ബഹറിന്‍ കേരളീയ സമാജം ഫോട്ടോഗ്രഫി ക്ലബ്‌ ഉദ്ഘാടനം

കഴിഞ്ഞ ജൂണ്‍ 25 വെള്ളിയാഴ്ച ബഹറിനില്‍ ഫോട്ടോഗ്രഫിയെ സ്നേഹിക്കുന്ന മലയാളികളുടെ ഒരു കൂട്ടായ്മയുടെ ഉദ്ഘാടനം, അതോടൊപ്പം തന്നെ ഈ കൂട്ടായ്മയിലെ 40 ഓളം വരുന്ന അംഗങ്ങള്‍ എടുത്ത ഫോട്ടോകളുടെ ഒരു പ്രദര്‍ശനവും ബഹറിന്‍ കേരളീയ സമാജം ഹാളില്‍ നടന്നു. പ്രസ്തുത പരിപാടിയുമായി ബന്ധപ്പെട്ട് സമാജത്തിന്റെ അംഗമായ ലിനു തയ്യാറാക്കിയ വിവരണം...


നിലവിളക്ക് കൊളുത്തി ഖലീഫ ഷഹീന്‍ ഉദ്ഘാടനം നിര്‍വഹിക്കുന്നു.
ചുറ്റും നില്‍ക്കുന്നത് സമാജം ഭാരവാഹികള്‍.
ഈ കൂട്ടായ്മയുടെ ഉത്ഘാടനം നിര്‍വഹിച്ചത് ബഹറിനിലെ പ്രശസ്ത ചലച്ചിത്രകാരന്‍ ഖലീഫ ഷഹീന്‍ ആയിരുന്നു. മലയാളത്തില്‍ സദസ്സിനു നമസ്കാരം പറഞ്ഞുകൊണ്ടാണ് ഉദ്ഘാടകന്‍ പ്രസംഗം ആരംഭിച്ചത്. ഇന്ത്യയുടെ വിവിധ ഭാഗങ്ങളില്‍, ഒരു പാട് തവണ സന്ദര്‍ശിച്ച അദ്ദേഹത്തിനു നമ്മുടെ നാട്ടിനെ പറ്റി പറയാന്‍ ഒരു നൂറു കാര്യങ്ങള്‍ ഉണ്ടായിരുന്നു, ഈ കാണുന്ന ഗള്‍ഫ്‌ എന്നത് നമ്മെ പോലെ ഓരോ പ്രവാസിയുടെയും പ്രയത്ന ഫലമാണെന്ന് അദ്ദേഹം പ്രത്യകം സൂചിപ്പിച്ചു,അതിനുള്ള നന്ദിയും പ്രകാശിപ്പിക്കാന്‍ ആ വലിയ മനുഷ്യന്‍ മടി കാണിച്ചില്ല. ഫൂട്ടൂഗ്രഫി ക്ലബ്ബിന്റെ ഉത്ഘാടനത്തിനു ശേഷം ഫോട്ടോ പ്രദര്‍ശനവും അദ്ദേഹം നാട മുറിച്ചു ഉദ്ഘാടനം ചെയ്തു. പ്രദര്‍ശനത്തില്‍ അദ്ദേഹത്തിന്‍റെ കുറച്ചു ഫോട്ടോകളും ഉണ്ടായിരുന്നു, ഒക്കെ ഇന്ത്യയും ബഹറിനും തമ്മിലുള്ള സൌഹൃദത്തിന്റെ പടങ്ങള്‍, നമ്മുടെ മുന്‍ പ്രധാന മന്ത്രിമാരായ നെഹ്‌റുവും, ഇന്ദിരാഗാന്ധിയുമൊക്കെ ഇവിടെ സന്ദര്‍ശിച്ചപ്പോള്‍ എടുത്ത പടങ്ങള്‍, മുന്‍ പ്രസിഡണ്ട്‌ ഗ്യാനി സെയില്‍ സിംഗിന്റെ പടം,ഇവിടുത്തെ പഴയ ഭരണാധികാരികള്‍ ഒക്കെ ആ പടങ്ങളില്‍ ഉണ്ട്. ഈ ഓരോ പടങ്ങളും വിശദീകരിക്കാനും ഖലീഫ ഷഹീന്‍ സന്മനസ്സു കാണിച്ചു. ഫോട്ടോഗ്രഫിയെ പറ്റി നല്ലൊരു പ്രഭാഷണവും അദ്ദേഹം ഉദ്ഘാടന പ്രസംഗത്തില്‍ നടത്തിയിരുന്നു, അദ്ദേഹത്തിന്‍റെ വാക്കുകളില്‍ ഫോട്ടോഗ്രഫി എന്നത് 'Reflections' ആണ്. അത് കാലങ്ങളുടെയോ, പ്രകൃതിയുടെയോ, വ്യക്തികളുടെയോ എന്തുമാകാം...

ഖലീഫ ഷഹീന്‍

പ്രശസ്ത പ്രവാസസാഹിത്യകാരന്‍ ശ്രീ. ബാജി ഓടംവേലി ഒരു വാക്ക് സദസ്സിനോട്...

ബാജി ഞങ്ങളെ വിളിക്കുന്നത്‌ 'ഫോട്ടോഗ്രഫി ഭ്രാന്തന്‍മാര്‍'എന്നാ... ഞങ്ങളുടെ 'ഭ്രാന്തിനേക്കാള്‍ ഭ്രാന്തമായ' ആവേശത്തോടെയാണ് ബാജി ഓടിനടന്നു 20 ദിവസങ്ങള്‍ക്കുള്ളില്‍ ഈ ഒരു കൂട്ടായ്മ രൂപീകരിച്ചു, ഉദ്ഘാടനവും, പ്രദര്‍ശനവുമൊക്കെ സംഘടിപ്പിച്ചത്. ഈ വലിയ ഭ്രാന്തനോടുള്ള നന്ദി വാക്കുകള്‍ കൊണ്ട് പ്രകാശിപിച്ചാല്‍ തീരുന്നതല്ല.

ടീന സൂസന്‍ ഫിലിപ്പ്, അവതാരക.

ഫോട്ടോഗ്രഫി ക്ലബ്‌ കണ്‍വീനെര്‍ ശ്രീ മാത്യൂസ്‌ കെ. ഡി. യുടെ സ്വാഗതപ്രസംഗം.

കാതോര്‍ത്തിരിക്കുന്ന സദസ്സ്.

സമാജം പ്രസിഡണ്ട്‌ ശ്രീ പി. വി. രാധാകൃഷ്ണ പിള്ളയുടെ ആദ്യക്ഷ പ്രസംഗം.

മുഖ്യ പ്രഭാഷണം ശ്രീ. ഷീന്‍ ജോണ്സണ്‍

സമാജം സെക്രട്ടറി എന്‍. കെ. വീരമണിയുടെ ആശംസാ പ്രസംഗം.

ഖലീഫ ഷാഹീന് സമാജത്തിന്‍റെ ഒരു സ്നേഹോപഹാരം.

ഫോട്ടോഗ്രാഫി ഭ്രാന്തന്‍മാരിലെ ഒരു പ്രധാനിയായ അഡ്വകേറ്റ് അബ്ദുല്‍ ജലീലിന്റെ നന്ദി പ്രകാശനം

ഫോട്ടോ പ്രദര്‍ശനം ഖലീഫ ഷഹീന്‍ നാട മുറിച്ചു തുറന്നു കൊടുക്കുന്നു.

പഴയ ഇന്ത്യ - ബഹറിന്‍ ബന്ധങ്ങളെ സൂചിപ്പിക്കുന്ന പടങ്ങള്‍, ഒക്കെ ഖലീഫ ഷഹീലിന്റെ ശേഖരത്തില്‍ നിന്നും. ഇതൊരു ചരിത്ര രേഖയാണ്....
ഖലീഫ പറഞ്ഞതുപോലെ ചരിത്രത്തിന്റെ പ്രതിബിംബങ്ങള്‍....

ഇതാ നില്‍ക്കുന്നു ഇന്ദിരാഗാന്ധി

ഈ കുരുന്നുകളോടൊക്കെ അന്ന് ഖലീഫ ചോദിച്ചിരുന്നു,
നിങ്ങള്‍ക്കും ഫോട്ടോഗ്രാഫെര്‍ ആകെണ്ടേ എന്ന്...



പ്രദര്‍ശനം കാണാന്‍ എത്തിയവര്‍.

മുക്കണ്ണന്‍മാരും , മുക്കണ്ണികളും... (ഒരേ തൂവല്‍ പക്ഷികള്‍...)
വരും ദിവസങ്ങളില്‍ ഫോട്ടോ ഗ്രാഫി യുമായി ബന്ധപെട്ട വിവിധ പരിപാടികള്‍ ഈ ക്ലബ്ബിന്റെ നേതൃത്വത്തില്‍ നടക്കും, ഫോട്ടോഗ്രഫി യില്‍ താല്പ്പര്യ മുളളവര്‍ക്കായി എല്ലാ മാസവും പരിശീലന ക്ലാസ്സുകള്‍ ഉണ്ടാകും, കുട്ടികള്‍ക്ക് പ്രത്യേകം പരിശീലനമുണ്ട്. ഈ മേഘലയിലേക്ക് പുതുതായി വരുന്ന ആളുകള്‍ക്ക് പരിചയപ്പെടാന്‍ വേണ്ടി വിവിധ ഇനം ക്യാമറകളുടെയും, അനുബന്ധ ഉപകരണ ങ്ങളുടെയും പ്രദര്‍ശനവും സജ്ജീകരിക്കുന്നുണ്ട്. ഫോട്ടോഗ്രഫെര്‍മാര്‍ അഭിമുഖീകരിക്കുന്ന പ്രശ്നങ്ങള്‍ക്ക് പരിഹാരം കാണാന്‍ ആയി ഒരു ടെക്കനിക്കല്‍ സപ്പോര്‍ടിംഗ് ടീം ഉണ്ടായിരിക്കും.

ഔട്ട്‌ ഡോര്‍ ട്രിപ്പുകള്‍ സംഘടിപ്പിക്കുകയും, എടുക്കുന്ന ഫോട്ടോകളെ കുറിച്ചുള്ള അവലോകനങ്ങള്‍ നടത്തുകയും ചെയ്യും, സമാജത്തിന്‍റെ സാഹിത്യ വിഭാഗത്തിന്റെ മേല്‍നോട്ടത്തിലാണ് ക്ലബ്‌ പ്രവര്‍ത്തിക്കുന്നത്. മാത്യൂസ്‌ കെ. ഡി. കണ്‍വീനെറും, ലിനു, റെജി പുന്നോളി എന്നിവര്‍ ജോ. കണ്‍വീനെര്‍മാരുമായുള്ള കമ്മറ്റിയാണ് പ്രവര്‍ത്തനങ്ങള്‍ക്ക് നേതൃത്വം നല്‍കുന്നത്. സാഹിത്യ വിഭാഗം സെക്രട്ടറി ബിജു. എം. സതീഷ്‌ ആണ് കോ-ഓര്‍ഡിനേട്ടര്‍ നിങ്ങള്‍ ഫോട്ടോഗ്രഫിയെ ഇഷ്ടപെടുന്ന ഒരു ബഹറിന്‍ നിവാസി ആണെങ്കില്‍, വരണം ഈ കൂട്ടായ്മയിലേക്ക്... നമുക്ക് പഠിച്ചും, പഠിപ്പിച്ചും മുന്നേറാം..... ഇതാ കുറച്ചു അണിയറയിലെ കാഴ്ചകള്‍... ഉത്ഘാടനത്തിന്റെ തലേ ദിവസം രാത്രി ഒരു പാട് വൈകിയും ഞങ്ങള്‍ അവിടെ അടുത്ത ദിവസത്തേക്കുള്ള ഒരുക്കങ്ങളില്‍ ആയിരുന്നു, നാട്ടില്‍ ഒരു കല്യാണ വീട്ടില്‍ ഒത്തു കൂടുന്നത് പോലെ.... എല്ലാവരും അവരവരെ കൊണ്ട് ചെയ്യാവുന്ന കാര്യങ്ങളില്‍ മുഴുകി...

ഫോട്ടോകള്‍ തരം തിരിച്ചു കഴിഞ്ഞു...
പ്രദര്‍ശനത്തിനുവന്ന എല്ലാ ഫോട്ടോസും തരം തിരിക്കലായിരുന്നു ആദ്യത്തെ പണി..പിന്നെ എല്ലാ ഫോട്ടോകള്‍ക്കും ആവശ്യമായ മൌണ്ട് ഒട്ടിക്കല്‍...

ഫോട്ടോകള്‍ക്ക് ആവശ്യമായ മൌണ്ട് തയാറാക്കുന്നു....
അതിനു ശേഷം ഓരോരുത്തരുടെയും ഫോട്ടോസ് പ്രത്യേകം ചേര്‍ത്തുവെക്കല്‍...അത് കഴിയുമ്പോഴേക്കും അര്‍ദ്ധരാത്രി രണ്ടു മണി ആകാറായി....പിന്നെ അടുത്ത ദിവസം ഓരോരുത്തരും ചെയ്യേണ്ട കാര്യങ്ങളെ പറ്റി ഒരു ചെറിയ വിവരണം....

കാലത്ത് വന്നാല്‍ബോര്‍ഡില്‍ പതിക്കാനുള്ള ക്രമത്തില്‍ ഫോട്ടോകള്‍ അടുക്കി വെക്കുന്നു...

ഇടക്കൊരു ചെറിയ തീറ്റ മത്സരം... നിരന്നു നിന്ന് കൊണ്ട്.....
പിറ്റേന്ന് വെള്ളിയാഴ്ച.. ഒരു ഗള്‍ഫ്‌കാരന് ഒന്ന് സ്വസ്ഥമായി ഉറങ്ങാനുള്ള ഒരേ ഒരു ദിവസം... അതൊക്കെ മാറ്റി വച്ചു എല്ലാവരും കൃത്യ സമയത്ത് തന്നെ ഹാജര്‍.... പിന്നെ ഫോട്ടോസ് ബോര്‍ഡില്‍ പതിക്കല്‍... അതോടൊപ്പം തന്നെ ആവശ്യമായ അടിക്കുറിപ്പുകളും, ഫോട്ടോ തന്നവരുടെ പേരുകള്‍ എഴുതി ചേര്‍ക്കല്‍.... പിന്നെ ഫോട്ടോ പതിച്ച ബോര്‍ഡുകള്‍ യഥാ സ്ഥാനത്തു സ്ഥാപിക്കല്‍... ഇത് കഴിയുമ്പോഴേക്കും വൈകീട്ട് മൂന്നേ മുപ്പതു... പിന്നെയും ഒരു മണിക്കൂര്‍ ബാക്കി....
ഫോട്ടോകള്‍ ബോര്‍ഡില്‍ പതിക്കുന്നു....

ബോര്‍ഡുകള്‍ യഥാസ്ഥാനത്തേക്ക്.... ഒരു ഗ്യാലെരി ആക്കിമാറ്റുന്നു...

അവസാന മിനുക്ക്‌ പണികള്‍....

ഫോട്ടോകള്‍ സന്ദര്‍ശകരെയും കാത്തു.....


അതെ ഞങ്ങള്‍ ഇത്രത്തോളം പ്ലാന്‍ ചെയ്താണ് കാര്യങ്ങള്‍ നടത്തിയത്. ഇതിനു പ്രത്യേകം നന്ദി ഓരോ അംഗങ്ങളോട് പറയേണ്ടതുണ്ട്. പിന്നെ വലിയ നന്ദി അറിയിക്കേണ്ടത് ഇപ്പോഴത്തെ സമാജം കമ്മിറ്റി അംഗങ്ങലോടാണ്. ഇത്രയും പേര്‍ക്ക് ഒത്തുകൂടാന്‍ ഇത് പോലൊരു വേദി ഒരുക്കി തന്നതിന്.... ഓണ്‍ലൈനില്‍ മാത്രം കണ്ട പല മുഖങ്ങളെയും നേരില്‍ കാണാന്‍ കിട്ടിയ ഒരവസരം കൂടെ ആയിരുന്നു ആ വെള്ളിയാഴ്ച, ആദ്യമായി കാണുകയാണെന്ന ഒരു അപരിചിതത്വവുമില്ലാതെ എന്നും കാണുന്ന ഒരു കുടുംബാങ്ങതോടെന്നപോലുള്ള കുശലം പറച്ചിലുകള്‍.... എല്ലാം കൊണ്ട് ഗംഭീരമായിരുന്നു അന്നത്തെ ആ സന്ധ്യ... എല്ലാവര്‍ക്കും മനസ്സില്‍ സൂക്ഷിക്കാന്‍ ഒരു നല്ല ദിനം.... നന്ദി ഒരിക്കല്‍ കൂടെ, ഈ ക്ലബ്ബിന്റെ പേരിലും, പിന്നെ എന്റെ വ്യക്തിപരമായ പേരിലും നേരില്‍ വന്നും അല്ലാതെയും സഹകരിച്ച എല്ലാവരോടും.....
സ്നേഹപൂര്‍വ്വം ലിനു

15 Responses to "ബഹറിന്‍ കേരളീയ സമാജം ഫോട്ടോഗ്രഫി ക്ലബ്‌ ഉദ്ഘാടനം"

  1. തകര്‍പ്പന്‍ വിവരണവും ചിത്രങ്ങളും.
    ക്ലബ്ബിനു എല്ലാ ആശംസകളും..!!

    ReplyDelete
  2. ചിത്രങ്ങളും വിവരണവും നന്നായി. ലിനുവിനു നൂറു നൂറു നന്ദി. ക്ലബ്ബിന്റെ പ്രവര്‍ത്തനത്തില്‍ എല്ലാവരുടെയും സഹകരണം പ്രതീക്ഷിക്കുന്നു.

    ReplyDelete
  3. very good article..best wishes from
    BKS Cinema Club....

    ReplyDelete
  4. സമയക്കുറവില്‍,
    പടങ്ങള്‍ മുഴുവനും കാണാനായില്ല.
    പക്ഷെ, നടപ്പുരീതിയനുസരിച്ച് ‘അത്യുജ്ജ്വലങ്ങളാണവ’ എന്ന്
    രേഖപ്പെടുത്തിക്കോട്ടെ :)

    ReplyDelete
  5. വളരെ മനോഹരമായി ഈ പ്രദര്‍ശനം സംഘടിപ്പിച്ച ബഹറിന്‍ കേരളീയ സമാജം ഫോട്ടോഗ്രഫി ക്ലബ്ബിനു ഓള്‍ കേരള ഫോട്ടോഗ്രാഫേഴ്സ് അസോസിയേഷന്റെ ഭാവുകങ്ങള്‍ !
    ചിത്രങ്ങളില്‍ കാണുന്ന ഉണ്ണി ഞങ്ങളുടെ ആളാണേ !!!

    ReplyDelete
  6. നേരിട്ട് കാണാന്‍ പറ്റിയില്ല .. ബ്ലോഗില്‍ കൂടി കാണാന്‍ കഴിഞ്ഞതില്‍ സന്തോഷം

    ReplyDelete
  7. അസൂയകൊണ്ട് ഇരിക്കപ്പൊറുതി കിട്ടുന്നില്ല ലിനുവേ... ആ ചിത്രങ്ങളെല്ലാം അത്രയും വലുതാക്കി പ്രിന്റ് ചെയ്ത് വച്ചിരിക്കുന്നതുകാണുമ്പോൾ അതിലേറെ കുശുമ്പും തോന്നുന്നു.... :-) ഇതിന്റെ പിന്നിൽ പ്രവർത്തിച്ച എല്ലാവർക്കും അഭിനന്ദനങ്ങൾ.....

    ReplyDelete
  8. ഹ ഹ ഹാ... അതു കൊള്ളാമല്ലോ അപ്പു മാഷേ....!! ദുബൈയിലെ ജോലി മതിയാക്കി ഇങ്ങു ബഹറിനില്‍ വാ.... നമുക്ക് അടിച്ചു പൊളിക്കാം....

    ReplyDelete
  9. എല്ലാ വിധ ആശംസകളും ഈ നല്ല സംരംഭത്തിന്...

    ReplyDelete
  10. ബഹറിന്‍ ഫോട്ടോഗ്രാഫി ക്ലബ്ബിന് എല്ലാ ഭാവുകങ്ങളും.

    ReplyDelete
  11. ഫോട്ടോകളും വിവരണങ്ങളും നന്നായിരിക്കുന്നു.

    ReplyDelete
  12. ഇമ്മിണി വലിയ പോസ്റ്റാണെങ്കിലും വളരെ നന്നായിരിക്കുന്നൂ...

    ReplyDelete

നമ്മുടെ ബൂലോകത്തില്‍ ലേഖനങ്ങള്‍ എഴുതുന്നവര്‍ വായനക്കാരുടെ അഭിപ്രായങ്ങള്‍ ആഗ്രഹിക്കുന്നു. നിങ്ങളുടെ അഭിപ്രായങ്ങള്‍ മടിക്കാതെ കമന്റ് ചെയ്യൂ.....

പോപ്പുലർ പോസ്റ്റുകൾ