദഗ്ദരും അദ്ദേഹത്തിന്റെ നീക്കങ്ങൾ ഒരു നിമിഷം പോലും വിടാതെ പിന്തുടർന്നു. കുവൈറ്റിയുടെ എല്ലാ യാത്രകളും പൂർണ്ണ നിരീക്ഷണത്തിലായതിനാൽ ക്രമേണ അദ്ദേഹത്തിന്റെ യാത്രാ സ്ഥലങ്ങളൊക്കെ നിരീക്ഷകർക്കു പരിചിതങ്ങളായി മാറി.

എന്നാൽ ഒരു ദിവസം അദ്ദേഹത്തിന്റെ യാത്ര പുതിയ ഒരു സ്ഥലത്തേയ്ക്കായിരുന്നു. ദീർഘദൂരം തനിയേ വാഹനമോടിച്ചിരുന്ന കുവൈറ്റി പാക്കിസ്ഥാനിലെ മിലിട്ടറി അക്കാഡമി സ്ഥിതിചെയ്യുന്ന പട്ടണണമായ അബട്ടാബാദിലേയ്ക്കു പ്രവേശിച്ചു. മിലിട്ടറി അക്കാഡമിയും പിന്നിട്ട വാഹനം പട്ടണത്തിനു വെളിയിലുള്ള റസിഡൻഷ്യൽ ഏരിയായിലേയ്ക്കു കടന്നു. റിട്ടയർ ചെയ്ത സൈനിക ഉദ്യോഗസ്ഥ താമസിക്കുന്ന ആ സ്ഥലത്ത് അല്പം ദൂരം മുന്നോട്ടു പോയി ഒരു കെട്ടിടത്തിന്റെ മതിലിനുള്ളിലേയ്ക്കു പ്രവേശിച്ചു.


കുവൈറ്റിടെ മറ്റൊരു വീട് എന്നു തോന്നാവുന്ന ഒരു സാധാരണ കെട്ടിടം മാത്രമായിരുന്നു അത്. എന്നാൽ സൂക്ഷ്മ നിരീക്ഷണത്തിൽ ആ കെട്ടിടത്തിൽ ചില താമസക്കാരുണ്ടെന്ന് അന്വേഷണ ഉദ്യോഗസ്ഥർക്ക് മനസ്സിലായി. മാത്രമല്ല സമീപത്തുള്ള കെട്ടിടങ്ങളിൽ നിന്നും വ്യത്യസ്ഥമായ ചില പ്രത്യേകതകൾ നിർമ്മാണത്തിൽ തന്നെ ഈ കെട്ടിടത്തിനുള്ളതായും ഉദ്യോഗസ്ഥർ നിരീക്ഷിച്ചു. 12 അടി ഉയരമുള്ള ഉറപ്പുള്ള മതിലിനു മുകളിൽ മുള്ളുകമ്പി കൊണ്ട് വേലിയും തീർത്തിരിക്കുന്നു.

വാഷിംഗ്ടണിലെ സി.ഐ.എ.  ഉദ്യോഗസ്ഥരുടെ മുന്നിൽ നിരവധി ഉത്തരം കിട്ടാത്ത ചോദ്യങ്ങൾ ഉയർന്നു വന്നു.

അവർ പിന്തുടരുന്ന വ്യക്തി തന്നെയാണോ കുവൈറ്റി എന്നു വിളിക്കപ്പെടുന്ന ആൾ?

അയാൾ കുവൈറ്റി തന്നെ ആണെങ്കിൽതന്നെയും ഒസാമ ബിൻ ലാദന്റെ വാർത്താവാഹകൻ അയാൾ തന്നെയാണോ?

ഈ കോട്ടപോലുള്ള കെട്ടിടത്തിൽ താമസിക്കുന്നത് ബിൻ ലാദൻ തന്നെ ആയിരിക്കുമോ ?

സെപ്റ്റംബർ 10, 2010

സി.ഐ.എ. ഡയറക്ടർ ലിയൻ പെനേഡ പ്രസിഡന്റ് ഒബാമയുമായെ കണ്ട് വിവരങ്ങൾ ധരിപ്പിച്ചു. മറ്റൊരു രാജ്യത്തായതുകൊണ്ട് ഏതു തരം നീക്കവും നടത്തുന്നതിനുമുൻപ് കിട്ടിയ വിവരങ്ങൾ കൃത്യമായിരിക്കണമെന്ന് പ്രസിഡന്റ് നിർദ്ദേശിച്ചു.

അമേരിക്കൻ ചരിത്രത്തിൽ ഇന്നു വരെ നടത്തിയുട്ടള്ളതിൽ വച്ച് ഏറ്റവും നൂതനവും, ചിലവേറിയതുമായ നിരീക്ഷണ സംവിധാനങ്ങൾ ഉപയോഗിച്ചു സംശയാസ്പദമായ കെട്ടിടം നിരീക്ഷണത്തിൽ ആക്കി. മലനിരകളാൽ ചുറ്റപ്പെട്ട ഒരു ചെറിയ പട്ടണമായിരുന്നു അബട്ടാബാദ്. ആ പ്രദേശത്തിന്റെ ഭൂപ്രകൃതി നിരീഷണ സംവിധാനങ്ങൾ സ്ഥാപിക്കുവാൻ സഹായകമാകും വിധത്തിലുള്ളതായിരുന്നു.



ഊറുദു സംസാരിക്കുന്നവരും പാക്കിസ്ഥാൻ വശജരെപ്പോലെ തോന്നിപ്പിക്കുന്നവരുമായ സി.ഐ.എ.  ഏജന്റുകൾ പ്രസ്തുത കെട്ടിടത്തിന്റെ സമീപത്തു ഒരു വീട് വാടകയ്ക്ക് എടുത്തു താമസം ആരംഭിച്ചു. സംശയിക്കുന്ന വീടിന്റെ മതിലിന്റെ ഉൾവശം കാണാത്തവിധം ജനാലകളുള്ള ഒരു വീടായിരുന്നു ഏജന്റുമാർ തരപ്പെടുത്തിയത്.

അവിടെ ആരൊക്കെ താമസമുണ്ട്, പ്രത്യേക സുരക്ഷ സംവിധാനങ്ങൾ വല്ലതുമുണ്ടോ, താമസക്കാർ ആയുധ ധാരികളാണോ എന്നെല്ലാം ഏജന്റുമാർ നിരീക്ഷിച്ചുകൊണ്ടിരുന്നു. ആഹാര സാധനങ്ങൾ എത്തിക്കുന്ന കട ഏതെന്നു അവർ കണ്ടുപിടിച്ചു. അൽ കുവറ്റി എന്നു സംശയിക്കുന്ന ആളും രണ്ടു സഹോദർന്മാരും അവരുടെ കുടുംബവും ആണ് ആകെട്ടിടത്തിൻലെ താമസക്കാർ എന്ന് ഏജന്റുകൾ മനസിലാക്കി. മാത്രമല്ല അവർ സ്വകാര്യത സൂക്ഷിക്കുന്നതിൽ വളരെ ഉത്സുകരാണെന്ന്  അവർക്ക്  ബോദ്ധ്യപ്പെട്ടു. വലിയ വാഹനവും അനുബന്ധ സംവിധാനങ്ങളുമുണ്ടായിരുന്നെങ്കിലും ആ വീടിനു ടെലിഫോൺ കണക്ഷനോ ഇന്റെർനെറ്റോ ഉണ്ടായിരുന്നില്ല. കോമ്പൗണ്ടിനുള്ളിൽ തന്നെ കൃഷി ചെയ്യുകയും അവർ വളർത്തുന്ന ആടുകളെ കൊന്നു തിന്നുകയും ചെയ്യുമായിരുന്നു. നിരീക്ഷണ ഏജന്റുകൾക്ക് കൗതുകകരമായി തോന്നിയ മറ്റൊരു കാര്യം, അവരുടെ എല്ലാ ചപ്പുചവറുകളും മറ്റു അവശിഷ്ടങ്ങളും സസൂക്ഷ്മം ശേഖരിച്ചു ചുട്ടുകളുമായിരുന്നു. കുട്ടികൾ സ്കൂളിൽ പോവുകയോ സ്ത്രീകൾ പുറത്തു പോവുകയോ ചെയ്യാറില്ല എന്നതും ശ്രദ്ധേയമായി തോന്നി.

തെരുവുകുട്ടികളുടെ ക്രിക്കറ്റ് ബാൾ ആ കാമ്പൗണ്ടിനുള്ളിൽ വീണാൽ, കുവൈറ്റിയോ സഹോദരനോ ആ ബോൾ തീയിലിട്ടു നശിപ്പിച്ചു കളയും. മറ്റൊരു ബോൾ വാങ്ങുവാനുള്ള പണം കൊടുത്തു കുട്ടികളെ തിരിച്ചയക്കുന്നത് ഏജന്റുകൾ കണ്ടെത്തി.

അതീവ രഹസ്യമായി മറ്റൊരു കുടുംബം കൂടി മൂന്നാം നിലയിൽ താമസമുള്ള വിവരം നിരീക്ഷണ സംഘം ക്രമേണ ഗ്രഹിച്ചു. മൂന്നാം നിലയിലെ സ്ത്രീകൾ ഒരിക്കലും പുറത്തു വരാറില്ല,

പക്ഷേ, ചില സന്ധ്യാ സമയങ്ങളിൽ ഒരു ഉയരം കൂടിയ ആൾ മതിലിനുള്ളിലൂടെ നടക്കാൻ ഇറങ്ങുന്നത് അവരുടെ ശ്രദ്ധയിപ്പെട്ടു.

(തുടരും)

കടപ്പാട്:

ഹിസ്റ്ററി. കോം
വിക്കിപീഡിയ.കോം
ഗൂഗിൾ.കോം
സിഐഎ.കോം
റിവാർഡ്ഫോർജസ്റ്റീസ്.നെറ്റ്
എഫ്എഎസ്.ഒആർജി

സമ്മാനവിതരണം


യാത്രകള്‍.കോം നടത്തിയ യാത്രാവിവരണ മത്സരത്തിന്റെ സമ്മാനം ഉത്രാട നാളില്‍ എറണാകുളത്തു സംഘടിപ്പിച്ച ചടങ്ങില്‍ വച്ചു വിതരണം ചെയ്തു. പ്രശസ്ത കാര്‍ട്ടൂണിസ്റ്റും ബ്ലോഗറുമായ ശ്രീ സജീവ്‌ ബാലകൃഷ്ണന്‍ ഒന്നാം സമ്മാന ജേതാവായ ശ്രീ സി പി ബിജുവിന് മൊമന്റോ നല്‍കി. ബ്ലോഗറും നമ്മുടെ ബൂലോകം ചീഫ് എഡിറ്ററുമായ കിച്ചു എന്ന വഹീദ ഷംസുദ്ദീന്‍ ബിജുവിന് പ്രശസ്തി പത്രം നല്‍കുകയുണ്ടായി. ഒന്നാം സമ്മാനമായ പതിനായിരത്തൊന്ന് രൂപ, യാത്രകള്‍ ഡോട്ട് കോം എഡിറ്ററും ബ്ലോഗറുമായ നിരക്ഷരന്‍ ബിജുവിന് നല്‍കി.




ബ്ലോഗര്‍മാരായ ഷിനോയ് കരുണ്‍, ജോ ജോഹര്‍ എന്നിവര്‍ ചടങ്ങില്‍ സംബന്ധിച്ചു. മത്സരത്തിലെ മറ്റു ജേതാക്കള്‍ക്ക് പ്രശസ്തിപത്രങ്ങള്‍ തപാലില്‍ അയക്കുമെന്ന് യാത്രകള്‍.കോം എഡിറ്റര്‍ നിരക്ഷരന്‍ അറിയിച്ചു.
വ്യത്യസ്തമായ ഒരു വെബ്സൈറ്റ്

വ്യത്യസ്തമായ ഒരു വെബ്സൈറ്റ്

ഒട്ടേറെ  പുതുമയുള്ള സേവനങ്ങളുമായി മൈ സെലിബ്രിടി. കോം  വെബ്‌ സൈറ്റ് കഴിഞ്ഞ വാരം പൈലറ്റ് യൂസേര്സിനായി തുറന്നു കൊടുത്തിരിക്കുന്നു. പ്രമുഖരായ വ്യക്തികളെ പറ്റിയുള്ള വിവരങ്ങളുടെ ഒരു കമ്പ്ലീറ്റ് റഫറന്‍സ് ആണ് mycelebrity.com. വികിപീടിയ ഒരു വ്യക്തിയെ പറ്റി സ്ടാടിക് ആയ വിവരങ്ങള്‍ നല്‍കുമ്പോള്‍, ആ വ്യക്തിയെ പറ്റിയുള്ള വികി വിവരങ്ങള്‍ കൂടാതെ, വീഡിയോ, ഫോട്ടോ, വാര്‍ത്തകള്‍, ബന്ധങ്ങള്‍, ചര്‍ച്ചകള്‍ , ട്വീട്ടുകള്‍ തുടങ്ങി സമഗ്രമായ വിവരങ്ങളും ഈ  വ്യക്തിയുടെ പേജിലൂടെ  പങ്കു വയ്ക്കുന്നു.   നെറ്റില്‍ ചിതറി കിടക്കുന്ന ആയിരക്കണക്കിന് ഇന്‍ഫോര്‍മേഷന്‍  സ്രോതസ്സുകളില്‍ നിന്നും, പരമാവധി ശരിയായ വിവരങ്ങള്‍ ശേഖരിച്ചു, അവയില്‍ നിന്നും വേര്‍തിരിച്ചെടുക്കുന്ന  വിവരങ്ങള്‍ ആണ്  ഈ  സൈറ്റില്‍ ഉള്ളത്.   ഈ ജോലികള്‍ എല്ലാം തന്നെ ചെയ്യുന്നത്  നിരന്തരം പ്രവര്‍ത്തിച്ചു കൊണ്ടിരിക്കുന്ന അനവധി കമ്പ്യൂട്ടര്‍ പ്രോഗ്രാമുകള്‍ ആണ് എന്നതാണ് മറ്റൊരു കൌതുക കരമായ വസ്തുത . ചുരുക്കി പറഞ്ഞാല്‍ ഈ വെബ്‌സൈറ്റില്‍ ഉള്ള ഒരു ഇന്ഫോര്‍മെഷനും ഒരു വ്യക്തി നേരിട്ട് സൈറ്റിലേക്കു  എന്റര്‍ ചെയ്തവയല്ല .
ഇത് സച്ചിന്‍ തെണ്ടുല്‍കരിന്റെ മൈ സെലിബ്രിടി പേജ് . mycelebrity.com/sachin-tendulkar

വ്യക്തികളുടെ പേജുകള്‍ കൂടാത്ത, അനേകം വ്യക്തികളെ ഒരു ഗ്രൂപ്പ്‌ ആയി തിരിച്ചു അവരുടെ വിവരങ്ങള്‍ ഒരുമിച്ചു ലഭ്യമാക്കുന്ന 'ലിസ്റ്റ്' എന്ന സംവിധാനവും വെബ്സൈറ്റില്‍ ഉണ്ട്. 
ഉദാഹരണത്തിന് , ഏക ദിന ക്രിക്കറ്റില്‍ ഹാട്രിക് നേടിയിട്ടുള്ളവരെ ഒരുമിച്ചു ഗ്രൂപ്പ്‌ ആക്കിയ ഈ ലിസ്റ്റ് നോക്കാം. 


വികിയോ, ഐ എം ഡി ബിയോ  പോലെ ഒരു റഫറന്‍സ് ആയി പ്രവര്തിക്കുന്നതിനോപ്പം, യൂസര്‍ എങ്ങേജ്മെന്റിനും, സോഷ്യല്‍ പ്ലാറ്റ് ഫോമുകളുമായി ഇന്ററാക്റ്റ്    ചെയ്യുന്നതിനും വേണ്ട സംവിധാനങ്ങളും സൈറ്റില്‍ ഉണ്ട്. വളരെ ബേസിക് ആയ സേവനങ്ങള്‍ മാത്രമാണ് ഇത് വരെ വെബ്‌സൈറ്റില്‍ അനാവരണം ചെയ്യപ്പെട്ടിട്ടുള്ളത്. ഒട്ടനവധി ഉപകാര പ്രദവും  ഒപ്പം കൌതുകകരവും,ആയ ഫീച്ചറുകള്‍ അണിയറയില്‍ തയാറാവുകയും, പരീക്ഷിക്കപെടുകയും ചെയ്തു കൊണ്ട് ഇരിക്കുന്നു. 
 
 ബാങ്ക്ലൂരില്‍  ഐ ടി വിദഗ്ദനായി ജോലി  ചെയ്യുന്ന  അരുണ്‍ സദാശിവന്‍  എന്നാ ബ്ലോഗര്‍ കണ്ണനുണ്ണി ആണ് 
ഈ വെബ്സൈറ്റ് രൂപപ്പെടുത്തിയിരിക്കുന്നത്.
 
 

ഓ­ണം വി­ത്ത് ഈണം 2011





സ്വ­ത­ന്ത്ര സം­ഗീത ധാ­ര­യു­ടെ അല­യൊ­ലി­കള്‍ നെ­റ്റില്‍ സജീ­വ­മാ­കു­ന്ന 2009. അന്ന് അന്ന് വ്യ­ത്യ­സ്ത രാ­ജ്യ­ങ്ങ­ളില്‍ ജോ­ലി ചെ­യ്യു­ന്ന ­നി­ശീ­കാ­ന്ത് (ആ­ഫ്രി­ക്ക), രാ­ജേ­ഷ് രാ­മന്‍ (യു­.­കെ­), കി­രണ്‍ (ഖ­ത്തര്‍), ബഹു­വ്രീ­ഹി (സിം­ഗ­പ്പൂര്‍) എന്നീ സു­ഹൃ­ത്തു­ക്കള്‍ ചേര്‍­ന്ന് രൂ­പം കൊ­ടു­ത്ത ഈ­ണം­ എന്ന ലാ­ഭേ­ത­ര­സം­ഗീ­ത­പ­രീ­ക്ഷ­ണം ഇന്ന് ശൈ­ശ­വം വി­ട്ട് ബാ­ല്യ­ത്തി­ലേ­ക്കു പ്ര­വേ­ശി­ച്ചി­രി­ക്കു­ന്നു. ഇത്ത­വ­ണ­ത്തെ ഓണ­ത്തി­ന് 'ഓ­ണം വി­ത് ഈണം 2011' എന്ന നാ­ലാം ഓണ്‍­ലൈന്‍ ആല്‍­ബ­വു­മാ­യാ­ണ് ഇവ­രെ­ത്തു­ന്ന­ത്.
ഇ­ന്റര്‍­നെ­റ്റി­ന്റെ സാ­ദ്ധ്യ­ത­കള്‍ ഉപ­യോ­ഗി­ച്ച് ലോ­ക­ത്തി­ന്റെ പല­ഭാ­ഗ­ത്തു­ള്ള കലാ­കാ­ര­ന്മാ­രെ ചേര്‍­ത്തി­ണ­ക്കി ഗാ­ന­ങ്ങള്‍ നിര്‍­മ്മി­ച്ച് സ്വ­ത­ന്ത്ര­വും സൌ­ജ­ന്യ­വു­മാ­യി ഡൌണ്‍­ലോ­ഡ് ചെ­യ്യാന്‍ ലഭ്യ­മാ­ക്കു­മ്പോള്‍ അത് ഒന്നോ രണ്ടോ ഗാ­ന­ശേ­ഖ­ര­ങ്ങള്‍­ക്ക­പ്പു­റേ­ത്ത് നീ­ളു­മെ­ന്ന് പ്ര­തീ­ക്ഷ­യി­ല്ലാ­യി­രു­ന്നു. എന്നാല്‍ സ്വ­ന്തം കമ്പ്യൂ­ട്ട­റില്‍ മാ­ത്രം പാ­ടി റെ­ക്കോ­ഡ് ചെ­യ്തു പരി­ച­യ­മു­ള്ള കു­റേ ഗാ­യ­ക­രും സം­ഗീത സം­വി­ധാ­ന­ത്തെ­ക്കു­റി­ച്ച് സാ­മാ­ന്യാ­വ­ബോ­ധം മാ­ത്ര­മു­ണ്ടാ­യി­രു­ന്ന സം­ഗീ­ത­ജ്ഞ­രും ഏതാ­നും ബ്ലോ­ഗ് കവി­ക­ളും ചേര്‍­ന്ന് ഈ പരീ­ക്ഷ­ണം വലിയ വി­ജ­യ­ത്തി­ലേ­ക്ക് എത്തി­ക്കു­ന്ന­താ­ണ് പി­ന്നീ­ടു കാ­ണാ­നാ­യ­ത്.
­ക­ഴി­ഞ്ഞ­വര്‍­ഷം പു­റ­ത്തി­റ­ങ്ങിയ ഓ­ണം­ വി­ത്ത് ഈണം 2010 എന്ന ആല്‍­ബ­ത്തോ­ടെ­യാ­ണ് ഈ സം­ഘ­ത്തി­ന്റെ പ്ര­വര്‍­ത്ത­ന­ങ്ങള്‍ സൂ­പ്പര്‍­ഹി­റ്റാ­യ­ത്. ജോ­ലി­ത്തി­ര­ക്കി­നി­ട­യില്‍ ലഭി­ക്കു­ന്ന മി­നി­റ്റു­കള്‍ കൂ­ട്ടി­വ­ച്ച് പാ­ട്ടും എഴു­ത്തും സം­ഗീ­ത­വും സമ­ന്വ­യി­പ്പി­ച്ച് ഗാ­നം അണി­യി­ച്ചൊ­രു­ക്കി ഇന്റര്‍­നെ­റ്റില്‍ ആര്‍­ക്കും പ്രാ­പ്യ­മാ­കു­ന്ന നി­ല­യില്‍ ലഭ്യ­മാ­ക്കു­ന്ന­തി­ന്റെ ആത്മ­നിര്‍­വൃ­തി ഒന്നു­മാ­ത്ര­മാ­ണ്, കൂ­ടു­തല്‍ ഉത്ത­ര­വാ­ദി­ത്വ­ത്തോ­ടെ ഇത്ത­വ­ണ­യും ഓണ­പ്പാ­ട്ടു­ക­ളൊ­രു­ക്കാന്‍ ഇവ­രെ പ്രേ­രി­പ്പി­ച്ച­ത്. തങ്ങ­ളു­ടെ വരി­കള്‍ മറ്റു­ള്ള­വര്‍ മൂ­ളി­കേള്‍­ക്കു­ന്ന­തി­ന്റെ സന്തോ­ഷം ഒന്നു­മാ­ത്രം മതി, വരും­വര്‍­ഷ­ങ്ങ­ളി­ലും ഇത്ത­രം പരീ­ക്ഷ­ണ­ങ്ങള്‍­ക്ക് ഇവ­രെ പ്രാ­പ്ത­രാ­ക്കാന്‍.
­സി­നി­മാ­ഗാ­ന­ങ്ങ­ളും, സി­നി­മാ സാ­ഹി­ത്യ­വും ലഭ്യ­മാ­ക്കു­ന്ന മല­യാ­ള­ത്തി­ലെ പ്ര­ധാ­ന­പ്പെ­ട്ട ഓണ്‍­ലൈന്‍ ഡേ­റ്റാ­ബേ­സു­ക­ളില്‍ ഒന്നായ മല­യാ­ളം മൂ­വി & മ്യൂ­സി­ക് ഡാ­റ്റാ­ബേ­സി­ന്റെ (m3db) സം­രം­ഭ­ങ്ങ­ളില്‍ ഒന്നു­മാ­ത്ര­മാ­ണ്, ഈണം. ഇതു­കൂ­ടാ­തെ, ­നാ­ദം­ എന്ന സം­രം­ഭ­വും കു­ഞ്ഞന്‍ എന്ന പേ­രില്‍ റേ­ഡി­യോ­യും ഇതേ സം­ഘ­ത്തി­ന്റേ­താ­യു­ണ്ട്.
­വര്‍­ഷ­ത്തില്‍ രണ്ടില്‍­ക്കൂ­ടാ­തെ, വ്യ­ക്ത­മായ പദ്ധ­തി­ക­ളോ­ടെ ഏതെ­ങ്കി­ലും ഒരു വി­ഷ­യ­ത്തി­ല­ധി­ഷ്ഠി­ത­മാ­യി ഗാ­ന­സ­മാ­ഹാ­രം പ്ര­സി­ദ്ധീ­ക­രി­ക്കാ­നു­ള്ള ഇടം എന്ന നി­ല­യി­ലാ­ണ് ഈണം വി­ഭാ­വ­നം ചെ­യ്തി­രി­ക്കു­ന്ന­ത്. ആര്‍­ക്കും ഏതു സമ­യ­ത്തും ഓര്‍­ക്ക­സ്ട്ര­യോ­ടെ­യോ ഇല്ലാ­തെ­യോ നല്ല ക്വാ­ളി­റ്റി­യു­ള്ള ഗാ­ന­ങ്ങള്‍ പ്ര­സി­ദ്ധീ­ക­രി­ക്കാ­നു­ള്ള ഇട­മാ­ണ് നാദം ഒ­രു­ക്കു­ന്ന­ത്.
­വി­വിധ രാ­ജ്യ­ങ്ങ­ളില്‍ താ­മ­സി­ക്കു­ന്ന എഴു­ത്തു­കാര്‍, സം­ഗീത സം­വി­ധാ­യ­കര്‍, ഗാ­യ­കര്‍ എന്നി­വ­രെ ഏകോ­പി­പ്പി­ച്ചാ­ണ് ഇവ­രു­ടെ പ്ര­വര്‍­ത്ത­നം. ഒരാള്‍ നല്‍­കു­ന്ന വരി­കള്‍­ക്ക് മറ്റൊ­രു രാ­ജ്യ­ത്തി­രു­ന്ന് ഈണ­മി­ട്ട്, അത് വേ­റൊ­രു രാ­ജ്യ­ത്തി­രു­ന്ന് ആല­പി­ച്ച് മറ്റൊ­രി­ട­ത്ത് അതി­നു പശ്ചാ­ത്തല ­സം­ഗീ­തം­ നല്‍­കി, വേ­റൊ­രി­ട­ത്ത് മി­ക്സ് ചെ­യ്ത് ഇനി­യു­മൊ­രി­ട­ത്തി­രു­ന്ന് ഇതെ­ല്ലാം സമാ­ഹ­രി­ച്ച് സൈ­റ്റി­ലേ­ക്ക് അപ്‌­ലോ­ഡ് ചെ­യ്യു­ന്ന വൈ­ഷ­മ്യം നി­റ­ഞ്ഞ ജോ­ലി­യാ­ണ് ഓരോ ആല്‍­ബ­ത്തി­ന്റെ പു­റ­കി­ലും നട­ക്കു­ന്ന­ത്. എങ്കി­ലും 10 ഗാ­ന­ങ്ങള്‍ അട­ങ്ങിയ ഒരു ആല്‍­ബം­ പൂര്‍­ത്തി­യാ­ക്കാന്‍ രണ്ടു മാ­സ­ത്തി­ല­ധി­കം എടു­ക്കാ­റി­ല്ല.
­ക­വി­ക­ളും സം­ഗീ­ത­ജ്ഞ­രു­മ­ട­ങ്ങിയ അഡ്മിന്‍ ബോ­ഡി­യാ­ണ് രച­ന­ക­ളു­ടെ നി­ല­വാ­രം, മേ­ന്മ മു­ത­ലാ­യവ പരി­ശോ­ധി­ക്കു­ന്ന­ത്. ഇതോ­ടൊ­പ്പം തന്നെ ഓരോ ആല്‍­ബ­ങ്ങ­ളി­ലും സം­ബ­ന്ധി­ക്കു­ന്ന പു­തിയ കലാ­കാ­ര­ന്മാ­രെ­ക്കു­റി­ച്ചു­ള്ള വി­വര സമാ­ഹ­ര­ണം മല­യാ­ള­ത്തി­ലും ഇം­ഗ്ലീ­ഷി­ലും തയ്യാര്‍ ചെ­യ്യാ­നും പരി­ശോ­ധി­ക്കു­വാ­നും മറ്റൊ­രു ഗ്രൂ­പ്പ് പല രാ­ജ്യ­ങ്ങ­ളി­ലി­രു­ന്ന് പ്ര­വര്‍­ത്തി­ക്കു­ന്നു­ണ്ടാ­കും. ഫോ­ട്ടോ കള­ക്ഷന്‍, സൈ­റ്റ് ഡി­സൈന്‍, സ്കെ­ച്ചു­കള്‍ തു­ട­ങ്ങി ആര്‍­ട്ടു­മാ­യി ബന്ധ­പ്പെ­ട്ട കാ­ര്യ­ങ്ങള്‍ നോ­ക്കി നട­ത്താ­നും സമയ ബന്ധി­ത­മാ­യി പൂര്‍­ത്തി­യാ­ക്കാ­നും അടു­ത്ത വേ­റൊ­രു ഗ്രൂ­പ്പു­മു­ണ്ടാ­കും­.
ആല്‍­ബം പു­റ­ത്തി­റ­ങ്ങു­ന്ന­തോ­ടെ നാ­ദം, പാ­ട്ടു­പു­സ്ത­കം എന്നീ ചര്‍­ച്ചാ ഗ്രൂ­പ്പു­ക­ളി­ലു­ള്ള­വര്‍ ഫേ­സ്ബു­ക്ക്, ഓര്‍­ക്കു­ട്ട്, ബസ് തു­ട­ങ്ങിയ ഓണ്‍­ലൈന്‍ സോ­ഷ്യല്‍ നെ­റ്റ്‌­വര്‍­ക്കി­ലൂ­ടെ ലോ­ക­ത്തെ­മ്പാ­ടു­മു­ള്ള ഗാ­നാ­സ്വാ­ദ­ക­രി­ലേ­ക്ക് ഈ ഗാ­ന­ങ്ങള്‍ എത്തി­ക്കു­ന്നു.
ഈ­ണ­ത്തി­നും നാ­ദ­ത്തി­നും സ്വ­ന്താ­മാ­യി 'കു­ഞ്ഞന്‍' എന്നു പേ­രു­ള്ള ഒരു ഓണ്‍­ലൈന്‍ റേ­ഡി­യോ­യു­മു­ണ്ട്. 24 മണി­ക്കൂ­റും ഇതി­ലൂ­ടെ ലോ­ക­ത്തെ­മ്പാ­ടു­മു­ള്ള ഗാ­നാ­സ്വാ­ദ­കര്‍­ക്ക് ഈണ­ത്തി­ലേ­യും നാ­ദ­ത്തി­ലേ­യും ഗാ­ന­ങ്ങ­ളോ­ടൊ­പ്പം തന്നെ ഇതില്‍ പങ്കാ­ളി­ക­ളാ­യി­ട്ടു­ള്ള 180 ഓളം ഗാ­യ­കര്‍ തങ്ങ­ളു­ടെ ശബ്ദ­ത്തില്‍ ആല­പി­ച്ച തി­ര­ഞ്ഞെ­ടു­ത്ത മല­യാ­ള­ത്തി­ലെ മി­ക­ച്ച ഗാ­ന­ങ്ങ­ളു­ടെ കവര്‍ വേര്‍­ഷ­നു­ക­ളും കേള്‍­ക്കാ­നു­ള്ള സൗ­ക­ര്യം ഒരു­ക്കി­യി­രി­ക്കു­ന്നു­. ഇങ്ങ­നെ ഓരോ ഘട­ക­ങ്ങ­ളും അനേ­കം രാ­ജ്യ­ങ്ങ­ളില്‍ ഇരു­ന്ന് ഇന്റെര്‍­നെ­റ്റി­ന്റെ­യും വി­വര സാ­ങ്കേ­തി­ക­വി­ദ്യ­യു­ടേ­യും സഹാ­യ­ത്തോ­ടെ പൂര്‍­ത്തി­യാ­ക്ക­പ്പെ­ടു­ന്ന­വ­യാ­ണ്.

­ക­ഴി­വു­കള്‍ ഉണ്ടെ­ങ്കി­ലും അന്യ­രാ­ജ്യ­ങ്ങ­ളില്‍ ജോ­ലി­നോ­ക്കു­ന്ന­തി­നാല്‍ മു­ഖ്യ­ധാ­ര­യി­ലേ­ക്ക് എത്തി­ച്ചേ­രു­വാന്‍ സന്ദര്‍­ഭ­വും സാ­ഹ­ച­ര്യ­വും സമ­യ­വും ഇല്ലാ­ത്ത കലാ­കാ­ര­ന്മാ­രെ ഒരു സം­ഗീ­ത­ക്കൂ­ട്ടാ­യ്മ­യ്ക്കു കീ­ഴില്‍ അണി­നി­ര­ത്തു­ക­യാ­ണ് ഇതി­ന്റെ ആത്യ­ന്തിക ലക്ഷ്യം. ലോ­ക­ത്തി­ന്റെ ഏതു­ഭാ­ഗ­ങ്ങ­ളി­ലാ­യാ­ലും ഇന്റെര്‍­നെ­റ്റ് സൗ­ക­ര്യ­മു­ണ്ടെ­ങ്കില്‍ ഇതി­ന്റെ പ്ര­വര്‍­ത്ത­ന­ങ്ങ­ളു­ടെ ഭാ­ഗ­മാ­കാന്‍ പ്ര­തി­ഭാ­ധ­ന­രായ ആര്‍­ക്കും കഴി­യും. ആരാ­ണ് പാ­ടു­ന്ന­ത്, എഴു­തു­ന്ന­ത്, സം­ഗീ­തം നല്‍­കു­ന്ന­ത് എന്നീ സ്ഥി­രം മുന്‍­വി­ധി­കള്‍ ഇല്ലാ­തെ എങ്ങ­നെ പാ­ടി­യി­രി­ക്കു­ന്നു, ഗാ­ന­സാ­ഹി­ത്യം എത്ര­മാ­ത്രം ഭം­ഗി­യാ­യി­രി­ക്കു­ന്നു, നല്‍­ക­പ്പെ­ട്ട സം­ഗീ­തം ആസ്വാ­ദ്യ­ക­ര­മാ­ണോ എന്ന് മാ­ത്രം നോ­ക്കി ആരു­ടെ സൃ­ഷ്ടി­യും സ്വീ­ക­രി­ക്കാ­നും പ്ര­സി­ദ്ധം ചെ­യ്യാ­നു­മു­ള്ള സൗ­ക­ര്യ­വും സാ­ങ്കേ­തിക സഹാ­യ­വും ചെ­യ്യു­ക­വ­ഴി മു­ഖ്യ­ധാ­ര­യെ അതി­ലം­ഘി­ക്കു­ന്ന­താ­ണ് ഇവ­രു­ടെ പ്ര­വര്‍­ത്ത­ന­ശൈ­ലി­.
ഇ­ത്ത­വ­ണ­ത്തെ ആല്‍­ബ­ത്തി­ലും പത്തു ഗാ­ന­ങ്ങ­ളാ­ണു­ള്ള­ത്. രചന ജി. നി­ശീ­കാ­ന്ത്, ചാ­ന്ദ്നി ഗാ­നന്‍, ഗണേ­ശ് ഓലി­ക്ക­ര, രാ­ഹുല്‍ സോ­മന്‍, ഗീത കൃ­ഷ്ണന്‍, ഡാ­നില്‍ ഡേ­വി­ഡ് എന്നി­വ­രും സം­ഗീ­ത­സം­വി­ധാ­നം രാ­ജേ­ഷ് രാ­മന്‍, ബഹു­വ്രീ­ഹി, ജി. നി­ശീ­കാ­ന്ത്, പോ­ളി വര്‍­ഗ്ഗീ­സ്, കൃ­ഷ്ണ­കു­മാര്‍ ചെ­മ്പില്‍, ഉണ്ണി­കൃ­ഷ്ണന്‍, മു­ര­ളി രാ­മ­നാ­ഥന്‍ എന്നി­വ­രും നിര്‍­വ്വ­ഹി­ച്ചി­രി­ക്കു­ന്നു­.
­ച­ല­ച്ചി­ത്ര പി­ന്ന­ണി­ഗാ­യി­ക­യായ ഗാ­യ­ത്രി അതി­ഥി ഗാ­യി­ക­യാ­യെ­ത്തു­ന്ന ഈ വര്‍­ഷ­ത്തെ ആല്‍­ബ­ത്തില്‍ വി­ജേ­ഷ് ഗോ­പാല്‍, രാ­ജേ­ഷ് രാ­മന്‍, രതീ­ഷ് കു­മാര്‍, ഉണ്ണി­കൃ­ഷ്ണന്‍, ദി­വ്യ മേ­നോന്‍, മു­ര­ളി രാ­മ­നാ­ഥന്‍, സണ്ണി ജോര്‍­ജ്, ഊര്‍­മ്മിള വര്‍­മ്മ, ഹരി­ദാ­സ്, നവീന്‍, അഭി­രാ­മി എന്നി­വ­രാ­ണ് മറ്റു ഗാ­യ­കര്‍.
­ജ­യ്സണ്‍ ഡാ­നി­യല്‍, സി­ബു സു­കു­മാ­രന്‍, പ്ര­കാ­ശ് മാ­ത്യു, ജി. നി­ശീ­കാ­ന്ത് എന്നി­വ­രാ­ണ് പശ്ചാ­ത്തല സം­ഗീത സം­വി­ധാ­നം. റെ­ക്കോ­ഡി­ങ്ങ് & മി­ക്സി­ങ്ങ് നവീന്‍. എസ്, നവ­നീ­തം ഡി­ജി­റ്റല്‍, പന്ത­ളം­.
ഈ­ണ­ത്തി­ന്റെ 2011 ലെ ഗാ­ന­ങ്ങള്‍ കേള്‍­ക്കാന്‍:
ഗാ­ന­ങ്ങ­ളു­ടെ ക്രെ­ഡി­റ്റ് ചു­വ­ടെ­
1) പൂ­വേ­പൊ­ലി പാ­ടി­വ­ന്നു­...
­ര­ചന : ജി നി­ശീ­കാ­ന്ത്
, സം­ഗീ­തം : ബഹു­വ്രീ­ഹി, പശ്ചാ­ത്തല സം­ഗീ­തം : ജി നി­ശീ­കാ­ന്ത്
ആ­ലാ­പ­നം : രാ­ജേ­ഷ് രാ­മന്‍
& ഗാ­യ­ത്രി­
2) ഒരു നല്ല പൂ­പ്പാ­ട്ടു­മാ­യ്
­ര­ചന : രാ­ഹുല്‍ സോ­മന്‍
, സം­ഗീ­തം : ഉണ്ണി­കൃ­ഷ്ണന്‍, പശ്ചാ­ത്തല സം­ഗീ­തം : സി­ബു സു­കു­മാ­രന്‍
ആ­ലാ­പ­നം : ഉണ്ണി­കൃ­ഷ്ണന്‍
­സ­മൂ­ഹാ­ലാ­പ­നം : അജീ­ഷ് കു­മാര്‍
, സു­ശാ­ന്ത് ശങ്കര്‍, ഉണ്ണി­കൃ­ഷ്ണന്‍, രാ­ഹുല്‍ സോ­മന്‍ & സി­ബു സു­കു­മാ­രന്‍
3) ചി­ങ്ങ­പ്പൂ­ക്ക­ള­വര്‍­ണ്ണം­
­ര­ച­ന
, സം­ഗീ­തം, പശ്ചാ­ത്തല സം­ഗീ­തം : ജി നി­ശീ­കാ­ന്ത്
ആ­ലാ­പ­നം : രതീ­ഷ് കു­മാര്‍
4) ഒന്നാം മല­യു­ടെ­
­ര­ചന : ചാ­ന്ദ്നി
, സം­ഗീ­തം : മു­ര­ളി രാ­മ­നാ­ഥന്‍, പശ്ചാ­ത്തല സം­ഗീ­തം : പ്ര­കാ­ശ് മാ­ത്യു­
ആ­ലാ­പ­നം : മു­ര­ളി രാ­മ­നാ­ഥന്‍
& ഊര്‍­മ്മിള വര്‍­മ്മ
5) അഞ്ജ­ന­ക്ക­ണ്ണെ­ഴു­തി­
­ര­ച­ന
, സം­ഗീ­തം : ജി നി­ശീ­കാ­ന്ത്, പശ്ചാ­ത്തല സം­ഗീ­തം : ജയ്സണ്‍
ആ­ലാ­പ­നം : ദി­വ്യ മേ­നോന്‍
6) ഓര്‍­മ്മ­യി­ലാ­ദ്യ­ത്തെ­
­ര­ചന : ഗണേ­ശ് ഓലി­ക്ക­ര
, സം­ഗീ­തം : ജി നി­ശീ­കാ­ന്ത്, പശ്ചാ­ത്തല സം­ഗീ­തം : ജയ്സണ്‍
ആ­ലാ­പ­നം : സണ്ണി ജോര്‍­ജ്
7) പൂ­വ­ണി­ക്ക­തി­ര­ണി­
­ര­ചന : ഗീത കൃ­ഷ്ണന്‍
, സം­ഗീ­തം : പോ­ളി വര്‍­ഗ്ഗീ­സ്, പശ്ചാ­ത്തല സം­ഗീ­തം : ജി നി­ശീ­കാ­ന്ത്
ആ­ലാ­പ­നം : നവീന്‍ എസ്
8) ആവ­ണി­പ്പു­ല­രി­തന്‍
­ര­ചന : ഡാ­നില്‍
, സം­ഗീ­തം : കൃ­ഷ്ണ­കു­മാര്‍ ചെ­മ്പില്‍, പശ്ചാ­ത്തല സം­ഗീ­തം : ജയ്സണ്‍
ആ­ലാ­പ­നം : ഹരി­ദാ­സ്
9) ഓര്‍­മ്മ­യി­ലാ­ദ്യ­ത്തെ­
­ര­ചന : ഗണേ­ശ് ഓലി­ക്ക­ര
, സം­ഗീ­തം : ജി നി­ശീ­കാ­ന്ത്, പശ്ചാ­ത്തല സം­ഗീ­തം : ജയ്സണ്‍
ആ­ലാ­പ­നം : അഭി­രാ­മി­
10) തത്ത­ക്കി­ളി­ച്ചു­ണ്ടന്‍
­ര­ചന : ജി നി­ശീ­കാ­ന്ത്
, സം­ഗീ­തം : രാ­ജേ­ഷ് രാ­മന്‍, പശ്ചാ­ത്തല സം­ഗീ­തം : ജി നി­ശീ­കാ­ന്ത്
ആ­ലാ­പ­നം : വി­ജേ­ഷ് ഗോ­പാല്‍
ഈ­ണം പഴയ ആല്‍­ബ­ങ്ങ­ളി­ലെ ഗാ­ന­ങ്ങള്‍ കേള്‍­ക്കാന്‍
നാദത്തിലെ ഗാ­ന­ങ്ങള്‍ കേള്‍­ക്കാന്‍
പിന്നണിയില്‍
Web Administration & Data Coordination : Kevin Siji & Kiranz
Page Layout & Design : Nandakummar
Online support, Supervision & Public Relation : Rajesh Raman, Sandhya Rani, Danil David, Dileep Viswanathan, Vineeth & Bahuvreehi
Recording, Mixing & Mastering Coordination : Naveen S
Eenam/Nadam Project Direction & Coordination : G Nisikanth

ബൂലോകസഞ്ചാരം -11




ദേ വീണ്ടും ഒരു ഓണക്കാലം വന്നുചേര്‍ന്നു. എല്ലാവരും തിരക്കുപിടിച്ച ഓണനാളുകളില്‍ ആണെന്ന് അറിയാം. എന്തോ കഴിഞ്ഞ ദിവസം വളരെ യാദൃശ്ചികമായി രണ്ട് വ്യത്യസ്ത ബ്ലോഗുകളില്‍ എത്തപ്പെട്ടു. അവയെ ഇവിടെ സഞ്ചാരത്തിലൂടെ പരിചയപ്പെടുത്തേണ്ടതുണ്ട് എന്ന് തോന്നിയത് കൊണ്ട് അധികം മുഖവുരകള്‍ ഇല്ലാതെ തന്നെ ബൂലോകസഞ്ചാരത്തിന്റെ ഈ ഭാഗം ഇവിടെ കുറിക്കട്ടെ.

ബെര്‍ളി തോമസിനെ കുറിച്ച് ബ്ലോഗര്‍മാര്‍ പറയുന്ന ഒരു വാചകമുണ്ട്. ബെര്‍ളിക്ക് ബ്ലോഗ് കക്കൂസില്‍ പോകുന്നത് പോലെയാണെന്ന്. അതായത് ഒഴിവാക്കാന്‍ വയ്യാത്ത ഒന്നാണ് ബെര്‍ളിക്ക് ബ്ലോഗ് എന്ന് സാരം. അത്രയേറെ ബ്ലോഗില്‍ ബെര്‍ളി അപ്‌ഡേറ്റ് ആണ്. ബെര്‍ളിത്തരങ്ങളിലെ മനോഹരമായ ആക്ഷേപഹാസ്യങ്ങള്‍ വായിക്കാത്തവര്‍ നമുക്കിടയില്‍ കുറവായിരിക്കുകയും ചെയ്യും. ഇതാ ബ്ലോഗെന്നാല്‍ എനിക്ക് സ്കൂളിലെ ബോര്‍ഡ് പോലെയും ആഹാരം കഴിക്കുന്നത് പോലെ ചിന്തിക്കുന്നതും ബ്ലോഗ് വായിക്കുന്നതും എനിക്ക് അത്യന്താപേക്ഷിതമായ ഒന്നാണെന്ന് സ്വയം പറഞ്ഞുകൊണ്ട് നമുക്കിടയിലേക്ക് കഥകളും കവിതകളും ലേഖനങ്ങളുമായി കടന്നു വരുന്നു ഒരു കോതമംഗലത്തുകാരന്‍. കൃത്യമായി പറഞ്ഞാല്‍ ഒരു പൈമറ്റത്തുകാരന്‍. പൈമ എന്ന പേരില്‍ ഒരു ബ്ലോഗ് കണ്ടപ്പോള്‍ പ്രദീപ് പൈമ എന്ന പേരു കണ്ടപ്പോള്‍ വല്ലാതെ അത്ഭുതപ്പെട്ടു. എന്തായിരിക്കും ഈ പേരിന്റെ അര്‍ത്ഥം? ഒടുവില്‍ ബ്ലോഗിലൂടെയുള്ള സഞ്ചാരത്തിനിടയില്‍ പ്രദീപിന്റെ തന്നെ ആത്മലേഖനത്തില്‍ 'പേരിന്റെ വഴി' വ്യക്തമാക്കിയിരിക്കുന്നത് കണ്ടെത്തുകയായിരുന്നു. അതേ പോസ്റ്റില്‍ നിന്നും തന്നെ മറ്റൊരു സമസ്യക്ക് കൂടെ ഉത്തരം കിട്ടി. മറ്റൊന്നുമല്ല, പ്രദീപിന്റെ ഭൂരിഭാഗം പോസ്റ്റുകളും ലഹരിക്കെതിരെയുള്ള പോരാട്ടാമായോ ഉപദേശങ്ങളായോ കണ്ടിരുന്നു. ആത്മാര്‍ത്ഥ സുഹൃത്ത് അത്തരം ഒരു വഴിയിലേക്ക് എടുത്തെറിയപ്പെട്ട സങ്കടത്തില്‍ നിന്നാണ് പ്രദീപ് അത്തരത്തില്‍ ഒരു പ്രവര്‍ത്തനത്തില്‍ ഏര്‍പ്പെട്ടത്. നല്ല കാര്യം തന്നെ. ബ്ലോഗിലൂടെയെങ്കിലും ലഹരി വിരുദ്ധവികാരം മറ്റുള്ളവരിലേക്ക് എത്തിക്കുവാന്‍ പ്രദീപ് ശ്രമിക്കുന്നു എന്നത് തീര്‍ത്തും പ്രശംസനീയമായ ഒന്നു തന്നെ.

പക്ഷെ ഇതൊന്നുമല്ല, പ്രദീപ് പൈമ എന്ന എഴുത്തുകാരനെ പരിചയപ്പെടുത്താന്‍ ഉള്ള കാരണം. വ്യത്യസ്തങ്ങളായ ആഖ്യാനശൈലികള്‍, കൊതിപ്പിക്കുന്ന വിഷയ വൈവിധ്യങ്ങള്‍ ഇവയെ കണ്ടില്ലെന്ന് നടിക്കാന്‍ കഴിയില്ല. നഷ്ടപ്പെടല്‍ എന്ന കവിത നോക്കൂ.

കാമം കത്തി ജ്വലിക്കുമ്പോള്‍ കാമുകിക്ക്
നല്‍കിയ ചുംബനം തെറ്റായിരുന്നു
അത് പ്രണയം നഷ്ടപെടുത്തി
പ്രകടിപ്പിക്കാന്‍ കഴിയാത്ത സ്നേഹം
കുടുബത്തിന് തെറ്റായിരുന്നു
അത് സമാധാനം നഷ്ടപെടുത്തി - എന്ന് തുടങ്ങി

ജിവിതത്തില്‍ പ്രതീക്ഷ ഇല്ലാതായപ്പോള്‍
ഞാന്‍ എന്നെ നഷ്ടപ്പെടുത്തി. എന്ന വരികളില്‍ എത്തുമ്പോള്‍ വലിയ ഒരു തത്വം പറയുന്ന പോലെ ഫീല്‍ ചെയ്യുമെങ്കിലും ആ കവിതയില്‍ ഉള്‍ക്കൊള്ളൂന്ന അര്‍ത്ഥങ്ങള്‍ .. അവ നമ്മോട് ഒരുപാടൊക്കെ പറയുന്നില്ലേ എന്ന് തോന്നിപ്പോകുന്നു.

പ്രണയത്തിന്റെ ഗന്ധം എന്ന കഥ ഇന്നത്തെ ജീവിതങ്ങളുടേ നേര്‍ചിത്രങ്ങള്‍ ആണ്. തെറ്റുകളില്‍ നിന്നും തെറ്റുകളിലേക്ക് മനുഷ്യന്‍ നയിക്കപ്പെടുന്ന കാലം. ആ കാലത്തെ , അതിന്റെ ചുറ്റുപാടുകളെ മനോഹരമായി പ്രദീപ് ഈ കഥയിലൂടെ പറഞ്ഞുവെയ്ക്കുന്നു.

ചെറിയ ചിന്തകള്‍ എന്ന കഥയിലൂടെ വലിയ ഒരു ചിന്തക്കുള്ള വിഭവങ്ങള്‍ നമുക്ക് നല്‍കുന്നു പ്രദീപ്. തികച്ചും ഒരു സാധാരണ കഥയാകുമായിരുന്നതിനെ കഥയുടെ അവസാനഭാഗത്ത് കൊണ്ടുവന്ന വ്യത്യസ്തമായ ട്വിസ്റ്റിലൂടെ നല്ല ഒരു വിഷയമാക്കി മാറ്റാനുള്ള ആ കഴിവ്. അത് അംഗീകരിക്കപ്പെടേണ്ടത് തന്നെ. നിവേദ്യം, ചിത്രപീഠം എന്നീ ബ്ലോഗുകളും പൈമയുടെ എഴുത്തുകാരന് സ്വന്തമായുണ്ട്.

നാട്ടിന്‍‌പുറത്തിന്റെ വിശുദ്ധിയുമായി കഥകള്‍ പറയുന്ന , കവിതകള്‍ നല്‍കുന്ന, ലഹരിയോട് പൊരുതുന്ന ഈ കൂട്ടുകാരനില്‍ നിന്നും സിറ്റിസണ്‍ ജേര്‍ണലിസത്തിന്റെ വ്യത്യസ്തമായ വഴികള്‍ ചവിട്ടി കയറുന്ന പുഷ്‌പുള്‍ എന്ന ബ്ലോഗില്‍ എത്തുമ്പോള്‍ മറ്റൊരു തരം ഫീല്‍ ആണ് കിട്ടുന്നത്. അനൂപ് മോഹന്‍ എന്ന ശ്രീമൂലനഗരത്തുകാരന്‍ മീഡിയ പ്രവര്‍ത്തകന്റെ ബ്ലോഗിലൂടെ സഞ്ചരിച്ചാല്‍ നമുക്ക് കാണാനാവുക കൂടുതലും വ്യത്യസ്തതയുള്ള രചനകള്‍ തന്നെ. ഏറ്റവും പുതിയ പോസ്റ്റായ മണ്ണിലേക്ക് കുഴിവെട്ടുന്ന ബേബിയായാലും അരങ്ങിന്റെ ഓമനക്ക് എന്ന പോസ്റ്റിലായാലും എല്ലാം ഇങ്ങിനെ ചിലര്‍ ഇവിടെ ജീവിക്കുന്നു എന്ന് നമ്മെ ഓര്‍മ്മിപ്പിക്കുവാനുള്ള ശ്രമം നടത്തുന്നു അനൂപ്.

ഒരു തീവണ്ടികഥയില്‍ നിന്നുമാണ് പുഷ്‌പുള്‍ തുടങ്ങുന്നത്. പിന്നീട് പുഷ്‌പുള്ളിന്റെ യാത്രയില്‍ ഫിറ്റ് ചെയ്ത ബോഗികളെല്ലാം കാലീകവും വ്യത്യസ്തവും തന്നെ.

ഒരു മീഡിയ പ്രവര്‍ത്തകനായതുകൊണ്ടാവാം സിനിമയോടും അതിനോടനുബന്ധമായ കാര്യങ്ങളോടും വല്ലാത്ത ഒരു ക്രേസ് അനൂപിന്റെ അന്വേഷണങ്ങളില്‍ കാണാന്‍ കഴിയും. അഭ്രപാളിയിലെ അമ്മമാര്‍, ഒരിടത്തൊരു റഷീദ് കൌസല്യയുടെ മകന്‍ സലിം , മാള മുതല്‍ മാള വരെ അങ്ങിനെ ഓട്ടേറെ സിനിമാ സംബന്ധിയായ പോസ്റ്റുകള്‍ / അഭിമുഖങ്ങള്‍ നമുക്ക് പുഷ്‌പുള്ളിന്റെ ബോഗികളില്‍ കാണാം. വ്യത്യസ്തതയുള്ള ഈ ബ്ലോഗിലൂടെ സഞ്ചരിക്കാന്‍ കഴിഞ്ഞതിലും ആ പോസ്റ്റുകള്‍ നിങ്ങളോടൊത്ത് പങ്കുവെക്കാന്‍ കഴിഞ്ഞതിലും എനിക്ക് സന്തോഷമുണ്ട്. വായന അര്‍ഹിക്കുന്ന ഈ പൈമയിലേക്കും പുഷ്‌പുള്ളിലേക്കും നിങ്ങളെ നയിക്കുന്നതോടൊപ്പം നല്ല ഒരു ഓണക്കാലവും ആശംസിച്ചുകൊണ്ട് ഇനിയും സന്ധിക്കും വരേക്കും വണക്കം.

ഓണാശംസകളോടെ,



മനോരാജ്
തേജസ്

പോപ്പുലർ പോസ്റ്റുകൾ